الله يجزاهاا الجنه الي تررررررررد ما اعرف أطبخ

رد: الله يجزاهاا الجنه الي تررررررررد

وعليكم السلام
انزين حبيبتي انتي ما تعرفين شي كلللش ؟؟
سوالف الباستا ما باستا واااايد سهله وما يبيلها شي

رد: الله يجزاهاا الجنه الي تررررررررد

كل شي موجود في النت


واحنا نساعدج باللي نقدر عليه


طلبي الطبق اللي تبينه واحنا بالشوفه


ما راح نقصر معاج ان شاء الله

رد: الله يجزاهاا الجنه الي تررررررررد

هلابك حبيبتى
جربي من المنتدى حبيبتنااااااااااا ماركية

حاطة قسم للمبتدئات جربي اشيااااااء معية ....والا في بيت اهلك خلى الوالدة وخواتك تجربة بعدين سويهااااااااا
لاهل زوجك ....والله شهادتى بضيوفة وريم وماااااااااااركية وام سلوم مجروحة


الله يسعدهم ياااااااارب

رد: الله يجزاهاا الجنه الي تررررررررد

وعليكم السلاام

حبيبتي في اشياء وايده تقدرين تسوينهاا وطرقهاا سهله
وعلى الاقل مو مهم تسوين اطباق رئيسيه سوي مقبلات مبدئياا
يعني مافي اسهل من السلطات والمعجنات وكل هذا متوفر بالنت وطرق سهله وبسيطه
والاهم انج لما تقعدين معاهم على السفره في شي انتي مسويته
حتى لو كان الطبق عباره عن سلطه او نوع من المعجنات

رد: الله يجزاهاا الجنه الي تررررررررد

تسلمين يا قمر
ان شاء الله بعطيج وصفه كيكه حلو
جربيها
مضمونه على ضمانتي لو صار خطا فيها تعالي لي قولي لي شنو سويتي انا بصلحه لج
لا تقولين لي توني مبتدئه ما اعرف لا تخافين بتضبطينها اذا اتبعتي خطواتي بالضبط
كيكه التمر
كوب ونصف طحين ابيض ماركه طحين ( كويتي فاخر )
ثلاثه ارباع زيت عادي مال طباخ
كوب سكر ابيض او اسمر على راحتج
ملعقه طعامدراسين بودر
ملعقه طعام وسط بكنغ بودر
ملعقه شاي( الي نحرك فيها الشاي في الكوب )هيل مطحون اذا ما تعرفين حجمها ربع هيل بحجم ملعقه الطعام الوسط
5 بيضات
رشه فانيلا او ما عندج فانيلا لا توهقين اخذي برتقاله بشريهااااا قليل تعرفين قشرها اخذ منه شويه وحطيه رشه قشر برتقال
هذا عشان ريحه البيض لا تكون في الكيك
1 كوب تمر
الطريقه
يخفق البيض وفانيلا وثم يضاف الدارسين وزيت والهيل
يخفق خمس دقائق بالضبط ضبضي ساعتج بالخلاط كهربائي
ثم يضاف الطحين وبوكنغ بودر ويخلط 8 دقائق
لما تعملين الكيكه
لازم من البدايه انتي مسخنه الفرن عشان يسخن الفرن درجه عاليه
بعدهااااااااااا
لما تخلصين من خلط المكونات وصبها في قالب الكيك المدهون بالزيت على خفيف
تدخلين الكيكه وتقصرين عليها تخلينها درجه حراره متوسطه
خلي الكيكه لمده ساعه الا ربع تقربيااااااااا على حسب درجه حراراه فرن
وظهريها وخليها تبرد بعدها
وديها لاهل زوجك
من اختج شوشو الشقيه
ادعي لاهلي بالصحه وعافيه قولي امين ربي يسمع منج

نسيت اقول شفتي التمر انزعي منه النوي وعجنيه خليه مثل عجينه التمر عجنيه بالماء او الزيت على راحتج
بعدهااااااا
ضعي التمر قطع صغيره في الخليط وبعدها نزليها في وسط الخليط غرسها في الخليط
يمكن اضافه مكسرات ضعيها في الخليط بعد صبه حاولي تخلينه المكسرات في الخليط الي نصف دخليها الفرن

رد: الله يجزاهاا الجنه الي تررررررررد

هذه وصفه سهله جربيها ولذيذه



صينيه سندويش الدجاج بالفرن



المقادير :
خبز توست - حليب سائل - 2 بيض
الحشوة :
دجاج او لحم مفروم او مرتديلا وجبن الموزاريلا او اي حشوة ثانيه حسب الرغبه وترشين فوقها جبن كرافت مبشور عشان تتماسك

الطريقة :
-اخفقي البيضه مع الحليب السائل
- يصف خبز التوست في صينيه مدهونه بالزيت ( حتى الجوانب ) ثم يصب عليها البيض المخفوق مع الحليب حتى يتشرب
- حطي الحشوة ورشي عليهاا الجبن المبشور ..
- غطى الحشوة بطبقه خبز التوست وصبي عليها البيض والحليب السائل .
- استمري لين يخلص المقدار عندك ورشي على الوجه شويه جبن موزاريلا
بعد ماتحطين البيض المخفوق مع الحليب السائل وبعدين دخلي الصينيه الفرن حتى تحمر ثم تقطع وتقدم وهي ساخنه وبالعاااااااافيه انشاااء الله

ملاحظه : لو كان مقدار البيض مع الحليب المخفوق غير كافي تقدرين تضاعفين المقدار .
====

رد: الله يجزاهاا الجنه الي تررررررررد

حبيبتي خصصيلج يوم اتروحين فيه عند امج وكل مره اتعلمج طبق

تفضلي طلبج

وكلنا بالبداية ما كنا أنعرف وتعلمنا والبنات بالمنتدى ما يقصرون تعلمي شوي شوي بالبداية الحمسات والمعكرونة والشغلات البسيطة وبعدين العيش والدياي واللحم

http://q8yat.net/showthread.php?t=319143&highlight=%D2%E6%CC%ED

http://q8yat.net/showthread.php?t=401565&highlight=%D2%E6%CC%ED


http://q8yat.net/showthread.php?t=400465&highlight=%D2%E6%CC%ED

http://q8yat.net/showthread.php?t=398680&highlight=%D2%E6%CC%ED

رد: الله يجزاهاا الجنه الي تررررررررد

حبيبتي انا مثلج بس قلت خلاص لي متى ما اعرف مع ان اهل زوجي مايقصرون
بس لازم زوجي ياكل من شغل ايدي والله من دشيت ديوانيه مطبخ كويتيات زوجي لاحظ علي اني اطبخ واجرب
ماصارلي فتره توني بلشت بحدود الاسبوع تقريبا سويت شاورما وباستا وامس عاد سويت اكله بذلت فيها مجهود يمكن وحده
غيري اتشوفها عادي بس اول مره بحياتي اطبخ لحم مفروم الحمدالله اطلعت حلوه ولما فكرت فيها مايبيلها شي
زوجي يسئلني غريبه اشعندج اقوله حق رمضان ههههههههه
والمرات الجايه ناويه عالعيش بأنواعه انشاءالله

أم ريوف 1400 قال:

هلابك حبيبتى
جربي من المنتدى حبيبتنااااااااااا ماركية

حاطة قسم للمبتدئات جربي اشيااااااء معية ....والا في بيت اهلك خلى الوالدة وخواتك تجربة بعدين سويهااااااااا
لاهل زوجك ....والله شهادتى بضيوفة وريم وماااااااااااركية وام سلوم مجروحة
الله يسعدهم ياااااااارب

أنقر للتوسيع...

ايه والله ماقصروا بنات ويعطيهم العافيه

رد: الله يجزاهاا الجنه الي تررررررررد

أم ريوف 1400 قال:

هلابك حبيبتى
جربي من المنتدى حبيبتنااااااااااا ماركية

حاطة قسم للمبتدئات جربي اشيااااااء معية ....والا في بيت اهلك خلى الوالدة وخواتك تجربة بعدين سويهااااااااا
لاهل زوجك ....والله شهادتى بضيوفة وريم وماااااااااااركية وام سلوم مجروحة


الله يسعدهم ياااااااارب

أنقر للتوسيع...

بعد قلبي ياام ريوف ماعليج زود ياقلبي واحنا خوات نعين ونعاون

ميسوره قال:

حبيبتي انا مثلج بس قلت خلاص لي متى ما اعرف مع ان اهل زوجي مايقصرون
بس لازم زوجي ياكل من شغل ايدي والله من دشيت ديوانيه مطبخ كويتيات زوجي لاحظ علي اني اطبخ واجرب
ماصارلي فتره توني بلشت بحدود الاسبوع تقريبا سويت شاورما وباستا وامس عاد سويت اكله بذلت فيها مجهود يمكن وحده
غيري اتشوفها عادي بس اول مره بحياتي اطبخ لحم مفروم الحمدالله اطلعت حلوه ولما فكرت فيها مايبيلها شي
زوجي يسئلني غريبه اشعندج اقوله حق رمضان ههههههههه
والمرات الجايه ناويه عالعيش بأنواعه انشاءالله



ايه والله ماقصروا بنات ويعطيهم العافيه

أنقر للتوسيع...

حياتي ميسوره انتي شاطره بس ماكانت عندج الفرصه انج تبدين بالطبخ ومن بديتي اكتشفتي شطارتج

من اول طبخه ماشاء الله عليج








حبيبتي صاحبة الموضوع

احنا كلنا خواتج ومستعدين نساعدج والطباخ مافي اسهل منه بس المهم انتي تكونين حابه تتعلمين

المنتدى في اكلات وايد سهله ابدي فيها واي سؤال احنا حاضرين

احلى شي بالدنيا الطبخ
من صجج ماتطبخين
طبخي ياقلبي حلات الاكل من ايدينج الحلوة
تعلمي اول شي سلطات ومقبلات وخفايف
وعقب بلشي بشغلات الحماس والقلي واخر شي تعلمي الاطباق الرئيسية العيوش وربعها
بس لما تفشلين بأول اطباق لاتتضايقين عادي كل تجربة لازم تفشل او تنجح وانتي واصرارج


تعلمي الطبخ وباجر تدمنين عليه
ياحلات المطبخ وقربه والله

موفقة

أنا بصراحه أعرف أطبخ بس مو مرة"
الله يخلينا هالكتب نأخذ منها ونطبق"

هلا حبيبتي انا اقولج دشي المطبخ وجربي مرره والف مرره عادي والا ماتتعلمين ومثل ماقالولج اكو طبخات سهله ابتدي فيها وحلوة فكرة انج بيوم زوارتج ببيت اهلج تتعلمين بمطبخكم واذا ضبط اخذيه عشى لريلج
لازم تمدين ايدج وتجربين عشان تتعلمين
كل شي بالبدايه صعب بس لما تتمكننين منه راح يكون سهاااله عليج وانشالله نسمع منج اخبار طيبه وانج صرتي فنانه بالطبخ
واذا الله رزقج ببنات من شوي يكبرون دششيهم المطبخ عشان يتعلمون ومايتوهقون لي تزوجوا هذي نصيتي لج ولكل اخت

حبوبه دشي هالموضوع
راح يفيدج انشالله
http://q8yat.net/showthread.php?t=383744
و مانبي منج غير الدعوه الحلوه