شلون اطبخ المحمر ؟

السلام عليكم
ابي اعرف طريقة طبخ المحمر ومرقة الخباط "سمك مالح"

الحبيبه الدبيبه



وعليييييييييييييييييييييكم السلام حبيبتي




وتفضلي طلبك




طريقة المحمر مع سمج الخباط

http://www.q8yat.net/showthread.php?t=247274



http://q8yat.net/showthread.php?t=427543&highlight=%C7%E1%E3%CD%E3%D1

http://q8yat.net/showthread.php?t=415915&highlight=%C7%E1%E3%CD%E3%D1




طريقة منقوووووووووووووووووله


العيش المحمر ..

نحمر 4 فناجين سكر او اقل حسب الرغبه ..

نضيف كميه من الماي ..

>> طبعا العيش يكون مغسول ومنقع ..

نترك الماي مع السكر المحمر عالفرن .. ونحط حبة دارسين .. + العيش + زيت شوي ..

وبس ينترك لين مايستوي




طريقة ثانية منقوووووله


المحمر ..
( عيش وسكر ويصير لونه احمر عشان جذيه سموه محمر )

طبعا المقادير على حسب عدد الاشخاص
فلنفرض انهـــم 6

المقادير :

3 قلاصات عيش كبار
3 قلاصات سكر صغار
زغفران

الطريقـة :

نحط الـسكر بالجدر ونحركـه نحركـه لما يذووب كله ويصير لونه نفس لون بني غامج
نييب ماي ونحط يعني نص الجدر مافي كمية محدده لان بعد مانحط العيش ناخذ القياسات ^_^
نحط شوية زغفران ونخليه يغلي يغلي يغلي لان السكر لما حطينا الماي صار يابس فلازم يذوب كله
بعد ماذاب كلش نحط العيش ونشوف لازم الماي يكون فوق العيش بصبعين او حطي الملاس واذا طاح فالماي زياده واذا ثبت الماي مضبوط ( امي علمتني جذيه :004: ) ضبطنا الماي ثبت الملاس
نغليه يغلي يغلي يغلي لما الماي نشوفه نشف نحط شوية زيت ونخليه على نار هاااااااااااااااااااااديه
وبعد خمس دقايق نصكره وجذيه العيش تمام ..


مرق سمج طريقة منقووووولة


مرق السمج ..

المقادير :

سمج على حسب الطلب والكمية
زيت قلي
بصله كبيرة مقصصه
8 فصات ثوم مفرومين
6 طماطات مفرومين
نص ربطـة بقدونس
نص ربطـة كزبر واذا مافي كزبر طري عادي ناعم 3 ملاعق
3 ليمونات سود
مـــاء
بهارات ( فلفل اسود ، دارسين ، ملح ، كركم )


الطريقـة :

نييب السمجـة انضفها ونفركها بالكركم والفلفل الاسود وشوية ملح ونخليها طبعا هذا قبلها بساعه او نص ساعه .. بعدين نحط شوية زيت بالطابي ( المقلى ) نقليهـا شوية مانخليها تتحمش نحطها على جنب .. نييب الجدر اللي بنسوي فيه مرق .. نحط شوية زيت نخليه يحتر نحط البصل ونحمره نحط الثووم المفرووم .. نحط البقدونس والكزبر ونخلطهم ونحط البهارات ونحط الليمونات السود ونضيف عليهم الطماط اللي فرمناه وسويناه عصير بيكون المرق ثقيل نخففه بالماي بس مو وايد
ونخليه يغلي يغلي يغلي اذا لاحظتو ان الماي قل وايد زيدو شويه عادي بس ذوقوا عشان تشوفون الملح وبالاخير تشوفون الليمونه السوده اذا صارت شوية لينـه تحطون السمجه وتخلون يطبخ 10 دقايق وبس تطفون الجولـة

الله يالمحمر راح مع اهله

يعطيج العافية جارة القمر

يسلمووو جرجر