ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
ماشالله سويته يمكن 4 مرات هالشهر وايد حبوه البيت
جربوه وسووه مع الجاي والقهوه لذييييييييذ
نبدي بالمقادير
قالب زبده ال 115 جرام تكونين مطلعتها برا الثلاجه من قبل ربع ساعه علشان تلين
نص كوب سكر اسمر
نص كوب سكر ابيض
نص كوب بينت باتر(زبده الفول السوداني)
بيضه+ قفشه صغيره فانيليا
نص ملعقه صغيره بيكن باودر+ نص ملعقه صغيره بيكربونات+ ربع ملعقه صغيره ملح
كوب طحين+ كوب شوفان( كويكر)
كوب كاكاو هيرشي
+++++++++++++++
الطريقه
نخفق الزبده مع نوعين السكر
لما يذوب الشكر نحط البينت باتر مع البيضه والفانيليا
الى ان يتجانسون
نخلط( الطحين والشوفان والبيكن باودر والملح والصودا) مع بعض
ونضيفهم للخلطه بالخفاقه بالتدريج
نشيل الخلطه ونحط كوب الكاكاو ونخلطه بالملعقه
اللحين ناخذ صينيه فرن وندهنها بالزيت اوزبده ونحط عليها ورق الزبده الخاص بالخبز
ناخذ ملعقتين وسط ونغمسهم بالماي ونشكل الكوكيز فيهم يعني نشيلها بقفشه وننزلها بالثانيه لما تتشكل على شكل دائري
الفرن نكون مسخنينه من قبل ربع ساعه
ونخبز بالفرن مده ربع ساعه ولازم تراقبون الفرن لانه بسرعه يحمر
وتقدرزن بالاخير تفتحون النار من اعلى علشان تحمر شويه
طلعوه من الفرن وخلوه برا ربع ساعه لاتلمسوونه لانه يكون وايد ترف وطري راح يتكسر بسرعه
بس اذا برد راح يتماسك
قدموه بماعون التقديم
وتمتعو بالطعم اللذيذ
