خاص وسري بأمهات التحدي والصبر

سلام عليكم
انا ام علي
وعمري 23 سنه وعمر علاوي حبيبي 3 سنين
وصارلي سنه متخرجه بس ما اشتغل لي الحين
مجابله علاوي

وووشنو بعد ياربي
بس انشالله نستفيد من تجارب بعض
ومشكورة ام عزوز على هالفكرة الحلوووة

ام نوونه قال:

سلام عليكم
انا ام علي
وعمري 23 سنه وعمر علاوي حبيبي 3 سنين
وصارلي سنه متخرجه بس ما اشتغل لي الحين
مجابله علاوي

وووشنو بعد ياربي
بس انشالله نستفيد من تجارب بعض
ومشكورة ام عزوز على هالفكرة الحلوووة

أنقر للتوسيع...

عليكم السلام ورحمة الله وبركاته
يا زين أم علاوي والله .. عسى الله يبلغج بره يا الغاليه .. ويعطيج طولة العمر
والعفو فديت عيون اهل السعوديه

الصابرة المحتسبة قال:

الصابرة المحتسبة
ام يسوفي
عمري توني بدش الأربعتش<<<<<<41

يسوفي الخامس
امممممم بعد شنو بيتنا على البحر >>>>>>>>شاليه ههه
مواصفاتي : فل اوبشن بس تعيبينه شوي هالأيام يبيلي سيرفس
ثانوية عامة
هواياتي منتدى كويتيات والقراءة بس هالأيام قلت شوي.

مشكورة يام عزووز على هالموضوع.

أنقر للتوسيع...

العفو يا الغاليه .. ويازينها من ريوووق على البحر :tomato2:
ويا حلاتها الفل اوبشن .. كح كح :tomato2:
ويا عساج العمر كله وانتي بصحه وعافيه يا أحلى وأخير صحبه في حياتي أنتي

مشاعل الشمري قال:

يا حبايبي ما شاء الله عليج لا قلنا مبدعه -مبدعه:ggdw:
من زمان كنت حابه اتعرف عليكم اكثر
اسمي ام عبدالعزيز
واسكن القيروان-جنوب الدوحه سابقا-عمري 37
عندي نعمه من العيال لاني تزوجت صغيره16
7 اسم الله عليهم ويوسف السادس بينهم
هوايتي كانت الجريده الصبح والمطبخ ايام ماكان ندي خدامتين الحين انحاش منه-الحين:eh_s(6): -منتدانا الله يديمه وما اقطع عنه:gathering:
بعد-بعد شنو نسيت:gr4uu:ربة بيت وما اسووووووق سياره:dddds:
الالوان المحببه كلها
احبكم -احبكم

أنقر للتوسيع...

يا زين شمرمر يا زينها .. من زينج خمطوج من عمرج 16 خاف تطيرين من اديه الريل
وأنا بعد أحب المطبخ بس عزوز خفف دخولي له ..
يا حلاااااات الواضحين يا حلااااتهم .. كل الألوان صج انج فرااايحي
قولي بعد قولي :ggdw:

لا يوقف

:edbf4317b9:

يا مبدعة المنتدى انتي والله كنت اتمنى ايي هاليوم ونقرب من بعض أكثر وأكثر 000000
بس عاد مو تخترعون باللي بقوله ولا تجاملون وانا ترى طول عمري صريحة 000طولتها ياالله لي قلت لكم منو انا يتعذروني على هالطواله :wqedqw:
عمري 49 ههههها يعني اخت بعضكم وام بعضكم00متزوجة وعندي بنت وثلاث أولاد 00جدة عندي احفاد بنت وولد وان شاء الله اثنين يايين بالطريج بيتي بالقرين ووووو00أي صبروا قاعدة أتذكر00ايي ماني طويلة حنطاوية امشي على عكازتين امممم ومتقاعدة 00بس عاد كافي مو جذي

مشكوره ام عزوز على الموضوع الرائع
انا سمسومه ام جود عمري 24سنه ثانويه عامه
ماعندي إلاجودي الله يرزقني بخوانها يارب
سعووووديه ساكنه في الرياض الله لايخليني منها ولا من أهلها
احب النت والفراره في المنتديات
بيتي وبنتي وزوجي والنت كل عالمي
وبس

عمري عقب 10 ايام راح يصير 32

ساكنه بالكويت وطن النهار ( جنوب السره)

اشتغل في وزاره الصحه و زوجي بعد معاي بس حاليا اهو في مصر يدرس الدكتوراه يعني انا ابروحي اهني

حمودي بجري و الحمدالله عقب 7 سنوات الله رزقني بفهد وشهد

هواياتي الطبخ ...و اي شيء اسمه اشغال يدويه من تغليف هدايا الى تفصال ملابس او حتى صبغ البيت و الديكور على قوله بنات عمي

يسموني مارثا ستيوارت

و اهم هواياتي القراءه من يوم ما كنت بنت صغيره

حمودي اعاقته صفات توحد 29 في كارز هذا الكلام قبل سنتين و ان شاء الله برمضتن اراجع دكتورته فاطمه العوضي و نشوف شنو صار عليه

حمودي البركه اللي موجوده في البيت اللي كل ما اتعب فيه كل ما تحل البره و يحل الخير في البيت و اهو اللي غيرني و خلاني اتقرب من ربي

طبعا كلنا قبل الزواج كنا رشيقات بس من سوء استعمال ازواجنا الجسم اخترب و انا وحده من اللي جسمهم اخترب

اكثر شيء مشهوره يه اني صريحه و اقطها بالويه و ما اجامل و ان دمي خفيف و وايد ناس يحسدوني على هالشغله و يقولون لي اشلون تضحكين و انتي ظروفج مع ولدج جذيه ؟!؟!؟

مساكين يكسرون خاطري لان ما وصل فيهم الايمان ان الله ما يبتلي الا المؤمن و الحمدالله رب العالمين الله يقدر و يلطف

ربي قدر ان فرحتي الاولى حمودي يكون فيه صفات توحد بس لطف فيني لما طلعنا من اعيال هالديره الطيبه اللي امسهله كل شيء لنا تعليم مجاني

راتب للولد ...الله لطف فيني لما سخر لي المدرسه و لما سخر لي ناس يساعدوني و لما سخر لنا بنت الكويت و افتحت قسم الاحتياجات الخاصه

علشان كل وحده فينا تعلم الثانيه تجربتها و كل وحده تسولف عن ضناها بدون ما تخاف من نظره الناس و من عدم تفهمهم

و يشرفني اني تعرفت عن طريق المنتدى على سنع و منع حبيبه قلبي و ناني سيكريت و ضحى اللي الصراحه خوات دنيا

و اخيرا و ليس آخرا الله يشافي اعيالنا و يبلغنا فيهم و يقر عينا يا رب

الله يعافيج ياالصابرة000شعليه البحر والنسيم العليل :eh_s(6):

احنا اللي تشرفنا اكثر
اتشرفت بامهات يعرفون الله ويتقون في عيالهم
ويامنون بالقضاء والقدر خيره وشره
ويحاربون لاجلهم
ابدعتي يا ام عزوز على هالفكره

ام نوونه قال:

قوة ام عزوز
انا ترى كويتيه
مو سعوديه
ودشتيه بعد

أنقر للتوسيع...

يا فديت قلبج ... كلنا عيال قريه وكل يعرف أخيه

أنا تخربطت بينج وبين سمسومه .. لأن في الموضوع اللي تتكلمون في
عن الناس كنتم مع بعض .. فالميموري مسوي روووحه أسكت بس ماكو فايدة
الظاهر يبيله تبديل :eh_s(1):

مباركيه قال:

يا مبدعة المنتدى انتي والله كنت اتمنى ايي هاليوم ونقرب من بعض أكثر وأكثر 000000
بس عاد مو تخترعون باللي بقوله ولا تجاملون وانا ترى طول عمري صريحة 000طولتها ياالله لي قلت لكم منو انا يتعذروني على هالطواله :wqedqw:
عمري 49 ههههها يعني اخت بعضكم وام بعضكم00متزوجة وعندي بنت وثلاث أولاد 00جدة عندي احفاد بنت وولد وان شاء الله اثنين يايين بالطريج بيتي بالقرين ووووو00أي صبروا قاعدة أتذكر00ايي ماني طويلة حنطاوية امشي على عكازتين امممم ومتقاعدة 00بس عاد كافي مو جذي

أنقر للتوسيع...

يا حيا الله مباركيه .. لج طولة العمر فديتج
علمينا أم منو ؟؟ عشان يهل علينا النداء .... وكافي باللي تبينه يا الطيبه

سمسومه الحبوبه قال:

مشكوره ام عزوز على الموضوع الرائع
انا سمسومه ام جود عمري 24سنه ثانويه عامه
ماعندي إلاجودي الله يرزقني بخوانها يارب
سعووووديه ساكنه في الرياض الله لايخليني منها ولا من أهلها
احب النت والفراره في المنتديات
بيتي وبنتي وزوجي والنت كل عالمي
وبس

أنقر للتوسيع...

يا فديت أم جود أنا
حيا الله أهل الرياض .. وعسى الله يدوم عليكم الأمن والأمان في ظل مليكها
وعسى العالم من حولج كله أمل وأفراح يا الغاليه

:68_asmilies-com:

@شمس الضحى@ قال:

يااا احلاااااااااااتج يالمبدعه ماشاء الله عليج عيني عليج باااااارد اللهم صلي وبارك على سيدناا محمد
انا ام اسوم شمس الضحى<<<احلفي هههههههه
مكرسه وقتي كله حق اسومتي
احب المطبخ والطبخ ونفسي حلو بالطبخ
دشيت الاربعينااات الله يعطيناا وياكم ياخواتي طولة العمر بس الشكل اصغر بواااجد ولله الحمد
عندي 4عيال بنتين وولدين اسوم هي الجعده
وصرت جده من حوالي سنه
شوي متبتبه مو واااايد اي هين<<<
يقولون اني حلوه هههههههه
الهوايات القراءة والطبخ وحاليا النت ومنتدى كويتيااات
احب ام عزووز واجد والصابره ومشاعل وكنديه وكللللللللللللل امهاات التحدي والصبر
واي سؤال انا حاضره لاني حيييل نسايه

أنقر للتوسيع...

يا بعدهم والله .....
تحبين الكعبه ويحبج ربي ورسوله وملائكته .. ويا زين جعدتنا أسووم تستاهل المجابل
وإن شاء الله نلتقي بالدنيا والآخرة مع عيالنا الغالين