من ابتدائي --> متوسط " آرائكم "

Winter Q8 · 7 نوفمبر 2009

السلام عليكم ..
بنات أنا توني مدرسة علوم يديدة " خريجة تربية أساسية "
و أدرس الحين بنين ..
بصراحة تعبت و تعقدت من الصبيان
و الحنـّه و الرنّه و الصراخ صحتي و نفسيتي انهارت ..

تعبت منهم و من كسلهم و ربادتهم و ازعاجهم
الأبلة تشرح و الأبلة تسأل و تجاوب على نفسها
اهي تحل الكراسات و تلون و تقص و تلزق
يعني ما أتخيل عمري كله أقضيه بهالشكل

أنا مو رافضة التدريس بس أبي أحس اني مدرسة مايصير كل الشغل من طرف واحد ..
و الحين قاعد أفكر أحول متوسط ناقصني بس موافقة التوجيه
على الأقل بنات و كبار و فاهمين
و صحيح أنهم بمرحلة مراهقة بس على الأقل في طرق للتعامل معاهم

شرايكم أتوكل على الله و أحول ؟
محتاجة راي أبلات المتوسط عامة و راي أبلات العلوم خاصة ..

Turquoiseya · 8 نوفمبر 2009

انا وعد وياج
ابي احول متوسط وتخصصي انجليزي
ومت من مسألة انتي شاطرة نبي نعطيج صفوف تاسيس اولى وثانية
والنتيجة اني نسيت الانجليزي بكبره مع اني خريجة اداب
ابي متوسط عشانهم كبار ومناهجهم نوعا ما تحافظ على لغتي اللي تعبت وانا ادرسها
بس مادري اهي السالفة سهلة بالتحويل من ابتدائي الى متوسط؟

**ريــــــــم** · 8 نوفمبر 2009

وانا بعد وياكم

ردوا بنات

ايه احسن اللي جربت الاثنين ياليت تقولنا

مليكة الدنيا · 8 نوفمبر 2009

وانا بعد نفسج مدرسة علوم ابتدائي خريجة تربية أساسية بس انا بنات
والصراحة تعبت وانا اسوي بطاقات ووسائل وهدايا
وودي احول متوسط بس مادري شلون على طريقة التحضير والمناهج أكيد أصعب
اتمنى المدرسات يفيدونا

فلونة احلى وردة · 8 نوفمبر 2009

انا جربت الاثنين وكل مرحلة لها عيوبها ومميزاتها
بالابتدائي الاطفال ما يدققون على معلوماتج ولبسج وتعبيرهم بالحب والكرة سهل
اما بلمة او ستيكرز او بجي اذا كرهوج ويعلمون امهم
االتحضير سهل كمعلومة متعب كوسيلة

المتوسط حلو بالحصة كاخذ وعطاء ومشاركة من البنات ويساعدونج يشيلون الوسائل والاحلى ماكو وسائل وايد حدج شريحة او لوحة بدون مجسمات وايد وووو
بس عيبة المعجبات لزززززقة والبنات كنت وايد احبهم فما ادري ما عمرة وحدة كرهتني الكل احبة وحتى الشياطين والمشاغبات كنت اميزهم بقلبي
رغم مشاكل المراهقة وقلة الحنان والاحساس بالامومة والاخوة تجاهم بس كتحضير ذهني لالالالالالالالازم تكونين محضرة ومرتبة نفسج
المعلومات اكثر وفي درجات ومسؤولية اكثر
ما ادري انا حبيت المتوسط ما يبح صوتج بالضبط بس المهم الدرجات وبس

(كويتيه عسل) · 9 نوفمبر 2009

انا مدرسة رياضيات خريجة تربية اساسية

كنت بالابتدائي والحين انا ادرس متوسطة واااااااااااااااااااااااايد ارتحت الحمدالله

احضر في المدرسة واخلي اغراضي في المدرسة

وارد البيت ماعندي شي اطلع واروح الصالون واروح السوق وازور واقعد مع اهلي

والحلو ماكو وسايل ادخل الصف معاي اقلام ومساحة ودفتر التحضير

وساعات اشتهي اسوي شفافيه او بطاقات

واذا زارتني الموجهه ولا الناظره وشافتني مسويه شفافيه ولا بطاقات اطلع ابلة متميزة وتسطرلي الايجابيات

في التقرير ههههههه:krkrkr:

عكس الابتدائي كل يوم وسيلة وغير الاستيكيرز والالعاب علشان نييب راسهم

واذا بروح الصف آخذ معالي قـــش اغراض و60000 جيس وغير العلب ودفتر التحضير

واذبح عمري بالتدريس وماكو اهتمام ولا تقدير علبونه ملف انجازي وماكو رسوب

بعدين في ميزه في المتوسطة بسرعه تترقين ويرشحونج رئيسة قسم

الابتدائي يطلبون سنوات الخبره أكثر

(كويتيه عسل) · 9 نوفمبر 2009

بعدين كل اللي كانو بالابتدائي وراحو متوسطة يكونون اشطر من

الابلات اللي علطول تعينو في المتوسطة

وتكون شخصيتهم اقوى خصوصا اللي كانو يدرسون ابتدائي بنين

وسهل عليهم يتعاملون مع المراهقين

حتى المنهج يبكون سهل عليهم لان يكون عندهم خبره بالمناهج اللي درسوها الطالبات في الابتدائي

(كويتيه عسل) · 9 نوفمبر 2009

طريقة التحويل من ابتدئي لي متوسطة :

بايد التوجيه

اول شي قولي لرئيسة القسم وكلميها بينج وبينها ووصيها لاتقول لاحد

اذا زارتكم الموجهه قوليلها بس بينج وبينها موجدام الابلات وقوليلها ابي اروح متوسطة لانج تحبين تدرسين الكبار

مو تقولين اريح اذا قلتيلها اريح من ناحية الكرف والشغل راح ترفض لان انا الموجهه سألتني شمعنه المتوسطة ؟

وسكرتيرة التوجيه علمتني شقولها قتلها لاني احب اتعامل مع اللي في سن المراهقه استانس على اللي في هالسن

بعدين الموجهه راح تسأل رئيسة القسم وتاخذ رايها

واذا زارتج في الصف راح تدقق على طريقتج في التعامل مع الطلبه اكثر من الامور الفنيه

وانتي عاد لاتخلين بالحنه كل ماتزوركم الموجهه قعدي حني عليها ترى الحنه تسوي شغل لوووول :krkrkr:

وقت النقل تروحين سكرتيرة مدرستكم وتقوليلها ابي نموذج نقل من مرحله لي مرحله

وتختارين المدارس اللي تبي تروحيلها والسكرتيرة راح تطبعه لج

وعقب تروحين للناظره توقع على الورقه وتخلين نسخه عندج ماتدرين يضيعونها ولا شي

وشهر 7 مري التوجيه وسأليهم شصار على النقل وسألي التوجيه شصار

انا الحمدالله موجهتي الله يذكرها الخير بشرتني انها رشحتني ووافقت على اني انتقل لي المتوسطة :eh_s(6):

وآخر شهر 8 شفت اسمي في سايت الوزارة نقل منفذ :ggdw:

Turquoiseya · 9 نوفمبر 2009

:eh_s(16): << بجت لما شافت ان المتوسط احسن
كويتية اجل السالفة فيها واسطة توجيه
موجهي ما يطيقني امصيري دبل جبدي
قلتله: انت دايما تحبطني وتدور الزلة علي
حتى لما ما تلقى شيء قلت لي درسينهم من برا المنهج
00000
مافي حل ثاني غير التوجيه؟
ابي اكتب نقل وعلى طول ينقلوني
ما ابي امر على التوجيه لانهم غثيثين ويبطون الجبد

dla3_princess · 9 نوفمبر 2009

ووووي بعد قلبي الله يعينج ياااااااااارب

انا رفيجتي مدرسه انجليزي على صبياان ابتداائي بس اول شي عااانت منهم

و عقب مع الوقت حبووها مع انها سيداااا لا و تزفهم بعد ؟!!

بس الحين ارتااحت ...

استخيري و شاااوري اللي معاج و شووفي تجااربهم بس اهم شي انج ما تكملين على

هالعييشه صراااخ و تعب تراا والله صحتج ..

يااااااااااااارب الله يوووفقج و يكتب لج الخير بكل شي ياارب

Turquoiseya · 9 نوفمبر 2009

:eh_s(16): << من يمسح دمعة هذه المسكينة!

(كويتيه عسل) · 9 نوفمبر 2009

turquoiseya قال:
:eh_s(16): << بجت لما شافت ان المتوسط احسن
كويتية اجل السالفة فيها واسطة توجيه
موجهي ما يطيقني امصيري دبل جبدي
قلتله: انت دايما تحبطني وتدور الزلة علي
حتى لما ما تلقى شيء قلت لي درسينهم من برا المنهج
00000
مافي حل ثاني غير التوجيه؟
ابي اكتب نقل وعلى طول ينقلوني
ما ابي امر على التوجيه لانهم غثيثين ويبطون الجبد

تدرين انا خبرتي بالابتدائي بس سنه وحده التوجيه ماينقلون الا اللي صارلها على الاقل 5 سنين

بس الحمد الله الفضل لربي اعتمدت على نفسي وكانت عزيمتي قويه

كنت حاطه في بالي الا انتقل انتقل يعني انتقل

وتدرين لما كنت اقولهم ابي اروح المتوسطه الكل يحبطني من صوب

وخرعوني وقالولي المراهقين لسان طويل وشياطين ومشاكل والله المراهقين اسهل من الابتدائي

الابتدائي اصعب مرحله لانها تأسيس

وبعدين ملف انجازي مافي رسوب والطلبه مايدرسون ولا يحلون وانتي تركضين وراهم

التوجيه قالولي اذا رحتي متوسطه ورديتي ابتدائي يعني رحتي لمرحله اقل

مومن صالحج لان بيأثر على تقريرج وملفج صعب تنتقلين لي مرحله اقل وقالولي فكري عدل

وفكرت وصليت استخاره وكنت مرتاحه للمتوسطه ومدرستي

لما درو بنتقل للمتوسطه قامو يساحلوني علشان ماانتقل

ورئيسة قسمي ماكانت تبيني انتقل

كانت تقولي انتي كفائه الصبيان يحبونج حسافه تروحين

ومو بس جذي مكلمه الناظره والناظره مكلمه المراقب وي سكتي شسوو <<<<شوفي السالفه لي وين وصلوها

كل هذا علشان ماانتقل بس الحمد الله بفضل ربي انتقلت وكلهم انصدمو

من الحررررررهه قالو ايه واسطه معنى لاواسطه ولا شي

اعتمدت على نفسي والله بروحي اعتمدت على نفسي محد علمني رحت سألت عن الطريقه

مابقى قسم في المنطقه مارحتله علشان اسأل وحفظوني من كثر امرهم وأسأل

ومن كل مكان اروحله كنت اتعلم شغله والحمد الله انتقلت

Turquoiseya · 9 نوفمبر 2009

ماشالله عليج
الله يوفقج وان شالله ترتاحين دوم
هذي السنة السابعة لي وانا ادرس وتس ذيس ووتس ذات
بصلي وبستخير وبتكل على الله

(كويتيه عسل) · 9 نوفمبر 2009

turquoiseya قال:
:eh_s(16): << من يمسح دمعة هذه المسكينة!

والله انا حاسه فيج شوفي

انتي الحين لا تكلمين احد عن النقل نطري لي الكورس الثاني

لما الموجهه ينقدج لا تردين عليه ولا تناقشينه قولي انشالله اهما مايحبون احد يناقشهم فانتي لاتناقشينهم

وانتي لا تتضايقين ولاتزعلين من النقد

حاولي في المره اليايه لما يزوركم لا تكررين النقد اللي قاله لج

وحاولي تتقربين من رئيسة القسم لا تييبين لها سيرة النقل

والكورس الثاني شهر 3 كلمي رئيسة القسم بينج وبينها وقوليلها انا احب ادرس المراهقين وعندي الرغبه اني ادرسهم

وروحي للموجهه في المنطقه وحاجيه وقوليله شرايك فيني

انا عندي الرغبه وحابه ادرس الطالبات اللي في سن المراهقه

سأليه شنو المطلوب مني علشان توافقون اروح للمتوسطه ؟

وسأليه شنو الشروط ؟ اهوا ماكو شروط بس علشان تعرفين الصفات اللي تخليه يرضى

وسأليه قوليله تشوفني انفع ادرس متوسطه ولا لأ ؟

راح يسألج ليش اخترتي المتوسطه ؟ قوليله انا حابه تدريس المتوسطه اذا قالج نطري للسنه اليايه

لا ترضين ماتدرين باجر يطلعون قرار يديد موانتي عارفه التربية كل يوم طالعين بحجوه يديده

يمكن قولج المناهج اليديده ملوت المتوسطه صعبه قوليله انا قدها وقدود وراح تشوفني شلون انا شاطره

وراح تسمع عني كل خير وراح اذكرك بالخير لانك شجعتني ومة هالحجي

>>>>>> يعني بينيله انج واثقه من نفسج وقويه وانج حابه وتبين تروحين المتوسطه

وعقب ماتقديمن نقل من مدرستج من السكرتيرة مالتكم ولاتنسين لازم يكون عندج نسخه من النقل

في شهر 7 مري التوجيهه وسأليهم شصار

ودخلي على الموجهه الاول ( رئيس الموجهين)

لان اهوا اللي يوقع على موافقه نقلج بعد ما يستشير موجهج

وسأليه شصار وبينيله انج تبين وفي خاطرج عاد انتي وطريقتج عقب روحي لسكرتيرة المتوسطة

سأليهم عن النقل وهم مري سكرتيرة الابتدائي وتابعي موضوعج اذا قالولج توالناس

قوليلهم انزين متى امركم وروحي مريهم لاتخلين حتى الله لايقولوله رفضو دخلي على مراقب الابتدائي

وكلميه انسى كلمة ان المتوسطة اريح من الابتدائي لاتقولينها ابد عرفتي

اللي يوقع على موافقة نقلج من مرحله لي مرحله

مراقب الابتدائي ومدير الشؤون التعليمية والموجهه الاول

Turquoiseya · 9 نوفمبر 2009

يعطيج الف الف مليون عافية كويتية عسل
كلماتج ذهب ونصايحج الماس
والله عطيتيني امل
يارب افتح واغمض وانتقل من الابتدائي
وعلى فكرة << صارت مصرية
حفظت الصفحة عندي بالمفضلة عشان اسوي نفس اجراءاتج بالضبط
مشكوووووووووووورة

(كويتيه عسل) · 9 نوفمبر 2009

turquoiseya قال:
ماشالله عليج
الله يوفقج وان شالله ترتاحين دوم
هذي السنة السابعة لي وانا ادرس وتس ذيس ووتس ذات
بصلي وبستخير وبتكل على الله

آمين اجمعين

وانتي بعد الله يوفقج اللهم آمين

(كويتيه عسل) · 9 نوفمبر 2009

turquoiseya قال:
يعطيج الف الف مليون عافية كويتية عسل
كلماتج ذهب ونصايحج الماس
والله عطيتيني امل
يارب افتح واغمض وانتقل من الابتدائي
وعلى فكرة << صارت مصرية
حفظت الصفحة عندي بالمفضلة عشان اسوي نفس اجراءاتج بالضبط
مشكوووووووووووورة

العفو والله يعافيج

لاتنسين تطمنينا عليج

ويارب يكتبلج الخير ويوفقج اللهم آمين

moony77 · 9 نوفمبر 2009

والله يا بنات لا يغركم علوم متوسط حده صعب الله يعين اللي تبي تيي متوسط

PuPa^^SWeeT · 22 مارس 2012

الحين تبون تقنعووني

انه المتوسط اسهل من الابتدائي ؟؟؟؟

انا ساعات افكر ابي انقل ابتدائي علشان اريح شوي بالمنهج

كويتية انتي جربتي صبيان يمكن مدارس البنات اريح ؟؟؟

PuPa^^SWeeT · 22 مارس 2012

انا تعبت من قلة الادب صراااحة بالطالبات

يعني اوكي كبار بس ساعات ينرفزوون حيييل و يبطون الجبد

من ابتدائي --> متوسط " آرائكم "

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member