قطوتي ابي مساعده ><"

الحليب فيه حليب مخصص للقطاوه بالجمعيات و محلات الحيوانات .. بس تحطينلها مره وحده الصبح و بعدين بس حطيلها ماي
تكمل شهرين ونص شيلي الحليب عنها بس ماي ..

الوصخ الي من ورى بقطنه فيها ماي دافي مسحي الوصخ خفييف مو حيل
و المناقز و الركض والعض عاديي خليها تناقز وتركض

النوم خليهاا تنام وتقعد علا كيفها .. عطله ماوراكم شيء

آهيآ صغيره ف خلي الحليب مرتين بالليل و الصبح و الماي حطيه من الظهر لي المغرب ,
الاكل وكليها عيش او دجاج و خضره مسلوقه ليما تصير شهر و 3 اسابيع ..
و عادي تآكل بآي وقت .. اذا جاعت كلت واذا شبعانه ما تاكل عادي نفس الانسان ..

السلام عليكم

حبيبتي القطوه الصغيره لازم 3 مرات باليوم تاكل

شوفي احسن شي حطي لها صحن خاص لها وخلي فيه الاكل
يعني الصبح حطي لها شويه وخليه لما تجوع بروحها راح تاكل
وخلي صحن الماي قريب من صحن الاكل فلما تاكل تشرب ماي
والحليب مره او مرتين في اليوم

هذا بالنسبه للاكل


اما الوسخ

طبعا انتي عندك الليتر بوكس (التراب الخاص للقطط)
فاذا كانت قطوتج جديده ولسه شاريتها
فلازم تتعلم وين مكان التراب
ولان المكان متغير عليها فما راح تعرف وين الراب

فانتي دايما اخذيها وحطيها على التراب اكثر من مره حتى لو ما تبي تعملها
يعني وهي تلعب معاكي اخذيها وحطيها مكان التراب
لما تاكل علي طول وديها وحطيها علي التراب
وهكذا
يعني راح تتعبين معاها يومين وبعدين راح تتعود وتعملها في المكان الصحيح

وبالنسبه للنوم
ممكن ان المده لازم تنام 12 ساعه مع ان هذي مو قاعدة
فاتوقع هي ما خذه حقها في النوم وزياده
يعني تلقينها الصبح تلعب شويه وبعدها تنام
ولما تاكل تتحرك شويه وبعدين تنام
الظهر تلقينها نامت لها ساعه ((قيلوله))
المغرب لعبت شويه ونامت شويه


يعني !!!!
لو تحسبين الــ 24 ساعه راح تلقين انها نامت الـ 12 ساعه اللي تقولين عليها


ماعليه طولت عليكي
وانشالله اكون افدتج

ااب

اذا وانتي بكرامهـ الوصخ لازق فيها من ورهـ هذا اسهال!!

نصيحهـ مني دام اهيا صغيره لا تعطينها وايد حليب !!
انا كنت اعطي حليب كامل الدسم حق قطوتي كان يسوي لها سهــال!!

عطيها أكل بسكــوت مال القطاوه !! لا تعطينها معلبات !! ومــاي بس
هالشـي ان شاء الله بيوخر السهال عنهـا

حبيبتي الحليب عطيها حليب خالي دسم وخففيه بماي
وانصحج تقطعين الحليب عنها
وعن تنظيف الي ورا اخذي قطنه بلليها ماي دافي وفركي المنطقه الي ورا عدل لما يروح او اخذي مناديل جونسون ونظفي
واذا فيها اسهال عطيها دوا كابتين يكون شراب تلقينه بصيدليه البشريه
واتمنى اكون فدتج بشي

خل اقولج من تجربتي انا لما يولدون عندي القطاوه لين عمر الشهرين و نص ما اخليهم يتجولون بالبيت على راحتهم لانهم مثل الاطفال يمكن يتعرضون لاشياء خطره بالبيت مثل ينصك عليهم الباب او ينحبسون ورا الاثاث او حتى. ينداس عليهم لان حركتهم وايد سريعه

غير انهم يتسلقون على الستاير و يطيحون الاغراض و مرات ينسون وين اللتر بوكس فيوصخون بالزاويه ههههههه

افضل شي تسوينه انج تخصصين لها قفص كبير و تجهزينه لها بصندوق التراب و اكلها و مايها و فرشتها و العابها و لا تحبسينها طول الوقت هل مكان بيكون مثل غرفه نومها و مكانها الخاص و حطي قفصها بمكان مو حيل بارد و مو حار يكون داخل البيت بغرفه المعيشه حتى تكون تحت عينج

و اذا وصخت من ورا و كان يابس اخذي لها مشط اسنانه وسيعه و مشطيها من ورا بخفه لما يطيح كل الوصخ و غسلي المشط اما لو كان الوصخ رخو فالله يعينج لازم تغسلينها من ورا بس اول شي قصصي اضافرها و زهبي لها الحمام فوطه خاصه تكون كبيره و شامبو جونسون و بروش الاستحمام الناعم من بودي شوب الابيض و سشوار برا الحمام

جيبي طشت صغير و ترسيه ماي دافي و صبي فيه شامبو جونسون و خلطيه
خلي قطوتج توقف داخله بحيث يلامس بس رجولها و المكان المتوصخ من ورا و استخدمي فرشاه بودي شوب الناعمه و فركيها شوي شوي لما تنظف
و شطفيها من الشامبو بنفس الطريقه و لفيها كلها بالفوطه حتى تهدا

وقت السشوار لازم احد يساعدج و يمسك لج السشوار من بعيد و انتي. تمسكين القطوه و تمشطينها لما تنشف ١٠٠٪ بعدين حبسيها بقفصها حتى تنشف نفسها و تاكدي قفصها يكون بمكان دافي حتى ما يحوشها هوا

الله يعيينج

آب آب آب آب آب

ييبي مقص و قصي الشعر الي حول فتحت الشرج<<(مكان الخروج)


وبودر الاطفال تقدرين تستخدمينه عليها مافي مشكله و على جسمها


و هي تنظف نفسها بللحس المنطقه


الحليب استخدمي حليب مخصص للقطط او حليب الاطفال تنزلين للصيديليه تقولين عطني حليب اطفال خالي من اللاكتوز

لا تستخدمين الحليب الخالي دسم << بالعكس الدسم مفيد لهم

الحليب البقري كله مضر لا تستخدمينه

ولا تنام على الارض خليها تنام على شرشف او شي دافي لان نومة الارض تسبب لها اسهال



و عادي انا قطوتي لما كانت كتنز كانت نفس جذي كنت اتوهق ما اعرف انظفها كنت اغسلها كل شوي ياحرام ههههه