- إنضم
- 19 يوليو 2009
- المشاركات
- 617
- مستوى التفاعل
- 0
- النقاط
- 0
السلام عليكم و رحمة الله و بركاته
اشلونكم حبيباتي عساكم بخير :fun:
اليوم مزهبة لكم عشا فنتق يحبه بإذن الله قلبج و أبو الشباب و عيالج إذا كانوا للأسف من ربع الوجبات السريعة اللي بصراحة
ما أفضلها لعيالنا من دهونها و بلاويها و أحيانا عدم نظافتها و غير جذي مصرفها :denya:
فعلشان جذي زهبت 3 أطباق مختلفة يحبونها العيال 90 % و هي :
1- دجاج بالبقسماط ( يشبه كنتاكي و لا أحله منه بعد ما في على طباخ البيت :sfg: )
2- خبز بصلصة الثوم و الجبن الفرنسي ( يشبه خبز بيتزا و طعمه رووعة :icon30: )
3- باستا فيتوتشيني بالأجبان و الكريمة ( خذيت طريقة من العضوة بالمنتدى UM M&M جزاها الله ألف خير:hjy5jewf: )
و الحين باسم الله نبتدي أول طبق (( دجاج بالبقسماط ))
المقادير :
1- دجاج جاهز مقطع مع عظم ( أفخاذ - صدور - جوانح ) أو انتي قطعي بالبيت
2- طحين أبيض
3- بقسماط خشن نفس الصورة ( ألذ من الناعم )
4- 2 بيض
5- بهارات دجاج + ملح + فلفل أسود + بهارات كاري
6- 4 فصوص ثوم مهروسة
7- عصير ليمون جاهز أو عصري 2 ليمون كبار + صلصة صويا
الطريقة :
1- بعد ما تقطعين الدجاج أو حتى الجاهز المقطع جيبيه و غسليه بالماء عدل و بعدين حطي عليه عصير الليمون
و اشوية صويا و بهريهم بالبهارات و الملح و الفلفل الاسود و الكاري و افركيهم عدل مدل بالثوم و و غطيهم بنايلون
و خليهم ينقعون بالثلاجة لمدة نصف ساعة إلى ساعة علشان تروح الزفرة و فوق هذا نبي طعم لذيذ للطبخة :sfg:
2- بعد التنقيع زهبي جدر فيه ماي حار فيه الهيل و عود الدارسين و راس بصلة صغيرة و فلفل أسود حب و مسمار
و اشوية ابهارات دجاج مع ملح و قطي القطع فيه لا تستغربين راح تظل الخلطة لازقة بالدجاج مثل الصورة و خلي القطع
عالنار مدة نص ساعة تقريبا يعني نبي الدجاج اشوي يستوي علشان بعدين لمن نقليه ما ياخذله وقت بس يتحمر عرفتي
3- بعد السلق طلعي القطع و زهبي معاي صينية فيها طحين و صينية فيها بقسماط و طاسة أو ملة كبيرة فيها بيضتين بس ها
البيضتين اضربيهم عدل مع اشوية ملح و فلفل أسود و كاري و صويا ، الحين جيبي كل قطعة بروحها حطيها بالطحين لمن
يغطيهاو طقيها طقة بإيدج عشان لا يتكتل معاج و بعدين حطي القطعة بالبيض لمن يغطيها كلها و بعدين آخر شي بالبقسماط
لمن يغطيها كلها و صفيهم بصينية و خليهم على كتر مدة 10 دقايق أو ربع ساعة علشان يمسك الدجاج بالخلطة عدل
4- زهبي المقلة و حطي زيت بس مو غزير يعني لا يغطي القطعة كلها لأ خليه يغطي نصها و حرري الزيت على نار
متوسطة و لمن تشوفينه احتر قطي جم قطعة و قليها لمن يصير لون البقسماط ذهبي إلى برتقالي مثل الصورة و خليهم على
صحن فيه كلينيكس علشان يشرب الزيت و اتركيهم على كتر و هذا أول طبق خلصنا منه :friends:
الطبق الثاني (( باستا فيتوتشيني بالأجبان و الكريمة ))
المقادير :
1- معكرونة فيتوتشيني المطاحن أو أي شكل تحبونة اسباجيتي الفراشة الحلزونية كيفكم خواتي انتي و ابداعج
2- كريمة كي دي دي
3- كاتشب
4- أجبان مبشورة منوعة ( بارميزان ، موتزاريلا ، جبنة فرنسية نفس الصورة أو شيدر )
5- ماء حار للسلق + ملح + اشوية زيت
6- قطعة ماجي دجاج الحمرة - كركم
7- بصل مقطع صغار + ثوم مهروس
الطريقة :
1- حرري الزيت على النار و بعدين حمسي الثوم و البصل مع اشوية كركم
2- حطي الماجي مع حمسة البصل و احمسيها اشوي
3- حطي الكريمة و الأجبان مع الخلطة و احمسيهم مع البصل و فوقهم الكاتشب و اشوية صويا
4- بعد سلق المعكرونة قطيها بالخلطة و قلبها و راح تشوفينها تثخن و ذوقي ملحها إذا تمام ماش و إذا ناقصها ملح زيديها
و طلعيها و جذي خلصنا الطبق الثاني
الطبق الثالث (( خبز بصلصة الثوم و الجبن الفرنسي ))
المقادير :
1- قطع بريوش صغيرة مدورة أو خبز فرنسي جاهز تلقونة في مركز السلطان إذا تحبون
2- زيت زيتون
3- بودرة ثوم
4- جبن فرنسي مبشور مثل الصورة
الطريقة :
1- قطعي الخبز لشرائح
2- ذوبي مقدار ملعة سكر ( بودرة ثوم ) في 3 ( ملعقة كبيرة زيت زيتزن ) و زيدي الكمية بحسب عدد القطع معاج
3- ادهني سطح القطع بالزيت و الثوم بعدين غطيها بالجبن المبشور و حطيهم بالفرن يتحمرون من فوق على نار
هادية و لمن تشوفين الجبن ساح طلعيهم و قدميهم على طول و عليكم بألف عاقية
و طبعا تقدرين اتفنتقين بطريقة التقديم أفضل تقد الأطباق الثلاثة مع بعض في الصحون المقسمة إذا عرفتوها و عليكم بالعافية
و لا تنسوني من صالح دعائكم خواتي بارك الله فيكم :hjy5jewf:
اشلونكم حبيباتي عساكم بخير :fun:
اليوم مزهبة لكم عشا فنتق يحبه بإذن الله قلبج و أبو الشباب و عيالج إذا كانوا للأسف من ربع الوجبات السريعة اللي بصراحة
ما أفضلها لعيالنا من دهونها و بلاويها و أحيانا عدم نظافتها و غير جذي مصرفها :denya:
فعلشان جذي زهبت 3 أطباق مختلفة يحبونها العيال 90 % و هي :
1- دجاج بالبقسماط ( يشبه كنتاكي و لا أحله منه بعد ما في على طباخ البيت :sfg: )
2- خبز بصلصة الثوم و الجبن الفرنسي ( يشبه خبز بيتزا و طعمه رووعة :icon30: )
3- باستا فيتوتشيني بالأجبان و الكريمة ( خذيت طريقة من العضوة بالمنتدى UM M&M جزاها الله ألف خير:hjy5jewf: )
و الحين باسم الله نبتدي أول طبق (( دجاج بالبقسماط ))
المقادير :
1- دجاج جاهز مقطع مع عظم ( أفخاذ - صدور - جوانح ) أو انتي قطعي بالبيت
2- طحين أبيض
3- بقسماط خشن نفس الصورة ( ألذ من الناعم )
4- 2 بيض
5- بهارات دجاج + ملح + فلفل أسود + بهارات كاري
6- 4 فصوص ثوم مهروسة
7- عصير ليمون جاهز أو عصري 2 ليمون كبار + صلصة صويا
الطريقة :
1- بعد ما تقطعين الدجاج أو حتى الجاهز المقطع جيبيه و غسليه بالماء عدل و بعدين حطي عليه عصير الليمون
و اشوية صويا و بهريهم بالبهارات و الملح و الفلفل الاسود و الكاري و افركيهم عدل مدل بالثوم و و غطيهم بنايلون
و خليهم ينقعون بالثلاجة لمدة نصف ساعة إلى ساعة علشان تروح الزفرة و فوق هذا نبي طعم لذيذ للطبخة :sfg:
2- بعد التنقيع زهبي جدر فيه ماي حار فيه الهيل و عود الدارسين و راس بصلة صغيرة و فلفل أسود حب و مسمار
و اشوية ابهارات دجاج مع ملح و قطي القطع فيه لا تستغربين راح تظل الخلطة لازقة بالدجاج مثل الصورة و خلي القطع
عالنار مدة نص ساعة تقريبا يعني نبي الدجاج اشوي يستوي علشان بعدين لمن نقليه ما ياخذله وقت بس يتحمر عرفتي
3- بعد السلق طلعي القطع و زهبي معاي صينية فيها طحين و صينية فيها بقسماط و طاسة أو ملة كبيرة فيها بيضتين بس ها
البيضتين اضربيهم عدل مع اشوية ملح و فلفل أسود و كاري و صويا ، الحين جيبي كل قطعة بروحها حطيها بالطحين لمن
يغطيهاو طقيها طقة بإيدج عشان لا يتكتل معاج و بعدين حطي القطعة بالبيض لمن يغطيها كلها و بعدين آخر شي بالبقسماط
لمن يغطيها كلها و صفيهم بصينية و خليهم على كتر مدة 10 دقايق أو ربع ساعة علشان يمسك الدجاج بالخلطة عدل
4- زهبي المقلة و حطي زيت بس مو غزير يعني لا يغطي القطعة كلها لأ خليه يغطي نصها و حرري الزيت على نار
متوسطة و لمن تشوفينه احتر قطي جم قطعة و قليها لمن يصير لون البقسماط ذهبي إلى برتقالي مثل الصورة و خليهم على
صحن فيه كلينيكس علشان يشرب الزيت و اتركيهم على كتر و هذا أول طبق خلصنا منه :friends:
الطبق الثاني (( باستا فيتوتشيني بالأجبان و الكريمة ))
المقادير :
1- معكرونة فيتوتشيني المطاحن أو أي شكل تحبونة اسباجيتي الفراشة الحلزونية كيفكم خواتي انتي و ابداعج
2- كريمة كي دي دي
3- كاتشب
4- أجبان مبشورة منوعة ( بارميزان ، موتزاريلا ، جبنة فرنسية نفس الصورة أو شيدر )
5- ماء حار للسلق + ملح + اشوية زيت
6- قطعة ماجي دجاج الحمرة - كركم
7- بصل مقطع صغار + ثوم مهروس
الطريقة :
1- حرري الزيت على النار و بعدين حمسي الثوم و البصل مع اشوية كركم
2- حطي الماجي مع حمسة البصل و احمسيها اشوي
3- حطي الكريمة و الأجبان مع الخلطة و احمسيهم مع البصل و فوقهم الكاتشب و اشوية صويا
4- بعد سلق المعكرونة قطيها بالخلطة و قلبها و راح تشوفينها تثخن و ذوقي ملحها إذا تمام ماش و إذا ناقصها ملح زيديها
و طلعيها و جذي خلصنا الطبق الثاني
الطبق الثالث (( خبز بصلصة الثوم و الجبن الفرنسي ))
المقادير :
1- قطع بريوش صغيرة مدورة أو خبز فرنسي جاهز تلقونة في مركز السلطان إذا تحبون
2- زيت زيتون
3- بودرة ثوم
4- جبن فرنسي مبشور مثل الصورة
الطريقة :
1- قطعي الخبز لشرائح
2- ذوبي مقدار ملعة سكر ( بودرة ثوم ) في 3 ( ملعقة كبيرة زيت زيتزن ) و زيدي الكمية بحسب عدد القطع معاج
3- ادهني سطح القطع بالزيت و الثوم بعدين غطيها بالجبن المبشور و حطيهم بالفرن يتحمرون من فوق على نار
هادية و لمن تشوفين الجبن ساح طلعيهم و قدميهم على طول و عليكم بألف عاقية
و طبعا تقدرين اتفنتقين بطريقة التقديم أفضل تقد الأطباق الثلاثة مع بعض في الصحون المقسمة إذا عرفتوها و عليكم بالعافية
و لا تنسوني من صالح دعائكم خواتي بارك الله فيكم :hjy5jewf:
التعديل الأخير:
_03BA:
