للمتزوجات .. تعالوا عطوني رايكم بليز ..؟

atoootta · 16 ديسمبر 2009

مرحبا حبايبي ..

حبيت أناقشكم وأستطلع منكم على هالموضوع .. واهو موانع الحمل !
شكثر فينا عقب الولاده ندور موانع لفترة معينه .. بس حسب نوع الجسم اللي يتقبله واللي يرفضه .. اكو بنات ياخذون حبوب وشكثر حبوب ماتناسب .. واللولب حدث ولاحرج .. والواقيات ماتجرأت للحين استعملها ..!
شنو اللي سويتوه وفضلتوه عن غيره ؟

انا مثلا ماناسبتني الا حبوب دايان خفيفه على جسمي وصفت بشرتي وزان شعري وكثف الحمدلله
بس اعرف بنات ابدا ماناسبتهم .. واختي جربت اللولب ورفضه جسمها على طول وسببلها إلتهاب .. تدرون إن اللولب له 200 نوع ؟
يعني على وين ووين تلقين اللي يناسبج !

وطرق العد .. ياما وهقت ناس :dddds:

والواقيات .. مادري .. وصلني من يومين عالايميل واقي نسائي جديد بصراحه احس يمه غريب خفت منه :krkrkr:

أو تفضلين زوجج اهو اللي ياخذ الموانع ؟
لاني اعرف وحده سببتلها الحبوب عصبيه وطاح شعرها ماقدرت تاكلها .. وفضل زوجها اهو اللي ياخذ الموانع .. !
وشنو راي زوجج اذا عرضتي عليه ياخذ اهو الموانع ؟
أو بالأحرى راح تثقين فيه ؟ :krkrkr: خوفج يطنش وتحملين تتوهقين هههههههههه

شاركوني ........

ريماس77 · 16 ديسمبر 2009

شوفي حبيبتي انا الحبوب متنتني قطيعه واطيح شعري استعملت جينيرا وياسمين ومنيوليت والله بعد في جم واحد مايمشي معاي اخرها سببلي اكياس عالرحم جياس دم ومت على ماراحوا يبا بلا عد بلا بطيخ والله مايمشي معاي ولاحبوب ولا واقي ديروا بالكم خل يتحكم بنفسه وخايفه حدي من اللولب بس فيه الاسلامي الي دورتج 3 ايام والله مايندرا عنه حدي خايفه منه

جـــواهر · 16 ديسمبر 2009

يووووووووووووه انا شسوت فيني الحبوب لعبت فيني لعب وحبوب ديان بعد ...
صج كل بنت تختلف عن الثانيه ...
وللحين ماعرفت شنو اللي يناسبني لاني جربت ياسمين بعد ومانسبوني ...
وان شاء الله اذا الله تمم علي ولادتي .. راح اجرب مورفلين ..

وزوجي ماظنتي يرضى ياخذ موانع .. والله ماري جان في موانع واذا ماتضر يمكن اقدر اقنعه ..

وعسالله يعين

بتبوتااا · 16 ديسمبر 2009

طريقتي بره ,,
عمري ما جربت ادويه او لولب ولا هالسوالف كله بره ,
وينقل للقسم المختــص ,

ديماا · 16 ديسمبر 2009

انا ركبت لولب بس النوع العادي اللي على شكل حدوه الفرس

وحيل مرتاحه عليه ...بس قبله كنت حاطه لولب هرمووني .... ابد ما ناسبني

ابلة رسم كتكوته · 16 ديسمبر 2009

بتبوتااا قال:
طريقتي بره ,,
عمري ما جربت ادويه او لولب ولا هالسوالف كله بره ,
وينقل للقسم المختــص ,

8
8
8
8
8
8
أحسن طريقه
ومع طريقة العد

ابلة رسم كتكوته · 16 ديسمبر 2009

بتبوتااا قال:
طريقتي بره ,,
عمري ما جربت ادويه او لولب ولا هالسوالف كله بره ,
وينقل للقسم المختــص ,

8
8
8
8
8
8
أحسن طريقه
ومع طريقة العد

atoootta · 16 ديسمبر 2009

يسلمووو عسل

فووووووق

في بحرهم عذبوني · 16 ديسمبر 2009

انا بعد استعمل طريقه القذف الخارجي

Creamy Girl · 16 ديسمبر 2009

انا في بداية زواجي خفت اخذ حبوب فاستعملت طريقة العد مع (بره ) على قولتكم بس للاسف العد خون فيني وحملت ببجري

عقبها استعملت الياسمين وكنت اتزف وانا اخذها كلللللللش ما ناسبتني عقب دكتورتي وصفتلي ديان الحمدلله احس ناسبني واحس شعري صاااير واايد احسن...

بس اذا الله كتب وولدت هالمره ودي اجرب اللزقات بس ملييت من الحبوب ....

انزين تعرفون شنو الموانع اللي ممكن يستعملها الريال قولولي خل اقترح عليخ واشوف ردة فعله

( مي ) · 16 ديسمبر 2009

وااااااااااااااااااااي اتوتا
موضوعج مسبب ازمة بحياتي

خل اقولج قصة حياتي
جربت دايان : صرت طووووفة ماكو احساس ولا رغبة اللي زوجي بنفسه خذا العلبة وحذفها تكرمين بالزبالة غير زيادة الوزن وكل من لاحظ
ياسمين : سوت لي بلاوي الدكتورة قالت لي لا تكملين العلبة ،، مو زين عليج
جربت سيليست ،، هم ما والمتني
جربت نوع والله نسيت اسمه لون العلبة وردي واصفر اييبونه فترة ويردون يقطعونه ،، شفتي صراخ الطلق ؟؟؟؟ كنت جذي اصرخ من عوار راسي
اخر شي قالت لي الدكتور انتي نوعج ما تمشي معاج الحبوب

جربت اللولب العادي
سبب لي نزيف والم بالبطن وحسيت الرحم نازل عندي تخيلي ما اقدر اقعد على القنفة مثل احساسي بالشهر التاسع لما تحسين البيبي صاير بالطرف من تحت ،، من اقعد شي يكفخ في بطني ،، قمت كله اقعد على الطرف

جربت اللولب الهرموني
اقل من شهر وشلته صارلي التهاب

جربت طريقة العد
حملت عليها

بالنهاية
شكلنا بنعيش اخوان او القذ الخارجي هم مشاكلة وايد ،، او الكاندوم
لوووووووول

بس هم خل اعطيج معلومات
سألت من اسبوع عن اللزقات : قالت لي الصيدلانية برويال حياة تسبب نفس اعراض الحبوب بالضبط بس الفرق ان الحبوب يدخل الهرمون جسمج عن طريق الفم ،، واللزقة يدخل الهرمون عن طريق الجلد
الواقي النسائي : ما ادري اذا موجود بالكويت بس ممكن في بعض الأحيان تتوهقين وصعب اتطلعينه منج وتروحين المستشفى يطلعونه لج
الواقي الذكري ( كاندوم ) : مشكلته حرقة احيانا للزوجة + الرياييل ينحرجون يشترونه لاسباب قالي عنها زوجي لووووول + لازم يكون زين مو نوعية رخيصة بسرعة ينشق ،، وماله مفعول اذا انتهت تاريخ صلاحيته
الأبرة : مشاكلها نفس الحبوب بس ممكن تنقطع عنج الدورة 6 اشهر واهي اقل مدة لها ،، واذا ما والمتج ما تقدرين تسوين شي لان خلاص الهرمون دخل جسمج ..

الله وكيلج صرت دكتورة بالموانع

atoootta · 16 ديسمبر 2009

يسلمووو بنات ...

كريمي غيرل .. اي نفسي دايان أحسن وحده والمتني .. وتصدقون بالعكس ضعفت عليها ولمن هديتها متنت !!
بس شنهي اللزقات ؟ أو مره اسمع فيها والله !
والموانع الرجاليه ماعرفها بالضبط ... لاني متأكده مليون بالأميه زوجي ماراح ياخذها هههههههههه

(مي)
شنو هذا ؟ مسلسل هندي هههههههههههههههه
الله يعينج والله .. بس مالج الا بره دام ماكو شي والمج .. !
الواقي النسائي أصلا يخرع شنو هذا بالله دش داخلي وماقدرت أطلعه ؟
أروح المستشفى ياحلاة ويهي ويدرون اني كنت مسويه احم احم ههههههههههههههههههههههههههه
الأبر يمه مستحيل هم آخذها صج توقف الدورة أشهر بس لمن بيجي وقتها تنزل بتحسين بآلام مو طبيعيه !
اللزقات فهميني عليها أكثر عليها .. وين تنحط ومدتها ومن وين نشتريها ؟
بليــــــــــــــز ؟؟

جوري 2007 · 16 ديسمبر 2009

امبيييييييييييييه هالشغلة مأرقتني وايد وقاعدة افكر اذا ولدت اشبسوي
ياسمين متنتني وسوتلي مانع 6شهور لما قطيتهم
الكاندوم الاخ العزيز مايبي يجربه
القذف الخارجي هم مايحبه
اللولب مااتخيل نفسي اركبه لاني دعلة مااحب اروح دكتورة نسا وولادة وتعابل فيني راح ايننهااااااااا
شسوي اهئ اهئ اهئ

( مي ) · 16 ديسمبر 2009

اتوتا
اي شفتي شلون ؟
اللزقات سألت من اسبوع الصيدلانية برويال حياة .. تقول متوفرة عندهم تنلزق على الجتف جنه او اماكن ثانية بس ما تعمقت وياها بالأسئلة ،، لانها مجرد ما قالت لي انه تأثيرها مثل الحبوب قلت لها خلاص مابي ،، سألتها : يعني ممكن تسمن وتأثر على الشعر ؟ قالت مثل الحبوب بالضبط بس الفرق ان الحبوب الهرمون عن طريق الفم وكل يوم اخذ حبة ،، اللزقات الهرمون يدخل عن طريق الجلد والزقها مدة معينة يعني نفس التأثير ،، حتى اختي تقولي رفيجتها حاطة لزقة وعلى طول ماسكها صداع ،،

تذكرت حبي
في بعد مانع حمل اللي اهي ( التحاميل )
مرة اتذكر بصيدلية من الصيدليات قالت لي في تحاميل تنحط يوميا ليما تخلص العلبة يعني طريقة اخذها مثل الحبوب .
نفس الصيدلانية برويال حياة قالت لي في تحاميل قبل الجماع بربع ساعة تموت الحيوانات المنوية ،، يعني قبل الإيلاج بربع ساعة تحطين تحميلتج بس تقول مقطوعة من فترة وصعب تلقينها ،، من عيوبها الرطوبة من عقب ما تذوب التحميلة ..

atoootta · 16 ديسمبر 2009

جوري الله يعينج عسل ... اي مو احنا المقاريد بكل شي

مي
والله خوش شي اللزقات .. مو عن بجربها بس فكره حلوه بصراحه .. بس اهم شي تكون بمكان مخفي محد يشوفه !
أما التحاميل لا وي قطيعه ماحبهم كلش .. اللزقات والحبوب أرحم !
مشكووووووووووووووره ياقلبي عساج عالقوة

يالله بنات نبي مشاركات ؟؟

سيدة الذوق · 29 ديسمبر 2009

بتبوتااا قال:
طريقتي بره ,,
عمري ما جربت ادويه او لولب ولا هالسوالف كله بره ,
وينقل للقسم المختــص ,

اي بس ماتحسين بانوثتج ههههههههههههه جربتها وارتحت بس صارت نفسيتي خايسه

اما الحبوب ماعمري جربتهم ولا اللولب ...الحمدالله مناعتنا منا وفينا

ZOHOR · 30 ديسمبر 2009

انا رحت صيدلية عطاني حبوب منع الحمل حق الرضع بما ان اشفط 10 مل يطلع فعطاني حبوب رضع حق منع اصفر على رمادي العلبة

NODA 2 · 30 ديسمبر 2009

سيدة الذوق صح كلامج لما كنت اقول حق الدكتور من بره يقول اوكي بس مو وايد يقول يأثر على الرحم وصح كلامه يعني لو جم مره داخل البيت( تمويه) بالشهر بس مايصير كله بره

Om-Brooky · 30 ديسمبر 2009

والله خوش موضوع
انا جربت ديان يابت لي عوار راس ونفس شينة وحتت شعري
ياسمين خلتني باردة جنسيا ويابت لي قرحة بالرحم
سيزارت هم عورت لي راسي وزادت وزني وهذي خذيتها وانا ارضع
عقب مشيت على العد بس خونت فيني والحين انا حامل
وعقب ما اولد مادري شنو اخذ شكلي بجرب اللزقات والله يستر
واللي جربت اللزقات خل تفيدنا

ام اللين · 30 ديسمبر 2009

بقولكم معلوماتب المتواضعه عن موانع الحمل بالنسبه لموانع الرجل تسبب له مشاكل في هرمون الذكوره يقل ولم يسمع هالكلام يخاف على

رجولته آنه جربت وقلت لزوجي أنه ياخذ ابره مدتها 6 شهور طبعا مو موجوده بالكويت بس ما طاعني وخاف من موضوع الهرمون ,

وبالنسبه للزقات العلبه فيها 3 لزقات تحطينها في 3 أماكن أعلى الكتف و الزند و آخر الظهر يعني فوق الخلفيه لمده اسبوع و أتغيرينها

وبالسبوع 4 تييج الدوره .

بالنسبه للقذف الخارجي أحس يسبب مشاكل للرجل و المره الريال ايتعسر لأن متعته في القذف داخل المهبل والمره أتحاتي أثناء الجماع فتكون

متوتره وتري المني سبحان الله له فوائد فيه مواد اتريح نفسيه المره يعني اتهديها , و الحبوب اتسبب بلاوي كافي انها اتسبب سرطان دكتور في

مستشفي مكي جمعه وايد حذرني منها .

والله الحافظ

للمتزوجات .. تعالوا عطوني رايكم بليز ..؟

New member

New member

New member

**مشرفة قسم الحياة الزوجية**

New member

New member

New member

New member

New member

New member

New member

New member

New member

New member

New member

*مساعدة مشرفات تأخر الانجاب*

New member

New member

New member

New member

مشرفة قسم الحياة الزوجية

مساعدة مشرفات تأخر الانجاب