البـــــــارت الثـــــــــاني
___________
نزلوا البنات تحت عند العمارة اللي ساكنين فيها كلها عرب ومسلمين عايشين فيها لان الشارع كله عرب وطلاب يدرسون في لندن ومشهور هالمكان بـ لندن بانه مكان للعرب
نادية : منى انتي وملاك روحوا بالتاكسي لجامعتكم وانا وفطوم بنروح مشي للجامعه
منـى : هيه
فاطمة : شنو هذي تروح بالسيارة واحنا مشي
نادية : فطوم يا قلبي عشان جامعتنا قريبة وهم بعيدة بعدين احنا مو اول مرة نروح مشي يالله قدامي
منى وهي تطلع لسانها لـ فاطمة : هههه تستاهلين
فاطمة : يا جعلج ان شاءالله .....
نادية وهي تقاطعها : استغفري ربج تدعين على اختج
فاطمة: استغفر الله ..... وراحت هي ونادية مشي وقابلوا بطريقهم ناصر
___________
ناصر : كويتي يدرس برا وهو يموت على نادية اللي مو معطيته وجه وتجذب عليه على اساس انها لبنانية تدرس بـ لندن عمره 24 سنه
_______________
ناصر : يا اهلين وسهلين بالامر < القمر >
نادية ياربي ما اعرف اتكلم لبناني عدل : اهلين فيك
فاطمة وهي تهمس لنادية : ههه طبخنا طبختيه يا الرقلة اكليه
نادية :جب ..... ناصر بدنا نروح للجامعه تامر على شي
ناصر : عادي اروح وياكم لان جامعتي هي جامعتكم
نادية وهذي البلوة : حياك معنا
فاطمة : هههههههههه
ناصر : شفيج
نادية : ما بها شي بس عم تتسلى
فاطمة الى الان وهي تضحك : ههههههه
ناصر : يالله امشوا معاي
وراحوا مع ناصر
_______________________
عند منى وفاطمة
منى وهي تتهاوش مع سايق التاكسي وتكلمه انجليزي : لماذا انت بخيل
ملاك : هههه الحين هو البخيل والا انتي عطي الريال الفلوس وخلينا نلحق على المحاضرة
منى : يا جعلك ما تتهنى فيهم
ملاك : هههههه ...... ونزلوا ودخلوا جامعتهم
نسيت اقول لكم يدرسون طب مع بعض ملاك السنةالاولى ومنى السنة الثانية
منى وهي تخز واحد :ملوك طالعي جسوم يخز فينا
ملاك : منووي عيب تخزين الريال بعدين تكلمي معاه لبناني كاهو قرب منا
منى : وليش لبناني
ملاك : نادية قالت لنا ان نتكلم مع الكل لبناني مو كويتي
منى : ملوك ليش ما تبون الكل يعرف ان احنا كويتين
ملاك : جذي بس بعدين تعرفين سكتي الحين كاهو جاسم قرب
جاسم : السلام عليكم
منى : خير
ملاك وهي تدف منى وبدلع : وعليكم السلام
جاسم : شلونكم
ملاك : نحنا منيح وانت
جاسم : انا بخير دامكم بخير انا اخو ناصر اكون
منى بهمس: وانا اشوف هالسخافة من وين
ملاك بهمس : سكتي لا تفضحينا
جاسم وهو يغمز لملاك : يالله انا رايح للمحاضرة تامرون على شي
ملاك : سلامتك ما بدنا شي
منى : هذا ما يستحي على وجه يغمز لج
ملاك : سكتي بس وامشي للمحاضرة .
______________
جاسم : اسمر طويل مجسم عيونه لونها اسود شعره بني طويل شوي عمره 23 سنه يكون اخو ناصر وتموت عليه ملاك .
___________________________________________
خلصوا البنات محاضرات ورجعوا للشقه ملاك ومنى نايمين ونادية وفاطمة قاعدين بالصالة يسولفون
نادية : والله اشتقت لخالي من زمان ما شفته
فاطمة: وانا بعد شرايج نتصل عليه
نادية : ما ادري بس هو حرص علينا ان ما نتصل عليه الا ااذا هو اتصل
فاطمة : والله هالسفرة احس انها غير عن كل مرة
نادية : الله يعين بس
________________________________________________________
نبعد عن ارض مدينه الضباب ونروح لدار كويت الخيـــــــــر
.......... : انت لازم تجيبهم غصب طيب لي يا حمد
حمد : جدي الله يهداك شلون غصب طيب
الجد : سو اللي تقدر عليه
حمد : ان شاءالله اللي اقدر عليه بسويه
الجد: فيك الخير يا ولدي
حمد : انا حطيت لهم احد يراقبهم وان شااءلله بكرة بسافر لهم
الجد : ومرتك
حمد : بخليها عند اهلها ليما ارد .......... وطلع
______
الجد متعب : يكون جد البنات وهو يحاول انه يجيب البنات عنده باي طريقة يكون من اغنى رجال الاعمال على المستوى العالمي قدر انه يثبت اسمه بين رجال الاعمال عمره 75 سنه
حمد : الولد المدلل للجد لانه يتيم توفوا امه وابوه اول ما كان عمره 5 سنين ورباه جده وما يرفض له طلب متزوج بنت عمه اريام مجبور عمره 25 سنه ابيض ووسيم بدرجه لافته عيونه ناعسة لونها بني رموشه كثيفه خشمه سله سيف شفايفه مليانة بشوي
__________________
حمد بعد ما خلص اجتماعه من جده صعد فوق لغرفته دخل الغرفه وتنهد : اااااه
اريام بدلع : شفيك عسى ما شر حبيبي
حمد : شوفي مالي خلقج بعدي عني احسن لج
اريام قربت منه وحطت ايدها على صدره : مالك خلقي حبيبي
حمد ارتبك من هالشي وبعصبية : بعدي عن طريقي
اريام حطت ايدها على رقبته : حبيبي مشتاقه لك
حمد : يوووووووه وبعد ايدها عنه .......... شوفي بدخل انام لا تحاولين اني يوم من اليوم بميل لج فاهمة
اريام : اقول حاصل لك انا اميل لك مالت عليك بس انت لو فيك خير جان طلقتني بس خايف من جدي لا يحرمك من الحلال
حمد عطاها كف وببرود : انتي طالق
اريام ابتسمت : واخيرا يا حمد
حمد دخل غرفته وقفل الباب وهو يتذكر صورة بنات عمه ومرت صورة بنت قدامه
حمد : ياربي هالبنت شقصتها شمعنى هي من خواتها اللي ما طلعت من بالي
__________
عند اريام جمعت اغراضها وراحت لفله اهلها اللي كانت جمب فله الجد
دخلت الفله وهو تتصنع البجي : اهي اهي
ام ناصر : شفييج ريوم تبجين
اريام بتصنع : طلقني يمه الحقير طلقني
ام ناصر حطت ايدها على قلبها : طلقج هذا ما يستحي على وجههه
اريام : يمه ما ابيه عفته يمه بس خلاص
ام ناصر : بس يمه روحي دارج وانا اقول لابوج
اريام : يمه لو يموت قدامي ما ارجع له
ام ناصر : يمه ما يصير جذي لازم ترجعين له شتبين الناس تقول
اريام : يمه ما اقدر ارجعله طلقني يمه
ام ناصر : الله يهديكم يمه
اريام وهو تضحك : ههههههه حسباله بموت عليه هالحقير
ام ناصر : مبين صاير سالفه كبيرة شمسويه
اريام : ما سويت شي وصعدت غرفتها
___________
بو ناصر : ثاني اكبر اخوانه من بعد وفاه اخوه الكبير بو حمد حنون على عياله لكن لما يقول الجد كلمة ما يرفضها حتى لو كانت بتدمر سعادة عياله عمره 50 سنه
ام ناصر : ما تحب الجد اللي يكون عمها ودائما تكون عكس قراراته عمرها 45 سنه
ناصر : اظن تعرفتوه عليه في لندن
جاسم : اظن تعرفتوا عليه بـ لندن
اريام : عمرها 23 سنه دلوعه ابوها تدرس ادارة اعمال تزوجت حمد مجبورة من جدها اللي قرر انهم يتزوجون
سمره عيونها كبيرة سوداء شفايفها صغيرة شعرها اسود طويل << بتكرهونها بالاحداث الجاية هع
_______________________________
نبتعد عن الكويت ونرجع لـــــ لندن وتحديدا في شقه البنات
منى : اقول ندووش شرايج بناصر اشوفه كم مرة وهو يتقرب منج
ملاك : هههههه أي صح
نادية قلب وجهها الوان : جب انتي ووياها استحي على وجههج
فاطمة : عاد لو شفتوا اليوم شسوينا فيه خليناه يمشي معانا مشي ليما الجامعه
منى : ههههههه يستاهل ما ينعطى وجه
ملاك : تعرفنا على اخوه جسوم اليوم
الكل طالعها ..........
نادية : قولي جاسم شمعنى جسوم
ملاك : أي المهم جاسم
منى : فطوم تخيلي نادية لـ ناصر السخيف وملاك لــــ جاسم او جسوم مثل ما تقوله ملاك
فاطمة : وانا وانتي لمنو
منى : انا ما ابي اتزوج
نادية : الله يرجج بس انتي ووياها قوموا ناموا بكرة وراكم جامعه
منى : نادية ودي اروح للشوبيق بكرة انا وملاك
نادية : لا بنات اخاف عليكم
منى : احنا شطولنا شعرضنا تخافين علينا لا تنسين ان احنا اللي ندافع عنكم كل مرة
نادية : اوكي بعد ما تخلصون محاضرات روحوا بس قبل الساعه 7 رادين للبيت سامعين
منى وهي تبوس نادية : فديتج
نادية : خلاص قومي عني بس
ملاك : بروح اجهز لبسي باااي
نادية : شوفي لبس قصير مافي
ملاك : تكفين ندوش
نادية : ما في والا مافي روحه
منى : خلاص ما في لبس قصير .....
ملاك : طيب .... وراحت للغرفه
________________________
وصل حمد لـــ لندن وقرر انه ياجر شقه قبال العمارة اللي ساكنين فيها البنات
دخل اغراضه ودخل عليه احد الحرس : الحمدالله على السلامة طويل العمر
حمد : الله يسلمك شلون الاوضاع يا ابراهيم
ابراهيم : مثل ما وصيت عليه ماشي
حمد : طيب انا طالع بروحي ما ابي احد معاي سامعين
ابراهيم :مثل ما تبي
_
حمد طلع ياخذ له جوله على المدينه
_____
عند منى وملاك بعد ما خلصوا محاضرات الساعه 4 طلعوا يتمشون ويروحون للشوبيق
ملاك كانت لابسة جينز وبلوزة رصاصية ورافعه شعرها كله فوق )
منى كانت لابسة جينز وبلوزة بيضة طويلة الاكمام
منى : ملوك شرايج نروح لـ ساعه بيغ بن من زمان ما مريتها
ملاك : ياااي وربي ملل هناك شتبين فيها
منى :طيب وين بنروح
ملاك : في حفله اليوم لـ ارون .......
منى : ارون بـ لندن
ملاك : أي شرايج نروح لها
منى : اوكي بس متى تبدا
ملاك بضيق : الساعه 9
منى : لا ما يصير جذي
ملاك : شوفي انتي تبين تشوفينه وتقعدين معاه
منى : شلون
ملاك : هو راح يجلس بغرفه قبل بداية الحفلة يعدل نفسه واحنا بندخل حق الغرفه هذي
منى : لا يبا شلنا بعوار الراس امشي نتمشى ونشوف الحفلة من برا
ملاك : انا بروح انتي كيفج
منى : طيب انا بنطرج براا
ملاك دخلت مع رجال ارون على اساس انها منظمة الحفله وقدرت توصل لارون وتصور معاه
اما منى : ااوف مليت كله ازعاج بروح الشارع الثاني احسن
منى وهي قاعده تمشي اصدمت بشخص وتتكلم كويتي : عمى ما تشوف
حمد رفع عيونه لها هذي كويتية : اسف ما شفتج
منى : انت كويتي
حمد : أي وانتي
منى : انا ..... أي كويتية وادرس برا قصدي ادرس هني بـ لندن
حمد : انا حمد وانتي
منى ما عرفت شتقول : اسمي نادية
حمد : اسمج حلو
منى : تسلم وجت بتروح بس حمد مسك ايدها : ياليت ما تروحين دامنا تعرفنا على بعض
منى : خيــــــر
حمد كان ما يقدر يتكلم من جمالها ( هذي نفس البنت اللي بالصورة واخيرا لقيتج ) : انا اسف بس انتي الخليجية او العربية الوحيدة اللي شفتج وانا مضيع صراحة وابيج تساعديني
منى : بتلقى ان شاءالله ممكن تبعد
حمد متجاهلها : صج في حفلة هني
منى : أي هذي حفلة لـ ارون .....
حمد وهو ما يعرفه : اوووه متى جااي لـ لندن
منى : تعرفه
حمد وهو متوهق : أي هذا من اكثر المغنين اللي احبهم واحب اسمع اغانيهم
منى : طيب شرايك ندخل للحفله
حمد : اوكي وانتي ليش ما دخلتي من اول
منى : صراحة ما اقدر ادخل الا لازم يكون عندي تذاكر
حمد : انا اقدر ادخلج شرايج
منى بفرح : شلون
حمد : امشي وانا اوريج
منى راحت مع حمد
حمد : خليج هني وانا راجع لج
منى باستغراب : طيب
حمد راح سوى تلفون ورجع لـمنى
حمد : تعالي دخلي
منى : شلون
حمد : ما عليج انا اعرف واحد ساعدني
منى : وناسة
حمد مسك ايد منى ودخل
منى منصدمة من حمد دخلوا للحفلة وزاد استغرابها من ملاك واقفه على المسرح وترقص مع ارون
منى بصوت واطي : الله يفضحج فضحتينا هين يا ملوك
حمد كان يدري ان اختها ترقص على المسرح : شوفي هذيك البنت شلون ترقص مبين عليها راقصة بارعه
منى : ها أي صح
حمد يعني تسوين نفسج ما تعرفينها : شرايج نصور مع ارون ونتعرف على هذي البنت
منى بخوف : لا انا بطلع من الحفلة ما ابيها
حمد بخبث : وانا بلحقج واجيب لج البنت لـ برا الحفلة شرايج
منى :لا انا برد للبيت باااااي .......... وطلعت برا الحفلة وهي تدعي على ملاك
ملاك جت لها وهي مستانسة : واااي منووي لو تدرين بالللي صار
منى وهي تمسكها من شعرها : انتي ما تستحين على وجهج ترقصين مع الريال
ملاك والدموع تجمعت بعيونها :والله ما كان قصدي هو سحبني وما كنت ادري اني على المسرح
منى : لا والله امشي الساعة 10 والحين خواتج بيذبحونا
ملاك : الا انتي شدرااج
منى قالت لـ ملاك سالفه حمد ........
ملاك : وتكلمتي معاه كويتي
منى : أي ......... ووصلوا للبيت ونادية زفتهم وعاقبتهم بـ انهم يروحون كل يوم للجامعه مشي ويردون مشي
___________________________
في يوم فاطمة طلعت تشتري لهم اكل ........ ؛؛؛؛؛؛؛والبنات منى وملاك نايمين
نادية قاعدة تنطر فاطمة اللي راحت تجيب لهم اكل
نادية وهي تتصل على فاطمة : فطوم لا تطولين ترا ميتين جوع
فاطمة : طيب بس ناطرة الطلب على ما يخلص
نادية : يالله باي انتبهي على نفسج
فاطمة : بايات
فاطمة من بعد ما سكرت التلفون اخذت الطلب وطلعت برا المطعم لكنها لاحظت ان احد يلحقها
فاطمة وهي تلف وراء : الله يستر هذا من اليوم وهو يلحقني خليني احاول اضيعه لا يعرف وين ساكنة
قاعدة تسرع بحركتها وتحاول انها تضيعه بين الناس لفت لوراء ما لقته وابتسمت وكملت طريقها ناحية الشقه
لكنه طلع قدامها ......
فاطمة خافت وحطت ايدها على قلبها لكنها بينت انها مو خايفه منه وتكلمه بالانجليزي : من انت
.............. : ههههههه انا جاك
فاطمة : أي جاك اسمح لي لا اعرفك
جاك : بل انا اعرفك يا فاطمة
فاطمة انصدمت انه يعرفها : هل تعرفني
جاك : نعم اعرفك واعرف اخواتك جيدا ً
فاطمة : كيف عرفتهم
جاك قرب منها : لماذا انتي خايفه هكذا
فاطمة : لو سمحت انا لا اعرفك ابتعد عن طريقي
جاك : لا يمكنني ان ابعد عن طريقك
فاطمة : ما الذي تريده مني
جاك : انا لست قاطع طريق مثل ما تعتقدين بل انا قادم من الكويت ومعي رساله لكم
فاطمة : من الكويت
جاك : نعم
فاطمة : من من الرساله
جاك : من جدك
فاطمة حطت ايدها على قلبها : لا نريد أي شي منه نحن ليس لدينا جد
جاك : انا قادم معك الى البيت لاعرض الرساله امام اخواتك
فاطمة : لن نقبل الرسالة لا منك ولا مني جدي ........ وراحت
______________
جاك اتصل على الجد وقاله السالفه .......
الجد : راقبهم وين ما يروحون يا حمد
حمد : ابشر يا جدي
الجد : ولا تقول لهم اسمك خليك جاك ليما يوثقون فيك
حمد : ابشر يا جد بس مبين عليهم محافظات وما يلقون وجه لاي احد وينخاف منهم
الجد : سو اللي تقدر عليه وابيهم عندي بالكويت غصب طيب
حمد : حاضر يا جد
الجد : ابيك بعد تاجر شقه قبالهم وتلحقهم وين ما يروحون لا يغيبون عن طريقك لو دقيقه وحدة
حمد : حاضر
الجد : مع السلامة
________________
فاطمة دخلت الشقة وهي مرتبكة :..........
نادية قامت لها : فطوم شفيج
فاطمة وهي تقعد : تخيلي منو اللي شفت مساع
نادية : منو
فاطمة : واحد من رجال جدي
نادية : شنو
فاطمة قالت السالفه لــ نادية :......
نادية : الله يستر شلون عرفوا مكانا
فاطمة : نادية بس شكله مو اجنبي
نادية : ما علينا منه اجنبي والا غيره جدي الله يرحمه كلم جدي ابو ابوي وراح لهم للكويت وجدي وعده انه ما يتعرض لنا بس كان شرطه ان ما نطب بارض الكويت لو شيصير وجدي وافق على الشي لكنه الحين خلفوا بالوعد بعد وفاه جدي
فاطمة : نادية خالي قالج سالفه امي وابوي صح
نادية : وانتي شكو مالج شغل
فاطمة : نادية احنا كبرنا ولازم نعرف القصة كلها
منى وملاك دخلوا عليهم : أي لازم
نادية : انتم من متى هني
منى : من اول ما دخلت فطوم
نادية : طيب سمعوني للاخر ولا تقاطعوني
ملاك : يالله
نادية :امي وابوي تعرفوا على بعض بـ لندن ابوي كان يكمل دراسته برا وامي كانت اصغر من ابوي بـ 4 سنين
امي كانت اخر سنه بالثانوية شافها ابوي صدفه وهي جايه مع خالي جانسون بالجامعه تعرف ابوي على خالي وصار معاه حيل ربع في يوم من الايام خالي عزم ابوي عنده بمزرعه جدي وابوي وافق انه يحضر راح للمزرعه وتعرف على جدتي وامي وجدي وحبوه حيل ابوي اعجب بامي وحابب انه يعبر عن اعجابه فيها وفعلا اعترف لامي وامي اعترفت لابوي انها كانت تحبه من اول ما شافته بالجامعه دخلت امي الجامعه ودرست مع ابوي وتخرج ابوي وقرر انه يرد للكويت وقال لامي هالشي اللي رفضته وزعلت عليه لكنها تفاجات من ابوي انه يتقدم لها بالزواج ووافقت امي وتزوجوا بـ لندن و قرر ابوي انه يرد للكويت مع امي رجعوا للكويت وابوي قال لجدي عن انه تزوج جدي قال له اذا يبيه انه يرضا عليه ويدخل البيت لازم يطلق امي لكن ابوي رفض وجدي طرد ابوي من البيت وقاله محروم عليه انه يدخل بيته ومحروم من الورث بعدها ابوي وامي ردوا لندن و جابوني وجابوا فطوم ومنووي وملووك وفي يوم من الايام ابوي كان عازم امي على عشاء برا وتركنا عند جدي لكنهم من اول ما تحركوا من قدام البيت جت لهم سيارة ودعمتهم تخيلي جت لهم سيارة ودخلت بسيارتهم وانحاشت الصدمة لنا ان السيارة اللي دعمتهم طلعت سالمة وما فيها أي خدش ...... ومسحت دموعها
منى : الله ياخذه جدي ليش قلبه ما فيه رحمة اكيد هو اللي كان مخطط للحادث
ملاك وهي تبجي : الله يحرق قلبه على عياله نفس ما حرق قلبنا على امي وابوي حرمنا منهم
فاطمة : والله ما اذكر امي وابوي
نادية وهي تمسح دموعها : بس بنات احنا لازم نكون ايد وحدة وما نخلي احد يفرقنا
منى : لازم ناخذ بثأر امي وابوي
فاطمة : شنو
ملاك : أي صح
نادية : انا قصدي ان احنا لازم نحمي نفسنا
منى : ونخلي ثار امي وابوي يروح ببلاش
ملاك : صح كلام منى المفروض ننتقم منهم
نادية : جب انتي ووياها ان سمعت هالحجي وربي لاقص لسانج انتي ووياها
فاطمة : بنات والله الدنيا تخوف تكفون ما نبي نفترق
نادية : ان شاءالله بنظل مع بعض لاخر وقت
منى قامت وهي معصبة ولحقتها ملاك .........
ملاك : شفيج منى
منى : احنا لازم ننتقم من جدي
ملاك : شلون
منى : بالاول لازم نشوف جــــــــــــاك
ملاك : وربي لا تذبحنا نادية
منى : ما عليج بكرة ما نروح للجامعه واكيد هو بيلحق البنات وانا بلحقه واعرف كل شي
ملاك : بس انا ما اقدر اغيب عن الجامعه
منى : طيب انتي روحي وانا بغيب
