شلونكم بنات شخباركم
طبعا الغدا اليوم لزانيا وطلعت يم يم يم قلت لازم احطها لكم
المقادير:
معكرونه لزانيا
خضره مشكله حسب الذوق
1 لحم مفروم
1/2 معجون طماطم
سبانخ
بصل مقطع
زيت زيتون
بهارات + ملح + سماق
طحين + حليب + زبده
الطريقه:
نسخن ماء مع ملح وشويه زيت في صينيه مستطيله وبعد الغليان نسكر الشوله ونحط فيه اول طبقه من اللزانيا
نكون طبعا قبلها مزهبين السبانخ في ماي عشان يذوب الثلج نحطها في مشخال ونحط تحتها مله كبيره بعدها نحط البصل كميه كبيره شوي وسماق وملح ونخلطه لين ينزل الماي منه ونحمسه شوي عالشوله
نحط اول طبقه من اللزانيا في بايركس ونحط فوقه السبانخ
بعدها نزهب الطبقه الثانيه من اللزانيا ونحطها في الماي
نجيب الخضار ونتبلهم شوي ولما تخلص اللزانيا نحطها فوق السبانخ بعدين الخضره
نحضر الطبقه الثالثه من اللزانيا وننحطهم في الماي
ونجيب اللحم المفروم ونحمسه على الشوله مع شوي بصل لين ينضى ونزيده شويه ماي بعدين نتبله بالملح والبهار ونضيف معجون الطماطم وشويه زيت
ونصف اللزانيا فوق الخضره ونحط اللحم
نحضر طبقه اللزانيا الرابعه ونحطها فوق اللحم
نحظر البشاميل :
نحط طحين وزيت بجدر ونذوب الطحين بالزيت عدل بعدها نضيف الحليب وتقلب على النار حتى يثخن قوامه شوي ونحط الزبده وشويه ملح وفلفل
ونحط البشاميل فوق اللزانيا ونزينه بجبن الموزيرلا وجبن سلايز مقطع
طبعا اللزانيا تكون يابسه قبل لاتحطينها بالماي واول ماتحطينها بالماي تجيكين عليها لين تلين وتشيلينها
هذي صورتها بالبايركس
وهذي بالصحن مع شويه حركات
وهني وعافيه
