السلام عليكم ورحمة الله بركاته
*الحمدلله الذي اطعمني هذا الطعام ورزقنيه من غير حول مني ولا قوة*
اشلون الغاليات..عساكم بخير وعافيه...
حبيبااتي..سويت هالمربين الحلووو..بطريقه جديده ..طرت علي ..وقلت خل اجربها
وفعلاا ..مثل ماتوقعت....صدق ظني..عطتني طعم مميز للعيش والربيان ولا اروع..
اشرايكم ..تشوفون الخطوات معاي ..ياهلاا ومرحباا..تفضلواا..
وفعلاا ..مثل ماتوقعت....صدق ظني..عطتني طعم مميز للعيش والربيان ولا اروع..
اشرايكم ..تشوفون الخطوات معاي ..ياهلاا ومرحباا..تفضلواا..
*أول شي..واول واهم خطوه تنقعين الربيان عقب ما تغسلينه وتنظفينه وتشيلين الخيط الاسود الي بالضهر..تنقعينه حبيبتي..بعصير ليمونتين+ ملعقة بهارات مشكله+ ملعقة صويا صوص+نص ملعقة فلفل اسود+ نص ملعقة كزبره مطحونه+ ملعقة معجون طماط+ ملعقتين كاتشاب+ نص ملعقة كمون + ربع ملعقة هيل مطحون+ ملعقة اكل ملح.
تخلينه بهالخلطه بالثلاجه قبلها بيوم..واذا مامداج..قبها بساعه او ساعتين..علشان يتشرب الربيان نكهات الخلطه.
تخلينه بهالخلطه بالثلاجه قبلها بيوم..واذا مامداج..قبها بساعه او ساعتين..علشان يتشرب الربيان نكهات الخلطه.
تجيبين مقلاة. كبيره تكفي الربيان .وتحطين زيت نباتي كمية وافره..وتنطرين لما يحمى الزيت حيل..وتحطين الربيان ..وتقلبينه علشان يحمر ..يعني تستمرين حوالي 10 دقايق على نار عاليه وتضيفين ملعقتين معجون وتحمسين.
وعقب تشيلينه على صوب.. ويكون معاج بالصورة النهائيه بهالشكل راح نحتاجه بعدين.
وعقب.. بالجدر تحمسين لج بصل ناعم حوالي بصلتين..ليما يتشوقرون...
ونضيف عليهم كميه زينه من الثوم والزنجبيل المدقوقين
نحمس عدل.. .. ونضيف ملعقة أكل بهارات مشكله+ نص ملعقة أكل فلفل اسود+ مكعب ماجي+ نص ملعقة هيل ناعم + ربع ملعقة لومي مطحون+ نص ملعقة كزبره مطحونه+نص ملعقة كركم...ونحمس عــدل
ونضيف شدة كزبره..ونص شدة اشبنت
وبالخلاط نضرب طماطتين كبار عقب ما نقصهم ونضيفهم
. ونص علبة معجون طماط ..واربع حبات لومي اسود يابس
يعني حبيبتي..جنج تسوين لج مرقة سمج... نحمس عدل..ليما تشوفين إن الخليط تجانس
.. وتالي نضيف ماي حار
على الحمسه..وإذا تبين تاخذين من المرقه..علشان تقدمينها بجانب العيش.. سوي حسابج وزيدي الماي..وإذا ماتبين..ضيفي مقدار من الماي..يكفي انج تطبخين العيش فيه .. ونخلي الجدر يطبخ حوالي عشرين دقيقه على نارعاليه علشان تختلط المكونات وتتجانس..
على الحمسه..وإذا تبين تاخذين من المرقه..علشان تقدمينها بجانب العيش.. سوي حسابج وزيدي الماي..وإذا ماتبين..ضيفي مقدار من الماي..يكفي انج تطبخين العيش فيه .. ونخلي الجدر يطبخ حوالي عشرين دقيقه على نارعاليه علشان تختلط المكونات وتتجانس..
وعقب نضيف حمسة الربيان الي سويناها على مرقتنا الي تطبخ على النار ونحرك عدل..
..نخليها تختلط مع المرقه ونخلي الجدر على النار يطبخ حوالي 20 دقيقه...ونجيك على الملح قبل لا نجبس العيش على المرقه
وقبل لاتجبسين عيشج حبيبتي..تاخذين من المرقه ..شويه..وتحطينها بجدر ثاني صغير على الجوله..تثقل وتتركز..تقدمينها بجانب المربين.
ونكت العيش على المرقه..وأول عشر دقايق..تعلين على النار..ولا شفتي وجه العيش تناشف من الماي..تقصرين على الجوله حيل..وتغمتين وجه الجدر بقصدير..او فوطه نظيفه..وتخلينه على النار بحدود نص ساعه.
وتسوين الحشو..عباره عن شرايح بصل ..تقلينه بزيت ..كميه كبيره.. تحطين عليه شوية ملح..وفلفل اسود..ولا ابتدا لونه يغمج معاج..تحركين..ليما يوصل للون المطلوب..
واهني قرب يستوي العيش..حطيت البصل على وجه العيش..ورشيت شوية من الزيت الي قليت البصل فيه على الوجه..يعطي نكهه للعيش..
وهاذي المرقه الي قلتلكم عنها.. حدها ناااطعه
وتفضلوا..بدينا النجاب..وانشالله تسوونه..وتاكلونه..وتستمتعون فيه..انتم ومن يعز عليكم..ياارب
حبيباااتي الغاليات..لو تكرمتوا ..لحد يرد بكمل الموضوع ..ونزل باجي الصور
التعديل الأخير:
