ملفي للسلطات المبتكرة والسندويشات المميزة ...

الحالة
مغلق و غير مفتوح للمزيد من الردود.
جوري وبنفسج

جوري وبنفسج

New member
إنضم
15 يناير 2008
المشاركات
2,999
مستوى التفاعل
1
النقاط
0


السلام عليكم

هذي أول مشاركة لي في قسم المقبلات وراح أحط لكم ملف لسلطاتي وسندويشاتي اللي أتفنن فيها وأتمنى أشوف تفاعلكم معاي والحلو في السلطات أنها كلها غير مبتكرة وفيها فناتق وحتى السندويشات اللي أنا متأكدة أنها راح تعجبكم


اليوم موعدي معاكم مع سلطة مميزة وشكلها حلو في التقديم وطعمها فنتق . وبعد سنوديش حلو ومميز


* سلطة الشمندر بالفروالة والرمان *

أنا أخذت وصفتها من كتاب طبخ ... الوصفة الأصلية بس فيها رمان بس أنا حبيت أعطيها فنتق بطريقتي


المقادير


فروالة طازجة مقطعة إلى قطع طولية ونحيفة ( علبتين )




شمندر طازج مسلوق لمدة نصف ساعة وبعدها نقشره ومن ثم نقطعه نفس الفراولة ( 4 أو 5 حبات )




رمان مقشر ( 3 حبات )





زيت زيتون ( ملعقة كبيرة )
خل البلسمك ( ملعقة كبيرة )





بقدونس مجفف ( ملعقة كبيرة )





نخلط الفرولة مع الرمان مع الشمندر مع زيت زيتون وخل البلسمك والبقدونس




نضع المقادير في طبق التقديم





والآن مع الطبقة الثانية من السلطة ( الصلصة )

نحتاج إلى

مايونيز ( ملعقـة كبيرة )
لبنة حامضة ـ شتورة اللبنانية ـ ( علبة ونصف تقريباً )
روب ( 3 علب )




نخلط المكونات في خلاط صغير بس لفترة بسيطة حتى ما تصير الصلصة سائلة أكثر من اللازم فقط يصير قوامها متماسك قليلاً مثل المايونيز ( وممكن خلطها بالشوكة )



نضع الصلصة في طبق التقديم ونزين الوجه بالسماك والنعناع والجوز ( عين الجمل ) وهذا الشكل النهائي





وصحتين على قلبكم ​
 
التعديل الأخير:
جوري وبنفسج

جوري وبنفسج

New member
إنضم
15 يناير 2008
المشاركات
2,999
مستوى التفاعل
1
النقاط
0
سندويش الخضار المشوية : p

السلام عليكم

وهذه الوصفة الثانية سندويش عجيب طعمه حلو :p_03BA:


المكونات

خضار مشوية ( فلفل بارد أصفر أو أحمر + باذنجان + كوسا )
يتم شواءها بالشواية الكهرباء >> وأذا أحببتي زيادة النكهة ممكن تضيفين ثوم مشوي
وأيضاً تحتاجين لأوراق الجرجير والريحان




خبزأو صمون شباتا المخابز الكويتية أو من أي محل مثل مستر بيكر
( وأنا أفضل مستر بيكر على المخابز لأن طعمه أفضل ولكن أذا لم يتوفر ممكن أي نوع تفضلين من الصمون )




نضع المكونات داخل الساندويش وعندكم خيارين للصلصة التي ستضعونها لتتبيل الصمون وأضافة نكهة أغنى

تتبيلة البلسمك تحتاجين > صلصة البلسمك الجاهزة ...
لذيذة وغنية في الطعم واذا لم تتوفر لديكِ ممكن تخلطين خل البلسمك مع قليل من المايونيز وزيت الزيتون .



التتبيلة الثانية > لبنة حامضة + مايونيز + بقدونس مجفف أو نعناع + تتبيلة الثوم المجفف بالأعشاب .



وهذا هو الشكل النهائي ونصيحتي جربوها بتتبيلة الخل وفي المرة الثانية تتبيلة اللبنة لأن طعمهم الأثنين حلو ومميز




وبالهناء والشفاء وصحتين على قلبكم ​
 
*مسك*

*مسك*

New member
إنضم
18 أبريل 2008
المشاركات
2,690
مستوى التفاعل
0
النقاط
0
الله يعطيج العافية وتسلم ايدج:)
 
aloyaa

aloyaa

New member
إنضم
8 أبريل 2006
المشاركات
995
مستوى التفاعل
0
النقاط
0
العمر
48
الللللله شوقتينا
تسلم ايدج
ولا يوقف :)
 
kajool

kajool

New member
إنضم
4 أكتوبر 2004
المشاركات
931
مستوى التفاعل
0
النقاط
0
الله يعطيج العافيه وتسلم ايدج الحلوه
 
الزيـــــن

الزيـــــن

New member
إنضم
25 أبريل 2006
المشاركات
2,018
مستوى التفاعل
0
النقاط
0
وااااااااااااااااااااي شهيتينااااا

الله يعطيج العافيه وتسلم ايديينج
 
جوري وبنفسج

جوري وبنفسج

New member
إنضم
15 يناير 2008
المشاركات
2,999
مستوى التفاعل
1
النقاط
0
* سلطة الباستا بالخلطة العجيبة والصعبة *

السلام عليكم

أخواتي الغاليات

تعجبني متابعتكم :tek:

وعلشان كلامكم الحلو بحط لكم وصفات إضافية

واليوم عندي لكم سلطة حلوة بس حوستها وايد ههه


* سلطة الباستا بالخلطة العجيبة والصعبة *


المقادير

باستا ( معكرونة ) على شكل فيونكات تسلق بماء وملح وشوية زيت زيتون وبعدين نصفيها





خيار مقشر ومقطع على شكل نصف دائرة





جزر مبشور





فلفل بارد ألوان ( أخضر + أصفر + أحمر ) مقطع إلى قطع صغيرة




بصل أخضر مقطع صغيرة





ذرة





زيتون أخضر شرايح




جبن تشدر





نأتي بطبق التقديم ونحط الطبقة الأولى الباستا والطبقة الثانية خيار وفلفل بارد
والطبقة الثالثة ذرة وبصل أخضر و الرابعة جزر




يتبع .....​
 
التعديل الأخير:
جوري وبنفسج

جوري وبنفسج

New member
إنضم
15 يناير 2008
المشاركات
2,999
مستوى التفاعل
1
النقاط
0
تابع = سلطة الباستا بالخلطة العجيبة والصعبة


والحين مقادير الصلصة العجيبة


صلصة أيطالية + صلصة فرنسية + شطة hot sauce( المشهور عندنا بالكويت فلفل أبو الديك )





معجون الطماطم المجففة >> إذا مو متوفر عندج تقديرين تخلطين قطع الطماطم المجففة بالخلاط مع مقادير الصلصة لما يصير ناعم





زعتر




ثوم مهروس






** أذا حبيت تقدرين إضافة عصير ليمون





نخلط مقادير الصلصة في قرشة زجاج أو خلاط





نحط الصلصة على السلطة ونحط الطبقة الأخيرة جبن تشدر وهذا هو الشكل النهائي







ملاحظة / كل ما طولت الصلصة على السلطة تعطيها طعم أحلى :)

وبالعافية ​
 
التعديل الأخير:
B

basema

New member
إنضم
22 أغسطس 2008
المشاركات
1,240
مستوى التفاعل
0
النقاط
0
تسلم الأيادي ويعطيج ألف عافية
 
جوري وبنفسج

جوري وبنفسج

New member
إنضم
15 يناير 2008
المشاركات
2,999
مستوى التفاعل
1
النقاط
0
سندويش جبن الموزاريلا بالطماطم المجفف : p

السلام عليكم

واليوم موعدي معاكم بسندويش لذيذ وبسيط


* سندويش جبن الموزاريلا بالطماطم المجفف *


هذا السندويش أول مرة جربته من محل الخباز ( مستر بيكر )
وايد لذيذ وخفيف ومن عرفت مكوناته قمت أسويه بالبيت :p_03BA:



المقادير




طماطم مجفف بالزيت + معجون الزيتون ( متوفر بالأسود والأخضر )
تلقينه في مركز سلطان أو أي محل يبيع المنتجات الإيطالية





جبن موزاريلا





صمون هوت دوغ ( أو أي نوع تفضلينه )






جرجير + ريحان






ندهن الصمون بمعجون الزيتون





وبعدها نحط الجبن والطماطم المجفف





وآخر شيء نحط الجرجير والريحان وهذا هو الشكل النهائي



وصحتين على قلبكم ​
 
شندوخه

شندوخه

New member
إنضم
11 يونيو 2006
المشاركات
16,696
مستوى التفاعل
1
النقاط
0
الإقامة
in the space :)
يم يم الموزريلا شكلها خطييره ولو تتحمش باله الصمون اتوقع تصير شي
تسلم ايدج
 
ضحكة الدنيا

ضحكة الدنيا

**مشرفة قسم مائدتك**
إنضم
10 سبتمبر 2006
المشاركات
23,523
مستوى التفاعل
0
النقاط
0
اطباق روووووووووووعه
تسلم ايدج
ومشكووووووره
 
جوري وبنفسج

جوري وبنفسج

New member
إنضم
15 يناير 2008
المشاركات
2,999
مستوى التفاعل
1
النقاط
0
سلطة الروبيان الصينية :p

السلام عليكم

أشكركم على التقدير :eh_s(7):

ومشكورين على تشجيعكم المميز وعلشان تفعالكم الرائع بحط لكم وصفات أكثر


بحط لكم سلطة لذيذة حدها وهي من تأليفي وأخراجي


* سلطة الروبيان الصينية *


المقادير



روبيان ( وأفضل نوع هو الروبيان المقشر والمثلج الفيتنامي وهو متوفر في أغلب الجمعيات )
نحمسه في مقلاة حتى يشرب مايه أو ممكن تسلقينه لمدة 5 دقايق بماي مغلي مع بهارات عدله




ملفوف أبيض ( الكرومب ) نحمسه على الخفيف نص ونص
( ستير فراي ) مع زيت قليل




ملفوف بنفسجي مقطع شرائح طويلة ونحيفة نحمسه على الخفيف ( ستر فراي )





جزر مقطع أعواد صغيرة نحمسه على الخفيف ( ستير فراي )





فلفل بارد أحمر وأصفر ( فلفل بارد ) مقطع نفس الجزر
ونفس الشيء نحمسه على الخفيف ( ستر فراي )





بصل أخضر مقطع أعواد طويلة نفس الشيء نحمسه على الخفيف




نودلز السريعة التحضي ( مثل أندومي )
نحمسه في مقلاة بدون دهن حتى يحمر لونه



نخلط الروبيان مع الخضار في وعاء للسلطة ما عدا النودلز .


والحين نجي للصلصة نحتاج إلى صلصة صويا وصلصة الحلوة الحارة ( sweet chili sous )



و نحتاج إلى تتبيلة النودلز اللي تصير بمغلف فضي صغير يجي مع عبوة النودلز


نخلط صلصة الصويا مع الصلصة الحلوة الحارة وتتبيلة النودلز
ووقت التقديم نحط الصلصة وبعدها النودلز على وجه السلطة وهذا هو الشكل النهائي وعليكم بالعافية
​
 
اتكيت

اتكيت

New member
إنضم
28 أبريل 2006
المشاركات
379
مستوى التفاعل
0
النقاط
0
يعطيج الف عافيه ياقلبي وهذي المواضيع لسنه وعساج عالقوه يارب
 
الحالة
مغلق و غير مفتوح للمزيد من الردود.
أعلى أسفل