تجمع امهات ((طلبة بطيء وصعوبة التعلم))

فوفو22 · 17 يونيو 2009

السلام عليكم ورحمة الله وبركاته

عندي ولد برابعه ابتدائي

في سنه اولى وثانية وثالثة

مشى بالدراسه بدون شكاوي من معلماته

سوى انه لا يشارك بالشفوي وخجول

وعندما وصل رابعه ابتدائي

اكتشفت اني لما اذبح روحي بالتدريس والشرح

بعد دقايق اسئلة عن الموضوع

والنتيجه ناسي كل المعلومات!!!!!!!!!!!

الى ان ظهرت بحياتي وبالصدفة العضوه ام فروحه ونصحتني بعرضة بلجنه

بالطب التطوري

ومن هنا بدأت معاناتنا

بعد ما تم تحويله من المستوصف الى الطب التطوري

بواسطتي

تمت المقابله بعد شهرين من الانتظار

وكانت النتيجه ان ولدي يعاني من بطيء تعلم !!!!

وعدت الاختبار عند الدكتوره فاطمة العوضي ب قيمة 165

وكانت النتيجه تقريبا مطابقة لنتيجة الطب التطوري

الحين ودي اعرف تجاربكم من هالنوعية مع الاطفال بطريقة التدريس

والشرح والمعامله

sweet'nono · 17 يونيو 2009

اهو عدى مرحلة رابعة ابتدائي ؟

فوفو22 · 17 يونيو 2009

sweet'nono قال:
اهو عدى مرحلة رابعة ابتدائي ؟

حاليا ا اليوم كان آخر يوم بالامنحانات

والنتايج يوم الثلاثا

والله يستر

حاليا برابعه

العبدة أم كشة · 17 يونيو 2009

طبعا بطء التعلم لهم موضوع مختلف عن اللأخرين لنهم اقل استيعاب
فيه مواضيع خاصه لهم وهذا يجعلك تبحثين بالنت وراح تلقين ملايين المواضيع الخاصه فيهم

مشاعل الشمري · 17 يونيو 2009

الله يبلغج بنجاحه انشاء الله ويطمن قلبج عليه
بالنسبه لولدي توه تم تشخيصه ببطء التعلم من بعد التوحد صار صفات توحد
بس انا الحين يبي يدش اول ابتدائي
في مدارس الاهليه وترى اهو يبي له تكلمينه شوي شوي
وتوصلين له المعلومه من غير صراخ او زعل ودايما مسحي على راسه وظهره وخلي كلامج وااااضح له وخليه وااايد قريب منج:eh_s(6):

فوفو22 قال:
حاليا ا اليوم كان آخر يوم بالامنحانات

والنتايج يوم الثلاثا

والله يستر

حاليا برابعه

HearT ChocolaTe · 18 يونيو 2009

حبيبة قلبي .. بطيء التعلم غير عن صعوبة التعلم ؟؟
هو من أي فئة ؟؟

فوفو22 · 18 يونيو 2009

om-3zozy قال:
حبيبة قلبي .. بطيء التعلم غير عن صعوبة التعلم ؟؟
هو من أي فئة ؟؟

هو بطيء التعلم

هذه النتيجه اخذتها من الطب التطوري

وعدتها عند

عياده الدكتوره فاطمه العوضي

عارفة انه هناك اختلاف

والصعوبة مشاكلها اهون من بطيء التعلم

بس ودي اعرف اكثر عن بطيء التعلم في المعامله والسلوك وكل شي

HearT ChocolaTe · 19 يونيو 2009

في تقدير عمري للعقل فديتج سألي عنه وعلى أساسه تتعاملين
يعني أنا ولدي حالته شلل دماغي وقالي الأخصائي مرة التقدير العقلي له
والتقدير اللفظي والسلوكي ..... الخ

بطئ التعلم اللي أعرفه يظهر من البدايه ؟؟!!
وأنا أعتقد اللي فيها صعوبه ... الأهم من هذا كله تتأكدين من التشخيص وتعملين لها
1)ملف في المجلس الأعلى
2) تقدمين أوراقها للجنة التعليم حتى تنقلين أوراقها .

فديتج لا تهملين الموضوع .. لازم تمشين بالأوراق من الحين عشان الأمور تطول ومو سهله
والله يعينج إن شاء الله وحنا خواتج بالقسم حاضرين باللي تآمرين فيه

sweet'nono · 19 يونيو 2009

عزيزتي ليش ما تحولينه فصول خاصة اذا كان بمدرسة حكومية، الفصول الخاصة موجوده بالمدارس الحكومية و مخصصين حق كل محافظة مدرسة معينه ..

الصابرة المحتسبة · 19 يونيو 2009

هلا بأختنا فوفو
إذا تأكدتي إن الولد عنده إعاقة تعليمية :
- فتح ملف في المجلس ليحصل على حقوقه من توفر التعليم المجاني في المدارس الثنائية اللغة المختصة بالبطء التعليمي.
فياليت أن لاتهملين موضوعه وإن شاءالله يتحسن .

العبدة أم كشة · 20 يونيو 2009

لازم اول شى تتأكدين من تشخيصه صح يعنى اول شى تعرفين شنو حالته بالضبط بعددين يصنف على اي حاله
بعدين تبلشين تمشن صح باوراقه تشخيص الحاله هى الأساس

فوفو22 · 20 يونيو 2009

تم تشخيصه بالحكومه والخاص

انه بطيء التعلم

ومشيت بالاوراق من طقطق الى السلام عليكم

بالمجلس الاعلى

وقرروا عقب شهور

انه يدرس بمدارس حكومه فيها فصول مخصصة لبطيء التعلم

المهم بالموضوع

انه عرفنا واحد يشتغل بالمجلس

ونصحنا

ان نتيجة بطيء التعلم هو اعدام للطفل بالتعليم

حيث ان مسموح له يدرس حتى العاشر فقط!!!!!!!!!!

واذا جاب اي شهاده من داخل او خارج الكويت غير معترف فيها

لانه بطيء التعلم

فقال بالفم المليان

اتركوه كما هو وحاولوا تدزونه بالمدرسين ومني ومناك

الى ان يخلص الثانوية
فانتوا شرايكم وشنو تنصحووني فيه؟؟؟؟؟؟؟؟؟؟؟؟

الصابرة المحتسبة · 20 يونيو 2009

أول شي المستقبل ما يعلم فيه إلا رب العالمين ومادام الأمل موجود والرعاية والإهتمام من الأهل صدقيني كل شي بتغير للأحسن وبسرعة فتوكلي على الله وبشرينا أول بأول.

الصابرة المحتسبة · 14 أغسطس 2009

رفع

فوفو22 · 14 أغسطس 2009

الصابرة المحتسبة قال:
رفع

مشكوره يا الصابره للرفع

بالنسبة لي ما صار شي جديد

الى الحين لم اتخذ الخطوه الاولى

لاني مسئول كبير حذرني من عواقبها

وهي

بما ان تصنيف ولدي بطيء التعلم مع العلم بانه ناجح ووصل الى خامس ولله الحمد بفضل الله ثم متابعتي له اول باول

ولكن من خلال تدريسي ونسيانه للمعلومات

عمملت له مرتين فحص لاختبار الذكاء

الاولى بالطب التطوري بمستشفى الصباح وتصنيفه بطيء التعلم

والثانية د فاطمه العوضي بميدان حولي وتصنيفه بطيء التعلم

*************

كما تعلمون صعوبه التعلم يدرون بمدار ويتخرجون كالاطفال الكبيعين تماما

المفاجأة اللي عرفتها بعدين

ان بطيءالتعلم مستواهم الى العاشر فقط

ومن ثم يكملون تعليمهم بدون شهاده كالدورات الخاصة وغيرها

ولو جابوا شهاده جمهية من بره فلن يعترفوا بها بالكويت لانه مصنف بطيء التعلم

المسئول نصحني

اترك ولدي بالحكومه كغيره من اطفال وكثيرين يعانون نفس المشكله ولكن اهلهم لا يعلمون

ونصحني ايضا بان اكمل تعليمه بالحكومه ومساعده المعلمين الخاصين

حتى اضمن مستقبله بتكملة دراسته الجامعية سواء بالكويت او الخارج

وبالنهاية اعترف ان بطيء التعلم مصيرهم الاعدام بالتعليم بالكويت

فلا تعترفي لاحد ان ابنك بطيء التعلم ما دام هو ناجح ومستواه جيد

والحين انا محتاره جداجدا

لم اجد منكم اجابه تنورني لطريق الولد

وخاصة ان المدارس بقى لها شهر وتفتح

ام فروحه · 15 أغسطس 2009

هلا اختي فوفو22

وين هالغيبه

وانا ولدي في صعوبات تعلم وهذه اول سنه يروح مد رسه خاصه
وياليت الي عندها خبره بطريقه التدريس المعامله بكل شي
جزاها الله كل خير الي تقولنا

ومشكوره اختي فوفو22 علي هالموضوع والله يشافي ولدج

الصابرة المحتسبة · 20 أكتوبر 2009

للنقاش

غلا 7373 · 20 أكتوبر 2009

السلام علكيم والله اول مرة اسمع ان بطي التعلم لغاية الصف العاشر معترف في انزين بنات وين اسأل عن هل الموضوع انا ولدى رابعة ابتدائي بالمدارس التابعة للاحتياجات الخاصة قاعدة احاتي يعني مالهم مستقبل وين يرحون عقب الدراسة

فوفو22 · 22 أكتوبر 2009

غلا 7373 قال:
السلام علكيم والله اول مرة اسمع ان بطي التعلم لغاية الصف العاشر معترف في انزين بنات وين اسأل عن هل الموضوع انا ولدى رابعة ابتدائي بالمدارس التابعة للاحتياجات الخاصة قاعدة احاتي يعني مالهم مستقبل وين يرحون عقب الدراسة

حبيبتي ممكن تسألين بالمجلس لاعلى عن مستقبل بطيء التعلم

انا الحين حاطته بالحكومه وحاطه مدرسين بكل المواد

احاول ادزه مني مناك

والله يوفقه يارب لو حتى على الحفة

مباركيه · 22 أكتوبر 2009

فوفو22 قال:
حبيبتي ممكن تسألين بالمجلس لاعلى عن مستقبل بطيء التعلم

انا الحين حاطته بالحكومه وحاطه مدرسين بكل المواد

احاول ادزه مني مناك

والله يوفقه يارب لو حتى على الحفة

يا حياالله فوفو00شلونج هذي الساعة المباركة
:082502bye_prv:

تجمع امهات ((طلبة بطيء وصعوبة التعلم))

Active member

New member

Active member

New member

New member

New member

Active member

New member

New member

**مشرفة قسم ذوي الإعاقة **

New member

Active member

**مشرفة قسم ذوي الإعاقة **

**مشرفة قسم ذوي الإعاقة **

Active member

New member

**مشرفة قسم ذوي الإعاقة **

New member

Active member

New member

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة