حبيبتي شفت لج من التقييم
منيرة التمار:-
د. منيرة أخلاقها عالية ومحترمة. المادة كانت بالبداية صعبة شوي وما كانت تشرح بضمير وأغلب الطلبة حسوا نفسهم ضايعيين بس بعدين حسينا بتفاهة المادة وإنها بس تحتاج شوي تركيز. كتاب المادة وايد حلو لأن فيه تمارين وسهل.
تقسيم الدرجات عندها شوي متعب:
14 درجة على الحضور والغياب والمشاركة و الكلاس وورك... ضروري تشاركون وما تغيبون لأن تحب الحريصين ولأن مو دايم تقول متى يصير عندنا كلاس وورك فحرام تضيعون على نفسكم درجتين.
14 درجة على 2 quizzez
كل واحد عليه 7 درجات وأسئلتها وايد سهلة ومباشرة وركزوا على اللي تقوله بالمحاضرة.
12 درجة على بروجكتين... أول واحد يسويه الطالب بنفسه والثاني مع طالب آخر.
20 مدتيرم و40 فاينل وامتحاناتها وايد سهلة ومباشرة بس كانت مشكلتها بالشرح شوي ما كانت تشرح كل شي.
أنا توقعت A- لأن مجموع درجاتي 94 بس انصدمت إنها رافعتني ورفعت وايد بنات يمكن عشان ما غبنا؟
ناصر القنور:-
(1)
عجيبه محد كاتب عنه شي!!!!!
انا ليلحين ما خلصت من مادته مقيده الى الان
بس اول امتحان ماشالله D
مع ان ورقتي كلها صح بس منقصني على ليش يا فلانه تشرحين الخطوات شنو تبين تعطيني محاضره شنو ما افهم انا !!!!
هذا الحجي الي قاله لي تخيلو !! والحل كله صح!!
والخافي اعظم
افتكر ما يحتاي اقول اكثر
اتمنى اطلع A ولو ان مستحيل
(2)
قمه قمه في الرقي و الفكر و الذكاء
ماشاء الله عليه هالدكتور
حقاني 100ب100 وللاسف نادر هالايام بين الدكاتره و الطلبه ما تبون الحقاني
شرحه خياااال , كنت احضر عنده استماع و بعدها على طووول سجلت و هم للاسف الطلبه همهم القريد مو الدرجات
باختصار : اذا تبي تفهم اخذ عند هالدكتور و لا تفكر
اذا كسلان و صايغ بطوووشه و طنش و ما تحضر , لا تأخذ عند هالدكتور لانه حقاني اخذ عند دكتور بايع ذمته
اما عايشه الشطي مو مكتوب عنها شي
