{اكثر من 168رد للعضوه Sparkle} تعالوا نتعلم مكياج العيون {للمشاهده فقط}

رد: تعالوا خن نتعلم مكياج العيون خطوه اب خطوه وياي

واي أحبكم كلكم وجد شكرا وذا ما سويت أقتباس رد وشكرت كلكم انا اسفه أني قصرت اب هل شىء وياكم بس مو قصدي أني أحقر وتشووفون اني ارد عليكم كلكم الي بالخاص والعام وجد جد شاكره للمتابعين الله يعطيهم الف الف عافيه ويا وقفتهم وياي


والمبتدئين الي يراسلووني والله راح أحطلكم لوكات زياده مدام تبون وتوني سويت لوك تجربيه ,وابي رايكم يل مبتدئين اذا عجبكم ولا لا علشان أنزله موضوع باجر ويا الخطوات كالعاده

رد: تعالوا خن نتعلم مكياج العيون خطوه اب خطوه وياي

اول فرشه اهي 239 حق الجفن المتحرك


ثاني فرشه 187 هذي فرشه وايد اشياء تقدرين تسوين فيها ناس يحبون يحطون الفونديشن ولا يحطون البلشر ويعطي لوك ناشلر


ثالث فرشه 168 هذي الفرشه حق contouring يعني ابراز الخدود رسمة الخشم استخدميه مع mac sculpt


رابع فرشه 219 هذي الفرشه فيها مميزات بس اهيا حق il smokey يعني حاطه كحل تحت عيونج بتدمجينه مع شادو على شكل سموكي استخدي هل قلم ما اقدر استغنى عنه




فرش الدمج انا عندي مشكله اب هل فرش مره يعجبني هذا مرا الثانيه المهم هوشه بين
224 وال 217 ال 224 اكبر من 217 بس احس اب تحكم اكثر باللون الي ادمجه بال 217 وهذي صورهم

224


217



188 اخو 187 مافي فرق وايد بينهم الا أن 188 صغير وناس يحبونه أكثر لفاونديشن الخفيف وهمن لوضع البلشر



242 فرشه ضغيره حق الجفن فرق عن 239 الكبيره هذا انا أشوفها مناسبه حق البغمينت


194 كونسيلر برش زينه بس عادي أقدر اعيش بدونها


190 فونديشن برش كنت أحبهم قبل بس فرشة ميك اب فوايفر رقم 8 سكت عليها




فرشة ميك اب فور ايفر نصحتني فيه الي تشتغل هناك معنا لما شيكت على الموقع طلع فرشة بلشر بس بصراحه ما اقدر أحط فاونديشن بدوونه وهمن احب استخدمه للبلشر وحيييييل ناعم أحلى برش للويه عندي ما استغني عنه كلش

فرشة 109 contour اصغر من 168 بس انصح في 168



فرشة بلشر 116 تينن حده اصنحكم فيها



فرشة ال eyeliner 210 و 263

هذي 210 للأستخدام في رسم خط دقيق بالكحل الكريمي



تااابع:eh_s(6):

رد: تعالوا خن نتعلم مكياج العيون خطوه اب خطوه وياي

وهذي 263 أحبه وايد مميز أرسم فيه حواجي وأقدر ارسم فيه عيوني بالكحل الكريمي والشادو






أدري الفرش مو رخيصه فراح أنصح بالأساسيات الي أشوفهم أهم فرش عندي

187 او فرشة ميك اب فور ايفر
187 يكون سعره 18 و شىء وفرشة فور ايفر رقم 8 اب 14 أرخص منه

263 أحبه وايد لرسم الحواجب والعيون


239 فرشه شويه عريضه بس حلوه للجفن الثابت

217 لازم استخدم هل فرشه يوميا للدمج

219 للوكات السموكي


242 حلو حق الجفن الثابت وهمن تقدرين توزعين الكونسيلر تحت العيون فيه وحلو حق البيغمنتات وشدوات كريمي


168 لنحت وتحديد الويه


116 فرشة بلشر


طبعا لو بقعد لي باجر ما راح أخلص اب ارقام وفرش زياده عاد بشتري فرش Ecotools من موقع 5 فرش بحوالي 10 ومدحوولي اياه رفيجاتي فراح اشتريهم واقوولكم رايي

رد: تعالوا خن نتعلم مكياج العيون خطوه اب خطوه وياي

لوك ناعم للزوارات وطلعات الصبح
الأدوات المستخدمه:
Mac shadestick- Beigeing
Mac eyeshadow- Romp
W7 Brown Palette- Beige colour راح اوريكم اللون الي أستخدمته وبديله
W7 brown Palette- Off white shimmer colour راوح اوريكم اللون الي أستخدمته وبديله
Mac eyeshadow- Shimmermoss
Mac shadestick- Sea me
W7 Glitter eyeliner


اول شىء راح ابدي بال بيس مال واهوه Beigeing واوزعه عدل على عيني


ثاني شىء احط شويه من شادو Romp وسحبت الشادو للزاويه بفرشة eyeliner طبعا مو لازم بس حبيتا غير رسمت عيوني وطبعا اخر شىء عدلت خطه لان خلين شويه عريض بالنص ويقدر يتصلح هل أغلاط بعود الأذان


ثالث شىء خذيت شويه من شادو بيج اللون من باليت W7 وحطيته على نصف العين الداخليه بديله Mac eyeshadow-Satin Taupe


رابع شىء حطي شويه من شادو بيج اللون من باليت W7 صوب دمعة العين


خامس شىء خذيت اضاءه من باليت W7 ولون وحطيته تحت الحاجب بديله Mac eyeshadow-Nylon ودمجته شويه ويه لون Romp على الجفن الثابت


وهذا لونه


سادس شىء خذيت فرشة eyeliner وخذيت شادو shimmermoss واهو أخضر فاتح ميل للترغواز
ner




سابع شىء ورا ما رسمت عيوني بالشادو رحت مررت شويه من shadestick لون Sea me على ايدي وخذيت فرشة ال eyeliner وخذيت شويه من اللون ورحت فوق الشادو الي ذكرتها في الخطوه السادسه
((سوري ما صورة هل خطوه بس أتوقع تفهمون شقصد بهل خطوه والي تبي تشوف لون ال shadestick هذل على عيوني كان في أول صفحه لوك السماوي تضغط مني))

والي يبي يقدر يوقف عند الخطوه السابعه ويحط ماسكرا ويعتبر مخلص بس أنا كملت اللوك

ثامن شىء خذيت eyeliner غليتر لونه تغوازي أزرق لونه شويه قريب حق لون shadestick-Sea me

خلصنا نعدل العين من حيث زياده اللون او الدمج ومن وراها حطيت ماسكرا ورمووش



النتيجه:::ggdw:

رد: تعالوا خن نتعلم مكياج العيون خطوه اب خطوه وياي

تاابع

رد: تعالوا خن نتعلم مكياج العيون خطوه اب خطوه وياي

الأدوات المستخدمه:

1. Mac shadestick- Beigeing
2. Mac eyeshadow- Romp
3. w7 palette beige بديله mac eyeshadow- Satin taupe
4. W7 palette off white shimmer بديله mac eyeshadow- Nylon
5. Mac eyeshadow- Shimmer moss
6. w7 turqoise glitter line بديله غليتر eyeliner من بودي شوب,,ماك,,,Gosh ينباع بجمعية الروضه

الي عليه *
Mac shadestick- Sea me

رد: تعالوا خن نتعلم مكياج العيون خطوه اب خطوه وياي

درس كونسيلر وتصحيح عيوب الويه
**أتوقع الكل يعرف شنو الكونسيلر؟ أهوه يكون عباره عن سائل معظم الوقت أو احيانا على شكل بودر ويستخدم تحت العيون لللأخفاء الهالات السود وعيوب الويه**

بس الكل يسأل شنو يعني Colour corrector? أتوقع الكل يعرف شنو معنى colour :لون ,,و corrector : مصحح العيب
وللمصحح العيوب عدة الوان الناس يستخدمونها قبل وضع الكونسيلر.


أشهر هل الوان:::: الأخضر,,البرتقالي,,,البنفسجي,,,الوردي,,,الابيض مايل للرمادي



طبعا كل لون يستخدم حق اخفاء شىء معين بالويه مثلا:
البنفسجي: يستخدم اذا اذا كان عيوب الأنسان هالات ذات لون أصفر مزرق تحت العيون وصج في ناس جذي أعرف وحده عيونها من تحت جنها حاطه كونسيلر أصفر مو لايق عليها.


الاخضر: يستخدم لاخفاء حب الشباب والاماكن الحمرا بالويه

الوردي والأبيض: يستخدمون كنوع من الأضاءه تحت العيون يعطيج لوك منعش جنج نايمه 1000 ساعه ويستخدمونه خصوصا للناس الي تعبانين وويهم أصفر وللشرايين البنفسجيه تحت العين وايد مناسب حق الناس الي بشرتهم بيضه وفاتحه حيل

البرتقالي\المشمشي: للأخفاء الهالات الداكنه جدا تقدرين تقوولين يسوي كنسلر لهم وصج الفرق واضح لما تستخدمينه حق أحد عنده هالات سووود وفوقه كونسيلر


وهل عجله فيها كل لون ومقابله يعني راح تشووفون حطيت توصيلة خط بين الأحمر والأخضر يعني الأخضر يخفي الأحمر ونفس الشىء حق باجي الالوان البرتقالي والأحمر للهالات السود الي تكون بالأساس أزرق غامج ولون مقابله




الحين بوضح لكم شنو الفرق أنج تستخدمين مصصح عيوب+ كونسيلر و كونسيلر برووحه على أيدي

بطبق لونين من مصحح العيوب لون الأخضر الي راح يكون لأخفاء لون الأحمر بالويه مثل حب الشباب ولون البرتقالي لأخفاء الهالات السود

طبعا أستخدمة الألوان على ايدي يعني أستخدمة حمره حمرا ولون قلم كحلي غامج يعني تخيلو هذيل الوان غامجه وقدرت أخفيهم فما بالكم لو كان صج على الويه؟؟

خن نبدي الدرس!


أنا أستخدمة كونسيلر كريولان اسمه Rainbow wheel وفيه مصحح عيوب العيون وكونسيلر

مشاء الله​

أول شىء حطيت خطين من لون الحمره الحمرا على ايدي ,,ملاحظه: حطيت خط فاصل بينهم علشان تميزون بس شويه أنمسح فخط الفاصل بيكون اشارة ال *




ثاني شىء خذيت لون الأخضر وغطيت طرف اليمين ودمجته عدل ليما تغطي


ثالث شىء وضعت الكونسيلر على طرفين ,,طرف اليمين فيه لون مصحح العيوب وفوق الكونسيلر وطرف اليسار ما فيه الا كونسيلر بتشووفون ما أختفى لون الأحمر بطرف اليسار





الحين خن نخفي الهالات السود! حطيت خطين من قلم كحلي غامج بس للأمانه أنا نسيت أصور هل خطوه فرديت أخر شىء أصورها علشان ما تقولون أني جذبت ولاعبه بالألوان

أول شىء وضعت خطين من لون الكحلي (خن نفرض هذول لون الهالات)


ثاني شىء خذيت لون البرتقالي وبديت أخفي لون الكحلي (على اليمين)



ثالث شىء حطيت كونسيلر على طرف اليمين,,,,الحين شوفوا الفرق طرف اليمين فيه مصحح العيوب+ كونسيلر وطرف اليسار ما فيه الا كونسيلر ,,ملاحظه: حطيت خط قلم كحل بنص كفاصل فقط! (سوري أدري الكونسيلر ثقلته شويه بس بوريكم الفرق وأتوقع الفرق واضح!)







**الحين أدري معظمكم يعرف لون الكونسيلر وشنو يختار بس الي يضيع بين الألون نصيحتي لا تجربوون على أيدكم لأن أكثر الوقت يكون حايشه الشمس ولونه ما راح يكون مطابق 100% نفس لون ويهج أنا أنصح أنكم تقلبون أيدكم وحاولوا تخفون لون الشرايين لو تغطى وما بين لونهم هذا الكونسيلر المناسب لج اذا كلش ما تغطوا وحسيتي اللون ما أندمج ويا لون بشرتج خذيتي لون غير مناسب**

بوريكم تجربه الحين على ايدي

هذا كونسيلر ناسبتني وتغطيه حلوه


وثاني للحين واضح لون الشرايين


معنا الكونسيلر المستخدم على ايدي من نفس الماركه! بس فرق بلون

رد: تعالوا خن نتعلم مكياج العيون خطوه اب خطوه وياي

درس وضع رموش تركيب شريطه كامله:

أكثركم طلب مني هل درس وصج سوري ما نزلته أمس بس أنشغلت
أول شىء حطيت مكياج خفيف شىء بسيط حيل حق اللوك


ثاني شىء حطيت ماسكرا في ناس يحبون يحطون تكريب الرموش وفوقها ماسكرا أنا ما أحب أسوي هل حركه لان رموش التركيب راح تخترب وتلزق فيها الماسكرا وبعدها تنغط بالزباله فأنصحكم لا تسون هل حركه اذا تبون تحافظون على رموشكم وتستعملونها كذا مرا تابعوا وياي : )


واذا أحد عيونه صغار وحس الرموش وايد كبيره عليه وقاعده تدخل اب عيونه خل يقص شويه من الطرف ويكون طولهم وعرضهم مناسبه على عينه


ثالث شىء راح أستخدم صمغ الرموش في وايد انواع من الصمغ للرموش في بعضهم لون الصمغ لما يجف أسود في بعضهم يجف ويكون شفاف طبعا أحسن شىء الي يجف ويكون لونه شفاف علشان لو غلطنا أو كثرنا من الصمغ ما راح يبين شىء


رابع شىء نحط شريطه ضعيفه من الصمغ فوق الرموش


خامس شىء نزيد صمغ على أطراف الرموش وراح أحطلكم صوره حق عيني برد ثاني وتشووفون ليش هل خطوه مهمه أنكم تزيدوونه بالأطراف


سادس شىء ورا ما خلصنا الصمغ ننطر عليه جم ثانيه أنا أنطر 15 ثانيه بس لا تخلونها يجف نطروا عليه لما يصير لزج شويه



سابع شىء ناخذ ملقط ونبدي نحط الرموش على العين




لا تنسون تثبتوون الأطراف


ثامن شىء أقلب الملقط ,استخدم طرفه واضغط شويه على الرموش علشان أثبتهم


وهمن تقدرين تستخدمين صبعج وتثبتينه عدل


واذا استعجلتوا وما كان عندكم وقت تعدلون رمووشكم رسموا خط بكحل سائل فوق الرموش


وخلصنا الدرس وهذي النتيجه

رد: تعالوا خن نتعلم مكياج العيون خطوه اب خطوه وياي

درسي بيكون عن المشاكل العامه الي أكثر شىء يتأذون منه البنات ((101 help))

أعرف وايد بنات يتعانون من سالفة الكحل يسيح لي نص ويهم لانهم مو مثبتينه عدل:
ماك عندهم عدة أقلام كحل والمفضل قلم كحل مالي من ماك اسمه Mac eye khol pencil -Smolder وهذي صورته

وماك همن عندهم منتج قلم كحل Waterproof يعني يتحمل الماي والعيون الحساسه بذات هذي القلم المناسب لهم وهل أقلام تكون بعدة الوان واسمهم Power point eye pencils


أول شىء خن أتكلم عن طريقة التثبيت وايد ناس عندهم عدة طرق يثبتوون كحل السائل وعن تجربتي الطريق الي تمشي وياي وسهله بقوولكم عنه :
مشاء الله
أول شىء أرسم عيوني بقلم كحل
عندي درس على رسمعات العيون واهوه عباره عن درس 4 رسمات للعيون,,ضغطوا مني حق أول رسمتين,,,ضغطوا مني حق اخر رسمتين
ثاني شىء أخذ فرشه ولون حيل مقارب للكحل


ثالث شىء أخذ فرشة eyeliner وأمرره على خط قلم الكحل الي رسمته بالخطوه الأولي وهذا راح يثبته




الطريقه الثانيه: تشترين قطرة eyeseal من Makeup forever
وهذي صورته وهل قطره فيها وايد فوايد مو بس راح يحول الشادو كحل سائل همن يستخدم للبيغمنت واهوه waterproof يعني الي فيها حساسيه ودائما تحس عيونها تغرق دموع خل تجربه يمكن يمشي وياها ((تقدرون تستخدمون Cake eyeliner + قطرة فور ايفر))

هذي صوره حق cake eyeliner من منتج كريولان وايد حلو


وهذي قطرة فور ايفر


الطريقه الثالثه : ورا ما أخلص من رسمت العين أخذ شويه من بودره الويه تقدرون تستخدمون الي تبونه وفايدته أن راح يعمل كطبقه بين قلم الكحل وويهج يعني راح يثبته وما يسيحه أخذو اي فرشه تبونه واذا عندكم powder setting الي حق تثبيت الفاونديشن وتكون بودره شفافه همن تقدرون تستخدمونه بالأختصار اي بودره زينه للويه



الطرقه الرابعه: أدري تكلمت عن هل شىء بالطريقه الثانيه بس هل شىء من Benefit مو بس يثبت الكحل بعد يثبت حمرتج ووايد مدحوولي اياه الناس

رد: تعالوا خن نتعلم مكياج العيون خطوه اب خطوه وياي

درس الثاني:

شلون أثبت حمرتي؟ نفس الشىء بقووله في عدة طرق فجربي الي يناسبج


أول : شىء تحديد البراطم بقلم مشابه للون البراطم الطبيعيه وهذا راح يعمل بيس للحمرا مالتنا والسبب أنها تحتوي على مادة شمع راح تلزق بل براطم وتثبت حمرتنا وهمن اذا راحت الحمرا بيكون عندج لون للحين على براطمج واهوه لون قلم التحديد



ثاني شىء: تكلمت عنه بموضوع تثبيت الكحل منتج من Benefit اسمه She Laq يثبت كل شىء وهمن Boots عندهم منتج اسمه Lipcote
وهذي صورهم
Benefit- She Laq



Boots-Lipcote وفي نوع ثاني فيه غليتر حيل حلو للأمانه أنا دورت عليه بالكويت بس ما لقيته بس وحده قالت لي فيه أنا شريت مالي من بريطانيا

ثالث شىء: وضع كريم الكونسيلر او الأساس على البراطم ما أحب أسوي هل حركه لانها تنشف براطمي ويتشققون بس ناس ينفعهم هل طريقه


رابع شىء: وضع برمير مخصص للبراطم ,,Mac Prep+Prime Lip


خامش شىء: يبيعون منتجات حمر تدوم ويلا بالقصب تروح وتجربتي كانت ويا Max factor و Mac و Nivea

هذي حمرا من ماك اسمها Pro Long wear واايد حلو يكون عباره عن حمرا بطرف وغلوس شفاف بطرف ثاني أقدر أكل واشرب وللحين ما تروح عيبه أنه ما فيه الوان وايد تختارين منهم في نوعين عندهم Lustre الي تكون فيها لمعه والعاديه الساده Matt




Max factor ما أذكر سعره بالضبط بس بديل حلو حق ماك وعندهم الوان حلوه




Nivea أنا حبيته أكثر من ال Max factor حسيت يرطب براطمي أكثر



سادس شىء: وضع Toner مال الويه على البراطم أقدر أقوول عن هل طريقه نص نص ما شفته يفيد وايد

رد: تعالوا خن نتعلم مكياج العيون خطوه اب خطوه وياي

درس تابع حق Help 101

أدري معظمكم وده يطقني على هل درس:tomato2: بس في ناس ما تعرف الطريقه وموضوعي حق الكل من مبتدئين وفوق ويمكن أحد يشتري أدوات المستخدمه بلوكات فحبيت أفيد الكل وهذي أسهل طريقه تسوينه أكثر الوقت ناس يستخدمون فير شعر وبلاوي هل طريقه بسيطه وشغلج بيكون دقيقتين طبعا في كذا طريقه مثل هل فيديو
http://www.youtube.com/watch?v=NcpYTaF--m8&feature=channel_page

وطريقي أسهل بوايد!

خن نبدي الدرس,,Back to Mac
Back to mac يعني أنج تردين 6 حبات من منتجات ماك وتاخذين لج حمرا اب بلاش ,,أي منتج يعني اي شىء من ماك من منتجاتهم قلم,كونسيلر,بلشر,شادو اي شىء من ماك الا حمرة Viva Glam وهذي صورتهم هذي الشىء الوحيد الي ما تقدرين تردينه والسبب أن الفلوس تتبرع حق جمعية خيريه لمرض الأيديز فسويتي خيره أنج شريتي هل حمرا




خن نبدي الخطوات =)

اول شىء بعرض لكم صوره وين تلقون الخط علشان طلعون الشادو



ثاني شىء أخذو أي شىء حاد مثل الصوره ((سجينه)) علشان طلعون الشادو


ثالث شىء أمسكو الغطاء اب اي شىء مثل ملقط


طبعا أول شىء بوريكم وين تبدون موضح بالصوره و اهوه يكون نقطه بالنص


رابع شىء ناخذ ولاعه او اي شمعه
تمررون لهب الولاعه او الشمعه وتركزون على النقطه الي قلت لكم عنها بس مو تقعدون نص ساعه وتحرقون الغطى كلها كل 10 ثواني وخريه عن اللهب وراح تضغطين على النقطه بالمركز بقلم


القلم الي أستخدمه أتوقع الكل يعرف قلم ب4 الوان




ملاحظه: لا تضغطون عليه حيييل شوي شوي اذا ضغطتي اب قوه يمكن تكسرين الشادو!

خامس شىء تاخذون أدوات مغناطيسيه مثل الي بالصوره أنا بستخدم لزااق مغناطيسي ينباع بالمكتبات((شريتهم من جمعية الضاحيه))





سادس شىء تلزقونه ورا الشدو






سابع شىء تشترون الباليت الي مال 15 لون تنباع اب 5.500 دينار



وفيه باليت مال 4 الوان بعد شكله جذي أرخض من ال 15 باليت بس ما أدري بجم بالضبط





ثامن يلا خن نجرب نغلب الباليت



ما طاح شىء شغلج عيل نظيف

وتنرد العلبه جذي حق ماك

رد: تعالوا خن نتعلم مكياج العيون خطوه اب خطوه وياي

تجهيز الويه حق المكياج Help 101
صبح وبليل

كل واحد عنده طريقته بتجهيز للمكياج بس الخطوه المهمه عندي أن المكياج يتوضع على ويه نظيف ماكو فايده ما تهتمين اب بشرتج وفوق هذا تحطين مكياج علشان صج المسامات تنسد وهلا هلا بالنفر : ) اب أوقات الصعبه


تجهيز للصبح:
أول شىء أغسل ويهي اب غسول الويه ما راح أحط صورته لان كل وحده بشرتها تختلف أنا بشتري مختلطه وأحب Neutrogena


ثاني شىء أحط Make up Base وأفضل أستخدم Makeup Base في حمايه للشمس وأنا أستخدم لوريال UV Perfect وفيه حمايه فوق ال 50 حيل مناسب حق الصيف خصوصا جو الكويت فيه حمايه UVA و UVB وينباع اب مركز سلطان


ثالث شىء أخذ ماك Fix Plus وارش على ويهي يمكن 3 رشات ما أحب أكثر منه وايد وأقعد أنطر 5 دقائق لما يتشرب البشره


رابع خطوه أخذ فرشتي الحبيبه Makeup forever no.8 صج هل فرشه أحس ويهي طبييعي صج ما يخلي الفاونديشن يبين بس لا تثقلون الفاونديشن نقطتين على أيدج

خامس خطوه أخذ فاونديشن المفضل مالي للصبح Mac select tint تقدرون تستخدمون Loreal True match mineral foundation بس أنا أحب اساس Select tint وأستانست لما كنت قاعده أشوف صور حق مكياج فيكتوريا سيكرت كانوا قاعدين يستخدموونه




سادس خطوه أحب أخذ Mac mineralize skin finish الألوان تتدرج من beigie-dark أستخدمه اب Kabuki brush علشان أثبت مكياجي


سابع خطوه لما أخلص من مكياج العيون مرات ما أحط بس أكتفي اب كونسيلر وماسكرا وبلشر
وما أحب البلشر يكون حيل ثقيل أشوف بنات خذوا موضة بيكاشوا مو خدود ورديه لا حمرا من كثر ما يحطون!


ثامن شىء أرش من ماك فكس مرا او مرتين ,وأكتفي




تجهيز بليل:أول شىء أغسل ويهي بغسول الويه نفس الخطوه الأولى


ثاني شىء أحب أستخدم كريم مرطب خفيف يا Olay او Clean & clear وأنطره شويه على ما يجف وهذا صورهم


ثالث شىء أستخدم فاونديشن شويه ثقيل مثل Mac studio sculpt,,,Revlon color stay,,,Makeup forever Mat velvet وأحب أوزعه اب فرشة 187 أحب هل فرشه حق بليل وأستخدم مثل ما قلت نقطتين من فاونديشن على ايدي وبطريقه دائريه أبدي أحط الفاونديشن




رابع شىء أثبته اب Mineralize skin finish يكون فيه شويه اضاءه حلوه أخذ فرشه ضعيفه وكميه شوييييه حيل وأوزعه على ويهي ما أبي أكثر منه ولا راح يكون ويهي كره دهنيه هههه

خامس شىء أرش على ويهي ماك فكس يمكن 3 بخات

سادس شىء أخذ لوس بودر من كريولان اسمه Anti shine powder أحبه لان يثبت مكياجي وما يخلي ويهي يتدهن بالحر أو أحب أستخدم لوس بودر من بوبي براون أو ماك studio fix



أتوقع كلكم يتابعون نفس هل خطوات بس كان طلب Cute engineer وما ابي ارد الغاليه : )

رد: تعالوا خن نتعلم مكياج العيون خطوه اب خطوه وياي

بنات سوري ما أقدر أحط أكثر من 15 صوره فحاولت أختصر ردي وصورتين حق Olay و Clean & Clear كاهما
Clean & clear علبته لونها بنفسجيه على شكل Tube اسمه Dual action Moisturizer يمكن سوقنا يبيع الشكل القديم :dddds:




وكريم Olay وهذا شكله



نسيت أقوول قبل وضع الحمرا او الغلوس لما تبدين اب اول الخطوات حطي مرطب لبراطمج


واذا حسيتيهم شويه جافين أو متشققين سوي لهم تقشير اب فرشة أسنان ووراها تحطين شويه مرطب أو فازلين وهذا تسوينه لما تبدين بأول خطوات وراخ تنحط الحمرا وراها اب سهالات



أنا الحين مدمنة skin salve من كولكشن العسل من ماك للأسف خلص بس لحقت على حبه وراح أطلب وحده ثانيه من النت أهوه نفس الفازلين له كذا أستخدام بس أحسه مفعوول أكثر من فازلين ونتايجه أسرعه يبين على طول واذا ما لحقتوا عليه تقدرون تطلبون منه بالنت

رد: بليز ابغى مساعدتك يا أخت Sparkle

هلا حبي مشكوره على الكلام الحلو


اذا عاجبج لوك مارلين من رو عيل ليش ما تسوينه ؟ أنا بسوي لوك بعد شويه وبيكون ناعم وأتوقع يمشي ويا أي نف نووف


سواد العيون تكلمت عنه اب موضوعي في تصحيح عيوب
http://www.q8yat.net/showthread.php?t=420317&page=18

باخر شىء كتبت عن مصحح عيوب العين الي اهوه اللون البرتقالي حق اخفاء الهالات السود
وأنا أنصح اب كونسيلر كريولان ما شفت أحد يكره لحد الحين واذا ما عجبج جربي فور ايفر بس انا متأكده راح يعجبج

هذي صوره لكونسيلر كريولان الي أستخدمه


وشكل باليت ميك اب فور ايفر ويكون فيه عدة الوان يمكن في 5 باليتات
URL=http://www.up.qatarw.com] [/URL]
اذا مو محتاجته تقدرين بس تاخذين مصحح العيوب بلون البرتقالي يبعوونهم برووح


أنا أحب أحط شويه مرطب تحت عيوني مو شرط يكون كريم العيون وهل خطوه مهم خصوصا لو أحد بشرته جافه لان راح ينحط الكونسيلر ويكون شكله يابس ومتقشر وراها أحط كونسيلر المفضل عندي واهوه كريولان والله يدون ساعات مشاء الله عليه ووراها أثبت الكونسيلر بودر خاص من بينفيت فيه اضاءه خفيفه وحلوه فيه اسمه
Powder flage وهذا شكله


وأنا مره قالت لي وحده نفس مشكلتج وقالت حلها كان :
طريقه لما تحطين كونسيلر طالعي فوق مو تحت لما طالعين فوق قاعده تشدين جلد الي تحت العيون وما راح يتكود عندج طبقات خطوط
اما اذا طالعتي تحت مو قاعده تشدين العين فالخطوط راح تزيد وتكون واضحه ولما تحطين كونسيلر راح يكون حيل واضحين

للأمانه جربت طريقتها وصج خف الخطوط بس افضل اثبته اب بودر بينفيت

رد: تعالوا خن نتعلم مكياج العيون خطوه اب خطوه وياي

مشكووره على المرور حبوبه

أول شىء البيغمنت عباره عن شادو على شكل بودر ويكون أقوى من ال eyeshadow العادي ودمجه معا الشدوات راح يعطيج لوك خطير



طريقو أستخدامه:
1.تقدرين تشترين Fix plus من ماك ترشين شويه على فرشتج وتستخدميه على طول.
2. تقدرين تحطين شويه ماي على فرشتج وتستخدميه

بس بنات لا لا لاااااا تستخدمون البيغمنت بدون ماي او فكس بلاس والحين بعرض لكم صوره بتوضح الفرق الكبيييير بين أنج تحطينه على طول أو أنج تسوين الطريقه الصحيحه وتبرزين لون البيغمنت

اليمين بأستخدام واحد من الطرق الي ذكرتها والي باليسار برووحه فرق واااااضح!




وهذا شكل فكس بلاس من ماك


يستخدم لتثبيت المكياج تحطين جم بخه على ويهج ووراها روتينج بالفاونديشن والبودره وبعدين جم بخه ثانيه من فكس بلاس ماك ليثبت مكياجج

ويستخدم لابراز البيغمنت والشادو تحطين شرشين شويه منه على فرشته وتاخذين البيغمنت أو الشادو وبتشووفين شلون راح يبرز لونه عدل

رد: تعالوا خن نتعلم مكياج العيون خطوه اب خطوه وياي

أنا بحطلج أهم الفرش:


242 حلو حق الجفن الثابت وهمن تقدرين توزعين الكونسيلر تحت العيون فيه وحلو حق البيغمنتات وشدوات كريمي


فرشة makeup forever no.8 الي بالمحل قالت مال فاونديشن لما شيكت على السايت طلع حق بلشر بس والله أموت عليه أحط فيه الفاونديشن وأقدر أحط بلشر وكنسيلر بعد


168 فرشة ماك وايد حلوه لتحديد ونحف الويه


217 هذي أهم فرشه عندي للدمج كل يوم أستخدمها


263 أحب هل فرشه لرسم الحواجب والعيون بس للأمانه اذا تبين ترسمين عينج خط ضعيف أخذي 210 بس أحب هل فرشه لان لها كذا أستخدام


هذي 263


وهذا شكل 210

وبس هذوول أهم فرش عندي واذا حابه تزيدين فرش أانصح في


219 لدمج الشادو حلو اللوك سموكي واذا ما قدرتي تشترينها أستخدمي عود الأذون

بس ما يعطي نفس النتيجه ويا عود الأذون


116 فرشة بلشر وايد حلوه


187 حلو للفاونديشن السائل وللبلشر بس أفضل فرشة فور ايفر عليها



224 للدمج الخفيف ما أحبها بس ناس يحبونه لدمج الخفيف واللوكات الناعمه الكل يحبها


194 فرشة كونسيلر ما أحتاجها لان فرشة فور ايفر أستخدمها ووايد ناعمه مو خشنه ولا تشد الجلد حوالي عيوني

رد: تعالوا خن نتعلم مكياج العيون خطوه اب خطوه وياي

هذا اللوك اهداء:klhfl: لتايغر أدري أنها كانت تبي تشوف هل لوك بالذات وانشاء الله ما تزعل مني : (
لوك Rihanna


الأدوات المستخدمه:
Mac paint- Bare Canvas
Bourjois –Silver eyeshadow
Mac eyeshadow- Black tied
Mac eyeshadow- Romp
Make up forever star powder- #922
Mac eye Khol pencil- Smolder

مشاء الله​

أول شىء بديت بالبيس مالي واهوه Bare canvas وزعته على عيني بالكامل


ثاني خطوه خذيت شادو بورجوا السيلفر ووزعته على نص الجفن الثابت وعلى النصف الثاني Black tied ودمجي اللونين عدل ما نبي خط فاصل بينهم خليهم متجانسين شويه ويا بعض



ثالث خطوه أبدي من زاويه عيني الي فيها لون Black tied وابدي أدمجه شويه لي الجفن الثابت


رابع خطوه لما دمجته عدل خذيت شادو Romp ودمجته مع لون black tied الي دمجته بالجفن بالخطوه الخامسه


خامس شىء أخذ ستار بودر 922 وأدمجه عدل ويا اللونين الي على الجفن الثابت وضيفي لون اضاءه لتحت الحاجب لون بسيط مثل بيجي فيه لمعه خفيفه

سادس خطوه أرسم عيوني من تحت بشادو Black tied



وارسم عيوني الداخليه كلها



اخر شىء نظفت شغلي من حيث الدمج أو زياده الألوان,,,ما أتوقع يصلح حق هل لوك رمووش بس اذا طريتي حطي رموش تركيب حيل طبيعيه


النتيجه:::ggdw:

رد: تعالوا خن نتعلم مكياج العيون خطوه اب خطوه وياي

1. Mac paint- Bare Canvas
2. Bourjois Silver eyeshadow
3. Mac eyeshadow-Black tied
4. Mac eyeshadow-Romp
5. Make up forever star powder - #922
6. W7 brown palette- Beige
7. Bourjois Liner Feutre
8. Mac eye khol pencil- Smolder

ملاحظه:: ترا رسمت خط حيل ضعيف بقلم بورجوا السائل على جفن الثابت بس مو ضروري لان ما بين باللوك

رد: تعالوا خن نتعلم مكياج العيون خطوه اب خطوه وياي

لا 219 مو للرسم للدمج الشادو والكحل ليعطيج لوك سموكي


والله أنا ما أقدر أستغنى عن الأثنين

أحب 263 لرسم الحواجب والعيون بس ما ينفع اذا بترسمين خط حيييل رفيع


وصج أحد قالي لازم أختار ياتوقع 263 بس هل فرشه تقدرين تلقين لها بديل من ماركات ثانيه

اما فرشه مثل 219 ما شفت مثلها اب اي ماركه ثانيه

والله صعب السؤال :dddds: اذا انتي مو وايد تحطين مكياج أخذي 263 حق رسم العيون والحواجب واذا تحبين لوكات سموكي وهمن ينفع للدمج الخفيف على طريقه دائريه بالجفن الثابت أخذي 219



وهذا شكل 263




وهذا 219 وفي ناس يستخدمون عود الأذون بديل له بس ما ادري ما عطاني نفس النتيجه الي حصلتها ويا الفرشه

رد: تعالوا خن نتعلم مكياج العيون خطوه اب خطوه وياي

مثل ما وعدت صورت صوره حق الشادو السيلفر من بورجوا على أيدي والحيييين بتشووفون ليش اب معظم لوكاتي لازم مثبت shadestick من ماك وبتشووفين الفرق باللون واضح!




1. أول شىء مثبت shadetsick-Beigeing وفوقه الشادو
2.الشادو بروحه
3.ماي + الشادو



:eh_s(6):