هليب مي كويكلي بليززززززززز أبي طريقة مجبوس الدجاج

الحالة
مغلق و غير مفتوح للمزيد من الردود.

روحي زوجي

New member
إنضم
6 أغسطس 2009
المشاركات
3,503
مستوى التفاعل
3
النقاط
0
السلام عليكم عندي مشكله بناااااااااااااااااااااات








زوجي مايعجبه طبخي كلش ولما اسوي العيش مع الدجاج الطريقة التقليديه الا اهوا دجاج مطبوخ ومحموس والعيش بماي الدجاج , لما اسويله يقول الدجاج فيه شي :eh_s(14):

بذبحه يعني ولا شنو


بنات ابي طريقه رز ودجاج ابي الطريقه العاديه طلبتكم بنات لاني وربي زهقت منه يالقى حل او :p_03BA:ا فتك منه


لووووووووووووووووووووووووووووووول





.
 
إنضم
23 أكتوبر 2008
المشاركات
1,630
مستوى التفاعل
0
النقاط
0
الإقامة
في مملكتي
رد: هليب مي كويكلي بليززززززززز

تفضلي طلبج حبيبتي

مجبوس الدجاج

*المقادير:-
1-دجاجه.
3-اكواب ارز بسمتي.
1-بصله مقطعه 4.
3-فصوص ثوم.
2-مكعب دجاج.
1-ملعقه كاري.
3-ملاعق زيت الذره.
5-حبات هيل بعد كسرها بواسطة الاسنان.
3-عود دارسين صغير.
3-مسمار.
2-ورق غار.
1-ملعقة طعام اوملح حسب الرغبه.
1-ملعقه صغيره بهارات كويتيه تباع بالسوبر ماركت.
(ماء ورد وزعفران وهيل مخلوطين لرش وجه القدر)

*الطريقه:-

نضع في قدر كبير الدجاجه بعد غسلها جيدا بالملح والكركم والكاري، ثم نضع فوقها 2 لتر ما والزيت والبهارات والبصل والثوم حتى تنضج الدجاجه، ثم نخرجها من الماء وندهنها بخلطه ما الورد والزعفران، ونقليها ونضعها جانبا ثم نصفي ما الجداج من البهارات ونضعه جانبا، ثم نغسل الارز جيدا ونضعه على القدر مع ماء الدجا حتى يكون الماء يرتفع عن الارز حوالي 1سم ، ونتركه حتى يغلي ومن ثم نقصر النا ونرش الزعفران وماء الورد عالوجه ونضع فوقه الدجاج والحشو ونقصر النار ونضع حديده حتى لايحترق،ونتركه حتى ينضج.

*طريقة عمل الحشو:-

نقطع البصل ونضعه على النار ونرشه بقليل من ما الدجاج حتى ينضج ونضع القليل من الزيت واللومي الاسود المطحون حتى ينضج ويتقير لونه.
 

نور النهار

New member
إنضم
8 يوليو 2008
المشاركات
3,724
مستوى التفاعل
0
النقاط
0
العمر
38
الإقامة
في قلب زوجي
رد: هليب مي كويكلي بليززززززززز

نفس طريقة دلوعة زوجهاا

وان شاء الله تعجبة
 

جارة القمر

**مشرفة قسم مائدتك**
إنضم
2 أبريل 2005
المشاركات
64,020
مستوى التفاعل
5
النقاط
0
العمر
46

روحي زوجي

New member
إنضم
6 أغسطس 2009
المشاركات
3,503
مستوى التفاعل
3
النقاط
0
يعطيج العافيه دلوعة زوجها ونور النهار ماقصرتوا

دلوعة زوجها طر يقتج حلوه وسهله :)

جارة القمر حبيبتي طريقتي انظف الدجاج واحمس بصل لما يصير قريب الذهبي واحط الدجاج فوق واحط بهاراتي الا اهي هيل قرنفل دارسين مع لومي كلهم مطحونين الا القرنفل حب وبهار الكاري لمايستوي الدجاج اكبس العيش عالماي واحمس الدجاج والحشو اطبخ البصل بشوي ماي لين ينشف واحط زيت واحمسه مع الكشمش والنخي مع قرنقل ودارسين مطحون ياعمري اذا في شي بخطواتي وانا يمكن متجاهلتها وعلشان جي زوجي ماياكل طباخي بلغيني وربي تعبت منه ..



.
 

جارة القمر

**مشرفة قسم مائدتك**
إنضم
2 أبريل 2005
المشاركات
64,020
مستوى التفاعل
5
النقاط
0
العمر
46
روحي زوجي



شوفي حبيبتي



أنتي لم تنظفين الدجاج تفركينه بشوية ليمون وملح خشن علشان الزفرة



وبعدين فوحي الدجاج مع ماي بس فوحه بسيطة راح تحصلين رغوة الزفرة أطلعت منه


وبعدين بجدر ثاني أحمسي البصل نفس طريقتك باضافة شوية ثوم وفلفل أخضر بارد وضيفي عليه الدجاجه

ونفس بهاراتك



يعني عود أوعودين دارسين وهيل حب وفلفل أسود حب ومسمار حب


وبهاراتج المطحون


وخليه تطبخ بس تستوي طلع الدجاجه وخليه بالمشخال لين يروح الماي علشان تقلينه أو ادخلينه الفرن


أنا قبل ما اضيف الدياي أشخل الماي علشان البهارات تطلع منه وأضيف الدياي والعيش


المواضيع اللي فوق تفيدج بالمجبوس



إذا تبين زفرة الدجاج تروح شيلي الجلد حبيبتي


وهذا موضوع عن زفرة الدجاج

http://q8yat.net/showthread.php?t=469801&highlight=%D2%DD%D1%C9+%C7%E1%CF%CC%C7%CC
 

روحي زوجي

New member
إنضم
6 أغسطس 2009
المشاركات
3,503
مستوى التفاعل
3
النقاط
0
مشكرة جارة القمر الحمدلله مااعاني من زفر الدجاج بس اضافتج حلوة والله يعطيج العافيه ماقصرتي صج افدتيني جزاج الجنه ...
 
إنضم
30 سبتمبر 2005
المشاركات
36,095
مستوى التفاعل
13
النقاط
0
اذا ماتبين ريحه زفره الدياي اول شي نظفي الديايه زين وشيلي الزلموكا مالت الديايه لووووول( مؤخرتها) لانها تعطي ريحه موحلوه وشيلي الدم الي في بطنها زين وبعدها فركي الديايه بملح وكركم وطحين خلطي من كل نوع قفشه وخليها نص ساعه وبعدين غسليها عدل

اللحين علشان تظمنين الريحه راحت 100 بال100 حطي الديايه بجدر وحطي عليها كوب ماي وخليها تطبخ 5 اللى عشر دقايق لما تحسين تغير لونها بعدها صفيها من هالماي الي شال كل الريحه الي فيها

عاد بعدها سوي حمسه بصل وثوم وقطي الدياي عليهم قلبيها زين وحطي عليها جم حبه هيل وبهاراتج مالت المجبوس وملح وطماط مهروس وانا احط عليها قفشه معجون طماط ريلي يحب العيش محومر واقلبهم واحط عليهم ماي مغلي واطبخا ساعه الا ربع بعدها اشيل الديايه واحطها بصينيه فرن مدهون وامسحها بدارسين وادخلها الفرن لتحمر

وبماي الدياي اجبس العيش واحط شويه زيت على العيش او سمنه دلال تخلي العيش خنين واذا حبيتي سوي حشوه وبالعافيه
 

روحي زوجي

New member
إنضم
6 أغسطس 2009
المشاركات
3,503
مستوى التفاعل
3
النقاط
0
الله يعطيج العافيه ريمه الكويت ماقصرتي وبارك الله فيج ...
 

miss_math

New member
إنضم
5 نوفمبر 2005
المشاركات
7,223
مستوى التفاعل
0
النقاط
0
العمر
37
الإقامة
في روحهـ
جزاكم الله خير وانا استفدت من الموضوع
 
الحالة
مغلق و غير مفتوح للمزيد من الردود.