هذا الدرس الثاني من دروس امكم العوده واللي ماتتعلم من طباخ امكم العوده .. مافتكر راح تعرف تطبخ وماترقع بالسبع المذاهب .......
اي يابناتي اليوم عاد بنطبخ مرقة سمج .. شنهوو؟؟ ماسمع؟؟ شقلتي؟؟ وع؟؟ اي بنات هل وقت مالت حتى مالت . انتوا وين والسمج وين .. وع عليج يالمايقه ..اي ياميمتج انتي حدج مكدونال وهذا شسمونه هرديز وسندويجات .. بس هذا اللي فالحين فيه .. ماكو من اليوم تتعلمون الطبخ السنع ولا اشلع عيونكم مفهووووم ؟؟ اي احسب بعد هذا اللي ناقص .. سمعوني يابنات بليس .. السمج له فوائد كثيره .. منها الزفره تحبب ريلج فيج ودايم يابنياتي من تغسلين السمج حاولي تمسحين على شعرج .. لان ريايل هل وقت مايقين ومايعين فصيري انتي اعتر منهم ..والصفط مال السمج زين حق البشره .. يقولون امهاتنا السفط تاخذينه وتخلطينه مع شوية مصير السمج وتمسحين فيه جسمج عشان يصير ناعم .. عاد انتوا جربوا وعطوني خبر
المهم اليوم بنسوي مرقة شعيمات
بسم الله بدينا وعلى النبي صلينا .. اول شي يابنياتي نحتاج حق مرقة السمج .. شدتين او 3 كزبر .. شبنت 2.. بصل 3 ولميات .. و4 فصوص ثوم .. والطماط نبي 4 حجمهم ولمي وحمر لون خدودي ..
طبعا السمج راح يكون مسفطينه وبطنه منظف لانكم خرطي فاكيد يايبينه من السوق منظف وجاهز .. ماعلينا نغسل السمج زين ونحكه بالسجين عن حتاحيت السفط وبعدين تغسله بكركم ونخليه ينقع شوي فيه 5 دقايق وبعدين نغسله بالماي .. الحين نقص الطماط والبصل والخضره كلها وندق الثوم ونبدي بالطباخ
اول شي نحط شوية دهن بالجدر ونحمس الطماط والبصل مع بعض ونحركهم شوي وبعدين نحط البهار والبهارعباره عن شوية كمون .. شوية فلفل اسود .. شوية لومي سحاري .. كركم ..شوية بهار مخلوط وملح طبعا والشويه القصد منها قفشه صغيره مالت الشاي
وبعدين نحط الخضره ونحمسها معاهم لما تذبل وتصير موليه ذايبه .. الحين وقت السمج .. اي هني في طريقتين في ناس يقلون السمج نص قليه عشان مايتفتت وفي ناس يحطونه على عداله .. انا احب احطه على عداله لسببين .. الاول ماحب الدهن الزايد والثاني احب السمجه تصير ترفه .. مالنا شغل نكمل طبختنا .. وييي نسيت اقولكم عن معجون الطماط مالت حتى مالت نسيتوني .. المهم عقب مانحمس الخلطه نحط المعجون ونحمسه معاهم وبعدين نحط الثوم ونحمس وعقب الثوم على طول السمج ونحركه عدال عدال عشان لايتفتت ونخلطه بالحميس عشان يتشرب شوي ريحة البهار والثوم والخضره .. بعدين نزل ماي حار شوي شوي لما ييغطي السمج بشوي ونخليه من يفوح نهدي على النار عشان السمج مايتفتت .. عاد نسيت اقولكم تيبون لومي سحاري عدل وتحطونه على المرقه يعني حبتين او ثلاث على حسب هواكم ..ونخلي المرقه تطبخ وكل شوي نحركها بالعدال ونسكر الجدر وترى ماتاخذ وقت زايد حدها نص ساعه وبعدين تشوفونها صارت مول ثقيله وخاثره جنها دهن بريك على قولة ابوكم العود .. وعليكم بالعافيه يارب
اي عاد تاكلونها مع شنو؟؟ ماغير تسون مشيخيله .. وييي غبره حتى هذي ماتعرفونها ؟؟ سليمه تصكم صج بنات النيدو
المشيخيله مايبيلها شي .. تغسلون العيش وتنقعونه وبعدين تحطون جدر وفيه ماي حار ومن يقلب الماي تحطون الملح وبعده العيش وتخلونه يقلب على راحته مو تهوسون على النار وتخلونه يطيش ؟؟ لا حطوا بالكم شوي شوي على هونكم تلقون العيش يبقبق على راحته وكل شي وتجيسون العيس ومن تحسين انه بدى يشتر شخليه بالمشخال .. وبعدين تقصين بصلتين وتسوين فرقاعه والفرقاعه يعني تحمسين البصل بالجدر نفسه مع دهن طبعاوشوية كركم وهم في طريقتين .. في ناس يكثرون من البصل والدهن عشان يزلون نصه بطاسه ويكتون العيش على النص الثاني وبعدين يحطون الباجي فوق العيش وفي ناس يحطون بس تحت عشان الحكوك . عاد بعدين تحطين حديده تحت الجدر وتقصرين على النار لما يتسكر العيش وعليكم بالعافيه يارب
فهمتوا؟؟؟ عرفتوا ولا بس تهزون الراس مثل الكمخه ؟؟ ولاتنسون الخضره وانصحكم تكثرون من الخضره مثل رئيس قسم الخياس (الرويد) والبقل والبصل الاخضر والجرجير والفجل وباجي الخضره المعروفه واذا اكلتي من ادوات الخيسه روحي حق ريلج لزقي بويهه وقوليله هااااااا شرايك بالطبخه ؟؟ عقبها راح يعصب من الريحه ومايقولج طبخي مره ثانيه وهني انتي الربحانه ..
اي بقولكم شي .. ترى الخضره على حسب مزاجكم في ناس يفضلون الكزبر اكثر من الشبنت وفي ناس العكس وانتوا وهواكم
امكم العوده دندره
اي يابناتي اليوم عاد بنطبخ مرقة سمج .. شنهوو؟؟ ماسمع؟؟ شقلتي؟؟ وع؟؟ اي بنات هل وقت مالت حتى مالت . انتوا وين والسمج وين .. وع عليج يالمايقه ..اي ياميمتج انتي حدج مكدونال وهذا شسمونه هرديز وسندويجات .. بس هذا اللي فالحين فيه .. ماكو من اليوم تتعلمون الطبخ السنع ولا اشلع عيونكم مفهووووم ؟؟ اي احسب بعد هذا اللي ناقص .. سمعوني يابنات بليس .. السمج له فوائد كثيره .. منها الزفره تحبب ريلج فيج ودايم يابنياتي من تغسلين السمج حاولي تمسحين على شعرج .. لان ريايل هل وقت مايقين ومايعين فصيري انتي اعتر منهم ..والصفط مال السمج زين حق البشره .. يقولون امهاتنا السفط تاخذينه وتخلطينه مع شوية مصير السمج وتمسحين فيه جسمج عشان يصير ناعم .. عاد انتوا جربوا وعطوني خبر
المهم اليوم بنسوي مرقة شعيمات
بسم الله بدينا وعلى النبي صلينا .. اول شي يابنياتي نحتاج حق مرقة السمج .. شدتين او 3 كزبر .. شبنت 2.. بصل 3 ولميات .. و4 فصوص ثوم .. والطماط نبي 4 حجمهم ولمي وحمر لون خدودي ..
طبعا السمج راح يكون مسفطينه وبطنه منظف لانكم خرطي فاكيد يايبينه من السوق منظف وجاهز .. ماعلينا نغسل السمج زين ونحكه بالسجين عن حتاحيت السفط وبعدين تغسله بكركم ونخليه ينقع شوي فيه 5 دقايق وبعدين نغسله بالماي .. الحين نقص الطماط والبصل والخضره كلها وندق الثوم ونبدي بالطباخ
اول شي نحط شوية دهن بالجدر ونحمس الطماط والبصل مع بعض ونحركهم شوي وبعدين نحط البهار والبهارعباره عن شوية كمون .. شوية فلفل اسود .. شوية لومي سحاري .. كركم ..شوية بهار مخلوط وملح طبعا والشويه القصد منها قفشه صغيره مالت الشاي
وبعدين نحط الخضره ونحمسها معاهم لما تذبل وتصير موليه ذايبه .. الحين وقت السمج .. اي هني في طريقتين في ناس يقلون السمج نص قليه عشان مايتفتت وفي ناس يحطونه على عداله .. انا احب احطه على عداله لسببين .. الاول ماحب الدهن الزايد والثاني احب السمجه تصير ترفه .. مالنا شغل نكمل طبختنا .. وييي نسيت اقولكم عن معجون الطماط مالت حتى مالت نسيتوني .. المهم عقب مانحمس الخلطه نحط المعجون ونحمسه معاهم وبعدين نحط الثوم ونحمس وعقب الثوم على طول السمج ونحركه عدال عدال عشان لايتفتت ونخلطه بالحميس عشان يتشرب شوي ريحة البهار والثوم والخضره .. بعدين نزل ماي حار شوي شوي لما ييغطي السمج بشوي ونخليه من يفوح نهدي على النار عشان السمج مايتفتت .. عاد نسيت اقولكم تيبون لومي سحاري عدل وتحطونه على المرقه يعني حبتين او ثلاث على حسب هواكم ..ونخلي المرقه تطبخ وكل شوي نحركها بالعدال ونسكر الجدر وترى ماتاخذ وقت زايد حدها نص ساعه وبعدين تشوفونها صارت مول ثقيله وخاثره جنها دهن بريك على قولة ابوكم العود .. وعليكم بالعافيه يارب
اي عاد تاكلونها مع شنو؟؟ ماغير تسون مشيخيله .. وييي غبره حتى هذي ماتعرفونها ؟؟ سليمه تصكم صج بنات النيدو
المشيخيله مايبيلها شي .. تغسلون العيش وتنقعونه وبعدين تحطون جدر وفيه ماي حار ومن يقلب الماي تحطون الملح وبعده العيش وتخلونه يقلب على راحته مو تهوسون على النار وتخلونه يطيش ؟؟ لا حطوا بالكم شوي شوي على هونكم تلقون العيش يبقبق على راحته وكل شي وتجيسون العيس ومن تحسين انه بدى يشتر شخليه بالمشخال .. وبعدين تقصين بصلتين وتسوين فرقاعه والفرقاعه يعني تحمسين البصل بالجدر نفسه مع دهن طبعاوشوية كركم وهم في طريقتين .. في ناس يكثرون من البصل والدهن عشان يزلون نصه بطاسه ويكتون العيش على النص الثاني وبعدين يحطون الباجي فوق العيش وفي ناس يحطون بس تحت عشان الحكوك . عاد بعدين تحطين حديده تحت الجدر وتقصرين على النار لما يتسكر العيش وعليكم بالعافيه يارب
فهمتوا؟؟؟ عرفتوا ولا بس تهزون الراس مثل الكمخه ؟؟ ولاتنسون الخضره وانصحكم تكثرون من الخضره مثل رئيس قسم الخياس (الرويد) والبقل والبصل الاخضر والجرجير والفجل وباجي الخضره المعروفه واذا اكلتي من ادوات الخيسه روحي حق ريلج لزقي بويهه وقوليله هااااااا شرايك بالطبخه ؟؟ عقبها راح يعصب من الريحه ومايقولج طبخي مره ثانيه وهني انتي الربحانه ..
اي بقولكم شي .. ترى الخضره على حسب مزاجكم في ناس يفضلون الكزبر اكثر من الشبنت وفي ناس العكس وانتوا وهواكم
امكم العوده دندره
