- إنضم
- 16 يوليو 2009
- المشاركات
- 3,480
- مستوى التفاعل
- 0
- النقاط
- 0
(الحمدلله حمدا كثيرا طيبا مباركا كما ينبغى لعظيم وجهك وجلال سلطانك).
السلام عليكم حبيباتي
====
اليوم أشاركم باذن الله بطريقتي بعمل دجاج(دياي)بصلصة الكاجو( الكازو)، طريقتى حدها تقليديه معروفه بالهند.
بسم الله نبدأ
ملاحظه: اللى تبى تنقل الموضوع بالعافيه عليها بس ياليت تذكر المصدراسمى واسم المنتدي، موحلوه كوبى وبيست علطول.
*الدجاج يكون منظف وتشيلين الجلد وتنظفينه عدل وتقطعينه بأحجام صغيره مثل ما أنا مسويه( انا علطول اشيل الجلد بكل طباخى ما عدا المجبوس )
راح نحتاج معجون طماط/ كازو(كاجو) مطحون ناعم/3 فصوص ثوم مفروم/ حبتين طماط بالخلاط مهرووسه
اصبع زنجبيل مفروم/نص شدة كزبره مفروم/علب فلفل حار مفروم منزوع البذور/بصله كبيره مفرومه.
اصبع زنجبيل مفروم/نص شدة كزبره مفروم/علب فلفل حار مفروم منزوع البذور/بصله كبيره مفرومه.
البهارات/م ك خردل/ 2 م ك جرام مسالا/م ص كزبره ناعم/م ص كمون ناعم/ أوراق الكاري خضرا/
م ص كركم/ ملح حسب الرغبه/ 5 م ك زيت نباتي.
تحطين الزيت بالمقلاةوتحطين حبوب الخردل مع أوراق الكاري الخضرا راح تشمين ريحه أوراق الكاري روووعه وتسمعين طرطشة حبوب الخردل ضيفى بعدها البصل المفروم وقلبى لين يذبل البصل.
ضيفى بعدها الزنجبيل والثوم المفروم وحمسى شويه، بعدها ضيفى الفلفل المفروم لين تتجانس المكونات مع بعض.
بعدها ضيفى بهاراتج وحمسى .
هالمرحله نضيف الدياي ونحمس ونغطى الغطا لين الدياي يطلع الماى ماله، راح يصير بالهشكل.
بعدعشر دقايق نحط الطماط المهروس ونقلب مع الدجاج.
بعد 5 دقايق ضيفى معجون الطماط وحركي بعد.
وبعدضيفى كوب ماي ساخن، وغطى المقلاة لمدة نص 20 دقيقه على نار هاديه جدا
اهنيه تكونين مذوبه الكاجو مع نص كوب ماي وتخلطينه بالملعقة
بعدثلث ساعه شيلى الغطا راح يطلع معاج الدياي بالهشكل.
بعدها حطى الكازو المذوب بالماي على الدجاج راح يعطيه طعم لذيذ مع كثافه،وغطى المقلاة لمدة ربع ساعه بعد.
اهنيه نقدمه ونزينه بالكزبره المفرومه
ونقدمهم مع العيش أو الخبز وهنى وعافيه عليكم.
التعديل الأخير:
