النوفي
New member
- إنضم
- 9 سبتمبر 2006
- المشاركات
- 715
- مستوى التفاعل
- 0
- النقاط
- 0
قربيني لا بغيتي وأبعديني لا بغيتي
المهم قلبي طلبتك..أبعدي لا تقربينه
إن رضيتي ياحلاتك وإن زعلتي مارضيتي
المصيبه لا زعلتي كل شيٍ تذبحينه
والله إنك لو دريتي.. حتى لو منتي دريتي
كنت أفكر لا زعلتي وشهو اللي تبتغينه
كنت أفكر يا حياتي .. يابعد حيي وميتي
لا زعلتي وشهو اللي في حياتك ترتجينه
المصيبه لا فهمتك والحقيقه ما حكيتي
قمت أشكّك في فؤادي يا تبينه .. ما تبينه
ياعذابي لا غديتي والمصيبه لا غديتي
بين حب وبين هم وبين نبراتٍ حزينه
ليت والله ذي حقيقه!!.. كان والله ليت ليتي
ليت قلبي لا زعلتي ما يحن لغابطينه
أعترفت إني أحبك وأعترفتي لا حييتي
دام قلبي فدوةٍ لك.. كيف منك تجرحينه؟
المصيبه لا تركتك والمصيبه لا بكيتي
منهو اللي لا بكيتي .. تحقل الدمعه بعينه؟
دمعتي لا من تركتك ماتردّك لو بغيتي
دمعتي دمعه وحيده..لا أنزلت دمعه رزينه
تنزل الدمعه بعيني وأنتي بالدمعه رأيتي
شاعرٍ هاضت شجونه والشعر قبل جبينه
أعترفلك ألف مرّه يوطي اللي لا وطيتي
أعترفلك ما يبيع وعاذلينك شارينه
دامني بدمعه وحيده وأنتي فيني ماوفيتي
أبعدي عنّي طلبتك وأرحلي يالياسمينه ..
