- إنضم
- 5 يوليو 2011
- المشاركات
- 1,652
- مستوى التفاعل
- 0
- النقاط
- 0
السلام عليكم
شلونكم بنات
ورتني رفيجتي صورة كيكة رمان مسويتها و شوقتني عليها
خذيت منها الطريقة و نزلتها لكم 
المقادير :
للطبقة الاولى :
كيك سويسرول او كيك العادي بنكهة الفانيلا
للطبقة الثانية :
ظرفين دريم ويب
علبتين قشطة نستله
نص جيس كريم كراميل
8 حبات جبن كيري
تضرب بالخلاط حتى تتمازج
للطبقة الثالثة :
تسوين علبة جلي توت مثل ما مكتوب عالعلبه و تخلينه يبرد
و تضيفين له نص قلاص فيمتو
الطريقة :
تصفين طبقة الكيك
فوقها الطبقة الثانية
تحطينها بالفريزر ليما تحسين انها صارت ماسكة شوي
و تأكدي ان الاطراف مادتها عدل عشان لمة تصبين الجلي
ما ينزل تحت
صبي الجلي شوي شوي عقب ما تمسك
و حطي حبات الرمان على طول
حطيها بالفريزر ثلث ساعه ليما تمسك
و نزليها بالثلاجه ليما يصك الجلي
و بالعافيه عليكم
ان شاء الله تعجبكم
