طريقه شرح الدكتور والبرزنتيشن والواجبات // حياج معاي // اقولج وقوليلي تجاربنا الخاصه

مهارات اتصال عنط جمال قباني
وايد زين شرحه ممتلز بس انا حماره نحو ف قريدي خايس
نظامه يكتبنا و يحل التمارين بالكتاب

مدخل اعلام عند تغريد الملا
مممم شرحها حلو و اخر المحاضره تملل
نظامها تكتبنا و الي بالنوت بس الفاينال مليق و صعب
عطتنا مذكره بس مو ضروريه مافتحماها

تمهيدي انجليزي كنت بالعلوم ف خذيت عند صفيه العوضي
محاضرتها ممله و تونس شوي
يمكن شوي نفسيه لانها حامل

حقوق انسان عند ثقل العجني
يهبببببببببببببببل عجييييييييييب هالدكتور كلمه عجيب شوي عليه
نظامه يشرح جزئيه و ينقلها
و الامتحان كله من النوت
و تضمنين الاي عنده

انجليزب 141 سلوى شمس
هالمره احسها لما تدرس جنها مالها خلق
و مساكين الي ماخذين عنهم تمهيدي لانه وايد تغيب و تدخل متاخر تزرعكممممم مثل حالت اختي الحين
بس كةزاتها سهله و شرحها حليو

نحو 1 عند خالد عبد الكرين و جنه علليته الميعان
واااي والله هالدكتور عجيب شكصررر طيب و قلبه كبير لما يكلمج يحسسج انج بنته
نظام امتحاناته كل امثله الكتاااااااااااب فقط و اكيد في شي من برا بس مو وايد

اعلام و مجتمع عاليه المتروك
محاضرتهااااااا عجيييييبه كلها سوالف بسوالف
نادري شبجلون نظام للحين ما امتنحنا
بس قالت صح و خطا وليش خطا
وعندنا قراءات

مدخل احياء فاطمه عبد السلام
وااااااااايد زينه و تعطينا مذكره ندرس منها
وامتحاناتها سهله

بيولوجيا انسان نجلا النصار
كله تشرح من البوربوبنت وانتو عاد اخذو الشرح من البور بوينت و درسو منه
لان كل الامتحان منه اما الكتاب الخايس المتين لااااتشترونه

علم نفس احمد محمد عبدالخالق
واااااااي صج تحسفت اني ماخذه عنده كل البنات يتحلطمون من الممممللللللللللللل واااي لا صج الله يعيني
وقت المحاضره كلش مااااايمشي واااااااي
وامتحاناته خاييسه شطولها و اختياري

بس

رد اختي

تاريخ حضاره عند سعود العصفور
وايد زين يشرح من قلب يفهمج الدرس عدل بس امتحاناته يبيلها دراسه
عنده امتحانين و برزنتيشن و يحب الي تشارك معاه

محمد القادري وسائل الاتصال التعليميه
من افضل الدكاتره في كليه التربيه و يحب يساعد البنات في المحاضره لان الماده كلها شغل
وايد يضحك يعني يقولج انتي غبيه على غشمره لول
امتحاناته مثل الي بالمذكره بالضبط
يعرف البنات الي يشتغلون جدامه والي لا

عادل النجار تربيه فنيه
دكتور عجييييييييييييييييييييييييييييييييييييييييييييييييييييييييييييييب
من النوع الي يسولف و سوالفه حلوة و مفيده مو طنازه يعني تطلعين من المحاظره مستانسه و مستفيده
يحب الاشغال اليدويه
امتحان واحد و فاينل

محمد العبدالغفور تربيه اسلاميه
رائع و يحب ينصح مو عن الدراسه عن الحياه بشكل عام
نظام اماحان و فاينل

زهره بارز انجليزي
رائعه و شرحها جيد تعطي اوفاااات
كوزاتها سهله والي يبي بونص يسوي برزنتيشن عن اي شي
تحفضين ايه و برزنتيشن

د. ليلى المالح (مقدمه في الادب العالمي مترجم) الدكتوره شرحها واضح جدا وامتحاناتها سهله ويكون اجابه قصيره واثنين كتابه فقره مو وايد, ماتعطي بونس بس تتساهل مع الطالبات بشكل كبييييير

د. جمال حبيب (احصاء) الدكتور جمال صج ان تعبنه معاه وكله يعصب بس دكتور ممتاز اذا كنتو علمي, اذا ادبي لا تفكرون تاخذون عنده, شرحه واضح بس سعات يطوف اشياء وبعدين يحاسب عليهم بالامتحان.

د.يوسف الفيلكاوي (مدخل اعلام) يريت لو عندي مواد يدرسهم الدكتور يوسف جان كله خذيت عنده, ابداع في الشرح وتوصيل المعلومه, ندرس من مذكره صغيره واللي ايي بالميدتيرم ما ايي بالفاينال, وسهل علينا بشكل موطبيعي.

د. فهمي جدعان (الاخلاق والمجتمع) بصراحه دكتور فهمي قمه في الاخلاق, ويشرح ويعيد ومستعد يعيد اكثر بس عشان نفهم, يحب المناقشه ويطلب مقاله بحثيه من 5 صفحات, وايد يساعد بالتصحيح وامتحاناته كتابه فقرات صغيره, صج اني ماجربت دكاترة الفلسفه بس اهو احسن واحد فيهم ومن افضل الدكاتره عالعموم.


بالنهاية انا مو بمكان اني اقيم دكاتره ولكن هذا اللي حسيته منهم خلال فترة كورس دراسي واحد فقط

اللي خذيت عنهم هالكورس :

مهارات اتصال عند ابراهيم مصطفى :
كشرح يفهم و نظامه نكتب وياه وكل اللي بالنوت ايي معانا وامتحاناته زينة بس مشكلته واااايد يهتم بالغياب وينقص اذا نظامج تغيبين و مايعطي اوفات ويحلل المحاضرة يعني تطق جبدج لوول بس حرام يشرح عدل بالعكس .

مهارات معلوماتية عند احمد غلوم :
ماشاء الله عليه محترم وخلوق و ما يحاسب عالتأخير والغياب يراعي الظروف يعني ويعطي كويزات و امتحاناته شوي لج عليهم بس حرام رفعنا بالبونس يعني يراعي من قلب خوش واحد .

علم نفس تعلم عند احمد عبدالخالق :
استغربت وحده ذمته بس كل وحدة تختلف عن الثانية بالنسبة لي يفهم وايد لأن اساسا اهوه اللي مسوي الكتاب وماشاء الله خبره صج امتحاناته طويلة بس لأن اذا فكرتي فيها الغلطة الوحدة مالها تأثير فلو حتى غلطتي بوايد اسإلة هالشي يشفعلج وكافي يعطي بونس بس بالنسبة لي بالعكس من افضل الدكاترة يفهمج عدل .

علم نفس فسيولوجي عند حصة النصار :
منظمة ماشاء الله عليها وكل شي تكتبه بالبلاك بورد وهالشي حبيته فيها و وسيعة صدر تتحمل الأسإلة وشرحها حلو ومرتب خوش دكتورة وامتحاناتها سهلة . بس هم دربالكم من الغياب

علم نفس نمو عند عبير الخشنام :
يديدة بس خوش دكتورة جنها اختج الكبيرة متفاهمة وتعاملها حلو وامتحاناتها زينة وتساعد وعندها بونس والمادة حلوة عندها وشرحها مبسط .

ماقصرتو يابنات
الله يجزاكم كل خير افدتونا

..

بغيت اسألكم عن الدكتور ناصر احمد الشمري
مدخل لغه عربيه شرايكم فيه ؟

وبعد حمد العجمي شعر جاهلي ؟

مسآء الخير بنآت /


حبيت أتكلم عن الدكتور ** أحمد العنزي **
يعطي مآدة مقدمة في علم الاتصال التربوي
بصرآحة في بدآية الكورس كنت وآآآآيد متخوفه من الدكتوؤر
ولكن مع تقدم الكورس صرت أحب محاضرته
دكتور محتررررررررررررم لأقصى حد
مثقف و انسان آكاديمي بمعنى الكلمة
كللللللش موو عنصري ولا طآئفي
طبعا بالبداية يكون شوي متشدد ع
الحضور + الغيآب بس بنص الكورس بعد
ما يبني علاقة ثقة متبآدلة مع الطالبآت
شوي شوي يفج و ما يدقق ع الغيآب وايد
بالنسبة لشرحه : يعتمد ع Power point
و عالنقآش , شوي يدخل في السياسة و هالشي كان يضايقني
وآيد بس على قولته راح يخفف من هالشي خخخخ
و امتحاناته سهله حيل + يطلب منكم تشرحون فصل من الكتآب
مع مجموعه من الطالبآت

بآختصار \ أنصح فيه و بقوووووه

أحب أتكلم عن الدكتور ** عمآد حسين دره **
أخذت عنده مآدة إنقلش 142
دكتور محترم جدا
, دقيق ع الحضور + الغيآب
بصراحه بالنسبة لي محاضرته ممتعه
وبكن البنات اللي حاسين بضعف في
مستواهم باللغه الانجليزية
ما انصح انهم ياخذون عنده
حقاني و يعطيج حقج
يحب البنت اللي تكون انجليزيتها قوية
واللي تحضر دايما و تجاوب
دكتور محترم جدا جدا جدا
وماشي سيدة
باختصار اذا انتي لغتج الانجليزية
قوية Go ahead و اخذي عنده
لكن إذا كانت انجليزيتج ضعيفه , حآولي تاخذين
عند غيره

الدكتور ** جآسم الكندري **
أخذت عنده مآده أصول التربية
أولا الدكتور محترم وايد وايد وايد
انسان بسيط ومتواضع لاقصى الحدووود
المآدة حلوة و سهله
و اهوا يضيف معلومات خارجية
الحديث مع هالدكتور ممتع للغاية
انسان تربوي و اكاديمي و لبق و يدش القلب
بآختصآر هالدكتور عسسسسل يا بنات لا تترددون تاخذون عنده
متسامح و سلس ومو دقيق وايد من ناحية الحضور و الغياب
امتحاناته سهله و غالبا تيي من الشرح + الكتآب
أنصححح فيه و بقوة :eh_s(15):

عسى الله يوفقه و يعطيه على قد نيته :eh_s(7):


طبعا بالنسبة لي اهو من أفضل الدكاترة اللي تعاملت و ياهم و لو يعطي مقررآت ثآنية أكيد
ما راح اتردد اني آخذ عنده مره ثآنية :eh_s(8):

ماقصرتو يابنات
الله يجزاكم كل خير افدتونا

..

بغيت اسألكم عن الدكتور ناصر احمد الشمري
مدخل لغه عربيه شرايكم فيه ؟

وبعد حمد العجمي شعر جاهلي ؟

أنقر للتوسيع...

مارديتو علي

حمد العجمي جربته جماليات ادب

عجيييييييب ولي باجر عجيب

بس يحب الحضور والمشاركة وعنده تقريرين

ويقول لنا انه يدقق على الاملاء عند طلبة التخصص

وعنده بونص تحفظون جم بيت شعر من اختياركم

وامتحاناته حلوه من شرحه

ويعطيكم الاسئله

وشرحه حلو

وامتحاناته حلوه من شرحه

ويعطيكم الاسئله

وشرحه حلو

منو تعرف دكتوره وضحه عواد الفضلي
مهارات الاتصال اللغويه
اسوي سيرج عنها ما يطلع
منو خذت عندها وشلون شرحها وشلون كل شي عنهاا

مشكوره حبيبتي انسام ,

بنات منو تعرف دكتور احمد محمد عبدالخالق
حق مدخل علم نفس ؟

انا درسني احمد عبدالخالق بس حق تعلم
يعطي بونس - امتحاناته اسألتهم وايد بس تلقين الغلطة الوحدة عليها ربع يعني ماتأثر هذا اذا مو اقل شوي - يدرس بضمير ويفهم بالنسبة لي خوش دكتور مو نظامه اوفات و يراعي الطلبة يعني اخذي عنده مع ان عندي احسن مواد التخصص لأن يكون اهوه مألف الكتاب بس اذا ما حصلتي عند ناصر المنيع ولا موسى الرشيدي ولا نعيمة ولا امثال اخذي عنده بس عموما ترا ال a اذا شديتي حيلج تاخذينها بسهولة عنده ان شاء الله

حياج الله يا قلبي بالخدمة

انا خذيت الكورس اللي طاف مدخل اعلام عند الدكتور يوسف الفليكاوي حيل طيب الدكتور و ماقصر معانا عنده الحضور والمشاركه عليهم 5 درجات يعني موبس حضور حتى لو ما تغيبين ماتخذينها كامله لازم مشاركه وامتحانين كل واحد 30 درجه والفاينل 35 وكمية الفيرست غير عن السكند والفيرست والسكند ما يدخلون بالفاينل وبس مذكره تقريبا 32 صفحة حق الكورس كامل ونوتي معا كل شي يقوله ويسوي مراجعه قبل الامتحان وماكان في تقرير ولا برزنتيشن لاتقصرين بالماده راح تطلعين عنده a ان شاء الله وبعدين اكمل لكم الدكاتره اللي خذيت عندهم*

السلام عليكم

فيني قررررررررررررقه بخصوص تقييم دكاتره الكورس الاول

جماليات الأدب العربي - صباح السويفان

من الآخر اللي تبي يرتفع ضغطها طول الكورس وتضيع بالماده وتنظلم بنهايه الكورس تاخذ عند هالدكتور اللي وايد يمدحونه عالطل
تطلعين من الماده وانتي مومستفيده شي من العلم ويمكن منظلمه بعد لان وقت القريدات يسوي قرعه :\
طريقته : ميدتيرم 30 + تسميع قصيدتين كل قصيده عليها 10 يعني التسميع 20 + الحضور 5 + الفاينل 45
التسميع سواء سمعتي صح ولا خرابيط لاتضمنين درجتج لان رفيجتي حافظه ومسمعه ومنقصها على شنو ماندري؟
وبالنسبه حق الامتحانات يعطينا الاسئله وايي منها نفسها بالضبط سواء الميدتيرم ولا الفاينل، شي وايد حلو صح ؟ بس الاجابات مايعطيج ياها واذا سألتيه هاذي الاجابه مايجاوبج يقولج هاذي اجوبه الامتحان مايصير اجاوبكم
عيل شالفايده ؟ مو دكتور والمفروض تعلمنا الصح من الغلط ؟
وتصليحه ماتدرين اذا انظلمتي بالتصليح ولالا لانج ماتعرفين الاجابه الصح شنو والاسئله مقالي واهو يقيمج عليها
كثر الله خيره رفعني من B+ لي A- وعموما يرفع الكل قريد واحد ، بس غيري واااااايد انظلمو يشاركون بالكلاس اكثر مني ويناقشونه ومعطيهم C
ورفيجتي درجاتها مثلي بالامتحانات بالضببببط حطلها B- ورفعها B اللي منقصها بالقصيده ! مو ظلم؟
لان مثل ماقلتلكم يحط القريد عشوائي وماقول الا الله يعين اللي انخدعو بمدح البنات وسجلو عنده
ومو بس انا رايي جذي ولا بس راي شعبتي شفت اكثر من شعبه له بهالكورس ورايهم مثل رايي سألو احد توه ماخذ عنده وهذا ويهي اذا مدحوه
مانصح فييييييييييه

142 - عدنان جرجس

محترم ، حقاني ، ملتزم بالحضور ، يحاسب عالغياب ، كدكتور زين يشرح ويضحك ويسولف عادي
بس اللي مو شاطره بالانقليزي نصيييييييييييحه لا تاخذ عنده
عن نفسي ماكنت افهم القرامر اللي يشرحه يمكن لان كله يشرح بالانقليزي ومشكلتي تعودت ب090 و 141 دكتوري كان يشرح بالعربي
وغير جذي مايساعد بدرجه الرايتنق وايد يحاسب ودقيق يعطي 4 ، 5 من 10 ماعنده مشكله
وباجي الامتحانات اختياري مايقدر يسوي فيها شي
طريقته 10 مشاركه وواجبات وحضور ، 25 كويزات ، 10 رايتنق ، 25 ميدتيرم ، 30 فاينل > وهالطريقه ماشين عليها كل دكاتره مركز اللغات بالآداب
بالنسبه للمشاركه نبطل تمارين الكتاب ويخلينا بالدور نجاوب ف كل يوم انتي مجاوبه وبجذي غصبن عليج تاخذين درجه المشاركه كامله وشي حلو منه
الواجبات اكثر شي تمارين الكتاب ويومياااااااااا يعطي هومورك ولوع جبدنا الصراحه
والحضور اذا غبتي اكثر من 3 مرات ينقصج .. غير جذي اذا تحضرين وتحلين الهومورك + المشاركه غصبن عليج بتشاركين تاخذين ال10 كامله
والباجي امتحانات انتي ودرجتج ومايرفع بنهايه الكورس كلش
خذيت D مع مرتبه الشرف لوول
مانصح فيه حق الموشطار ، والشطار بتمشون معاه

مدخل علاقات عامه - حسن مكي

يمدحونه وايد بس عن نفسي ماراح اكررها وآخذ عنده مره ثانيه لأسباب
اهوا كول وكل شي عادي عنده تتأخرين, تطلعين برا الكلاس اتحجين بالفون وتردين، تيبين معاج شي تشربيه، وبعض الكلاسات يوديهم رحلات خصوصا اذا كان يحب الكلاس يعني حده كووول وسوالفه بالكلاس حلوه
بس بنص الكورس مادري شفيه صار يكرهنا يقول انتو ماتشاركون وماتناقشون وانا ماحب جذي
واسئله امتحاناته اذا ماكانت واضحه او ماعرفتيها يقول مشكلتكم انتو ماسألتوني عن هالموضوع
يعني فيه اشياء تبط الجبد
اي وسوينا برزنتيشن بنهايه الكورس بس كنا ضايعين حدنا لان مافهمنا شبنسوي بالبرزنتيشن بالضبط
وتوزيعه الدرجات..مادري!! ماقالنا ياها عدل
وبنهايه الكورس رفعنا كلنا كيرف 5 درجات
وخذيت A-

اعلام ومجتمع - محمود الموسوي

وايد احب هالدكتور حده طيب ومثل ابونا، واذا خذيتي عنده ترتاحين طول الكورس ومحاضراته كلها سوالف ومناقشه وبالنسبه حق هالماده ماعطانا امتحانات ولا ميدتيرم كل اللي عطانا ياه واجب مره وحده وفاينل
وحتى المنهج يعطيج ياه قبل الفاينل يعني طول الكورس ماكو دراسه
بس تتوهقين بالفاينل اسئلته شوي مادري شلون مع انها صح وغلط واختياري
خصوصا ان المنهج اول مره ندرسه ومامتحنا فيه من قبل
وتوزيعه الدرجات..هم مادري لووووول لان ماسوينا شي اصلا!
بس بالكلاس سولفي معاه وناقشيه خل يحفظج..والغياب اهو قال ما انقص عليه بس ازيد اللي ماتغيب
وخذيت A- ، انصح فيه

وهاذي قصه حياتي بالكورس الأول المأساوي

بنات منو نعرف فوزية الرويح