الجامعة العربيه المفتوحه ...أرجو المساعده

baskotah قال:

السلام عليكم ورحمه الله وبركاته
حبايبى ياليت الى عندها فكره اتساعدني...
1-سمعت ان تكلفه الجامعه المفتوحه على مدى الاربع سنوات اهيا 2500 فهل هذا صحيح؟
2- شهادتها معترف فيها ام لاء؟
3- ما الفرق بينها وبين جامعه الخليج خصوصا ان جامعه الخليج تكلفتها فى ال4 سنوات 20000 الف.
4- هل يتطلب الدوام كل يوم فى الجامعه العربيه؟
5- هل المواد صعبه؟ وهل الواجبات كثيره ؟ وما هي طبيعه الواجبات؟
6- ما هي مستويات هيأة التدريس؟
7- ايهما افضل تخصص اقتصاد ام حاسب آلى ام نظم اداريه؟
8- وما مجالات العمل فى كل تخصص من تلك التخصصات؟

أنقر للتوسيع...

هلا فيج اختي

انا طالبة بما يسمى الجامعة المفتوحة طاح حظها قولوا آمين

1- التكلفة غير محدودة لأن كل كورس تدفعين على حسب أسعار المواد وكل كورس يغيرون بالأسعار

2- الشهادة معترف فيها

3- جامعة الخليج جامعة تكنولوجية ونظام الدارسة فيها تقليدي يعني محاضرات كاملة عكس نظام المفتوحة محضارة كل اسبوع او كل اسبوعين م7 % على الطالب يعني المحاضرات ماتستفدين منها غير 25% وبحكم اني طالبة فيها انا اشوف ان المحاضرات مامنها فايدة

4- الدوام مثل ماقلت لج في مواد لها محاضرة كل اسبوع وفي مواد لها محاضرة كل اسبوعين

5- المواد صعبة وايد لأنج ماتستفيدين شي من الدكاترة كل شي عليج انتي اللي ترجمين وانتي اللي تلخصين وانتي وانتي اللي تسوين كل شي والواجبات وايد ومرهقة حيل نص وقتج يضيع على الواجبات

6- هيئة التدريس فيهم الزين وفيهم الشين

7- بالنسبة للتخصصات اللي سألتي عنها والله مادري انا انجليزي يشيب الراس صراحة قربت اين

8- مجالات العمل والله عاد مادري حسب التخصص اللي راح تدرسينه

أتمنى أكون افدتج

وأي سؤال أنا حاضرة