تجميل الانف د.حمود النومس

رلا تترديدين سويها انا سويتها الدكتور شاطر واهم شي ان مو بس تجميل انا 1900 خذا مني لان علاج وتجميل وهذي تسعيرة العياده 1300 تجميل و 1900 علاج وتجميل واهو واثق ويعرف شيسوي والحمدالله ماكو عوار بس الموضوع يطلب جرأه انا قريت عن وايد دكاتره علي صفر و نسيت اسمه الثاني ودقيت عليهم بس سبحان الله بس شفت دكتور حمود تطمنت وقررت ان هذا الي بسوي عنده وارتحت وسيدا حطيت موعد من اول يوم كلمته حطيت موعدي بعد اسبوع تخيلي لان الانسان لازم تكون عنده فراسه ويعرف الي جدامه وترى يبين واهم شي تكونين مرتاحه

حبيبتي ما قصرتي على الدعووه الحلوه فيج الخير

الله يشهد كتبت عنه عشان تستفيدون مو الدكتور مالي علاقه في امره المهم انتم البنات اشوفكم محتارين في وايد دكاتره
وحبيت افيدكم عنه فقط ولا اهو مو متوقف علي ابداا مشالله مرضاه ترس الديره الله يزيده ان شالله

سويها ولا تتندمين ان اشاءالله النتايج عندج تطلع بيرفكت باذن الله

واستخيري قبل كل شي ماخاب من استخار

هااا شنو صار ..

رفع
رفع
رفع

العفو


افا ليش ماسويتيها

انا بروح استشاره عنده ممم عالاسبوع الياي واشوف اذا ارتحت بسوي عنده
بس خايفه ان مايسوي الخشم على طلب البنت؟ ماحب جذي ابي على مزاجي نفس باجي الدكاتره الي بايران والاشرايكم ياللي مجربينه

بصراحة بالطريقة الي تكلمتو عنه وايد تشوقت و تشجعت اني اسوي عنده
خذيت موعد و موعدي الاربعا الياي 6الشهر
اتصلت ع الريسبشين بس حسافه الريسبشينست قالت لي ان اللليزر ما ينفع حق خشمج لان الليزر اذا يبي يبرد العظمة الي فوق و انا مشكلتي بالغظروف تحت ابي غرز له ( يعني العملية الجراحية اهي حلّي الوحيد
بس امبيه حده صدمني قالت لي الزيارة تدخلين بدون دفع !!!!!!! في حالات قليلة تدفعين يعني مثلا اذا الدكتور قال لج يبي صور اهني في هالحاله تروحين تصورين و تدخلين بدون ما تدفعين
يزاه الله خير فعلا مثل ما قلتي انه صج مو مادي
المهم
بنات الاسعار
فتح الملف25
اذا طلب منج منظار 30

و نشوفكم الاربعا الياي علشان اقولكم تجربتي ))

واااااي تشوووقت اروحله

من يوم قريت تجربة ام الغالين والله تشوقت حدي ...


بس خااااااايفه من العواااااار

والله اذا يسوي خشم صغسر طرت له من باجر اما طبيعي ليش الخساير

لا تترددين اذا استخرتي ، ماخاب الي استخار ربه

ولا تخافين كل جديد شديد وبعدين يصير عادي وتجارب البنات عنه وعن عملياتهم عند الدكتاره الباجين وايد اقريها وتصير عندج خلفيه ومعلومه اكثر وبعدين لاحظي كل وحده تختلف عن الثانيه في النتايج والصوره الاخيره للخشم نفسه لانه في ناس عظمهم عريض حيل وشكلهم يمشي عليه ولو صغروه او حف العظم حيل يصير شكلها غلط على ويها حيل لانه العمليه خربته للاسوء وليس للاحسن وكل دكتور عند نظريه لكل قصة وجه وشنو الي يناسبها والي يسويلج على قصت خشمج تاكدي انه فاهم شغله ويبيلج الخير ، لو اهو يبي فقط فلوس والله جان سوه الي تبينه انتي وخرب ويهج وصار شكلج كلش مو حلو
والاخت فيروز لها تجربه سابقه في الموضوع لانها تبي شكل معين ما نصحها وفهمها مدى تغير الشكل للاسوء وليس للافضل على كتاباتها اهي لموضوعها لانه اهي تبيه صغير حيل وناعم بس هالقصه ما تناسب وجها راح يخرب شكلها ومافي مجال لاعادة تجميله اذا احتاج بالمستقبل ولازم تنطر فتره مو اقل من سنه عشان يصغر اكثر واكثر
وانا اختي بعد سنه بالضبط صار خشمها ناعم وصغر وصار حلو لانه اختي عظمها عريض حيل وحدبه عندها مشالله الحين صار حلو وناعم عليها وايد
اقري تجربت الاخت فيروز ونصيحت الدكتور لها واهي اقتنعت في كلام الدكتور لها لانه يبي يفيدها ولمصلحتها اهي لانه اهو اخبر منها في التجميل وقصت الوجه لانه هذي اهي دراسته بالواقع وليس مكتسبها ، وبسبب تجربتها وصورها كل البنات وثقت في مدى شطارت الدكتور الي طلع خشمها بيرفكت مو طبيعي حلو جدا وكانها مةو مسويه تجميل مشالله تتهنا وعليها بالف عافيه ،، واهي تكلمت عنه بمصداقيه اكثر والبنات الي بعدها جربو شغله هم تكلمو بمصداقيه اكثر على شغله والبركه في الاخت فيروز والاخت ابله امونه والاخت العزيزه مريومه الرشيديه وغيرهم من البنات دخلي عليهم واقري تفاصيل عملياتهم راح يفيدج اكثر ان شالله .

ومشكلة البنات يختارون قصات ما تناسبهم واذا سواها مثل ما يبون تقول مو حلو علي لانه اختيارج انتي واذا سوالها مو باختيارها ولو اهو حلو ومناسب بتقول مو حلو لانه بالها قصه معين تتوقع انه يطلع عليها حلو وللاسف يخرب شكلها ،،
اختاري قصه قريبه لقصت ويهج ، ومهما يكون الدكاتره مو الله يعني يبذل قصاره جهده في النتايج انه يطلع الشكل للافضل والاجمل .

وفي النهايه اذا خشمج حلو وخلقت ربج احلا لا تغيرينها بدون سبب لانه تحاسبين عليه عند الله اما اذا مو مريحج وتحسينه ماثر عليج وعلى نفسيتج ان شالله ما عليج شي .
والله يوفقج ويختارج الطريق الصحيح ان اشالله يالغاليه

اختي سوت حاجز وقرنيات وتنفس عندها صعب شويه ومن خلالها جمل لها لانه ارنبتها بارزه حيل كانها عجوز وحدبه وصغر الفتحات لها بالبدايه ما بين نتايجه الا من بعد سنه بالضبط والله انه الحين ناعم حيل ويهبل مشالله عليها وتتهنا فيه ان شالله بس مشالله صار شكلها اصغر من اول بوايد فرق علينا شكل اختي مشالله .

انا فيروز نفسي ابله نعومه .... بس ماكتبت تجربتي باسمي الاولي لان في مهنتي وبس وبعدين عادي كتبت في انا خشمي مرو عريض خشمي ضعيف بس مشكلتي الحاجز الانفي وانتي اختاري الي تحبين تبين خشم صغيرونو دوري الي يسوي للصغير تبين خشم طبيعي مايبين ان تجميل بس يخفيلج العيوب دوري الي يسوي طبيعي اذا قدرتي تحددين شنو تحبين وبخاطرج راح تحددين اي دكتور تبين

اب اب

مااايصير تسوين وانتي حاطه تقويم لان قبل العمليه سالوووني مركبه ضرس معدن او ذهب كاااااااااك

لا مايصير التقويم لازم تشيلينه لانه راح يسلونج قبل البنج عن كل شي عن صحة الاسنان وغيرهم