ابي اعرف شلون اسوي مجبوس دجاج

يا طباخات يا ماهرات
ودي افاجىء زوجي بمجبوس دجاج عجيب
وانا عليميه وزوجي ايحب الدجاج مع وجود طباخ عندي وطباخه بس ابي اسوي بايدي مهما كان الهنود يحبون الدهن بالاكل
وانا ابي اسويله ابي وحده تقولي

شلون اسوي المجبوس من بداية شلون اغسل الدجاجه وانظفها امي عيزت اتعلم اللي عندي بس بقر

فا بليز لا تردوني

تفضلي الطريقة بالتفصيل

http://q8yat25.jeeran.com/archive/2008/6/591293.html

حيااااااااااااااج الله

نظفي الدياي عدل عدل بالماي وفركيه بالملح والطحين نص ساعه وبعدين غسليه واعصري عليه ليمون

احمسي بصل بزيت وقصري النار ولما يذبل عطي الثوم والبهارات وحب هيل وعود دارسين وورقة غار والفلفل الحار الي يصير كبير وحطي الدياي وصكري الغطا 5 دقايق وتكونين مجهزه ماي مغلي وملح وخليه ساعه الا ربع

غسلي العيش ونقعيه بماي بارد

خلصتي الدياي شخليه مع البصل والبواقي
شخلي العيش وحطيه على ماي العيش بس لا يكون وايد بس سانتي وخلي النار عاليه لما ينشف العيش شيكي تحت اذ في ماي او لا اذا مافي قصري على النار حيل واطي نقعي ماي ورد وزعفران ورشيه على العيش وحطي حشوج وصكري الغطا وسوي دقوسج وقلي الدياي وبالعااااااااااااااااااافيه

مشكوره احلى كويتيه عاد انت طباخك غير سوي لنا مجبوسك اليوم

مشكورين حبايبي والله حماي وريلي كيفو يبون اسوي لهم
احلى كويتيه شنو مقادير البهارات
دموع الكويت الف شكر

مشكورييييييين

العفو حبيبتي

ماقصرو البنات

الله يجزاكم خير

هلاحبيبتي

اخذي هالطريقع..حدها مضبوطه

مجبوس الدجاج
المقادير:
دجاجه حجم 800 غرام – ارز حسب الكميه – بصل – ثوم – زنجبيل – بهارات(هيل-مسمار-ورق غار-دراسين-مكعب ماجي-فلفل اسود) زيت
الحشو: 3 بصلات كبيره – نخي – زبيب(كشمش) – بهارات(دارسين ناعم –فلفل اسود-هيل-لومي ناعم)زيت
الطريقه:
1. نغسل الدجاجه ونملحها ونعصر عليها الليمون ونتركها لمده نص ساعه لتطير الزفره
2. نغسل الدجاحه ونحشيها ببصله كامله وبصل مقطع مكعبات مخلوط معاه بهار دياي وفلفل اسود وملح وهيل ناعم ثم نخيط الدجاجه من الأسفل
3. نضع في الجدر 4ملاعق زيت ونقلي بصل مقطع و الدجاجه ونقلبها حتى تحمر قليلا من جميع الجهات ويبيض لحم الدجاجه
4. نسخن ماء مغلي في الغلايه ونسكبه في الجدر (لا نسكب الماء على الدجاجه مباشرة ونسكب الماء على جانب الجدر من الداخل)نضع الدارسين وورق الغار والمسمار و5هيل وماجي بهار دجاج في الماء ونتذوق الماء اذا يحتاج ملح نضيفه - ويجب ان يغطي الماء الدجاجه الى ان تستوي 45دقيقه
5. بعد ان تستوي الدجاجه نضعها في صينيه الفرن وندهنها بزعفران وماء الورد وقليل من الهيل الناعم وندخلها الفرن من فوق ال ان تتحر ونقلبها
6. نستخدم ماء الدجاج ونسكب العيش فيه،ونتخلص من الماء الزائد ،بحيث يكون الماء اكثر من العيش بإصبعين ونضعه على نار هاديه
7. لعمل الحشو:نضع في مقلاة خاليه بصل مكعبات ونزيد عليه ملعقه كبيره ماء ونقلبه لمده 10 دقايق حتى يحمر
8. ننقع الكشمش في ماء حار والنخي نفوحه بماء حار حتى يستوي
9. في مقلاه البصل نزيد قليل من الماء ونضع الكشمش والالنخي وملعقه كبيره زيت وبهارات(فلفل اسود-لومي اسود-هيل ناعم-دارسين)ملح
10. بعد ان يجف ماء العيش نضع الحشو على العيش ونسكب القليل من ماء الزعفران المخلوط مع ماء الورد وقليل من الهيل
11. نضع العيش ثم الحشو والدجاجه وننزع الخيط من الدجاجه ونخرج الحشو ويقدم مع الدقوس

ملاحظه:
اذا لم يتوفر الزعفران والهيل وماء الورد نستخدم بودره الوان للمواد الغذائيه (صفار الزعفران) للدجاجه