Part2
ريم تبجي بالسياره : يبااا ودني البيت حرام عليك انا امانه عندك يا يبا ..
طلال مو متحمل حنتها : قلت لج اسكتي لااقطج من السياره ..
ريم : اي قطني ولا اعيش عندك تكفى يبا وتنزل عند رجله وتبوسها .. : يبااااااااا ولييي يعافيكك يبا العيش عندك مو لمصلحتي
طلال يدزها ويمسك بطل من البطول الي عنده : اووووووووووووووووووووووه وبعدين معاج ( وجا بيطقها فيه بس مسكت البطل وردته )
ريم : خلاص يبا بسكت
الابو وصل للشقه الي هو ساكن فيها ودخل وقعدها بالغرفه ..
طلال : سمعيني زين .. انا مراح اسوي فيج شي ولا اخلي احد يسوي فيج شي .. بس انتي بتساعديني على اني اسوي شي
ريم خافت ومافهمت : شقصدك يبا .. ؟
طلال طلع لها فلوس : سمعي هالفلوس روحي الحين جيبي فيها ثلج وروحي الشقه الي بالدور الاول وقولي طلال يسلم عليك ويقول يبي 4 بارد .. وروحي جيبي لنا سيديات طرب .. انا كل الي اطرشهم اخاف يفتنون علي وبنتي حبيبي مراح تفتن علي
ريم نزلت راسها :: يبا ماقدر ..
طلال : نعممممممم !
ريم : قصدي ما ادل ..
طلال دلاها الاماكن .. وراحت بخطوتها المتكاسله تجيب له الاغراض الي طلبها ..
رجعت
طلال فتح الباب ويبوسها على خدها : فديت بنيتي الشطوره ( ويطالع الاغراض ) وبعصبيه : وين السيديات
ريم : مقفل
طلال : اوووووووهوووووووووو ( ويدزها لغرفتها )
ريم : يبا بنام تامرني على شي
طلال : لا شبي يعني
ريم راحت وقفلت عليها الباب من الخوف لانه تدري انه راح يكون في سكارا ولازم تحمي نفسها ..
................................................
في بيت ام جابر الساعه 1 الفجر ..
ام جابر قامت من النوم ولبست سماعتها عشان تسمع لانه مثل ماقلت لكم ام جابر صمخه .. ( الحمدلله والشكُر ) ..
ام جابر تصارخ بالبيت : جااااااااااااابر
جابر يروح لها : نعم يما
ام جابر : وين مرتك وعيالك ماشوفهم قاعدين
جابر : يما الله يهداج الساعه 1 الفجر يعني اكيد نايمين ..
ام جابر : هممممممممم وهذولي مايشبعون نوم وانتو ليه مارحتو بيتكم .. ؟!
جابر : افا يما ماتبينا .. ؟!
ام جابر : لا بس مستغربه انت كنت جاي زياره ومرتك جت ونامت هني مع عيالك .. شصاير .. ؟
جابر ما يبي يقولها عشان تهدي حصه : ماكو يما امها مسافره
ام جابر : اها زين تعالي عطني دواي ..
جابر راح جاب ابرة السكر وعطاها : يلا تصبحين على خير ..
ام جابر : وانت من اهل الخير
جابر : منتي نايمه ؟
ام جابر : لا بقعد اقرا قرآن وبنطر لي اذان الفجر وبصلي ..
جابر: عيل انا اخليج لا تصبحين على خير
وراح جابر ونام ..
عند حصه
مها : تعوذي من ابليس ياحصه بنتج دامها مع ابوها مافيها الا العافيه ولو كان سكران صدقيني
حصه : انتي مو فاهمه يا مها هذا ممكن يذبحها .. هذا مجنون والله مجنون .. بنتي مراح تسامحني طول عمرها .. احس قطعه من قلبي انشالت ..
مها حاسه فيها : ماعليه ذكري الله وادعيه انها ترد لج وصدقيني الله حكيم .. مو جابر قالج بس منتي راضيه تصدقين انه لو اشتكيتي بتتطلقين رحمة لبناتج الحين هو له حق عليهم بس بعد الطلاق ماله حق ..
حصه : ماقدر عقب هالعمر كله اشتكي عليه ماقدر ( وقاعد تبجي )
مها : لاحول ولا قوة الا بالله .. ( وضمتها )
حصه تبجي وتشاهق وراحت توضت وصلت ودعت ربها انها ترد لها ..
وحصه منومه عيالها بس صفاء بنت حصه ماتقدر تنام من بجي امها ..
مها شالت صفاء وخلتها تنام مع عيالها ونامو كلهم .. ورجعت لحصه
وقاعد تهديها بس حصه لا حياة لمن تنادي مو قاعد تسمعها بالها مع بنتها ..
>>>>>>>>>>>>>>>
الساعه صارت 2 وببيت طلال
ريم مو قادرة تنام تسمع صوت اغاني وطرب وصياح ورقص .. بالصاله .. وخافت تنام
سمعت احد يحاول يفتح الباب بس مو راضي ينفتح وقاعد يطقه ويطقه ومو راضي ينفتح
بعدين راح هالصوت ..
ريم قاعد تطل من الدريشه وتتذكر امها : ياربي شسوي انا الحين يارب .. انحاشش؟ بس صعبه
ااااااااااااه يما .. تكفين مشتاقه لشوفتح
بين يديك كبرت
وفي دفء قلبك احتميت
بين ضلوعك اختبأت
ومن عطائك ارتويت
أمي الغالية
خلق البحر ليعانق موجة الرمال والصخور..
تشرق الشمس..لتلف بدفئها الصحاري والبحور..
توجد الفراشات دائمأمع أرق الورود والزهور..
أماه يابحري .. وشمسي .. وباقة زهوري ..
أحتاجك دوما أحبك للأبد
ابنتك
..
وبعد مرور سنه من هالحادثه وبعد ماصار عمر ريم 13 سنه
في شقة ابو طلال
ريم راحت تطلع من البيت بتزور امها
طلال سمع خطواتها .. وبسكره : على وين
ريم : أ أ... ي ي بـآ .. بروح شوي اشم هوا وراجعه
طلال : ذلفي وياويلج ان مارديتي صدقيني بردج واذبح .. وطاح هالقنفه ..
ريم طلعت بسرعه واشرت للتاكسي يجي وياخذها
التاكسي وقف وركبت ودلته عنوان بيتهم
راح وطقت الباب محد يرد طقته ثلاث مرات
.... : خير اختي بشنو اقدر اساعدج ..
ريم : أ أ ... هذا مو بيت ام جابر
.........: لا ام جابر توفت واهلها الي ساكنين معاها غيرو سكنهم
ريم مصدومه : طيب ماتعرف وين بيتهم الجديد ..
........... : لا والله ماعرف
ريم : مشكور
: ............ حياج الله
راحت للتاكسي وقالت له يقطها اي مكان بعيد بس مو شقة ابوها
راح وداها مكان بعيد ومبين عليه فريج صغير واهله فقارا وعلى قدهم ..
راحت لقت لها نفس السوق مفتوح ومافيه شي فاضي
نزلت من التاكسي ..
التاكسي : وين فلوس .. ؟
ريم : ماعندي ..
التاكسي : ششنو ماعندي .. الا انتي في فلوس .. يبي يعطي انا فلوس ولا انا سوي تلفون حق شرطه .. ؟
ريم : قلت لك ماعندي فلوس من وين اجيب لك
ويرفعها من غولتها ويلزقها بالسياره ... : كذا انتي عصب انا ( ويطق راسها بالسياره )
مر واحد من عيال الفريج اسمه ناصر عمره 26 سنه ..
ويمسك الهندي من غولتها ويدزه : مجنووون انت ؟! شتبي ؟ ليش تقها ؟
الهندي : ماما خلني انا وصل هي وماكو يعطي انا فلوس قول ماعندي
ناصر يطلع من بوكه 7 ويعطيه .. : يلا اذلف ولا اشوف رقعة وجهك
ناصر شاف وجهها اصفر ومبين تعبانه .. : امشي خليني اعطيج دواج لانه مبين انج تعبانه
ريم : بس انا مو تعبانه ..
ناصر : انا دكتور واعرف .. يلا امشي .. ويمسكها ويوديها لبيته المتواضع الي يعالج فيه المرضى .. هو غني ومن عايله غنيه بس يحب اعمال الخير وعشان جذي جا هني وساعدهم وببلاش ..
ناصر رفع رجلها عشان ينزل الدم لي راسها وعطاها ماي وخيار فيه ملح ...ورد وجهها ..
ريم : مشكور دكتور ماتقصر ..
ناصر : شكلج جديده هني ..
ريم منزله راسها : اي
ناصر : طيب محتاجه شي ناقصج شي .. ؟
ريم : لااء ..
ناصر : هممم بس مو مقتنع ..
ريم : مو لازم تقتنع قلت لك لاء ..
ناصر طلع من بوكه 300 .. : واذا احتجتي شي بعد قولي لي انا هني مكاني ..
ريم مااخذتهم ..
ناصر مسك ايدها وحط الفلوس
ريم منزله راسها : مشكور
ريم راحت بسرعه وشرت لها بيت صغير ب100 ..
وشرت لها اكل ب100 حق شهر ..
ونامت ..
اليوم الي ورا تذكرت انه ماعندها ملابس ..
راحت عند الدكتور ناصر ..
ريم : دكتور ..
ناصر بابتسامه : ناديني ناصر .. سمي ..
___________
عند شقة طلال :
طلال : اوهههههههو هذي وينها
ويركب سيارته متجه لبيت ام جابر وهو على امل انه يلاقها عندها بس مالقاها لانه البيت انباع وخاف يبلغ بالشرطه لانه راح يصيدونه ..
طلال : قلعتها باللي مايردها ...
بس وين بتروح مردي بلقاها واوريها الشغل العدل ..
_______ اسبانيا .. ______
حصه : خلاص يا صفاء عورتي قلبي بسسس ..
( كانت صفاء بتسوي عمليه لانه فيها التهاب بالرئه وساكنين باسبانيا صارلهم 8 شهور علاج )
مها : ذكري الله ..
حصه : لاااااااا اله الا الله .. طيب وريم ..
مها : عند ابوها اكيد خلاص انسيها وانسي انه عندج بنت اسمها ريم هالمجنون مراح يردها لو شنو ..
جابر : الله يهداج مها انتي من صجج يعني بنتها شلون تنساها .. الحين خليج من ريم دامها بخير اهم شي صفاء
مها : يلا اترخص بروح عند عيالي
وتروح مها للفندق عند عيالها
( ساره - عادل - نوره ونوف تؤام - سعود )
انتهى البارت بليز ابي تفاعل 
