تجمع لمعلمات الميداني ، تعالو نتبادل ونتشارك بالافكار وكل ماايهمنا ويخصنا..

هيللو كيتي · 12 سبتمبر 2012

الـسـلام عـلـيـكـم و رحـمـة الـلّـه و بـركـاتـه...

شلونكم ابـلات وشخباركم؟؟

اتمني بالتجمع الاقي تفاعل ونتشارگ مع بعض الافكار والمشاعر والاختيار والسوالف..
ونفيد ونستفيد من خبرات بعض والتجارب اللي نمر فيها..
وبما اننا جْدُدُ علي ساحة التدريس فاكيد مشاعرنا مختلطه ومحتارين .. فهني نفضفض..

و علي بركة الله نبتدي المشوار والله يرزقنا خيررر هالميداني ويكافينا شرة يارب .. اجمعين..

اولاآ:
اعرفكم بنفسي..

طالبة بكلية التربيه الاساسيه..
تخصص اسلاميه..

...:eh_s(17)::eh_s(17):*

هيللو كيتي · 12 سبتمبر 2012

هذي تواريخ للتربيه العمليه من بداية اول اجتماع لين نهاية الميداني علي خير يارب..



هيللو كيتي · 12 سبتمبر 2012

تجهيزاتي:

فصلت لي ٣ عبايات مع ملافعهم ..
واشتريت لي ٤ بدل .. ووقفت لان ناطرة اشوف اذا عادي البنطلونات او ممنوع.؟!
وجنطة وعزكم الله كعب ، وساعه اخذتهم من النمسا لمن سافرت ..
هذيل الشغلات النيووو اللي عندي...

والباجي موجود من زمان حمدالله..

وصراحه رفيجاتي اللي خذو ميداني قبلي قالو لي..[]

لاتفكرين تكشخين لان تعب وكراف ماراح ترتاحين بالبدل..
ولان كل شوي داش موجه عليج ..
ولان راح اروح الكليه بعد المدرسه لان عندي مواد بعد 

لكن شنسوي نحب الكشخه والزين 

...
وباجي اغراض القرطاسيه ماشتريت ولا شي منهم ..
لان ماعرف شنو يبيلي
كل الي اعرفه ابي اقلام / مغناطيس/ دفتر تحضير ..

وسلامتكم..
ويالله همتكم معاي لاا تخلوني بروحي 

ام حديجان · 12 سبتمبر 2012

مووضووعج جا بووقته

انا جامعة - تخصص انقلش

مداومين من امس وحدي ضاااااايعه

ماشاء الله عليكم تو الناس على دوامكم

مو احنا

المهم اليوم قعدنا مع رئيسة القسم و الموجهة وعطونا التعليمات و القوانين و النظام الخ

و يوم الاثنين في حفل استقبال حق اولى

راح نقعد اسبوعين مشاهدة للحصص

لي 30\9 بعدها يعطونا صف و نبدا ندرس

انا نفسج فكرت البس بدل بس استصعبتها

وراي محاضرات بكيفان

سحابة امل · 12 سبتمبر 2012

الله يووووفقكم حبوبااات

انا توني متخرررجه صيفي كلية التربية الاساسية تخصص تربية فنية

والحمدلله عدى على خير الميداني

بس جد كان تععععععب وماعندج وقت تكشخين

خصوصا احنا كنا تدريس صبيان ابتدائي

وشياااطين الله يصلحهمممم

بس ادعي ربج يسهل عليج وبغمضة عين تمر الايام

#الخشف# · 13 سبتمبر 2012

انا بعد الحمدلله تخرجت وعديت الميداني بسلام..

الكشخه مالها شغل ابدا بالكرف او بالتعب لانج تلبسين الصبح قبل لاتجين مو بالمدرسه فأرد واقول مالها شغل وحلاتها تكون لج طله ومميزه من كل النواحي..

انا واعوذ بالله من كلمة انا كنت ابددع واتفنتك واكرررف ومع هذا كنت مومقصره علا نفسي بالكشخه..

ترا الميداني فتره تهببببببببل ماهي معركه ولاشي بس كل شي على حسب شخصيتج انتي..انتي اللي تحددين..

هيللو كيتي · 13 سبتمبر 2012

ام حديجاان -----> الله يعطيج الصحه والعافيه يا رب..
ويسهل الميداني عليكم..

ماقلتي لنا تدرسين اي مرحله ،،؟؟
ومتي يخلص ميدانيكم؟؟ والله مدداومين مبجر حيل..
وعطينا التفاصيل اول بآول..

>>>>>>>>>>>>>>

سحابة امل ----> الف مبررروگ التخرج حبوبه..
وحمدالله انج تخرجتي ..
واتمني اتفيدنا باللي تعرفينه ..

>>>>>>>>>>>>>>>>>>>
الخشف-----> الله يعطيج العافيه ويحفظج يارب..
واللة مادري عن اللبس لان الكل يقول اول كم يوم وعقب يبدا الكراف،
بس انا حطيت فبالي البس بدل اول اسبوع وباجي الوقت ان شاءلله عبايات وعندي يومين بالاسبوع ماروح الكليه فاقدر البس بدل
لان صعبه اروح الكليه بلبس الدوام..

وان شاءلله نستفيد من خبراتج ..

وشنو تخصصج؟؟

وتشگرات

هيللو كيتي · 13 سبتمبر 2012

طيب حبوبات عندي اسئله مو تابعه للتدريس بس مهممه عندي..
الحين احنا راح نقعد مع المدرسات بالقسم ونصير منهم وفيهم..
شلون تتعاملون معاهم ؟
لان كل قسم اللي نعرفه ونسمعه يقطون قطية للجمعيه شهريا، و يتقهون ويحلون..
فهني احنا شنوو وضعنا كمعلمات ميداني!!

يعني اذا مثلا قلت لهم بقط معاكم هل راح يرضون ولا لا!

صراحه بعرف كل شي عشان لا انحرج معاهم والسبه اني غشيمة بهالمواضيع..
فيدونااا يا مجرربات بليزز..

بس انا اشهد اني راح اظبطهم بقهوتي والحلا.. لان صراحه ماصبر بدددونهم ..

تسوى عيووني · 13 سبتمبر 2012

انا الحمدالله توني تخرجت وخلصت الميداني اول يوم شوفوا رئيسة القسم تعطيكم غرفة لحالكم ولا مع المدرسات لانه حنا عطتنا غرفة لحالنا صف فاضي وعطونا اذا مع المدرسات شوفي مدرسة تكون من عمرج او قريبه من عمرج وساليها عن القطية وقولي انا مراح اكل الاا اذا اقط معاكم لانه فشله تقعدين ثلاث شهور ولا تدفعين او تسوين شي وهم راح يقولون لج يعطونج يوم مع رفيجاتج وصح ديربالج تسولفين للمدرسات شنو قالت لج رئيسة القسم او تقولين لرئيسة القسم شنو قالوا عنها لو شيء طيب وحتى اللي معاج بالميداني لاتسولفين عن رئيسة القسم شنو قالت لج لاتذمينها امدحيها انا الصراحه اللي معاي حرشت رئيسة القسم علي وقلبت علي حييييييل لدرجة اني قمت ابجي عند امي وصار على كل شي تعلق عليه انا رئيسة القسم كانت دقيقه حيل وكله تذم ولا تمدح بس تحملي عادي كله اللي تقوله لمصلحتج وكل ما قالت لج شي قولي صح كلامج وعدل مايحبون اللي تعاندهم واهم شي سلمي على الوكيلة والناظره لما تشوفينهم ترى يستانسون ويطوفون عنج التاخير واهم شي لاتسولفين واجد بس سلام لانه ترى الكلام بسرعه ينتشر في مجتمع المدرسة واذا عندج اي سؤال انا حاضره

قافلة الإباء · 13 سبتمبر 2012

السلام عليكم

بنات انا قبل سألت عن الميداني بس محد رد

الميداني بشنو يفيدنا ؟ ومتى راح يكون يعني اخر سنة بالجامعة واخر كورس ولا متى؟
واهما يختارولي المدرسة؟
واذا تخصصي متوسط\ثانوي انا اختار اي مرحلة ولا اهما؟
وجم صف يعطوني؟
والناظرة ورئيسة القسم راح يدشون علي ولا لا؟
وفي تقييم ولا لا ؟ وحق شنو؟

:eh_s(2):

وسامحوني وايد اسئلة شسوي ماعرف شي

:eh_s(2):

هيللو كيتي · 13 سبتمبر 2012

تسوووي عيووني------> حبيبتي والله تسلمممين ماقصررتي.. ومبررروك تخرررجج..
وكفيتي ووفيتي حبووبه..
وعدل كلامج لازم الوحدة تكون حذرة لان هذا مجال عمل والتنافس والغيرة بنكون موجودة اكيد..
وعذررا معلمات موو ذم فيكم لكن انا اتكلم عن جميع المجالات والتخصصات فيها الزبن والشين..
...

قافلة الاباء----> الميداني لااازم لاازم في كل التخصقات والكليات والمعاهد وكلن حسب تخصصه..
بس له شروط
انج تكونين معديه ١٠٠ وحدة ع ماعتقد..
ومخلصه المواد المسبقه .. هذيل كلن حسب تخصصه..

ولازم الناظرة والوكيله والمشرفه والموجهين كلهم يدشون غليج ..
سئلي البنات اللي معاج بالكليه او سئلي التسجيل عندكم ..
وان شالله افدتج..*

هيللو كيتي · 14 سبتمبر 2012

اااااااااااااب ااااااااب اااااااب

بنت الكويت90 · 14 سبتمبر 2012

مساااااااااااااااااااء الخييييييييييييييييييييييير

زين سويتووو تجمع لنا بنات التربيه الاساسيه

بناااااااااااااااااات شنو اول يوم اروح العديليه الساعه تسسسسسع؟؟؟ مافهمت شكو؟

اللي اعرفه الساعه عشر بقاعة اللقاءات تاريخ 24؟؟؟؟ صح ولا لازم اروح قبلها العديليه؟

واااي حدي خاااايفه مع اني جريئه بس مادري متتخووووفه من التحضير والشرح الله يستر بسس

بنت الكويت90 · 14 سبتمبر 2012

انا امس رحت الافنيووز شريتلي جنطه مااركة

وساعه هم ماركة

وانا عباياتي عندي واااجد طفحت منهم وكلهم جدد وكشخه ونصهم من الخبر خخخخ

بس بفصلي عباية وحده ..>>ولا مانرتاااح هههههه

ناويه اشتريها من الحلوة :$ هههههههه

وووو بشتريلي جم كعب ووالجناط عندي ملااييييييين مايحتاج حدي مسرفه كل شهر لازم اشتري

وانا تخصصي عربي

ام حديجان · 14 سبتمبر 2012

هيللو كيتي قال:
ام حديجاان -----> الله يعطيج الصحه والعافيه يا رب..
ويسهل الميداني عليكم..

ماقلتي لنا تدرسين اي مرحله ،،؟؟
ومتي يخلص ميدانيكم؟؟ والله مدداومين مبجر حيل..
وعطينا التفاصيل اول بآول..

[/color]

يا هلااا

يعافيج يارب وياج

انا انقلش ابتدائي و شكلي بدرس ثانية

اي والله مبجر

راح نحضر مشاهدة لي 30\9 وبعدين نمسك الصف

بس بشكل عام من تدشين المدرسة انتي معلمة رسمي

من ناحية الالتزام بالدوام

والغيابات

والاستئذان

يعني ما يعاملونج على انج طالبة تربية عملية

تدشين قبل 7:30 و توقعين

تطلعين 12:30 توقعين

و طبعا الوضع يختلف من مدرسة لثانية انتي و حظج

انا الادارة عندي شديدة أوووي

ام حديجان · 14 سبتمبر 2012

اي ونخلص 19\12

ام اللقافه · 14 سبتمبر 2012

السسسسلام عليكم
شلونكم ابلات

انا بكلية التربية الاساسيه
تخصص فنيه
منو مثلي ؟؟

احس اني متحمسه حق الدوام و نفس الوقت في خوف
ما عليه بالطول بالعرض بيقزر الكوس و بنتخرج ان شاء الله

بنت الكويت90 · 14 سبتمبر 2012

وعليكم السلاااااااااااام

انا تخصصي لغة عربيه

ومتحمسه بس خااايفه ومتوتره

والله يوفقنا يارب

هيللو كيتي · 15 سبتمبر 2012

هلااا والله بنت الكويت 90 حياج حبيبيتي..

لا عدل كلامج احنا الساعه 10 بقاعة اللقاءات ..
بس العديليه للبنين ..

انتبهي يا ابله من اولهاا ماافي تركيز ..

وعليج باااالعاافيه اللي اشترريتيه واللي عندج ..

اي والله صاجه كل شي مووجود بس نحب الخساير والتشري..

انا عكسج موو جريئه والخوف مسيطر علي اكثر من الحماس ..
والله يسترررر ويعدي الايام ع خير..

...................................................................................................................

هلا ام حديجان

تسلمين عالمعلومات والله يستر من هالادارت..

انا عندي حلقة بحث الساعه 1 يعني لازم 12 اطلع من المدرسه عشان الحق ان شاءلله ..

اي ريحونا اول 10 ايام وانتو داومتو ..
بس راح يعطلون فيكم قبلنا ..

.........،،،،،،،،،،،،،،،،،،،،؛؛؛،؛،؛؛،،،،،،؛؛؛؛؛؛؛؛؛؛:؛..............................:::

ام االلقاااافه حياج ياقلبي معاناا..

والله يسهل علينا يارب هالفترة ..

#الخشف# · 15 سبتمبر 2012

صباااح الخير..

رجعت لكم من جديد

انا خريجة جامعة الكويت تخصص دراسات اسلامية..

الميداني كنت بالمتوسطه..
اي استفسار عندكم لايردكم الا كيبوردكم..

لي رجعه عالموضوع...موفقين

تجمع لمعلمات الميداني ، تعالو نتبادل ونتشارك بالافكار وكل ماايهمنا ويخصنا..

New member

New member

New member

*مساعدة مشرفات قسم طالبات كويتيات*

New member

*مساعدة مشرفات قسم المعلمات*

New member

New member

New member

New member

New member

New member

New member

New member

*مساعدة مشرفات قسم طالبات كويتيات*

*مساعدة مشرفات قسم طالبات كويتيات*

New member

New member

New member

*مساعدة مشرفات قسم المعلمات*

مساعدة مشرفات قسم طالبات كويتيات

مساعدة مشرفات قسم المعلمات

مساعدة مشرفات قسم طالبات كويتيات

مساعدة مشرفات قسم طالبات كويتيات

مساعدة مشرفات قسم المعلمات