- إنضم
- 29 سبتمبر 2004
- المشاركات
- 16,616
- مستوى التفاعل
- 1
- النقاط
- 38
حق اللي اسألوني طريقة تفريز البيتزا وراح اقولكم بعد طريقة تفريز صوص البيتزا
اول شي البيتزا
=========
تسوين البيتزا بنفس الطريقة
سويت نوعين بالخضار ومارغريتا
ندخلهم الفرن تستوي سوى كامل
نطلعها من الفرن وننطرها لما تبرد
عقب نقصصها مثلثات وانييب ماعون قصدير نحط مثلثات البيتزا ونحط فوقهم ورق اللي نلف فيها السندويشات ونرد نحط بيتزا لما تخلص الكمية .... بهالطريقة شوفي الصورة
هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 600x803 و مساحتها 76كيلوبايت.
هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 600x803 و مساحتها 99كيلوبايت.
عقب نسكره عدل ونحط عليه التاريخ وبالفريزر
لما انيي نبي نسوي البيتزا فيه طريقتين
بالمكرويف او بالفرن
اذا بالمكرويف تطلعينها على طول على حسب جم قطعة تبين وتخلينها لمدة دقيقة بالمكرويف وتمتعي بأحلى بيتزا جنج توج مسويتها ...
واذا بالفرن
تطلعينها لما يفج الثلج وعقب تدخلينها الفرن لما تسخن بس وبالعافية ...
وفي طريقة ثانية للتفريز ممكن تسوين البيتزا وتغليفنها عدل بدون لا تدخلينها الفرن وتحطينها بالفريزر وقت اللي تبين تسوين تطلعينها امبجر وتنطرين لما يفج الثلج وعقب تحطينها بالفرن لما تستوي ....
صوص البيتزا
=========
تسوين الصوص وتحطينه بعلب خاصه بالمكرويف انا اخذهم من شويخ وتنطرين الصوص لما برد وتكتبين عليه التاريخ وتحطينه بالفريزر ..
ولما تبين تستخدمين الصلصة تحطينها بالمكرويف من نص دقيقة لي دقيقة
وممكن اذا مو مستعيله تطلعينها امبجر لما يفج الثلج
واتمنى اكون افدتكم
اختكم دموع الكويت
