ممكن طريقة كيكة البسكويت الباردة

مرحبا بنات أحلى منتديات:68_asmilies-com:

أبي مساعدتكم

أبي مقادير كيكة البسكوت الباردة اللي تسويها وحدة اسمها ام سلمان بالعارضية لأن أخوي يحب هالكيكة حيييل ويشتهيها فودي اسويها له

رد: كيكة البسكوت الباردة

والله ياقلبي ودي افيدج بس للاسف ام سلمان ما اعرفها بس ولا يهمج عشان خاطر عيونج بسأل واذا حصلت الطريقه انشالله ايبها لج ....

رد: كيكة البسكوت الباردة

ما اعرف من ام سلمان

بس في طرق وايد فب المنتدى تسوي احلى حلو بسكوت

اقولج على طريقة لذيذة:

1 باكيت بسكوت دايجستيف كبير
2 قيمر
2 كريمة كويك دريم
2 كريم كراميل باودر
6 ملاعق كاكاو باودر (يفضل أن يكون مر)
فليك للتزيين

اول شي تغطسين البسكوت في حليب وتصفينه في طبق بايريكس او طبق التشيز كيك

وتخلطين اول طبقة وعي (1 قيمر - 1 كريمة - كريم كراميل) وتصبينه على البسكوت
وتسوين طبقة ثانية من البسكوت بعد ما تغطسينه بالحليب
وترجعي تعملي الطبقة الثانية (1 قيمر - 1 كريمة - كريم كراميل + 6 ملاعق كاكاو باودر)
وتصبينه على البسكوت
وتزين بالفليك

توضع بالثلاجة 6 ساعات وتقدم

الطعم جنااااااااااااااااااااااان
وبالعافيه عليكم

رد: كيكة البسكوت الباردة

تفضلي


يا ليت أتوضحين البسكويت مطحون مع الخلطة والحلو فيه كيك ولا علي الأطراف واقف


أن شاء الله هذا يكون طلبج
http://www.q8yat.net/showthread.php?t=381828&highlight=%C7%E1%C8%D3%DF%E6%ED%CA

http://q8yat.net/showthread.php?t=355052

http://www.q8yat.net/showthread.php?t=401750&highlight=%C7%E1%C8%D3%DF%E6%ED%CA



http://www.q8yat.net/showthread.php?t=74869



أنا أسوي هالكيكة








إذا هذا طلبج أحطلج الطريقة





كيكة البسكويت الباردة
----------------------------

المقادير:::
1- ( 3 ) كاسات شاي ماء.
2- ( 3 ) كاسات شاي حليب.
3- ( 5 ) ملاعق طحين .
4- ( 1 ) كأس شاي زيت قلي.
5- ( 2 ) ملعقة نشا .
6- ( 1/2 ) كأس شاي سكر.
7- بيضة.
8- فانيلا.
9- برشة ليمون.
10- ( 2 ) بكيت بسكويت.

الطريقة :::
1- نضع الماء والحليب في قدر على نار هادئة ثم نضع الطحين ونخلط جيداً.
2- نضع باقي المقادير ونحركهم حتى يجمد.
3- نضع في الصينية أو قالب التقديم صف – طبقة من البسكويت ثم نضع عليه الخليط ثم صف آخر من البسكويت ثم فوقه الخليط .
4- نزين بدمج فتات من البسكويت مع جوز الهند ونرشها فوق الخليط .
5- نضعها في الثلاجة على الأقل لمدة ساعتين .
ودمتم سالمين


طريقة ثانية
المقادير هذي هي أقل شي ممكن تستخدمونه و تكفي تقريبا 6 اشخاص

محتاجين التالي
حليب بارد أي نوع تقريبا أقل من لتر .. بس انتو اشتروا لتر يعني لول
بسكوت ماري أو بيتي بور الكمية كبيرة يعني لأن راح نسوي فيها طبقات
مغلفين دريم ويب
2 كريما الخفق كويك ويب
قيمر ( حسب الرغبة )
مغلف كريم كراميل (نبي البودر بس بدون الكراميل )
بودر آيس كريم بنكهة الككاو
فلليك .. للتزيين (حسب الرغبة )



طريقة التحضير :

بالخلاط ،، تحطون 2 دريم ويب ، و 2 كويك ويب ، و قيمر واحد ، و مغلف واحد كريم كراميل ... و تخلطونه بسرعة متوسطة لمدة تقريبا تقريبا 4 أو 5 دقايق



على ما تخلص الكريما فجوا البسكوت عن القراطيس و جهزوهم بصحن عشان ما تقعدون تفجون بعدين لأن ايدكم بتكون وايد مشغولة



المهم تخلطون ليحد ما الكريما طبعاً تصير ثقيلة و كثيفة و صاكة يعني لا تخلونها تصير فشفاشية يو نو ؟؟؟
مثل جذيه و اذا قدرتوا اثقل بعد ،، طبعاً اهي اهم شي تكون ثقيلة بس بعدين لما تنحط بالثلاجة راح تصك أكثر يعني و يتشربها البسكوت أكثر المهم لا نسبق الاحداث ..




تقسمون الكريما نصين



نص خلوه مثل ما اهو .. و النص الثاني طبعا عندكم بودرة الككاو هذي ،، احلى شي هذي يعني بالنسبة لي ..
في ناس يحطون كادبوري البودر هذا اللي قوطيه بنفسجي بس ترا يعطي مرورة ما ينفع



المهم تحطون البودر هذا مع النص الثاني من الكريما عشان نسوي كريما بيضا و كريما ككاو ..



و صار عندنا الحين كريما بيضا و كريما ككاو و البسكوت طبعاً .. و نييب صحن نصب فيه حليب شوية

و نجهز بايركس نظيف أو أي صحن تقديم تفضلونه و طبعاً يكون غزير .. و نبدي الشغل



تاخذون جذيه 4 او 5 بسكوتات و تحطونها بالحليب شوية و تطلعونها أقين و تحطونها بالبايركس
لا تحطون وايد بالحليب عشان لا يذوب و وتتوهقون



هذي طبقة وحدة من البسكوت و طبعاً مثل ما انتو شايفين انتو الحين قاعدين تسوون الطبقة الرئيسية فلازم تكون متماسكة

و مثل ما انتو شايفين في فراغات وايد بين البسكوت



فشنو راح نسوي ؟؟؟ راح نزيد طبقة بسكوت فوق الطبقة الاولى عشان نسد الفراغات .. و طبعاً عادي إذا اضطريتوا تكسرون البسكوت شوي مثل اللي بالصورة



بعدين عاد نختار أي كريما نبي نبدي فيها و نحطها فوق البسكوت .. انا مثلا بديت بالككاو .. نحط الككاو و نفردها على البسكوت و طبعاً نفرد شوي شوي عشان لا نحرك البسكوت اللي تحت .. خصوصا الصغار و المكسرين



بعدين نحط طبقتين بسكوت مرة ثانية ،، طبعاً مو لازم تكون طبقة سميكة وايد مثل الاولى ،، طبقة عادية و نسد الفراغات بشكل بسيط و عقبها نحط الكريما البيضا



* انا طبعاً طيتكم وصفة تكفي 6 اشخاص بس انا البايركس مالي حق 12 شخص
فأنتووو هنيه استخدموا صحن أصغر و سووا طبقات أكثر
و إذا بتسوون صحن كبير مثل البايركس مالي ضاعفوا الكمية اللي بتخلطونها بالخلاط من البداية *

المهم انا الكمية اللي مستخدمتها دبل اللي عطيتكم اياها

فحطيت طبقتين بسكوت مرة ثانية ،، و كريما ككاو .. بعدين طبقتين بسكوت .. و الكريما البيضا و غطيتها عدل بحيث ان البسكوت ما يبين تحتها لأن هذي اهي الطبقة الأخيرة



بس لا تكثرونها وايد وايد عشان لا يصير طعم الكيكة بس كريما و يضيع طعم البسكوت و طعم الككاو


الحين نيي حق التزيين ..

اللي انا سويته استخدم نفس بودرة الككاو و نثرتها فوق الكيكة

بهالشكل



و هذي البودرة ميزتها انها خفيفة يعني ما تعطي طعم الككاو بشكل قوي

فعقبها كسرت اعواد فليك و نثرتها فوق الكيكة



ممكن تكتفون بالبودرة و ممكن تكتفون بالفليك و ممكن مع بعض عادي .. و ممكن بعد تستخدمون سوس الككاو و تسوونها خطوط ضعيفة جداً على الكيكة على شكل zigzag

بس ما انصحكم تستخدمون سوس الككاو لأن مرر و شيرة وايد

في ناس اعرفهم يستخدمون بسكوت اوريو ... ياخذون البسكوت الاسود مو الابيض و يشيلون الحشوة اللي داخل و يكسرون البسكوت و ينثرونه على الكيكة هم يطلع حلو

المهم أهم خطوة ان الكيكة تنحط بالثلاجة



و كل ما ظلت بالثلاجة صارت أحلى

بس عاد مو اسبوعين لول

لا يعني اكثر من 5 ساعات

ليش ؟ لأن تصك الكريما و يتشربها البسكوت


منقوووووووووووووووووووووووول

مساء الخيييييير
شكرا كويتية20 وماتقصرين حبيبتي
مشكورة حيييل ماري مار وجارة القمر
حبيبتي جارة لقمر الكيكة عبارة عن 3طبقات بسكويت ماري مع خلطة ثانية والمرة موقفة السكوت على أطراف الكيكة
الصور مو طالعين عندي

http://www.q8yat.net/showthread.php?t=243308










وهذي طريقته



http://q8yat.net/showthread.php?t=147534

http://q8yat.net/showthread.php?t=379116&highlight=%DD%E1%ED%DF


http://q8yat.net/showthread.php?t=184454&highlight=%C8%C7%D1%CF

http://q8yat.net/showthread.php?t=163114&highlight=%C8%C7%D1%CF

http://q8yat.net/showthread.php?p=5024056

http://q8yat.net/showthread.php?t=260450&highlight=%C8%C7%D1%CF



http://q8yat.net/showthread.php?t=384925&highlight=%C8%C7%D1%CF

http://q8yat.net/showthread.php?t=355051&highlight=%C8%C7%D1%CF

http://q8yat.net/showthread.php?t=382767&highlight=%C8%C7%D1%CF

http://q8yat.net/showthread.php?t=413463&highlight=%C8%C7%D1%CF


http://q8yat.net/showthread.php?t=373616&highlight=%C8%C7%D1%CF

http://q8yat.net/showthread.php?t=345299&highlight=%C8%C7%D1%CF

المقادير:

50 حبة بسكوت شاي
2قالب زبدة
6حبات جبن كيري
حليب نستلة محلى كبير
قشطة
كريم كراميل
كوب حليب سائل
2ملعقة كاكاو بودرة نسكويك


الطريقة:

نطحن البسكوت ونعجنه بالزبدة ونرصه في صحن بايركس
نخلط القيمر والجبن والحليب المحلى ثم نصعة على البسكوت
ندخل القالب الفرن ونشعل النار من تحت حتى تتماسك الطبقة ثم نشعله قليلا من فوق
نخرج القالب حتى يبرد ونخلط على نار هادئة الحليب والكاكاو والكريم كراميل ثم نصبه بهدوء فوق الطبقة السابقة



طريقة ثانية::

أولا نجهز الشوكولا وهو على نفس مبدأ الباشميل
نضع ملعقتين من الزبدة على النار إلى أن تسيح ثم نضيف إليها ملعقتين من الطحين ونستمر في التقليب حتى يصفر اللون قليلا



نرفعه من على النار ثم نضيف إليه المقادير التالية

1 كوب حليب

3 ملا عق كبيرة كاكاو بودرة

4 ملاعق كبيرة سكر

1 ملعقة صغيرة فانيلا

نستمر في التقليب حتى ينعم المزيج

نعيده على النار الهادئه جدا ونستمر في التقليب حتى يتكثف ويغلظ قوامه
نرفعه من على النار ونقلبه بالملعقه حتى يبرد .




نجهز طبقه من البسكويت في طبق مناسب يمكن وضعه في الثلاجة ونصب على الطبقة من البسكويت قليل من صوص الشوكولا
ونسوي السطح جيدا بحيث تغطي الصلصة كل جزء من البسكويت



نكرر العملية السابقة طبقة بسكويت ثم طبقة من الشوكليت خمس طبقات أو ستة بحسب رغبتك

واذا انتهيتي من كل طبقات البسكويت صبي باقي المقدار من الشوكولا على الطبقات السابقة
وزيننيها بالفستق وادخليها الثلاجة الى حين التقديم



منقووووووووووووووووول