تجارب البنات مع التاجرة ( ((غلاي)) )

روعة الأمومة قال:

مرحبا بنات :eh_s(17):

يعطييج الف عافيه "غلاي" يا عسل :eh_s(7):

انا خذيت خلطتج قبل يزمين و جربتها ادري يبيله وقت عشان تبين النتيجه بس مبدئيا خلطتج تونس و تحسين بنظافه و انج تبرقين

عاد انا صراحه سألت ريلي اول يوم جربتها قلتله مو حاس فيني شي فارق :d قاللي ممم جنج فتحتي شوي عن قبل جسمج صاير ابيض من قبل شمسويه :d

انشالله بستمر عليها وانشالله القى نتيجه احلى و اوضح

تسلمين حياتي :*

أنقر للتوسيع...

راقيه وجذابه قال:

����صباحكم ورد يا أغلا خوات ����

طبعـاً أغط فتره وأرد لكم بشي جديد ومفيد

الفتره الي راحت الله العالم بحالي لاكن الحمدلله عدت وكل شي رجع طبيعي اللهم لك الحمد

هالمره عنايتي خفيفه وحلوه وتونس ونتايج سريعه ...

أول شي أنا الحمدلله ماشاءالله جسمي ابيض لون واحد وبشهادت بعض العضوات فديتهم لمن شافوني بمعرض كويتيات

باروكة شعر
سيوره

وسألوني عن سر بياضي وعطيتهم عنايتي ماقبل العرس والحمدلله تزوجت وهذي بشرتي ولوني ماتغير ((الا)) هذي الا وراها علووووم

الا لمن حملت وشرف الكتكوت في بطني ربي يثبته ويكمل لي على خير يارب

1-
حاشني سمار برقبتي

2-
خطوط ورديه خفيفه بـ فخوذي

3-
سمار في المنطقه الي فوق منطقة المقعد الي تجي اخر الظهر اخر شي صار لونها اغمج من لون جسمي بشي بسيط اللهم لك الحمد

طبعاً انا مستمره على برنامج عنايه خاص بالحامل من حملت ولله الحمد وكل شي اوكي

قبل شهر ونص تقريباً وقفت عنايتي بجسمي لمدة اسبوع تقريباً لان مكوناتها واجد وتعبتني شوي لان انا فيني سوسه احوس واتحرك وما ارتاح عشان جذي تعبت شوي وقررت أسوي برنامج جديد وبديل للقديم في اخر شهرين لي من حملي بإذن الله وبنفس الوقت خفيف وبسيط ...

بسم الله نبدأ

أول شي سويته ..

جبت كريم زبدة الكاكاو ( ما استغني عنه )

كريم جليسوليد الأحمر

وحطيت عليهم نص فنجال زيت اللوز المر

وجبت 3 اقراص فيتامين سي و حطيتهم بـ قلاس الا ربع ماي وخليته يفور لين يشبع ، عقب كتيته على الكريمات المخلوطه وحطيته بعلبه بلاستيك وخليته بغرفة نومي

واذا خلصت سويت غيرها

أطلقت عليها خلطة رق رق للتفتيح والتبيض >> اهم شي تعابير وجهي طافتكم

وشريت

(( خلطة المعجزه الأفريقيه )) للعضوه ماي ورد

(( صابونية روعه )) من العضوه غلاي

(( كريم التفتيح والترطيب )) من العضوه راقيه وجذابه فديتها هالعضوه تهبل ماشاءالله عليها من كثر سوالفها لو تعكسون دلعها طلع قرقر عزالله صدق قرقر ��

المهم

والله يابنات روووعه روووعه شوي على شغلهم صج يستاهل وتسلم ايدهم ماي ورد وغلاي *على هالخلطات الأكثر من روووعه*

وهذا الجدول رتبته واتبعته بأنتظام ماشاءالله

يومياً أتسبح بصابونية غلاي ومن أول استعمال والله العظيم يابنات فرق صج فرق ، حطيت على رقبتي وكتوفي وصدري وظهري وفخوذي وسيقاني وخليتها 10 دقايق اشربتها البشره عقب كتيت ماي على جسمي وقعدت اتفرك بليفة الورده من بودي شوب حيل ناعمه ع الجلد

ولمن خلصت كانت النتيجه رووعه

الحين خلصنا من الصابونيه

طلعت تنشفت وحطيت ع فخوذي مكان الخطوط الورديه ( الخلطه الافريقيه ) وقعدت ادلكها لين تشربتها البشره ، أستخدمها باليوم 3 مرات

الحين خلطة رق رق الحلوه

أدهن فيها بطني وايدي وركبي وسيقاني وظهري ورقبتي وكفوف ايدي وكل مكان الا مكان الخطوط لان عليه كريم الخلطه الافريقيه

وبليل او ثاني يوم ارد اتسبح بالخلطه الصابونيه مره ثانيه وبعد السبوح أرد أعيد الي سويته

والحمدلله من استخدمت هالشغلات واستمريت عليها شفت نتايج ترظيني السمار الي برقبتي وبظهري خف بطريقه ملحوظه ماشاءالله تبارك الله

والخطوط الحمدلله كان لونها وردي قرب الحين ع الاختفاء اللهم لك الحمد والشكر

وبالأخير أدعولي الله يهون ويسهل ولادتي ويفرحني بجنيني يارب ويسخر لي زوجي

وجزاكم الله كل خير

تحياتي �� (( راقيـه وجذابـه )) ��

أنقر للتوسيع...