روايتي الثانيه : ~~ حــــــــــصـــــــــــــة ~~ .. ( بقلمي )

على العشا الكل متجمع

اليد : ايي عاد ما قلتو ليي البنوته شناوين تسمونها

ام محمد : صراحه مادري بس ان شاء الله عقب الولاده انقرر

اليد : ايي عااد هالله هالله بالاسامي السنعه مو تسمونها من اسامي هالايام الدايخه الي مالها معنى

بو محمد : ههههههههههه ان شاء الله يبه

علي : ماما يعني الحين اختي راح تاخذ مكاني

ام محمد : هههههههه لا ما تاخذ مكانك لا تخاف بس هم اهيا بنتي الاولى

علي : مابي مابي ابي انا بس اتدلع

البد : يالله عاد يالله تدلعت بما فيه الكفايه دور البنوته الحين

علي برطم وزعل واهم يضحكون عليه



عقب ما خلصو العشى وحطو الجاي قعدو يطالعون التلفزيون وبعدين عاد عالساعه 9 قامت ام محمد تزهب الجاي و القهوه عشان دوانيه بو محمد
لأن عنده دوانيه تقريبا كل يوم


ام محمد : بو محمد انا زهبت كل شي بالمطبخ

بو محمد : يا مره جم مره قلت لج لا تعبين عمرج

ام محمد : عبدالله كلها مطاره جاي وقهوه شالتعب

بو محمد : مو اخاف انج تتعبين

ام محمد : لا تعب ولا شي

بو محمد : انزين يالله صعدي واخذي عليوي لانه نام بس خليه حمود و حسون

ام محمد : ان شاء الله .. يالله تصبح على خير

بو محمد : وانتي من اهله

ام محمد : تصبح على خير عميي

اليد : وانتي من اهله يا بنيتي



وصعدت فوق بطلت التلفزيون شوي فرفت بالقنوات ماكو شي عالساعه 10 راحت نامت

بالدوانيه تحت

اليد : واخيييييييييييييرا شفناك بالقاطع

جاسم : ههههههههههه يبا الله يهداك انا كل يوم اهني

اليد : وييين كل يوم اهني ما نشوفك الا بالسنه حسنه

عبدالرحمن : شلونك يديي ( ويبوس راسه )

اليد : هلا هلا عبد الرحمن انا تمام انت شلونك شخبارك

عبد الرحمن : انا زيين يديي ويين حموود

اليد : وانت ما تيي الا عشان حموود .. حمود بالصاله الي داخل

عبد الرحمن : هههههههههه انزين انا بروح له باااي

اليد : جااسم عيل وين عويس ؟

جاسم : كالعاده من عطل واهو ما يقعد بالبيت

اليد : يطلع كيفه بس الدوانيه لازم ييي اهووو ييب لي التلفون

جاسم : ان شاء الله يبا

اليد : دق علييه

جاسم : تفضل يبا



اليد : الوووووو عويييس

عيسى : هلا يبا هلا بالطش والرش وماي الورد بالغرش هلاااا بيدي هلاا

اليد : لا هلا ولا مرحبا

عيسى : افااااااااا يدي عسى ما شر بس

اليد : وينك انت وينك ما نشوفك

عيسى : يديي والله اليوم طلعتنا مع الربع

اليد : اهوو بس اليوم الدوانيه كل يوم مفتوحه ما نشوفك كله طالع وكل ما ادق عليك تقولي اليوم طلعتنا انتو بالضبط متى طلعتكم ؟

عيسى : هههههههههه جكيتني يديي

اليد : ايي شعبالك اعرف سوالفك يالله عندك 10 دقايق وتكون موجود

عيسى : ان شاء الله على هالخشم جم يد عندي انا

اليد : بلا هذره زايده عااد مع السلامه

عيسى : ههههههههههههه مع السلامه


وفي الدوانية دخل عبدالله وسلم على الكل

عبد الله ( بو محمد ) : هلاااا اخووووي حياك حياك

جاسم : هلااا بو حموود شخبارك

عبدالله : تماااااام انت شخبارك

جاسم : والله عايشيين لله الحمد بس

وبعد نص تقريبا تيمعوو كل الرياييل وضلو يسولفوون


بو محمد : عيسى

عيسى : هلا عمي

بو محمد : عمي ما عليك امر روح المطبخ ييب الجاي والقهوه واخذ حمود وياك يساعدك

عيسى : ان شاء الله عمي .. حموود تعال


قامو الصبيان وراحو المطبخ ييبون الجاي والقهوه
وبالمطبخ

عيسى : حموود وين علاو ؟

محمد : عليوي نايم امي خذته وصعدته فوق

عيسى : حساافه كنت بلعب فيه ههههههههههه

محمد : ليش عويس قالولك اخوي لعبه

عيسى : هههههههههههههه لا يبا اسفين مو لعبه

محمد : عوييس انت متى تسوق

عيسى : ممم شهر 4 ليش ؟

محمد : عشان تطلعنا واخيرا عندنا احد بيسوق

عيسى : هههههههههههه الي يقول انتو ما تطلعون يعني



شالو الصواني وردو الدوانيه مره ثانيه

وضلو قرقه عالساعه 11ونص الكل راح بيته وصعدو اهم ينامون


بعد شهر تقريبا دشت ام محمد شهرها

بالليل الكل نايم والبيت هدووووء وفجأة​