اطباق لذيذه ( سهل - متنوع - منقول - متجدد ) تابعونا

بطه فيها نطه · 10 أكتوبر 2010

78MariMar78

noorq8

نوره 99

أم@الحلوين

ريمي اميري

جارة القمر

أم حسون

بنت الكويت &

مشكورين بنات حبيباتي .. ماقصرتوا على المرور والمتابعه الحلوه

بطه فيها نطه · 10 أكتوبر 2010

منقوله من : مالها صاحب مؤكد

الطبقه الاولى ..

بسكوت مشرب بالحليب .. ورصيه بالصينيه ..

الطبقه الثانيه

نص علبة قشطه + 3 ملاعق كبيره نوتيلا .. اخلطيهم .. وادهني طبقة البسكوت فيهم ..

الطبقه الثالثه ..

بسكوت مشرب بالحليب .. ..

الطبقه الرابعه .. وهنا اللذه المجنونه ~

ظرفين دريم ويب .. ونص كوب حليب بااااااااااااااارد .. اخفقيها لين تصير عندك كريمه

ضيفي ..

ملعقتين كبار سكر بودره ..

و 4 حبآت جبن كيري ..

والنص البآقي من علبة القشطه ..

اخلطيهم تمااااااام ..

و افرديها فوق طبقة البسكويت ..

غطيها بالقصدير دخليها الفريزر لمده ساعتين او 3 ساعات المهم تجمد الطبقه ..

الطبقة الاخيره ~

2 جالكسي سآده .. 3 م ك نوتيلا .. علبة قشطه ..

بحمام مائي ..

لين يتجانسووو .. وبعدين افرديها بسرعه فوق الطبقه الكريميه .. لانها راح تجمد عليك .. ( فخليك سريعه بهالخطوه )

ابشري جالكسي .. عالوجهـ

غطيها بالقصدير ودخليها الفريزر ..

وعلشان آكون صريحه معآكم .. ساعات اخليها يوم كامل .. وساعات اخليهآ 4 ساعات بس وناكلها مباشره ..

مو مشكله الوقت .. مع انها لمن تجمد بتطلع لك كنها ايسكريم .. جوناااااان

بطه فيها نطه · 10 أكتوبر 2010

Classic cup cake

منقول من : мαĐα₥ē

بدون مقدمات .. احب الكوب كيك دارك تشوكليت ,, ولقيت وصفه لمارثا ستيوارت

ترجمتها <-- لاحظوا اني ترجمتها فديتني والله

وطبقتها وطلعت .. ؟؟؟

تعالوا معاي نشوف وش صار

بدايةً...

المقادير /

3/4 كوب كاكاو بودره

3/4 كوب ماء ساخن

3 اكواب طحين لجميع الاستخدامات

1 م صغيره باكينج صودا

1 م صغيره باكينج باودر

1 وَ 1/4 م صغيره ملح خشن .. حطيت ناعم

1 ونص كوب زبده طبعا غير مملحه

2 وَ 1/4 كوب سكر

4 بيضات كبيره حطيت خمسه لان البيض اللي عندي متوسط

1 م كبيره ونص فانيلا

1 كوب كريمه حامضه بحرارة الغرفه ( sour cream )

sour crem \

دورت الين دخت السبع دوخات وسالت واللي يقول لي لبنه - ومره زبادي - ومره كريمة خفق

فسألت الـ TOP CHEF وربي يجزاه الخير عطاني طريقتها وسويتها وطلعات توب التوب

وهي كوبين كريمة خفق مع ربع كوب لبن

وتركتهم برا الثلاجه لمدة 48 ساعه وخليتها في مكان مستقر وبحرارة الغرفه وفعلا طلع قوامها زي الزبادي .. قبل نرجه طبعا

الف شكر توب تشيف .. ماراح انسى تعاونك

الطريقه /

نفتح الفرن بحرارة 350 فهرنهايت

نخلط الماء الساخن مع بودرة الشوكولا الين تثقل ومايكون فيها تكتلات ..

ونضع في اناء اخر الطحين والباكينج بودر والصودا والملح

نذوب الزبده مع السكر في اناء على نار متوسطه الحراره ونحركها جيدا الين تصير ناعمه ومتماسكه

نشيلها من على النار ونضعها في وعاء زجاجي او نحطها في العجانه ونخلطها في سرعه منخفضه حتى تبرد من 4 - 5 دقائق ثم نضيف

البيض وحده ورا الثانيه ....

ثم نوقف الخليط ونضيف الفانيلا مع خليط الكاكاو ونخلطها زين

بعدين نضيف خليط الدقيق بالتناوب مع الكريمه الحامضه

نصبها في قوالب الكب كيك

طبعا نص الخليط جا معاي 24 كب كيك من الحجم الكبير والباقي سويته بقالب الكيك العادي

نصب الخليط في الكوب كيك حتى يملء ثلاث ارباع الكوب

وتخبز لمدة 20 دقيقه ثم تترك في الفرن لمدة 15 دقيقه

ونطلعها حتى تبرد بحرارة الغرفه

طريقة الفروستينج جاناش /

1 باوند شوكولا .. يعني تقريبا 400 جرام

2 وثلث كوب كريمة الخفق

ربع كوب شراب الذره

نضع الشوكولا في اناء ونذوبها

بعدين نحط الكريمه وشراب الذره في اناء على النار ونخلطها كويس بعدين نصبها عالشوكولا

ومانحركها نخليها ليما تذوب الشوكولا

بعدين نبدأ نخلط من الوسط الى الاطراف وكل خمس دقايق نرجع نخلطها الين تصير فاتحه وتتشكل

بعد مايبرد راح يثقل الجاناش من نفسه

وهذا شكله في النهايه /

بطه فيها نطه · 10 أكتوبر 2010

تكساس فرايز بشكل تانييي

منقوله من : صمت الوجود

انا استخدمت صينيه متوسطه موكبيره فااحتجت لـ :

كيس ودجز كريسبي 00

2بصل00

3طماطم00

بهارات مشكله00

1معجون طماطم00

1فلفل رومي00

فص ثوم00

1/4ك لحم مفروم اي نوع تفضلينه00

1/4ك جبن قشقوان 00

طريقتنا:

ندخل الودجز للفرن ونحمره بدون زيت ولاحاجه

نأخذ اللحمه ونغسلها بماءحار ونحطها بقدر ونضيف لها شوي هيل وشوي قرفه عشان

تروح زفرتها ونخليها لين تنشف مويتها

نقطع البصل والطماطم والفلفل والثوم 00ونضيفها كلها للحمه عالنار00

ونضيف معجون الطماطم والبهارات المشكله00 ونخليها عالنار الهاديه عشان تتسبك مزبوط

نروح الحين للبطاطس بعد ماتحمر بالفرن ونصف نصه بالصينيه اللي مجهزينها

ونصف فوقها شرايح من جبن القشقوان

بعدين نصف باقي البطاطس فوق القشقوان

نضيف اللحمه بعد ماتسبكت فوقهم بهالشكل

وبعدها نضيف بقية شرايح القشقوان

ندخلها الفرن من تحت وفوق لحد ماتتحمر 00وتكون بهالشكل

فديت منورة · 10 أكتوبر 2010

روعه
تسلم ايدج

بطه فيها نطه · 10 أكتوبر 2010

سلطه غير شكل

منقوله من : اوروبية الهوى

المقادير و الطريقه

باذنجان بطاطس قطعيها مكعبات و اقليها ..

ذره+ خس + جرجير + جزر + مكرونه مسلوقه + بقدونس + خيار + بصل اخضر ..

قلبيهم مع بعض ..

( مره سويتها بدون المكرونه طلعت الذ بالنسبه لي )

هاتي ( صدور دجاج قطعيه شرايح .. واشويه بزيت زيتون رشه ارويغانو واعشاب ايطاليه وملح فلفل اسود .. بس )

حطيه مع الخضار وقلبيهم سوا

وبعدين جهزي الصوصات

الاول ..

( سماق + زعتر اخضر العادي حق الساندوتشات شرح وحده راقده+ خل ابيض+ ملح + كزبره ناشفه + فلفل اسود زيت زيتون ) قلبيهم سوا

وحطيهم عــ الخضار ... وقلبيهم سوا

الثاني ..

( زبادي + حبة ثومه او بودرتها + طحينه + لبنه + فلفل اسود + ملح + سماق + مويه بارده )

قلبيهم .. وصبيها عالوجه ..

زينيها بـ بصل مقلي

او

شرايح الخبز

وهذي النتيجه الرووووووووعه

بطه فيها نطه · 10 أكتوبر 2010

فديت منورة قال:
روعه
تسلم ايدج

الله يسلمك مشكوره ..

بطه فيها نطه · 10 أكتوبر 2010

ميني كيك التمر بنكهة القهوة

منقول من : Torquise

كيكة رائعة جدا...وهشة لأبعد مايكون ومع فنجان قهوة ...اممممممم

المقادير:

في الخلاط .. نخلط المقادير بالترتيب:

بيضتين

فانيليا

ربع كوب سكربني

نص ك زيت

م ك نسكافيه

ثلث كوب حليب بودرة

كوب تمر +نص كوب ماء حار ويهرس قليلا بالشوكه

كوب دقيق

م.ص B P

ونصبها في اكواب الخزف او صينية الكب كيك المدهونة بالزيت ومرشوش عليها سمسم بهذا الشكل

نخبزها نص ساعة في فرن ساخن

ونخليها تبرد شوي وبعدين نقص الطبقة العليا بهذا الشكل عشان تصير قاعدتها مستوية لما نقلبها

ونزينها بخطوط من النستله ونرش عليها فستق

وهذا شكلها من الداخل.....

عواااااااااافي جربوها

بطه فيها نطه · 10 أكتوبر 2010

Crackers مقرمشش وهش وخفيف وطعمه

منقوله من : زهرة الزنبق

وأنا بصراحه جربت عجائن كثير هـ بس هذي غير وأعتدمتها خلاص من زمااان نصيحه لاتفوتوها

أنا أضفت كمون حب وانتم وذوقكم كل وحده تضيف النوع اللي تحبه هي واللي حولها ممكن تضيفون فلفل أسود أو حبة البركه أو كراويه

أوزعتر المهم انتم وذوقكم

ببدأ بالمقادير والطريقه //

250 جم دقيق

1 ملعقة شاي بكنج باودر

60 جم زبده لينه بحرارة الغرفه

1 ملعقة شاي كمون حب ( موب مطحون ) أو أيشي تفضلونه ( زعتر - فلفل - حبة حلوه )

1 ملعقة شاي ملح خشن

1/2 كوب ماء

1 صفار بيضه مع شوي ماء لدهن الوجه

ينخل الدقيق مع البكنج باودر والملح مع بعض ثم توضع الزبده ويفرك بالأصابع حتى تتداخل الزبده مع الدقيق ويصير يشبه فتات الخبز

يعمل بالنص حفره ويصب الماء بالتدريج ويعجن لأنه ممكن نحتاج كمية الماء كلها أو شوي منها

<< أنا أحتجتها كلها

وتضاف البذور اللي تحبين نكهتها أنا أضفت الكمون وتعجن تمام لمدة 5 دقائق

تلف في البلاستيك وتوضع بالثلاجه الجزء الأسفل لمدة 30 دقيقه
لازم تبرد

هذي شكلها بعد مابردت متماسكه <<كأنها جبنه

قطعتها أرباع ويفرد كل ربع حتى يكون رقيق شوي

وتقطع مستطيلات بطول متساوي وتوضع بالصينيه ونحاول نشتغل فيها بسرعه حتى تحافظ على برودتها

ويدهن وجهها بصفار البيضه ورش بقليل من الملح الخشن وتدخل الفرن المحمى مسبقا( يعني قبلها بـ 10 دقائق ) على درجة حراره 375

ف /// 220 م

وتخبز لمدة 12 ـ 15 دقيقه وتترك لتبرد وتتاكل مع إي صوص أو حتى بدون صوص

وممكن نحفظها لمدة أسبوع مع أنه ماشاء الله تخلص من وقتها

وقدميها مع صوص الرانش او اي صوص تحبينه .. وعواااافي

بطه فيها نطه · 10 أكتوبر 2010

قَررررمـِــــــش ( عجة البيض المقليه بالخضار )

منقوله من : Artos ~

المقادير

بصله متوسطه مفرومه ناعم .

جزره مبشوره

حبه صغيره فلفل رومي او نصف الحبه .

حبه كبيره بطاطس مبشور .

كراث او بقدونس .

ربع كوب دقيق

ملعقه كبيره نشاء .

ملعقه صغيره بكينج باودر .

ملح و كاري و فلفل أسود

فص ثوم مدقوق .

بيضتين .

حبحر( فلفل حر) للي يحبونه لاذع .

الطريقه :

نضيف الدقيق والنشاء والباكينج باودر والثوم والكاري للخضار ونقلب .

قبل القلي نضيف الملح والبيض والفلفل الاسود ، لازم قبل القلي لانه إذا طول ينزل البيض تحت ويطلع سوائل .

وهذا شكل المزيج

ناخذ كميه صغيره بالملعقه او شكليها بيدك واقليها بزيت غزير .

حطيها بورق نشاف وقدميها .

بطه فيها نطه · 10 أكتوبر 2010

صلصات مضبووووطه وتعجبك ..

منقوله من : توب شيف

*** صلصة البيتزا ***

*** Pizza Sauce ***

( صلصة الطماط الأساسية اللي هي كاتشب + 1م معجون طماط + ماء + ملح ) إطبخيه شوي على النار إلين ما يثقل شوي وبعدين

قطعي عليه فص ثوم مقطع شرايح

نحيفه + رشة زيت زيتون + ريحان طازج + أوريجانو. في النهاية هذا راجعلك طبعا عدلي عليها على كيفك بس هذي دايما أستخدمها وجدا

ممتازه .

اضافه مني بطه فيها نطه

1م سكر

فلفل اسود ناعم

باربيكا

بطه فيها نطه · 10 أكتوبر 2010

تابع الصلصات

*** بينني بصلصة الروزيه ( الصوص الوردي) ***

*** Penne Rose ***

واحد من أطعم الصلصات بالنسبة لي وسهل جدا اللي ما يدري وشو يجربه صدقوني شي خراااااافي .

المقادير :

مكرونه بيني حوالي نص كيلو

حوالي ٣ أكواب من صلصة الطماط

نص كوب قشطة خفق أو أكثر حسب الرغبة .

بقدونس للتزيين

أسلقي المكرونه بالطريقة اللي فوق .

بعدين سخني الصلصة إلين ما توصل غليه خفيفه وصبي عليها القشطة وخليها تطبخ على نار جدااا هاديه . ذوقيها و عدلي على راحتك .

نشفي المكرونه وحطيها مع الخلطة زي العاده وزينيها بالبقدونس و البارمزان .

بطه فيها نطه · 10 أكتوبر 2010

تابع الصلصات مع اجمل الوصفات

*** سباقيتي آليو إي أوليو ( بصلصة زيت الزيتون و الثوم ) ***

*** Spaghetti Aglio e Olio ***

من أشهر و أسهل الباستات الرومانيه جدا جدا سهلة و لذيييييييذة خصوصا للي يقدرون الثوم وزيت الزيتون ، وجدا خفيفة ونكهتها بعد جدددا خفيفة وتمشي مع أشياء كثير مثل السمك أو الدجاج المشوي مثلا .

فصين ثوم مقطعة شرايح نحييييفه

١/٢ معقة شاهي فلفل أحمر مجروش

نص كوب زيت زيتون

٢٠٠ جرام مكرونه إسباقيتي

جبن بارمزان

شوي بقدونس أو ريحان للتزيين

الطريقة :

لاحظي إني قلت هنا الثوم مقطع شرايح نحيفة ، طبعا هذا شي راجعلك أنا شخصيا تعجبني كذا ، جربيها وشوفي ، بس لو تبين طعم ثوم أقوى قطعي الثوم أنعم من كذا ( لا تفرمينه أبدا بس قطعيه صغار ) ، لو تبين أقل تقدرين تشيلين الثوم بعد ما يطعم الزيت براحتك طبعا .

جهزي مويه السلق للمكرونه بعد ما تغلي حطي مقلة على حرارة وسط مع نص زيت الزيتون و الثوم و الفلفل وخليهم إلين يبدأ يطبخ الزيت شوي أطبخي الثوم نص دقيقة بعدين طفي النار لا تخلينه يقلب بني بيسير مر .

أسلقي المكرونه إلين ما يبقى شوي على درجة ال ألدينتي ، بعدين شيلي نص كوب من موية السلق حقت المكرونه .صفي المكرونه وحطيها على الزيت و الثوم ، الحين رجعي الحرارة على وسط وحطي باقي زيت زيتون و شوي من موية السلق حقت

المكرونه و رشة ملح ، أطبخي المكرونه إلين ما تروح المويه ، بعدين رشي البارمزان و الأعشاب و ذوقيها عشان الملح .

قدميها مع زيادة بارمزان و زيت زيتون

78MariMar78 · 10 أكتوبر 2010

الله الله

تسلم ايدك بطة

الاطباق كلها رووووووووووووووعه

بصراحة انتي مبدعه في الاختيار

بطه فيها نطه · 10 أكتوبر 2010

تابع مع التوب شيف احلى الصلصات والوصفات

معشوقة الجماهير الفيتوشيني ....

*** فيتوشيني ألفريدو ***

*** Fettuccine Alfredo ***

لا ينصح بهذي المكرونه أكثر من مرة في الشهرين كنك شايل بلك في بطنك ....

المكرونة هذي يقال إن الطباخ اللي سوواها سواها لزوجته الحامل ، وبعد ما ولدت حطها في مطعمه ، طبعا النسخة الأصلية عبارة عن زبدة

وبارمزان بس . مع الوقت تطورت وصارت بكريمة وزبدة .

الغريب إن فيه ناس تتفلسف واجد فيها ، ياناس مافيه أي أكله إيطاليه فيها كمون أو كركم أو حتى كزبرة ، قسم بالله أحيانا أستغرب ، زيادة

المكونات موب معناها تحسين الطعم .

شخصيا المكرونه هذي أحبها بالفطر أو ساده أو بالربيان، الدجاج برأيي يخربها صدقوني في هذي .

مقاديرها سهلة :

أصبع زبده

كوبين كريمه

فطر حسب الرغبة لاااااازم طازج

فصين ثوم مقطعة صغاااااار

٣/٤ كوب بارمزان

ملح وفلفل

حوالي ٣٠٠ جرام مكرونه فيتوشيني

الطريقة :

أغلي مويه في قدر كبير عشان المكرونه. مع ملح طبعا ....

بنص الزبده أطبخي الفطر مع شوي ملح بعدين حطي الثوم و أطبخيه شوي بس إلين ما تطلع ريحته بعدين حطي باقي الزبدة ، بعدين حطي

القشطة وخليها تغلي غليه خفييييييييييييفة ( لا تخلينها تغلي بقوة عشان فيه إحتمال تفصل القشطة عليك ) بس مع التحريك كل شوي طبعا ،

حطي شوي بس فلفل أسود و بعدين حطي البارمزان عليها وذوقيها يمكن تحتاج ملح يمكن لأ لأن البارمزان مالح أصلا .

بطه فيها نطه · 10 أكتوبر 2010

78marimar78 قال:
الله الله

تسلم ايدك بطة

الاطباق كلها رووووووووووووووعه

بصراحة انتي مبدعه في الاختيار

حبيبتي تسلمين .. من ذوقك والله

الصراحه كلها اطباق انا اختار اجربها على عيالي وزوجي .. لانها فعلا اطباق ماتتطوف ووصفات سهله

اتمنى تجربونها

بطه فيها نطه · 10 أكتوبر 2010

الحين نجي عاد لصوص البيستو جدا سهل .

*** صوص البيستو ***

*** Pesto Sauce ***

بيستو معناها معجون بالإيطالي ببساطة أي شي فيه : مكسرات + أساس + بارمزان + زيت زيتون إسمه بيستو الأساس هنا ينفع ألف مليون

شي أنتم ألفوا اللي تبون . ريحان ، بقدونس ، ميراميه ، نعناع ، حبق ، طماط مجفف ، زيتون . فيه مليون شي ثاني بس هذا اللي أذكره

الحين .

طبعا إستخدامات البيستو لا تعد ولا تحصى ، جربي إشوي دجاج وأدهنيه ببيستوا وهو ينشوي ، جربيه مع السندويتشات ، مع السلطات ، له ألف

و ألف إستخدام

البيستو اللي بسويه هنا بالريحان و البقدونس طبعا ما ينفع مجفف هنا كل شي لازم طازه . لو ما عندكم ريحان دوروا زيييين ، بس في هذي

الحاله الحبق أو النعنان بديل حلو ، اللي ما عنده بقدونس عاد مشكلته .

المقادير :

١/٣ كوب جبنة رومانو ينفع تبدلونها ببارمزان

٢/٣ كوب بارمزان مطحون

فص أو فصين ثوم

كوب ورق ريحان

نص كوب ورق بقدونس

١/٤ كوب مكسرات أنا أستخدمت هنا لوز بس ينفع صنوبر أو أي مكسرات

١/٢ كوب زيت زيتون

ملح حسب الرغبه

أول شي بسوييه إني بحمص اللوز ينفع بالفرن بس أسرع على النار زي كذا :

شيلوه من النار وخلوه يبرد شوي بعدين في الخلاط أو طاحونة الحمص ، حطوا الثوم وأخلطوه شوي ، حطو اللوز و أخلطوه بعدين حطوا كل شي ما عدا زيت الزيتون و أخلطوهم شوي ، الحين صبوا الزيت و الخلاط يشتغل إلين ما يصير الكثافة اللي تبون بعدين زودوا الملح حسب الرغبة .

واللي مالها خلق ترى الصوص ينباع جاهز تلقينه بمركز سلطان وباغلب الجمعيات

تعالوا نشوف اشلون راح نستخدمه ...

بطه فيها نطه · 10 أكتوبر 2010

*** أورشيتي مع صوص كريمة البيستو ***

*** Orecchiette with pesto cream Sauce ***

الأورشيتي هي المكرونه اللي تشبه الأذان إسمها أصلا الأذان الصغيرة , الحلو فيها إن شكلها يسمحلها تمسك كمية صوص كبيرة . الصوص

هنا صوص كريمة البيستو تغير شوي عن الألفريدو جربوه مره منتب نادمين .

المقادير :

٢٠٠ جرام مكرونة أورشيتي أو بيني لو ما عندكم

كوبين كريمه

٥ ملاعق بيستو

ملح وفلفل

بارمزان

ريحان و زيت زيتون للتزين .

في مقلة حطي القشطة و خليها تطبخ على غلية خفيييييييفة أنتبهي لا تخلينها تغلي عشان ما تفصل القشطة . خلوها إلين ما يقل حجمها لحوالي الثلث .

الحين أسلقوا المكرونة و طفوا النار على القشطة ، إذا باقي شوي على المكرونه رجعوا القشطة للغليه الخفيفة وحطوا البيستوا وأخلطوا زين . وذوقوا الصوص وعدلوه

إذا أستوت المكرونه شيلو نص كوب من موية السلق بعدين صفوا المكرونه . وحطوها على الصوص .
زيدوا شوي مويه لو لقيتوا إنه يحتاج ، يعني لو لقيتوا الصوص شوي زودوا مويه شوي بس .

قدموها مع ريحان ، بارمزان ، وزيت زيتون .

حلوة ومملوحة الكويت · 10 أكتوبر 2010

يعطيج ألف
ألف ألف عاااافيه على هالمجهووود المفيد والممتع :rerrerek:
توني اشووف موضوعج الراائع
وعسالله يهون عليج غربتج ويحفظج ويطويهاا وتنقضي بسرعه
حبيبتي تسلم الايد اللي نقلت الموضوووع

أحلى همبه كويتية · 10 أكتوبر 2010

بارك الله فيك بطة
سعبولتي وصت الشاااااااااااااااااااااارع

ههههههههههه

يعت وانا شبعانة
الله يسلم ايدياتك على النقل الحلو ويخليلج عيالج وراس المال ابوهم
عشان نتلاقي بتايلند ان شاء الله
هااااااااااااا اشرايك ؟؟

اطباق لذيذه ( سهل - متنوع - منقول - متجدد ) تابعونا

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

**مشرفة قسم مائدتك**

مشرفة قسم مائدتك