الحمدالله?ولدت وجبت احلا بنوووووته?قصة ولادتي

سبحان الله بحمده
سبحان الله العلي العظيم
الحمدالله ع سلامتي
بتاريخ 14/2/2012
جبت احلا بنووووته
ابكتب لكم قصتي صج عذااااب
طبعا قالولي بتولدين بتاريخ23فبراير
قلت خليها ع الله ماابي اشرب شي
اخاف اشرب وينبط الماي المهم
كنت سهرانه انا وزوجي وناكل من المطعم
وقبل لانام جامعني وانا قلت احسن علشان ابي اولد
يقولون الجماع زين للولاده طبعا نمت
وقلت لزوجي اذا قعدنا ابروح بيت اهلي ابقعد عندهم
انا شكلي مطوله حيل
وسبحان الله نمت الساعه 10الظهر
وقعدت الساعه 3العصر من العوار بس العوار يروح
وبعد نص ساعه يجي الله يكرمكم رحت الحمام مانزل شي
رجعت ابنام والا مثل العوار بس العوار بارد
انا متعوده عالعوار الحار الي يشد شد المهم قعدت
زوجي قلت له انا تعباااانه قوم قال شفيج بتولدين
قلت يمكن ويمكن لا ويمكن العوار من الجماع
قال ابقوم اتسبح واذا زاد قولي لي طبعا يجي ويروح
كل نص ساعه
ولبس ورحت للمستشفى العددددان
اول مادشيت قال الدكتور دور بالارقام قلت
انا ولاده خلص علي قال عندي حاله
قلت مالي شغل اخلص ابموت
وفحصني وقال 4س وقعدت ادعي ربي
واقول يارب سهلها يارب افرجها علي
قال الدكتور ولاده
ودخلوني بس والله يابنات اني لما اقرا المعوذات
والايات يروح العوار
وقعدت ابجي وعطوني كمام طبعا انا حالفه مااخذ ابرة
ظهر لاكن لما شفت الموت قلت ابيها قالوا بعد ثلاث ساعات تجي التحاليل

ونعطيج قعدت افكر يعني ابنطر ثلاث ساعات
المهم بجيت والسستر الي عندي تقولي تحملي قلت مااقدر
تكفين خليج عندي تعبااااانه
والطلق يزيد يزيد واصارخ واقولها في شي بيطلع
تقول لا انتي خمسه سانتي تو الناس
وقعدت ابجي بجي والله قمت اشد بروحي وانزل الجاهل
وبعدين لما شافتني اشد انصدمت وجت تشد ونزلت الجاهل
وقعدت ابجي واقول الله يسامحج لاني مفتوحه عشره س
وتجذبين واتقولين تو الناس
قالت سوري مدام قلت خلاص صارت بعد
ولما شفت بنتي ارتحت حيل
دشيت الولاده الساعه 4وولدت الساعه 5ونص
الحمدالله عالعافيه
الاشياء الي انفعتني الجماع
واول ماجت الولاده اكلت تمر
واهم شي قريت المعوذات والايات
وبس


* *
وبصراحه لما صعدا الجناح اهتموا فيني اكثر
والسسترات حيل حبوبات
واي استفسار انا حاظر

صج نسيت اتكلم عن الخياط
الي خيطني دكتور مبين انه خياطه اوك
والاخت الي تسال عن ابراة الظهر
اختياري
حتى بالخاص يسالونج اذا تبينها او لا