◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

بسم الله الرحمـن الرحيـم

القصة بأحدآث واقعية مية%
بس شوية رتوش خيالية.. وانا شخصيا كنت دايما فقلب الحدثُ
بس طبعآ بتغيير الأسامي
اللي خلاني اكتب هل قصة انها بالفعل مثل الحلم
ادعوآ لأصحاب القصة ان الله ما جمعهم فالدنيا يجمعهم فدآر الآخرة

__________________________


بطَلين القصة

فوآز : 24 سنة /أبيض / عيونة خضر / مزيـوون و طويـل/يشتغل بشركة ابوه
ميرآ: 18 سنة / برونز / شعرها أسود وطويل / جذآبة وعليها جمآل صج صج تلفت/طالبة هندسة

_______________________

ميرآ رآيحة الجآمعة
فالطريق وتسمع اغنية خليني -زياد برجي
يرن فون ميرآ
ميرآ : هلا يمه
ام محمد: هلا فيج يمه ميروه مري مدرسة اختج تقول تعبانة
ميرآ : يمه ما اقدر بتأخر على محاظرتي
أم محمد : مريها حدها تعبانة
ميرآ : اوك خلاص بمرها

ميرآ نزلت مدرسة اختها
دخلت الادارة تنتظر ينادون لاختها
نزلت اختها ويا رفيجاتها
ميرآ : بسم الله احين انتي مو تعبانة وحالتج حالة
ختام بعيارة: شفيييييج ترا انا تعبانة .. بنات هذي اختي ميرا ..ميروه هذول رفيجاتي نوف ونايلة
نوف: هذي اختتتتتتج كللش ما تشبهج
نايلة : اييه حيل تشبه مايا دياب
ميرا : ههههههه بنات لاتبالغوون
ختام: مالت عليكم اختي احلى من هذيج الشيفة
ميرا : يلا جيبي جنطتج وكتبج خل نمشي عشان ما نتأخر.. نايس تو سي يو بنات
ختام: يلا بااي بنات

مشوا عند بوآبة المدرسة
فواز كان داخل المدرسة يسلم شغلة لمرام اخت زوجة اخوه
تلاقوا ميرا وفواز فيس و فيس
فواز انبهر وما قدر يشيل عينه منها
تم يطالع فيها وهي حاقرته
لحد ما راحت
(اول مرة فحياته تعجبه بنت بهل شكل .. وهو ما تعود بنت تحقره)
تم واقف فمكانه وبعدها انتبه لحاله وراح كمل
_________________________

المغرب
سمر : يلا عزوزمابي اتأخر على اهلي..
عبد العزيز : انا جاهز بس ناطر فواز قال بيي ويآنا واحشينه مرام ونور
بعد 10 دقآيق (يدخل فواز من الباب)
سمر تطالعه بنظرة: تو الناااااس
فواز: شاسوي الدنيا زحمة
عبدالعزيز : يلا مشينا وتفاهموا بعدين

وصلـوا لبيت اهل سمر
(سمر تصير زوجه عبدالعزيز اللي اهو اخو فواز )
نور اول ما شاافت فواز ركضت عليه : بابا فواااااز
سلم على اهل سمر وراح غرفة الاطفال يلعب نور
فالغرفـة مرام كانت ع الايميل تشيك بروفايل رفيجاتها
دخل فواز : قووووة مراموو
مرام : اهليين شلووونك
فواز : تمااام انتي شلوونج
مرام : الحمدالله
لفت نظر فواز صورة العرض مالت رفيجة مرام .. كانت صورة رفيجتها ختام واختها ميرا
فواز بقق عينه (هذي اهيااا)!
فواز : منوو هالمزيونة
مرام : وخخخرررر شكو تطالع صور البنات
فواز : بروحج فاتحة البيج انا مو قاعد اتحرش .. (سكت شوي) يلا مرامو عفية قولي منو هذي؟
مرام : (سكرت الايميل واللاب توب ) وخرر ماني قايلة عيب
فواز : لا تذليني عاد بس ابي اعرف منو
مرام : لا تحن ! هذي اخت رفيجتي
فواز : شاسمها ؟؟؟؟؟؟؟؟
مرام : ميرا
فواز : ميرا بنت منو ؟؟؟
مرام : ميرا خالد الـ..........
فواز : هذي بنت خالد الـ....(تاجر معروف)؟
مرام : انت شكو تسأل عنها ؟؟؟؟؟ عجببتـك
فواز سرح شوي ( كييكة نفس مواصفات البنت اللي تمنيتها زوجة)
مرام تناديه: فوااززززه ويهد وين رحت احاجيك
فواز : لا قولين ويهد! وش كنت تقولين؟
مرام:سألت عجبــــتك وغمزتله
فواز : جب مالج شغل !
ورجع يلعب نور

من يوم ما شاف فواز صورة ميرا وهي فباله ما راحت ولا دقيقة
لما رجع البيت وهو فالسرير يحاكي نفسه
(مستحيل اخليها تروح من ايدي .. سبحان من صورها .. لا وطلعت بنت خالد الـ.......لازم احاجي امي عنها خطبلي اياها)
بعد تفكير اسبوع ومطول
قرر يروح لأمه ويقولها تخطبله ميرا
(فواز من يوم ما كانوا يهال ويقولون هو حق بنت خالته أمل بس هو يعتبرها اخته)
وهو تردد وايد قبلما يحاجي امه
(فكرة عن شخصية ام فواز : عصبية لابعد حدود و تتفاهم كلامها هو اللي يمشي ، تبي كل عيالها يمشون مثل ماهي تبي ع القلم والمسطرة وشرانية ومحد سلم من شرها وانانية*ام فواز ماخذه ابو فواز بالسحر*)

فواز دخل غرفة امه
فواز : يمه ابيج فموضوع
ام فواز : هلا حبيبي آمر
فواز : يمه قررت اتزوج
ام فواز : هذي الساعة المباركة صارلي سنة احن عليك تزوج
يعني خلاص احاجي خالتك؟
فواز: لا يمه انا ما ابي امل
ام فواز : شنووو !
فواز : ابي وحدة ثانية اسمها ميرا
ام فواز : ومن تطلع هذي !!!!!
فواز : خالد الـ........ صاحب شركة ..........
ام فواز: شيلها من بالك ! غير بنت خالتك ما تاخذ
فواز : يمممه بس ......
مشت عنه

فواز شهرين يحاول ويا امه
بس للأسف كل مرة ترده
فواز تعلقت افكاره بهل بنت .. كل اهله فالبيت صار عندهم خبر بسالفته

يوم من الايام فهد قرر يفتح الموضوع قدام ابوه يمكن يساعده
بعد العشا كل اهل البيت كانوا فالصالة
فواز : يا جماعة انا قررت اتزوج
كل اهله باركوله : مبرووووك .. مبروووك بو فووزي
ام فواز : اسمعني هل بنت شيلها من بالك !
الكل استغرب
فواز : يمه انا غيرها ما ابي فحياتي ما قلتلج لا ولا عصيتج وكلامج على راسي بس هل مرة
خليني اختار اللي ابيها
ام فواز : انا عمري كلمتي ما ثنيتها هل بنت ما تاخذها يعني ما تاخذها
فواز : يمه قلتلج غيرها ما ابي وما راح اتزوج غيرها
ام فواز : اسمعني هي كلمة وحدة يا انا يا هل بنت !
فواز: بعصبية لا تخيريني لان اكيد بختارها هي
ام فواز : قول اللي تقوله هل بنت ما تاخذها واذا فيك خير روح اخطبها بدون علمي
فواز عصب وطلع غرفته
تضايق لان البنت اللي تمناها اهله مو راضين ياخذوها
حس الدنيا ضاقت عليه :eh_s(2):لانه كان يشعر بالوحدة من الاساس
فتح درج
طلع له موس حلاقة
حطه ع وريد كفه
يفكر ( كل شي فحياتي خططوا له مليت .. حتى البنت اللي حبيتها من اول نظرة .. وتنميتها طول حياتي بيبعدونها عني ) وبعد صراع مع حديث الذات
غمض فواز عيونه و قطع وريده .. نززززف بشكل مو طبيعي الدم كان ينزل مثل الحنفية
داخ فواز بعدها واغمى عليه

عبدالعزيز انكسر خاطره على فواز
راح يبي تفاهم معاه
يددق الباب ويددق ماكو رد
البيت كله التم على باب غرفة فواز
كسروا الباب لقوه غارق بدمـه

....................................................................

يتبـعْ~
هذي مجرد بداية الحين بتبدأ القصة

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

الكل قام يبكي لما شافوا فواز بهلحال
واللي مصدوم
عبدالعزيز: ركضضت عليه وقال اتصلوا فالاسعاف بسررعة
ام فواز تبجي : انا السبب ولدي راح مني وانا السبب وتلمه
فواز يمه قوم والله لازوجك اللي تبيها بس ارجع
كلهم راحوا المستشفى
وناطرين قدام غرفة العمليات على اعصابهم
وفجأه طلع الدكتور
ابو فواز: دكتور تكفى قول ولدي ما صار فيه شي
الدكتور: الحمدالله نجاه ربنا و هو فغيبوبة بسبب الصدمة اللي جاته منشاف الكمية الدم الكبيرة اللي نزفها
احنا نقلناله الدم ادعوله
ام فواز: تبكيي بحرقة مستحيل اسامح نفسي لو صار له شي
وعيالها يهدوها يمه هذا قدر هدي اعصابج
عبدالعزيز دقوا على (وردة و وئام ووداد يرجعون ) اخواته مسافرين يدرسون برا
اتصلوا بالكل
بعد يومين الكل موجود فالمستشفى معاه
ناطرين فواز يصحى من الغيبوبة
مرت الايام والكل يدعيله والام متحسرة ع اللي صار
الخبر انتشر انه منتحر عشان بنية

وردة تسولف لسمر: البنت لازم يكون عندها علم باللي صار
سمر:ايه صج يمكن تكون سبب فشفاءه
المهم سمر قالت حق اختها مرام السالفة وقالت حقمرام توصل الكلام حق ختام اخت ميرا توصله لميرا




صباح اليوم الثاني

مرام:قوووة ختووم شلونج
ختام: منييحة انتي شلونج
مرام :الحمدالله ابيج فسالفة
ختام:شنو؟؟
مرام حكت السالفة كلها وختام مصدومة كيف ينتحر وهو بس شافها مرة وحدة
مرام:اهم شي وصلي الكلام حرف بحرف لاختج وعلميني باجر
ميرا كانت توها رادة من الكولج وقاعدة تمسح مكياجها
دخلت عليها ختام
ميرا: كم مرة اقولج لا تدشين بدون لا تدقين الباب
ختام: ميمي عندي لج سالفة بمليوون دينار
ميرا بغير اهتمام: شنوو؟
ختام:تذكرين لما مريتيني السكول تاخذيني؟
ميرا: اي يوم؟
ختام: اليوم اللي قالوا لج رفيجاتي انج تشبهين مايا دياب؟
ميرا:ايه ايه ذكرت
ختام:تذكرين المزيون اللي عند البوابة اللي تم متنح فيج؟
ميرا: ههههههه ايه شفيه؟؟
ختام : حكت السالفة بالتفصيل
ميرا فاتحة عيونها على وسعهن: كيف ؟شلون؟ ومتى
شلون ينتحر عشاني واحنا ما صار بيننا شي
لا سلام ولا كلام
انا حدي مو مستوعبة !اعرف وايد حبوا بعض سنين و ما انتحروا عشان بعض
لحظة انا كلش مو مستوعبة خل اخذ شاور ونتغدى عقب عيديلي السالفة
راحوا تغدوا وردوا وقالت ختام السالفة حق ميرا

ميرا: انزين شالمطلوب؟
ختام: انتي شنووو كلش ماكو دم ..
اقولج الولد بيموت عشانج
ميرا بغرور:لاهو اول ولا اخر واحد
ختام: ميروه مو وقتج
يبونج تزوينه
ميرا: من صجج انتي ؟
ختام : ايه من صجي
ميرا: شلون اروح ؟ وش بيقولوا عني؟ عيب اصلا
لو ان احبه ما عندي مشكلة اروح
بس ما بيني وبينه شي وشكله يا دوب اذكره
شلون اروح !؟
ختام: الولد فغيبوبة وبتروحين فوق اهله مو موجودين
ميرا :اممم شوفي احنا بننطر اسبوع اذا ما صحى بفكر اروحله


فهل ايام ميرا كل يوم كانت تسأل عن حالة فواز وتتطمن عليه
فنهاية الاسبوع صحى فواز
ومن صحى وهو مو راضي يحاكي لا امه ولا خالته ولا بنت خالته
بعد يومين .. سالت وردة : يمه بترضين تزوجينه؟
ام فواز: لا طبعا
وردة :بس انتي قلتي لا صحى بسوي كل اللي يبيه
ام فواز : انا متى !!

وصل خبر حق ميرا ان فواز صحى من الغيبوبة
ختام: بتروحين؟
ميرا: لا طبعا مستحيل كنت موافقة ع الفكرة لان هو فغيبوبة لكن احين صاحي نوواي اروح
ختام :شاقول لهم؟
ميرا: اممم سمعي قوليلهم ميرا سافرت لندن تتشرى حق عرس بنت خالتي
يكون بهل وقت يكون هو طلع من المستشفى .. بعدها ممكن اقابله بمكان عام
ختام: رايج؟
ميرا: ايه طبعا لان مو حلوة اروح هناك واهله كلهم موجودين
ختام:اوك

خاتم كانت توصل الكلام لمرام ومرام توصله لسمر
الاهل كلهم مستانسين بقومة فواز
وصل خبر لفواز انه ميرا صار عندها خبربسالفته وحبه اللي من اول نظرة
وشلون هي ملكته كل احاسيسه بنظرة


يوم الثلاثاء المغرب

فواز واخوه فراس بروحهم فغرفة فواز فالمستشفى
دشت مرام
فواز: ها شقالت بتيي؟
مرام:قلتلها قالت اختها انها مسافرة لندن يوم الجمعة
فواز: مساافرة !!
مرام: ايه قالت عندهم عرس او شي جذي
فواز: سلمي عليها وسأليهم اي طيران رايحين ؟واي ساعة
فراس:فوازوه شيدور فبالك؟؟؟
فواز: دامها رايحة لندن اكيد بروح وراها كيف اكون فدار اهيا ما فيها
فراس: اصلا كيف بيرضى الدكتور يطلعك؟ وانت صارلك اسبوع بس صاحي منالغيبوبة؟
ووش بتقول لامي وابوي؟
فواز: خلي كل شي علي

مرام قالت حق ختام الكلام اللي وصله فواز

ميرا استغربت من الاسئلة بس ما توقعت كلش انه بيسويها ويروح لندن
فواز راح للدكتور وعرض عليه مبلغ عشان يطلعه قبل موعده
الدكتور طلب 600 دينار عشان يطلعه
وقال انا ما اتحمل مسؤولية اي شي يصيرلك
فواز رضى
وقال لاهله انه مسافر يغير جو بعد اللي صار
سافروا فواز و فراس

يوم السبت
وصل خبر حق ميرا انه فواز سافر لندن عشانها
ميرا:ابيييه وهقة ! انا ما كنت ابي يصير جذي
مقصدي كان أعتذر من سالفة الروحة للمستشفى بطريقة غير مباشرة
ما توقعت يسوي جذي كلللش ! معقولة لهل درجة يبيني
ختام : ورطتي نفسج الحين
ميرا: انزين متى هو يرجع؟
ختام: مادري عنه بسأل مرام باجر فالمدرسة

فراس وفواز صارلهم يومين بلندن

امل(بنت خالة فواز): خالتي انا احب فواز وابيه من واحنا صغار خالتي امانة لا تخلينه يروح لغيري
ام فواز: حبيبتي لا تخافين فواز لج ما بيروح لغيرج
امل نزلت منها دمعة وفخاطرها تقول بخبث( انت لي يا فواز وحلالك كله لي ومو انا اللي ادش معركة واخسرها)
ام فواز تمت تفكر ولما رجعوا البيت
قالت حق ماجدة (اخت فواز الكبيرة) : سمعيني ابيج بعد يومين تدقين ع فراس وانتي تبجين
وتقولين له اني مت وخليهم يرجعون بتقرب طيارة
ماجدة : بققت عيونها يمه ليش؟؟
ام فواز: انا قلت فواز حق بنت خالته يعني حق بنت خالته
ماجدة:انزين يمه وبعدين؟
ام فواز: هني احنا بنكون مرتبين كل شي وبنحطه قدام الامر الواقع ويملجون هو وأمل على طول

الام جهزت كل شي
وأمل راحت واشترت فستان العرس
بعد يوميــن
ماجدة اتصلت ففراس وهي ميتة من البجي
ماجدة: اررررررجعوا انتوا السبب امي ماتت بسببكم !
فراس قال حق فواز وبنفس الحزة
فواز اتصل فشكرة الطيران
فوآز : آلو نبي تذكرتين فأقرب طيارة عندكم .........

يتبَعْْ ~

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

ابي كونتس ورايكم بنات:eh_s(9):

اسلوبي واضح؟؟؟ لكم؟؟؟ ولا ابسط؟؟؟

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

قَبل مكالمة ماجدة بيوم

كانوا أخوات فواز وزوجات اخوانهم قاعدين فالصالة
طول هل ايام ما كان يشغل عايلتهم غير سافة فواز اللي كاسر خاطرهم
ماجدة : بنات والله العظيم مو قادرة احس اني بقتل فواز باللي بسويه
وردة: انتي مينونة شلون ترضين تسوين جذي !
وئام:ماتوقعت ما عندج قلب لهل درجة !
ماجدة: انتوا مو فاهمين والله احد يقدر يقول حق امي لا ! بتموتني وبتدعي علي وانا ما اقدر اعصيها تبقى امي
وردة: انا بعلم فواز عن السالفة الصجية , حرام الولد قاعد يتعذب
تبونه يرتبط طول عمره فوحدة ما يبيها
سمر: تصدقون اموت واشوف هل بنية اللي ميت فواز عليها
مرام نقززت : عندي صورتها فلاب توب
كلهم : حلللللفي ! تكفين بنشوفها
راحت مرام جابت اللاب توب وفحته وطلعت لهم الصورة
مرام : هي اهيا اللي ع اليمين
لحظة صمت كلهم عينهم ع الصورة
وردة : شهل جمال !!! بصراحة انا ما الومه ع اللي قاعد يسويه
وئام: ما شاء الله عليها صج صج باربية
فاطمة: شوفوا شعرها تهقون هذا اكستنشن !
مرام: ههههههه اكتنشن فعينج شعرها بعد قولي خشمها وعيونها وبراطمها تركيب
سمر:ما اتوقعتها جذي الله يحفظها
فاطمة:احسهم صج لايقين ما شاء الله
وردة: انا بعلم فراس وفواز على اللي فراس امي واللي بيصير يصير

بعد ثواني دشت عليهم ام فواز
كانت الساعة 4 العصر
ام فواز : بنات ! شمقعدكم روحوا السوق اخذوا لكم نفانيف لعرس فواز
كلهم ساكتين ويطالعون فبعض
وردة: بس يمـه ....
ام فواز قاطعتها: لا بس ولا شي روحوا تجهزوا والحين بننزل السوق سوا

راحوا أخوات فواز وام فواز بس بدون الجناين
وردة كانت كلما دخلوا محل تقول ما عجبني شي
وباقي الخوات نفس الشي
ام فواز: بنات مو معقولة كل هل فساتين ما عجبوكم
وئام: يمه شاسوي اللي شكله حلو لونه مو حلو
ام فواز: ما يمدينا نروح دبي حق الدزاينرز
وردة لقها حجة: ايه يمه اجلوا العرس يكون يمدينا رحنا عند وليد عطالله او ايلي صعب ولا نسرين فقيه

وبعدها عناء ردوا البيت
فالصالة
نزلت سمر
قالت بمزاح: ليش رحتوا بدون ما تعلموني
ام فواز بكره: سوري بس ذكريني اوديج باجر سوق المباركية يمكن تلقين فستان يخب عليج
(ام فواز تكره كل جناينها وما تعاملهم عدل)
سمر طالعتها بنظرة لان قالت هل كلام قدام العايلة
سكتت وراحت غرفتها

اليوم الثاني
ماجد اتصلت
ماجدة: اررررررجعوا انتوا السبب امي ماتت بسببكم !
فراس قال حق فواز وبنفس الحزة
فواز اتصل فشكرة الطيران
فوآز : آلو نبي تذكرتين فأقرب طيارة عندكم .........
وردةركضت غرفتها واتصلت ففواز : فونه بيزي
اتصلت ففراس كان توه مسكر من ماجدة وفصدمة
وردة: فراس لا تصدق
فراس: اصدق شنو
وردة تاخذ نفس عميق وحكتله كل السالفة
فراس مصدوم : شلون ! وليش !
فراس يأشر لفواز سكر الفون
وحكوا السالفة كلها حق فواز
فواز كان واقف
من الصدمة قعد ع الارض ومثبت نظرة لمكان واحدة
فراس: فواز لا تسوي فنفسك جذي انت تعرف امي لا قالت شي مستحيييل لو البحر تغير لون امي ما تغير كلامه
لا تضيع نفسك و تضيعنا معاك
فواز ساكت :.......................
فراس: فواز لا تسوي فنفسك جذي خذ امل ولا تكبر السالفة
فواز هني دمعت عينه : انتوا ولا حد حاس فيني .. فحياتي كلها عمري ما قلتلها لا انتوا كنتوا تقولون بس انا دايما فحياتي ما عصيتها
ما جربتوا تحبون ما جربت تشوف فتاة احلامك تمر قدامك مثل الحلم اللي ما ودك تصحى منه
ما جربت تحب من اول نظرة
حسوا فيني
فراس افهمني
بسوي المستحيل عشان ميرا المستحييييييييل
فراس: حرام عليك قطعت قلبي ويحظنه
فواز : فراس امانة خليهم يرضون يزوجوني اياها اماااانة
فراس:طقه على ظهره قول ان شاء الله
فواز بعدما هدأ شوي
فراس: ها شقررت تسوي ؟
فواز: انا برد الديرة بس بروح اسكن ففندق بس لا تعلمون امي اني رجعت
فراس : اوك

حجزوآ تذاكر لبعد يومين
وقالوآ حق اهلهم انهم ما لقوا تذكرة اقرب
بس يمثلون على امهم وخالتهم انهم مصدقين سالفة وفاتها

ميرآ طول هل فترة تفكر .. هل موضوع شغل بالها وتفكيرها كله
ما توقعت انه في احد ممكن يمر عليها يحب بهل الطريقة
ومستعد يخسر حياته عشانها
نمنت انها ترتبط فيها مو عشان منصبه او فلوسه
بس يكفيها انه قاعد يضحي ويبيها بالحلال
كان ممكن انه يطلب رقمي ونكون فعلاقة
بس اهوا ما فكر جذي
يبيهآ كزوجة بالحلآل
معقولة فهل زمن في رياييل يتصرفون بهل طريقة !

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

ام فواز : خلاص انا حددت العرس يوم الخميس
الكل سكت محد قدر يقول انه معارض
يوم الاثنين رجع فواز وفراس من لندن

العايلة كانوا فالصالة
عبدالعزيز زلت لسانه: جماعة ما يصير احنا لازم نروح فواز فهيلتون
الكل طالعه مستغرب
ام فواز: فواز هني ! متى ! وليش احنا ما عندنا علم !
وردة ترددت: يمه فواز كان يبي يسوها مفاجئة حقك
ام فواز: والله ؟؟ فديته ادري فيه مستحيل يقولي لا
هذيك الحزة كل الاخوان كرهوا عزوز ع اللي سواه

وئام اتصلت ففراس: فراس ترا امي صارلها علم بوجودك فالديرة
فراس: انا الغلطان اللي قلتكم اننا راجعين
وئام: عبدالعزيز ما قصد هي زلة لسان
فراس: شاقول حق فواز ! ما اقدر عاد هل مرة صج بيسوي فنفسه شي !
وئام: انت اختار وقت مناسب وعلمه
فواز درى بالسالفة وقرر انه يرجع البيت
حس بخيبة امل
لانه يدري كل محاولاته فشلت !

ختام كانت تحاكي مرام فالفون
ختام : اوك بقولها على كل شي صار
مرام : تمام يلا بباي
ختام :باي حبيبتي

ختام: ميروووه تعالي ابيج فوق
ميرا:قاعدة اتابع مسلسل
ختام:تعاااالي سالفة ضرورية
ميرا راحت غرفة اختها تركض
ميرا: اكيد عن فواز شصار ؟؟
ختام : خلاص عرسه تحدد
ميرا بخيبة امل : صج؟ عاد انا ادري من يومي حظي عوي
شسوي ترا انا ما بيدي شي
الله يهنيهم

يوم الثلاثاء
مرام كانت فبيت اختها سمر
وفواز وفراس رجعوا البيت
مرام ونوف ونايلة وختام مسوي انفايت فنفس الاتصال ويسولفون
مر فواز وسمعها
فواز: تحاكين منو؟ ختام؟
مرام: شتبي؟؟؟؟
فواز: مرام بليز قوليها بكلمها
مرام:بنات لحظة
فواز: من فيكم ختام
الكل سكت
ختام: انا ختام ! من معاي
فواز: انا فواز
الكل : !!!!!!!!!!!!!!!
فواز: ميرا جنبك الحين؟؟
ختام: لا ميرا طالعة ليش؟
فواز: بقولج هل كلام وصليه لها حرف حرف .. انا اسف لان ما قدرت اتزوجها
نوف : يا الحقيييير شايف بنات الناس لعبة عندك
ختام و فواز سكتووا
نايلة: اييوا مسوي نفسك انت اللي منتحر عشانها والحين جاي تقول آسف
فواز بحرقة: المهم وصلي هل كلام حق ميرا وعطا الفون حق مرام

ميرآ كانت طالعة ويا أخوها محمد
ولما رجعت
ختام علمت ميرا بالسالفة
ميرآ : يمه هذا اللي بيموتني ليش يعتذر ترا ما صار بيننا شي
وبعدين انتوا ليش تسبونه الولد كان يبي يخطب وما صار نصيب كيف يعني يلعب !
المهم وصليله كلام قوليله ميرا تقول الله يهنيكم

فواز حزن لما اعرف انها قالت جذي بس ما كان بيده شي

يوم الاربعا المسآء
فواز كان نازل المطبخ ورجع وفيده كوب ماي
بنت خالته وخالته كانوا نايمين عندهم
وكان باب غرفة خالته شوي مفتوح
وهو يمر لفت نظره كلان بنت خالته صار عنده فضول يبي يعرف وش تقول
وقف وراه الباب
أمل: يعني الحين خلاص خطتنا نجحت وباخذ هل فواز
و اول ما اخذه بسممه وبورث كل فلوسه وممتلكاته
فواز مصدووم تمنى انه اللي سمعه مو صج
فلحظة غضب دفش الباب بقووة ودخل عليهم
وتم يهاوش امل
من صراخه كل اهل البيت واقفين عند باب غرفة الضيوف
دخلت ام فواز: شصاير ؟ ليش صوتكم واصل لبرا
فواز: خلي بنت اختج المصون تقولج ع السالفة
امل: تبككييي والله ما قصـ......
فواز قاطعها: بنت اختج هذي تبي تقتلني وتورثني
ام فواز: كييف !
فواز قال السالفة كلها
ام فواز : طلعوا برا بييتي ! انا اللي امنتكم وشفت فبنتج الزوجة المثالية لولدي
امل: خالتي انتي ما فاهمة شي !
ام فواز: انا اللي خليت بنت الناس اللي ولدي يبيها وامنتك
ام امل: استعيذي من الشيطان احنا خوات
ام فواز: اي خوات !تبون تذبحون ولد وتقولون اخوات
سمعيني العرس تكنسل
طلعووواا برااا بيتي

ام فواز من حرتها راحت غرفتها تنام
وفواز صج مقهور من اللي صار بس كان مرتاح ان ما بياخذها
ام فواز راحت تنام وما صحت خافوا عليها
دقوا الباب بعد ما فتحت
جابوا النجار عشان يشيل القفل
شال القفل
ولقوا الام نايمة ع السرير
يصحونها ولا قامت
خافوا عليها
ودوها المستشفى
الدكتور: انا اسف بس الوالدة صابتها جلطة
كل عيالها بجوا
الدكتور: سيد محمد(ابو فواز) ممكن اكلمك شوي؟
ابو فواز: اكيد تفضل
وراحوا المكتب
الدكتور: المريضة صابها جلطة فالدماغ
بس حطوا فبالكم اللي تصيبه جلطة فالدماغ
اذا عاشت مستحيل يعيش اكثر من شهر
او بيعيش مشلول
ابوا فواز: يعين هي بتموت بعد شهر
الدكتور: كل شي بيد رب العالمين
ابو فواز قرر يخبي السالفة عن عياله لان يدري انهم ما بيتحمول الصدمة
وفواز بيحس بالذنب

كانوا الكل فالمستشفى
ومـرت 6 ايآآم .....

يتبعْ~

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

اليـوم السآدس صحت ام فواز من الغيبوبة
الدكتور: الحمدالله صحة الوالدة الحين زينة
بس بصراحة ما اخبي عليك انا مش عارف اذا راح تطول
لو عاشت هذي من معجزة من رب العالمين
ابو فواز: نزل راسه وقال عسى خير

رخصوا الام من المستشفى
و ردت البيت

بعد يوميـن بليل
اخوان واخوات فواز كلهم قاعدين فالصالة يتابعون فيلم
الكل المندمج ويا الفيلم
نزلت ام فواز الصالة
وردة: يمه شفيج احسج مو على بعضج
ام فواز: ما فيني شي بس صدااااع فضييع
اسعد: يمه اكيد هذا من اثر الجلطة قومي نتطمن على صحتج
ام فواز: مابي قلتكم ما فيني شي
سكتوا
والكل اندمجوا ويا الفيلم
بعد نص
ام فواز: قولوا حق كل احد انا زعلته اني سامحته
وخلي اخوانكم اللي يدرسون برا يرجعون
واخواتكم اللي فبيت ازواجكم بعد هم يرجعون
وانا احبكم وسامحوني على كل شي سويته
وهم كل اعيالي اللي قالوا شي وزعلني انا سامحتهم
الاخوان خافوا وسكروا التلفزيون
وردة: يمه شفييج؟؟؟
ام فواز: ما فيني شي ليش سكرتوا التلفزيون
وشغلوا التلفزيون
بعد ربع ساعة
وردة الفتت لامها
شافتها مغمضة و ساندة على السوفا
وررردة صرررخت : يممممممه شفييج
وئام: يممممه
الكل ركض جنب الام
يصحونها وما تصحى
مشعل:يمه تكفيييين اصحي
جاس نبضها وشافه متوقف وطاح يبكي على ركبته
الكل بدا يبكي بحرررقة
مشعل : كللللللله منه ذبببحها
عبدالعزيز : الحيواااان مستحيل اخليييه
ركضوا مشعل وعبدالعزيز احمد (اخوان فواز) وماجدة
كل واحد فسيارته ركض لعند فواز
دقوا الباب بقوووووة
فواز اخترع قام وفتحه
طاااحوا فيه طق
حآول يقاوم بس ما قدر
لانه واحد وهم 3
فراس حاول يبعدهم بس ما قدر
طيحوه فالارض دشداشته قلبت حمرآ
وهو من الالم مو قادر يتكلم
فواز: ليـ ي ي ش كل هذا ؟ شسويت؟
ماجدة: امي مااتت والسبب انت وتبببكي
مشعل: عاندتها وحرقت قلبها مااتت من قهررهاا
ماجدة: لا مو هو السبب.. كل اللي صار بسبة العلة اللي حبها
فراس من الصدمة قعد
فواز: البنت مالها ش غ غل وعينه تدمع
راحوا اخوان فواز
وفراس مسك فواز وقعده ع القنفة
فراس بحزن : بروح اجيب ثلج و بلاستر

الحزن عم على عايلة فواز
*بنات سوري لاني راح اتكلم عن حرمة شخص ميت بس حسيت لازم اذكر هل شي عشان تشوفون آخرة الظالم*

صبآح اليوم الثاني

جات المغسلة عشان تغسل ام فواز
المغسلة لاحظت ان ام فواز وقت الغسيل وجهها قاعد يصير اسود
كل شوي يزيد السوآد ليما وصل لسواد الفحم
وبعد الغسيل المغسلة غسلت ايدها اكثر من 10 مرات عشان تتخلص من الريحة الكريهة فيدها
بعدها ودوآ المتوفية عند عيالها
اول ما كشفوآ عن وجهها كل البنات بكوا من صدمة ما شافوه
جنازة ام فواز كانت حييـل ثقيلة ما قدروا يشيلونها إلا الرجال

وقت الدفن نزل فواز و الشيخ وابو فواز القبر
اول ما نزل فواز جثة امه
لاحظ شي اسود جا على كفنها
من الخرعة كلهم طلعوا بسرعة
الشيخ : استغفر الله ادعوله بالمغفرة
ومر اول يوم عزا والكل مصدوم وحزين

ثاني يوم بالليـل الساعة
1:30
الكل نايم
بس فجاءة البيت كله صحى من صريخ وردة
ولما دخلوا عليها الغرفة
يهدوهآ
ما تتكلم
بس تبببكي من الياهل
لما هدت
ماجدة: يمه دودو شفيج حبيبتي؟؟
وردة تبكي: حلمت امي تحترق
الكل انصدم وعلى طول أمروا انه توزع صدقات على روح ام فواز

الله يرحمها ويغفرلهآ

يتبعْ~

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

HaAaDoOol قال:

روووووعه كممملي

أنقر للتوسيع...

حبيييبتي ثاانكس ع الدعم
:rerrerek:
وتحطين كومنت مو تتابعين خلف الكواليس ههههههه

ضحية أحلامي قال:

تمَنيتك حلآلي..اثاريك حلْم وتبَعثر
سوسو موضوع القصة عذآآآآآآآآآآآآآآب
اهم شي ماتكونين انتٍ ميرا صدق قلبي يتقطع وابكي
ما اتحمل ،،
عاد اليوم كنت ناويه ابحث بالنت عن قصص حب مثل هيك واقراها تدرين فاضيه الحين
احب اقراها ..
فديتك رووووعه ويبي لها طولة بااااااااال وبكره بكملها يـ ع ـــمري ..

أنقر للتوسيع...

فديييييتج وايد استانست لما شفت ردج
ولو ع البجي ترا لسآآ ا صار شي
لا خلصت الستوري بعلمج منو ميرا
اهم شي خليج متابعة وبستانس لا شفت توقعااتكم فالستوووري

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

اليوم الثآني بالمدرسة
ختام : الله يرحمها ويغفرلهآ كسرت خآطري
مرام: اهي الله يرحمهآ حتى الصدقة اللي كان يوزعهآ ابو فواز منعتها عن الفقارى
لا تنسين توصلين خبر حق ميرآ
ختام : اوك
مرآم: تعالي العزآ انتي ونوف ونايلة
ختام: ان شاء الله بقول حق امي

وصـل خبر حق ميرآ انه ام فواز توفت
هي حزنت عليها وعلى الطريقة اللي توفت فيهآ
بس نوعآ ما ارتاحت لانه اللي العقبة واقفة قدام زواجهآ من فواز انزآحت
ختام: بتروحين تعزين؟
ميرآ: لا اخاف يشوفوني ويعرفون منو انا ويقطون علي كلمة
دآم ولدهم ما رحموه بيرحموني انا !
بس ختوووم ابيجج فطلب تكفيين
ختام: شنو
ميرآ: قولي تم بالاول
ختام: قولي شنو بالاول بعدهآ بقرر
ميرآ: انتي ورفيجاتج بتروحون العزا صح؟
ختام: ايه وبعدين
ميرآ: امانة جيبوا لي صورته
ختام: شللون !
ميرآ: تصرفوا اكيد بتلقون له صور فالبيت صوروا اي صورة تلقونها
اهم شي هو ما يحس
ختام: بحآآول
ميرآ: ختووم لا تذليني عاااد
ختام: انزيييييين

يوم الجمعة نايلة ونوف راحوا العزا .. بس ختام راحت عليها نومة وما راحت العزآ
وبدوا يفكرون شلون يقدرون ياخذون صورة حق فوآز
دخلوآ العزا
وقعدوآ ويا مرآم فالمجلس مع الحريم
بس بعدين صعدوآ المجلس اللي فوق ما كان فيه احد
مرآم قعدتهم فغرفة الضيوف
وقآموا يطالون تلفزيون و يسولفون
وبعديـن فجأءة دخل عليهم فواز
نوف ونايلة ما شالوا عينهم من عليه من جماله
فواز: اسف ما كنت ادري عندج بنات
مرام: عادي عادي دش
هذول رفيجاتي نوف ونايلة
فواز: انتوا اللي كلمتكم فالفون؟؟
نوف ونايلة قلبوا ألوان
نوف: لا والله اسفة انا ما قصدت
فواز بابتسامة: لاعادي حصل خير
وين ختام ما جت معكم؟؟
نايلة: لا
فواز: اها يلا اخليكم خذوا راحتكم

نايلة: مرامو ابي الحمام
مرام: طلعي من الغرفة وخذي يمين اخر الممر
نايلة : تمام
اول ما طلعت شافت فواز بآخر الدرج
حاولت تصوره بس ترددت وكملت طريقهآ
واحت الحمام(عزكم الله) ورجعت الغرفة

مرآم:يلا بنات انا بنزل شوي برجعلكم بعد ساعة خذوا راحتكم البيت بيتكم
لان محد يصعد لهل طابق بهل حزة
نايلة ونوف استغلوا هل فرصة وراحوا يدورون غرفة فواز
عرفوهآ لان مرام كانت تسولف لهم عن فواز وغرفته وانه يكتب مذكرات
عن ميرآ
لقوآ الغرفة
دخلوا وسكروا الباب
اتجهوا على طول للدرسنج روم(غرفة التبديل)
شآفوا جدار المقابل كل مليان صور فوآز من هو كان صغير
استاانسوآ لان لقوا ظالتهم بكل سهولة
نايلة طلعت فونهآ عشان تصور احلى صورة
نوف: لا لا تصورين خل ناخذ الصور فالطبيعة احسن
نايلة: رايج؟؟؟
نوف: ايه طبعا
نوف تأشر ع الصور: اخذي هذي وهذي
نايلة شالتهم : بس؟
نوف: كل الصور حللللوة اخذي هذي وهذي بعد
لحد مآ صاروا 11 صور يعني بسرعة بيفقدهم لان الفرق وآآآآضح
نوف راحت تدور مذكرات فواز
لقتها بكمدينة السرير
اول ما تسكر درج الكمدينة

يدخـل فوآز ...

يتبعْ~

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

بعَد عُمري كلـــكم والله

تآبعوني
وان شاء الله ما اتأخر عليهم

آحبكم
المشآهدات 129
الحمدالله
اللي خلْف الكوآليس
يكفيني انكم تتآبعوني 3>

رد: ◦●◦ تمَنيتك حلآلي..اثاريك حلْم وتبَعثر/ قصة واقعية% ◦●◦

* ملاحظة : بنات ترا نوف ونايلة وختام عمرهم 12 سنة*

فوآز كان رايح غرفته يَبي يبدل ثيآبه
آول ما فتح البآب
المذكرة كانت بايد نوف
من الخرعة نوف دخلت على طول تحت السرير
ونايلة كانت بالدرسنج روم
لما سمعت صوت البآب على بالها ان نوف مشت عنها
لكن فجأة تسمع صوت فوآز
فوآز: مـين ؟؟ في آحد فالغرفة ؟
ويدوور: مرآم انتي هني؟
نايلة احتاست فكرت تدش الحمام بس ترددت ودخلت اختبت فالكبت
ما سمع رد
رآح يشلح ساعته وحطها ع الكمدينة
شاف درج الكمدينة شبة مسكر
فتحه
مآ لقى المذكرة .. بهل حزو استخخــف
تم يدور ويدور ويدور
رآح الدرسنج عشآن يدور فالكبت شآف الصور مو موجودة فالفريمآت
عاد هني صج استخف رسمي
بنفس اللحظة
تدش مرآم غرفته : فوآآز شفت نايلة ونوف؟؟؟؟؟!
فوآز بدون لا يرد على طول سألها: مرآم انتي اللي ماخذة صوري؟؟؟
مرآم: اي صور
فوآز: مذكرتي بعد كم مرة اقولج ما احب احد يمس مذكرتي !!!
مرآم: والله العظيم ما اخذتهم
فوآز: انزين يمكن نزلوآ تحت ولا ضاعوا فالبيت( البيت قصر )
مرآم: انزين تعال معاي ندورهم
فوآز: اوك يلا
ورآحوا يدورون تحت وفالطابق الارضي و طابق السيارات
أول ما طلعوآ
نوف بخوف وصوت متقطع: ن ن نـا ييلة وينج !
نايلة: تحت السرير ي الهبلة
طلعوآ بسسسرعة ورجعوآ كل شي مُكانه
الصور والمذكرة
ورجعوآ ركض لغرفة الضيوف اللي كآنوا فيها
وشغلوآ التلفزيون وجعدوآ
بعد شوي دشت مرآم الغرفة
مرآم: انتوآ هني ! وانا صآرلي ساعة ادوركم !
نوف : ها ! ايه احنا هني صارلنا ساعة ناطرينج
مرآم: اوك يلا انا بقول حق فوآز اني لقيتكم

فوآز لما دش غرفته استغرب لقى كل شي مكانه
دخلت مرآم الغرفة: فوآزو خلاص لقيتهم
فوآز: غريبة كل شي رد لما كان ! حتى الصور تهقين ميرآ مطرشتهم !؟
مرآم: لا رفيجاتي واعرفهم مستحيل يسوونهآ
فوآز: عيل شلون تفسرين السالفة !
مرآم: ماادري عنك انا رايحة عند البنات

عند نايلة ونوف
نايلة: تهقين شكوا فينا ؟؟؟
نوف:سكتي بروحي خايفة ما دري لا تسأليني عن شي
نايلة : اللي قاهرني طلعنا بدون ولا صورة !
نوف: سمعيني لا تقولين نرجع غرفته !
انا ما بروح مكان !
نايلة: يمه منج من يومج خواااافة

بعد شوي دخل فوآز
طالعهم ورفع حاجب: بنات وين كنتوآ ؟؟
بنفس اللحظة
نوف : فوق / نآيلة : تحت
فوآز: فوق ولا تحت !
نوف: @__@
نايلة: ها احنا كنا تحت رحنا شربنا ماي وتمشينا شوي فالبيت وردينا فوق
ونوف حآولت ترقع السأآلفة : ايه ما شاء الله بيتكم واايد حلو وكبير
نايلة شبكت معآاها: ايه عندكم لامبرغيني بعد خذنا لفة فيها
فوآز: ههههههههه انا لاهي ويا العزا مرة ثانية ان شاء الله
وطلعْ

نوف ونايلة يعدون الدقايق عشان يطلعون من بيت اهل فوآز من الفشلة
وهم نازلين فالاصنصير بدل لا يضغطون 1 ضغطوا g
فجآة لقوآ نفسهم فطآبق السيارات
نوف: نيووول طالعة الفراري
نايلة: لا لا طالعي الروز رايس غرررآآآمي
نوف: تهقين اللمبرغيني الصفرا مالت منو الخضَرا مالت منو ؟؟
نايلة : مووو وقتج خل نروح السايق ينطرنا برا
نوف: لا لا نيوول تكفين صوريني يم الفراري
وتموآ يصورون ويآ السيارات ونسوآ نفسهم
فجأءة يدخل عليهم سايق اهل فوآز
الهندي: ميين انتا ! ووش يسوي هني !
نوف ونايلة فاتحات عيونهم وساكتات
الهندي: يلاااا روحح يلااا الحين انا يعلم بابا سالم
ركضوآ للأصنصير
نايلة: شفتي آخرتها حتى الهندي يطردنا
نوف: وااااي قهرني ويقول لنا يلاااا بعد !
وبعدهآ رآحوا وسلموا على اهل فواز ومرآم
ورجعوآ البيت

فالتلفـون/
نآيلة : كله بسببج يال الخآآآآيسة الحمدالله يا رب الحمدالله ما كشفنا
ولا عاد حنا الحين فخبر كان
ختام: غبيات كل اللي صار وطلعتوا بدون صورة !
احين ميروه بتهاوشني وبتهاوشكم
نآيلة: تووووبة توووبة اسمع كلامج مرة ثانية
ختام: تستااااهلين هههههههههههههه
نآيلة: يلا قلبي ويييييهج من الصبح صاحية بروح انام
ختام: وييعة نوم العوافي
نايلة: توجعج الله يعافيج

العصر

ميرآ : ها وين الصورة
ختام: الغبيات ما جابوهآ
ميرآ : ليييش شصااار ؟
ختام حكتلها السالفة بالتفصيل
ميرآ: ابيييييييييييييه فضحووووني !
الغبيات انا قلتلهم صوروا الصورة بس عشان ما يحس او يفقدهم
رآحوا وجابوا 11 صورة ما قصروا بصراحة ههههههههه
قصيييتوآ ويهي !
ختام: حرام عليج هم حآولوا ع الاقل
ميرآ:خلاص طااف امري لله مالي نصيب فالصورة
يلا انا طالعة ويآ سآروه

سارة*رفيجة ميرآ روح بالروح* بنفس الكلية بس تخصص تجارة
(بيضـة وجميلة وملامحها كشميرية)

كانوآ قاعدين بشوكلت بآر
ميرآ تحكي حق سآرة السالفة
سآرة: ابيييه ميروه هذا ولا مسلسل بين الماضي والحب !
ميرآ: سكتي انا بروح حاسة روحي فسلسل
سآرة: شفتي شسويتي فمعجبينج ههههههههه
ميرآ: خفييي علينا يا انا هههههههه
سآرة: ميروه بقول شغلة بس لا تطالعين الحين
الطآولة اللي ورانا
فيهآ 3 معآنا بالكلية
اللي لابس قميص البربري من يوم ما قعدنا ما شال عينه من عليج
ميرآ: ويييه هذا مشاري
سارة: مشاري كان معاي بكلاس الانجلش بيزكس
ميرآ: اييييه وانا اقول وين شايفته
سآرة:شكله كيووووت
ميرآ: مأذيني كل مكان اشوفه حقريييه اقوى شي
سآرة: ما علينا اهم شي شصآير على ..............
وتموآ يسولفون

وهم طالعين للسيارات
مشآري لحقهم
مشآري ينادري: ميرآ ميرآآآآ
ميرآ التفتت : هلا مشاري شبغيت؟؟؟
مشآري يطالع بعيونها وهو ساكت
ميرآ: نعم ؟؟ شفيك؟؟
مشآري:انتي اجمل بنت شفتها فحيآتي
ميرآ: مشآري لو سمحت قول شعندك؟
مشآري: ممكن اكلمج فوضوع خاص؟؟؟
ميرآ: تفضل عادي هذي رفيجتي سارة ما اخبي عنها شي
مشآري: ممكن نقعد فمُكان
ميرآ: خلصني قول شتبي الحين
مشآري: ميرا حرام عليج انا احبج
ميرآ: انزين وبعدين؟
مشآري تكفين عطيني فرصة
ميرآ عطته ظهر جت تبي تفتح باب السيارة
مشآري: احااجيج تعطيني ظهر !
ميرآ: لو تبيني تعالي بيت اهلي غير هل كلام ما عندي
وركبت السيارة ورآحوا

فالْسيارة
سارة: ميمي حرام حليج تسوين فالولد جذي
ميرا: خليه عشان يتأدب صارله 7 شهور لاحقني وكل مرة ارده وهم ما يتوب
سآرة:شلي مو عاجبج فيه يههههبل وجنتل
ميرا: والله لو يبيني يجيني عند اهلي غير هل كلام ما عندي
وسكري ع الموضوع مالي خلقه هل مليق
سارة: هههههه زين



يتبعْ~