برياني لذيذ وخفيف على المعدة

أحلى همبه كويتية

أحلى همبه كويتية

**مشرفة قسم مائدتك**
إنضم
25 أكتوبر 2007
المشاركات
22,261
مستوى التفاعل
10
النقاط
0
الإقامة
KUWAIT
​


مقادير نقع الدجاج ...
دجاجة مقطعة ومزال عنها الجلد ..
ملعقة صغيرة جارام مسالا
ملعقة صغيرة كاري
ملعقة صغيرة ونص بزار
نص ملعقة صغيرة لون اصفر ,, او تقدرون تحطون كركم انا ما حطيت
ملعقة صغيرة سنوت .. انصحكم تسوونه فالبيت احلى وريحته روووعة

روب ,, عصير نص ليمونة ..وخل تقريبا ملعقة اكل,, ملح شوي ,, ملح الثوم <<< ريحته حلوة ​

انا نقعته ليلة كاملة واااايد احلى والطعم يصير متشبع بالخلطة ..​


الطريقة ...والمقادير ..​

تحمسين بصلة وحدة متوسطة او صغيرة وتكونين مجهزة فصين ثوم ناعمين ومخلوطين
بملعقة صغيرة بهارات حب <<<< هالبهار رهيب
وحبات هيل وحبات فرنقل وحبات فلفل اسود ودارسين ولا تنسون الورق الهندي بس انا مجففته
عقب ما يصير لون البصل بني غامج تحطين هالبهارات عليه وتحمسينه شوي ​


​



هذي البهارات​

​


وهذي لبهار اللي خلطته مع الثوم..ونستخدمه مع السمج ونسويه صوص ​

​

وعقب نضيف الدجاج المنقوع بالخلطة ​

​

ونخليه تقريبا نص ساعة على حسب حجم الدجاج ولا تضيفون بهارات
لان يكفي اللي بالخلطة ...​

وعقب نخليه وقبل لا نسكر على الدجاج نسوي العيش​

​

ناخذ بصلة ونحمسها بنفس الطريقة اللي فوق ونضيف عليها الهيل والقرنفل والفلفل اسود
والغار بدون الثوم ...وعقب نصب فوقه ماي ونضيف العيش ونحط شوي حشيش ونخليه يستوي عقب نشخله
جذي بيكون شكله ..​

​

عقب نحط نص مقدار العيش على الدجاج ونحط صبغة انتي واللون اللي تبينه​

​

ونحط باقي المقدار وبعد نحط صبغة على الوجه ونخليه يتسكر نص ساعة ..​


​


وهني قدمته ....​


​


​


تقدرون تضيفون أي شي تبونه مثل البيض المفيوح او البطاطس ...
وتراها لذيذة فالشكل والطعم ..​



وهذي من جريب وجربوووه ترى صج لذيذ ..​


​




ومع السلطة الحارة رووووعة ( المعبوج بالكويتي)
مقادير السلطة ...​

3طماط وسط مع 3 ملاعق كبيرة فلفل شطة سااائل و 2 فلفل علوب
اوراق نعناع تقريبا بيالة ينخلطون فالخلاط
عقب نقطع الخيار صغييير جدا او ممكن نفرمه بالفرامة وطبعا ليمون وملح​

وممكن اضافة بصل ابيض وبسس​




​




الطبق منقول ​

دعواتكم لصاحبة الطبق الأصلي المذكور اسمها على الصورة
بالذرية الصالحة عاجلا وليس اجلا ​


اختكم / أحلى همبه
:eh_s(22):
:eh_s(22):​

:eh_s(22):​

:eh_s(22):​
 
أحلى همبه كويتية

أحلى همبه كويتية

**مشرفة قسم مائدتك**
إنضم
25 أكتوبر 2007
المشاركات
22,261
مستوى التفاعل
10
النقاط
0
الإقامة
KUWAIT
((ولا تنسون الورق الهندي بس انا مجففته ))


بنات انا شايفة هالورق الهندي بلولو القرين عند الخضار الورقية

وايد شفت حريم كويتيات ياخذونه ولما سألتهم قالوا حق العيش
 
حلوة ومملوحة الكويت

حلوة ومملوحة الكويت

New member
إنضم
15 يناير 2009
المشاركات
3,043
مستوى التفاعل
7
النقاط
0
الإقامة
ديرة الخير..ياعل الغيم يسقيها.
يزاج الله خير على هالنقل الحلوو
وبالنسبه للورق الهندي المجفف..مو هذا ورق الغار..بس فرش ؟؟
آنا دايما اشتريه من جمعيتنا وبمركز سلطان احصله عند قسم الخضار الورقيه
يهبل..اجففه بصحن كبير
واخليه بره جدام باب المطبخ..ليما ينشف
بس إخذي ريحته بالعيش..والمرقه والحمسات
عجيييييب
مشكوره همبوشه
،،،،،
​
 
xxx

xxx

عضوه موقوفة
إنضم
29 سبتمبر 2004
المشاركات
53,764
مستوى التفاعل
18
النقاط
0
العمر
47
الإقامة
♥بيــان♥
الموقع الالكتروني
www.q8yat.com
مشكوورة على النقل

وتسلم ايد الي سوته
 
ج

جارة القمر

**مشرفة قسم مائدتك**
إنضم
2 أبريل 2005
المشاركات
64,020
مستوى التفاعل
5
النقاط
0
العمر
46
مشكوووووووووووووره


تسلم ايدج



وايد اللس سوت الطبق عسي ربي يرزقه بالذرية الصالحه
 
ABEER FLOWER

ABEER FLOWER

New member
إنضم
20 نوفمبر 2008
المشاركات
21,993
مستوى التفاعل
8
النقاط
0
تسلم الأيـــادي

وربي يرزقج ويرزق صاحبة الوصفه بما تتمنووووونه
 
الريشة

الريشة

New member
إنضم
27 نوفمبر 2006
المشاركات
3,029
مستوى التفاعل
2
النقاط
0
مشكورة
أعتقد الورق الهندي : اهو ورق الكاري
و ينحط بالعيش أو المرق أو الحمسات
 
زوجة عزيز

زوجة عزيز

Active member
إنضم
21 نوفمبر 2010
المشاركات
12,675
مستوى التفاعل
1
النقاط
38
الإقامة
في بيتي
يعطيج العافيه والله يرزق صاحبة الموضوع الذرية الصالحه ويفرح قلبها ويفرح قلب كلمن تتمنى يارب وايوفقج وايسعدج وورق الغار انا ماسوي شي بدونه واحسن شي الفرش ريحة الاكل عجيبة اتصير
 
يجب تسجيل الدخول أو التسجيل كي تتمكن من الرد هنا.
أعلى أسفل