صرنا خاتم بيد الحاجه إلى الخدم وقمنا نبرر مشاكلهم بمقولة الخدم شر لابد منا رايج مطلوب

coffee قال:

وعليكم السلام

تسلمين على الموضوع الرائع والشامل.. وفعلا تلقين حريم هالوقت شقه محكر حمام وهم رازه خدم فيها.. وين الخصوصية ؟ شلون الوحده تقدر تتدلع على ريلها اجبال الخدامه اللي اكيد بيفز قلبها وبتنقر منها؟ وبتشوف الريل بكل احواله قايم من النوم معصب يضحك وتدرس شخصيته وشيحب وشيكره؟ بتغسل وتكوي اهدومه وبتشم ريحته! وغير الريال اللي بيتصروع لي شاف اشلون مرته تنزر الخدامه وبيقول عيل طريقتها معاي تمثيل انوثه .. ولي شافت الياهل متعلق فيها زفت الياهل والخدامه لووول مو من خدايج شكو مخليته عندها لا واذا صار عندج دقيقه ما تحمليته واف واف وتحلطم وتنزرينه اكيد الياهل يبي اللي اتحمله وقلبها عليه..
التكنولوجيا يا حلوها من تكنولوجيا سهلت مهمات وايد الغساله اتغسل وتنشف اشيبيله دقمه؟ اذا اصحونج وايد الله يعافي الديش ووشر.. الطباخ معني ما اعرف اطبخ لوول _shh_: بس اتوقع الحاجه ام الاختراع وماشاءالله يا كثر مواضيع البنات بقسم الطبخ .. غير الاكل الجاهز الليي يتسخن اذا ماكان اكو وقت.. وشزين الاكل الخفيف جبن وخبز وهالسوالف حق العشا.. اشتري عدة مطبخ سنعه بتغنيج عن الخدم..
الحركة بركه بدال التشكي من المتن وروحة حق دكاترة التغذية وقط الفلوس على الادوية اللي تضر ما تنفع وغير اشتراك النوادي .. تحركي بالبيت عيزانه انج تكنسين وتمشين جم طاوله ولا اتغسلين حمام .. الوضع اسهل من ما الواحد معقده والوقت يسعف الوحده تسوي شغلها حتى لو اهي موظفه.. والشغل يوخر الستريس والريل بيقدر ازياده تعبج بدون لا اتمنين بمجرد ما يشوفج وهم بطريقتج بتخلينه يساعدج بالشغل.. وحطي الياهل عنده خل يربي على ما تخلصين شغلج.. رياييل هالوقت دقيقتين ما يتحملون يجابلون الياهل اذا الام مالها خلق وكله الخدامه فشي متوقع!
العلثه باليهال.. اول شي وعلى قولة امي الله يطول بعمرها "مو على من ياب على من ربى" الله يعافي الولاده في ناس حتى ما يحسون بالمها بس منو اللي يربي ويجابل خنكون واقعيين ! دقيقة ما يستغنون عن الخدامه .. طيب ليش تكودين بالعيال دام مالج مقاقه؟ واذا العيال كبرو الله يعافي هالحضانات دخليهم .. ولو كانت التربية سليمه وعلمتي اعيالج يساعدونج ويسوون شغلهم ما اعتقد في عازه حق خدامه.. وفوق هذا لي بغت اتسافر او بتطلع قطت اعيالها على بيت اهلها يعني هم مو واثقه بالخدامه
وعلى قولة الاخت "الافنيوز" فعلا بيوتنا تصميمها يضحك كانه نسوي بيوت حق الناس مو لنا تلقين دورين حق الضيوف ودور متقلقصين فيه ليش اللي يسمع سفاره وكل يوم استقبال! اشكبر بيوتنا على الفاضي ومن كثر ان مانبي نضيع ولا متر حتى حديقه ماكو
انا اتوقع اذا الوحده ما حست بسلبيات الخدم على حياتها ماراح يعدلها الا اذا حطو قانون خدامه حق كل عايله والله ياليت يطبق هالقانون ويسوون استثناء للمرضى
وعلى هالطاري اعرف وحده ريلها الدين الملتزم خذا خدامتها وطلقها .. وتخيلو واعليا اعيالها اللي كانو ينادون خدامتهم باسمها الفليبيني صارو ينادونها ماما ".." باسمها الكويتي اليديد .. والعيال صار عندهم اخوان من خدامتهم! .. وياما مواقف وبلاوي تصير والمعزبه يا غافلين لكم الله

سوري على الاطالة :tek:

أنقر للتوسيع...