حبيبتي موناليزا لازم تنقينه اول يعني نظفيه من اي اوساخ فيه وغسليه وحطي في جدر صغير فيه ماي وخليه يغلي لما يستوي حسب الكميه ولا تكثرين لانه الحبه تكبر لما تستوي وتشيلين الماي الزايداذا استوى
بعدها تاخذين مقله وتحطين البصل المقطع على النار بروحه لحد ما يحمر شوي وتبتدين تصبين ماي قطرات بس نقط وتحركين على طول ولما يحمر وينشف حطي قطرات ثانيه لحد ما يتغير لون البصل للأحمر البني بعدها تحطين شوية زيت والنخي مع ملح ناعم وهيل مطحون ولومي ناعم شويه طبعا وتحمسينهم وسلامتج وممكن تضيفين معاه زبيب الكشمش تكونين غسلتيه ونقعتيه شويه
انتي الظاهر تحطين ماي شويه مع النخي وما تخلينه على النار وايد انتي حطي ماي 3 اكواب كافي وخليه على نار متوسطه
