بنات مساعدة ابي بلييز اللي تعرف تدش ( اكلات خفيفه من البطاطه المسلوقه )

هلا
حبيبتي جيبي البطاطس بعد ماتسلقينه اهرسيه بالشوكه وحطي له ملح وفلفل اسود وافرشيه بصينيه مدهونه
سويلج حمسة دجاج او خضروات وحطيها فوقه
بعدها حطي خلطه مكونه من جبن كرافت وكريما حمراء وحطيها فوقه بعدين رشيها بجبن مبشور
ودخليها الفرن تتحمرمن فوق
وعليج بالعافيه
انشاء الله طريقتي تعجبج

واااااااااااااااااااااااي توني اللحين ماكله طبق لبنت الكويت الله يعطيها العافيه بعطيج الطريقه واذا حابه تشوفين الخطوات اهو موجود

بالملف اللي بتوقيعي ضفته لأطباقي من كثر مااهو لذيذ وسهل شوفي حبيبتي

تقصين البطاط مكعبات وتفوحينه بماي وملح وتحطينه بصينية بايركس

تحطين فوقه علبة ذره وانا ضفت من عندي مشروم مع الذره طلع روووووعه

بعدين ترشينه بجبنة الموزريلا وتصبين عليه الصلصه وهي

علبة كريمه كي دي دي وقلاص جبن كرافت الحجم الصغير تخلطينهم عدل وصبيهم على الطبق

دخليها الفرن ربع ساعه وعقبها حمريها من فوق واكلي وتلذذي

بذمتج في اسهل من شذي لادياي ولا لحم سهله ولذيذه

تفضلي طلبك

http://q8yat.net/showthread.php?t=14310&highlight=%C8%D8%C7%D8


http://q8yat.net/showthread.php?t=272683&highlight=%C8%D8%C7%D8