** تجمع الي مسوين جراحة الفك**

Esraa.a قال:

هذي صور لبعض الحالات قبل وبعد

أنقر للتوسيع...

Esraa.a قال:

هذي صور الحالات بعد العملية مباشرة او بعدعا بكم يوم

أنقر للتوسيع...

عجييب

Esraa.a قال:

نستكمل صور الحالات اللي بحاجة للجراحة

هذي مسوية بس حنجها ( ذقنها)

أنقر للتوسيع...

عجيييب

esraa.a قال:

بالنسبه للقمي سمايل وأسنانج كبيره >> هذي مالها حل إلا الجراحه

يقصون الفك ويرفعونه فبالتالي تختفي القمي سمايل وتبين الأسنان أصغر

شلون تصغر الأسنان ؟؟ (( طبعا شكليا فقط ما أقصد بالحجم ))
لما يتم قص الفك العلوي ورفعه .. الأسنان أولريدي راح ترتفع مع رفع الفك فبالتالي لما تضحكين جزء بسيط من الأسنان راح يكون منخش تحت الشفه العليا مع اللثه والجزء الباقي يبين مع الضحكه .. فيبن شكل الأسنان أصغر مما هي عليه قبل الجراحه




بالنسبه لسؤالج الثاني


لا ما يسوون تصغير للشفه

قبل ما يتم تقديم الفك السفلي أو الذقن يكون الوجه ما فيه توازن >> بعد العمليه يرجع التوازن للوجه فتصير منطقة الشفة العليا متوازيه مع الذقن فيتهيألج إنه حتى حجم الشفايف يصير متناسق بعد العمليه >> ولا هم بالأساس ما يجيسون الشفايف ولا يسوون تصغير أو تكبير

أنقر للتوسيع...

يزاج الله خير

esraa.a قال:

كنت مييييته بسويها قبل رمضان بنية صيام شهر رمضان كااااامل لوجه الله ( باستثناء أيام الدوره الشهريه)
عجلت بمواعيدي وعجلت بدكتور التقويم و زعلت حييييل إنه دكتوري الجراح ماخذ إجازه

من صليت استخاره >> غضيت النظر إني اسويها هالفتره >> من نفسي قلت مابي .. مادري شنو الاحساس اللي ياني بالضبط





الحين يا أسويها آخر رمضان أو بعد العيد >> موكله امري لله .. اللي الله كاتبه لي راح يصير

سواء آخر رمضان او بعد العيد او أي وقت ثاني ما راح أزعل لأن " لو تركض ركض الوحوش ,, غير رزقك ما تحوش "


فمااا له دااااعي تحرقييين أعصااااابج وتتوترييييييييين وحاااالتج النفسيه تتعب

عيشي حياتج طبيعي مثل ما كنتي قبل

ما راح تاخذين إلا رزقج .. وما راح تسوينها إلا بالموعد اللي كاتبه لج ربج إنج تسوينها فيه :eh_s(17):

أنقر للتوسيع...

اي والله معاج حق

Esraa.a قال:

على طاري الماستر >> كان غيرج أشطر >> اللي اهي انا


مااادري ياربي يتبعون سياسة التحبيط عندنا


أنا بعد معدلي عال يعني أقدر أكمل بجامعة الكويت ببلااااااااش بس سبحان الله ما صار نصيب

واكتشفت إنه الماستر على قولتهم ما عنده ما عند جدتي هههههههههههههههههههههههههه لا يزيد ولا ينقص

وبالنسبه للمعاش يزيد 70 دينار بس في القطاع الحكومي >> وااااااايد عليهم والله ما يسوا التعب




الماستر إذا ما بعده دكتوراه .. ما منه فايده



بالنسبه للعمليه

دام كل اللي ذكرتيه عندج من مشاكل بالفك والاسنان >> انا انصحج تتوكلين على الله وتسوين العمليه

د.فرج بهبهاني اللي اعرفه انه ممتاز بالتقويم بس بصراحه مو شايفه شغله بالعمليه وما مرت علي بنت مسويه عنده

انتي صلي استخاره اذا ارحتي معاه كملي مشوارج خل نجرب فيج :eh_s(3):
تكونين اول بنت معانا تسوي عنده


أنا بغيت اروح اركب تقويم الانفزلاين عنده ( القوالب الشفافه) لكن انصدمت انه سعره دبل السعر بره

كان ب 1800 عنده
وبالعيادات الثانيه ب 900 شوفي الفرق

مع إنه أنا نوعي ما تهمني الفلوس إذا الشغل ممتاز ومضمون بس ما احب العياده اللي تستغل المرضى

هالشي اللي خلاني أتراجع وما اروح لهم



عموما أنا واااااااااايد ارتحت مع دكتوري والحمدلله الشغل اوووكي :eh_s(15):



وصح كلامه انتي على حالتج تحتاجين سنتين تقريبا بالتقويم قبل العمليه








لا تحاتين سعر التقويم لأنج ما راح تدفعينه كاش >> مع كل جلسه يعني كل شهر تقريبا تدفعين حدود ال 50 والمقدم 300 تقريبا
ما راح تحسين بالمبلغ >> على ما تنتهين فترة علاج التقويم إلا انتي مسدده المبلغ كله


هذي سياسة أغلب العيادات .. بس احتمال الأسعار والطريقه تختلف عنده .. تأكدي

أنقر للتوسيع...

مشكووره

esraa.a قال:

انا ليلحين ما توظفت بس عندي مقابلة وظيفه بعد العيد ,, وإذا قبلوووني ان شااااااااااء الله تعرفين إجراءات الوظيفه روحه ورده


اناااااا ميييييييييييته عالمكان هذا بالذات .. فماااااااابي أسوي العمليه وتروح علي المقابله والوظيفه


وهم مابي أسويها بعد ما اتوظف >> مالي خلق بنات الدوام والقرض والحش


عموما إذا توظفت ما يعطوني إجازه إلا بعد 6 أشهر من الوظيفه



ماااااااابي أأجل هالكثر ,, بسوي العمليه بخلص بفتك


علشان جذي ودي أسويها بداية رمضان .. عالأقل ويهي يكون فاش نوعا ما للمقابله

وطبعاااااااااا المقااااااابله ما تتأجل على كييييفي .. إذا ما راحت المقابله تروح علي الوظيفه



بنااااااااات ادعولي الله يرزقني هالوظيفه

أنقر للتوسيع...

الله يوفقج ويرزقج

esraa.a قال:

حبيبتي انتي .. مشكوووره عالسؤال :eh_s(7):


موجوده والله .. موضوع العمليه شاغل بالي وفكري


ان شاء الله باجر آخر موعد عندي للتقويم ,, أخذ المقاسات والأشعه وبعدها أحدد موعد العمليه


كنت مفكره أسويها أول يومين من رمضان بس تراجعت بعد ما شفت تعب البنات لأني حاجزه بروح العمره ان شاء الله 13 رمضان ,, اخاف ما أقدر أأدي مناسك العمره من التعب والدوخه


تعتقدون 10 أيام او 12 يوم كافي إني أمارس حياتي الطبيعيه (انا فكين) ؟؟؟


يعني أقدر أروح العمره ؟؟؟ ولا تنصحوني أسويها بعد ما أرجع ؟؟؟



المشكله إنه حتى بالعيد بسافر أسبوعين .. يعني مافيه وقت >> وعقب ما أرجع عندي مقابلة وظيفه ان شاء الله ,, مابي أروح و جهي واااارم :eh_s(4):



متى أسوي العمليه برايكم ؟؟؟؟
بداية رمضان ؟؟؟ او عقب ما أرجع من العمره ( نص رمضان) ؟؟؟



عقب العيد بروح دوله غير مسلمه .. ان شاء الله ما ادخل المطعم وأقولهم ييبولي أكل مهروس بشرط يكون حلاااااال ههههههههههههههههههههههههههههههههههه

عادة بهالدول ناكل بيترا أو الأكلات البحريه ,, وأكيييييد ما راح أقدرآكل بيتزا


وأنا بروح سياحه .. يعني طوول الوقت مشي وتسووووق >> خايفه من الدووخه :eh_s(4):



الحل شنووو ؟؟؟؟؟؟؟؟؟؟؟؟؟؟؟؟؟؟؟


أكنسل سفرة بعد العيد أو أسويها بداية رمضان ؟؟؟؟

طبعا عمرة رمضان مستحيييييييييييييييل تتطوف >> اجرها كبييييير

أنقر للتوسيع...

يزاج الله خير وعمره مقبوله

esraa.a قال:

أنا نيتي إني أصوم رمضان كله واتفرغ للعبادات خصووووصا في العشر الأواخر

وما أقدر أقدم العمره .. بالغصصصصصب لقيت لي حجز

أمي قالتلي قعدي بالكويت سويها مو ضروري عمره >> أنا مصررره عالعمره لأنه عمرة رمضان ما تتطوف

سفرة العيد احتمال أكنسلها .. بس العمره لأ

المشكله ما أقدر أأجل العمليه بعد العيد >> وراي مقابلة وظيفه



أنا بصلي أستخاره .. واللي الله كاتبه لي بيصير

والله يرزقني على قد نيتي ياااااااااااارب

أنقر للتوسيع...

اميين يزاج الله خير

السلام عليكم :eh_s(7):
انا حالتي كلاس 3

زمااان عنكم الحمد لله خلصت التقويم بعد 3سنين وحملت وولدت جبت اخت لبنتي ربي يحفظهم :eh_s(11):

بس يافرحه ماتمت مع التقويم :eh_s(2):
رحت للجراح على اساس يحولني للمستشفى الحكومي وتتحدد العمليه في اقرب وقت :bbbiu:
بس قال انه راح تتاخر وانه ليش مابلغتيني اول مابديتي بالتقويم انك ماراح تسوينها بالرايفت تبينها بالحكومي :eh_s(16):
انا مبلغتة اول ماخذت استشارة وبديت بالتقويم ولارجعت له الا بعد سنه ونص تقريبا وجبنا طاري الحكومي عنده بس الحمد لله على كل حال
المهم انه حولني رحت وفتحت ملف وشافني هناك وننتظر الدور يالله من 6 شهور الى سنه:eh_s(2):
من مثلي سوت التقويم بالخاص والعمليه بتسويها في خالد الجامعي بالرياض ؟؟
متى ممكن ينادوني عشان اجراءات العملبه:eh_s(4):

انا عند الجراح دمحمد الكندي
والتقويم دعادل الهدلق

آلسـَلآم عليـڪـَـَم وَرَحْمــَـہ آللًـہْ ?

‏ٱ‏نـِْا لي فتره طويله اتابعكم

بصراحه سويت عمليتي قبل اسبوعين بصراحه العمليه بالبدايه متعبه و هيك وتسكيره الفم وانك ماتقدر تتكلم شي اخر

والا كمان اللعاب لٱ حدث ولا حرج


لكن ‏ٱ‏نـْا مو راضيه ع العمليه لاني الى الان ماحلو مشكلتي الان تسكيره فمي مو طبيعيه والان مع التنميل اللي بشفايفي مـِْا اقدر اسكر فمي بالا بصعوبه

الى الان مـِْا اقدر اشفط من المزاز لاني مـِْا اتحكم بشفايفي حتى اللعاب مبهذلني صح خف لكن ولو احس طول معاي لان فمي مو متسكر



والله مقهوره ع التعب عمليتي رفع للفك العلوي مع ترجيع

و تقديم الفك السفلي


اللي مضايقني انهم مـِْا رفعو فكي زياده

لو رفعوه شي بسيط كان الان الشفايف تنطبق

والذقن قالو مـِْا سويناه لاننا نبي نشوف بعد العمليه اذا راحت الانتفاخات تحتاجين او لٱ


طبعا دكتوري اسمه محمد الكندي


و ياليت احد يرد علي متى يشيلون العضه اللي داخل فمي ومتى يرخون المطاطات لانهم مررره شادين

وبس

السلام عليكم
انا سويت هالاكاونت عشان اقولكم تجربتي وافيدكم ?
طبعا انا قصتي قصه ويا التقويم ضليت فيه فوق الست سنين لانه دكتوري قاعد ويجرب فيني للاسف ، عقبها طقت جبدي قلت خل اروح خاص استشاره مو خسرانه شي اول دكتور رحت له كان دكتور علاء الموسوي ب دار الشفى ، شقووول شخلي ? قالي انتي من اول تحتاجين العمليه ومبين وكل شغل التقويم غلط وتحتاجين تقويم من اول لمدة سنه يالله اسويلج العمليه طبعا يأست شينطرني بعد سنه ، وشرح لي كل شي من الف لي الياء ماقصر حتا قالي اذا ماتبين اتسوينها عندي عادي اعطيج اسامي بالحكومه دكاتره انا مشتغل وياهم وعارف شغلهم روحليهم بس ان مو متأكد بالحكومه ليلحينهم او لا، خذيت اللسته ورحت طبعا كل الاسامي كانوا بالحكومه هجوا ? كان في واحد قريت عنه ب الانستقرام دكتور انور رمضان او انور عباس ? ابووو النفسييييييه وييع ماله خلق يتكلم ويشرح . قلت خلاص اكمل ويا دكتوري لي العمليه شسوي بعد مرت سنه وليييلحينه مطول السالفه وغير المواعيد يا الجراح مو ياي يا مسافر يا مريض قلت اروح خاص دام تقريبا خلصت تقويم الجراحه ، رحت حق دكتور بشار رجب بعيادة اسنان الدكتور عسسسل نكته نكته وحبطني قالي لا مو مخلصه تحتاجين 6 اشهر تقويم ? صكت فيني قلت خل اروح اشوف دكتور علاء مره ثانيه واشوف والحمدالله قالي انتي خالصه ومتا حابه العمليه عادي وطبعا اسرع قرار خذيته قرار العمليه عقب اسبوعين بس سويتها ? كانت بمستشفى السيف ، العمليه كانت رفع الفك العلوي وتقديم الفك السفلي ، العمليه كانت لمدة 3 ساعات جنه نسيت ? طبعا شفت ويهي عقب ماطلعت ظييييم وااااي متفخ في جميع الجهات وخشمي كتل دم وحاله

وعسى مانزلت راسي نزف خشمي ف اذيه كان ، وبالنسبه للعوار ماكان قوي حيل لا خفيف وفي مسكنات انا لي ثاني اسبوع قطعت المسكنات وعادي الوضع ، الاحساس اول شي جنه في شي ثقيل بالويه ? طبعا حلجي او الايام ماكنت اقدر ابطله وبالغصب اشرب ، بعدين شوي شوي قدرت ابطله والاكل لمدة تقريبا شهر اكل ناعم عقبه قالي الحين تقدرين تمضغين شوي شوي ، وبس هذا اخر شي لحد الان ? والورم خف تقريبا بس باقي الخشم متفوخ وفرش شوي هذا واهوا مخيطه لي وجذي ? ومممم شنو بعد ? وشوي شوي قاموا يطيحون الغرز وبس وسوري طولت ?

مرحبا يعطيكم العافية .. وشكرا لهاد التجمع ..
بدي اسأل بعد العملية بكم أسبوع بتنفك القطب والحديد والبلاتين للي عامل عمليات الفك السفلي

السلام عليكم ...شلونكم بنات ...اتمنى تكونون بخير وبصحة وعافيه ...طبعا هالايام المنتديات قليل الدخول لها ...بس مانستغني عنها ...يارب الكل يكون راضي الي سوت جراحتها والي ماشية بطريق الجراحة ايضا ....وفعلا الطب تطور الي كان موجود ع وقتي لمن سويت جراحتي الحين تغير وللاحسن ...لكن عتبي ع اطباء الحكومة الي يسوون هالجراحة عدم مراعاه الناحية الجماليه ....يعني انت عارف انك بتبنج وبتكسر الفك وبتعدل ...شضرك لوكملت جميلك وكملت شغلك وعدلت الخشم وكملت الفك ...اي الدكتور كسر ورفع ...وخلاص بس يكتفي بهالشي ...طيب مايضرك لو كملت شغلك ....وبالنسبة للامور الي تكلمت انا عنها الي اهي الاعراض الجانبيه ..عدم الاحساس لازال ....التنفس صعب ولازال ولمن سالت قالولي بسبب جراحتي لان رافعين لي الفك العلوي ايضا وتأثر الخشم وصار في انحراف بالحاجز الانفي وسبب مشاكل ....يمكن الحين الطب تطور وهالمشاكل قدروا يتلافونها ...اتمنى فعلا

وأي سؤال اخواتي انا موجودة
عمليتي كانت ترجيع ورفع للفك العلوي

السلام عليكم اخواتي كيفكم ان شاء الله تكونوا جميعا بخير وعلى خير ومبسوطين بنتيجة العملية مثلي الحمدلله .. واللي ما سوت الله يسعدها ويفرح قلبها باحلى نتيجة يا رب ..رجعت لكم بعد طول غياب كنت خلصت عمليتي قبل سنتين وكتبت تجربتي كامله في الصفحات السابقة سويتها في المانيا كانت ترفيع العلوي وترجيعه ٥ مل
سؤالي انه صديقتي حابة تسوي عمليتها في الإمارات من ترشحون لها اي دكتور ومن تجربة... الله يسعدها واللي ترد وتفرح بأحلى نتيجة
واي سؤال انا في الخدمة ..

مناي رضا ربي قال:

السلام عليكم اخواتي كيفكم ان شاء الله تكونوا جميعا بخير وعلى خير ومبسوطين بنتيجة العملية مثلي الحمدلله .. واللي ما سوت الله يسعدها ويفرح قلبها باحلى نتيجة يا رب ..رجعت لكم بعد طول غياب كنت خلصت عمليتي قبل سنتين وكتبت تجربتي كامله في الصفحات السابقة سويتها في المانيا كانت ترفيع العلوي وترجيعه ٥ مل
سؤالي انه صديقتي حابة تسوي عمليتها في الإمارات من ترشحون لها اي دكتور ومن تجربة... الله يسعدها واللي ترد وتفرح بأحلى نتيجة
واي سؤال انا في الخدمة ..

أنقر للتوسيع...

الف الحمدلله على سلامتك.. للاسف انا عمليتي كانت من ٨ سنين بس لازم اعاده
وناويه اعملها بالمانيا بس مو قادره اعرف انسق مع العيادات هناك, جربت موقع بوكينج هيلث وماردولي خبر
ممكن اخت "مناي رضا الجنه" تفيديني كيف نسقتي مع العياده وكم كلفتك اذا مافيها احراج
الله يجزاكي الف خير ويسعدك

بالنسبه للامارات للاسف مااعرف دكاتره او احد مسوي فيها, بس صادفت بنت بالامارات على الانستجرام و هي بعد ادور دكتور احد مسوي عنده

السلام عليكم تجربتي مع
الاستشاري زياد سعد الراجحي جراح وجه وفكين مستشفى محمد بن عبدالعزيز بالرياض

دكتور التقويم* استشاري عادل الهدلق عيادات امج

اول شي انا ماكنت اقفل فمي احس الفك العلوي متقدم
راجعت دكاتره اللي هم صالح البازعي بالحبيب وصالح الغبان في عيادته وناصر العسيري كلهم يقولو مشكلتك تراجع فك سفلي بعدها رحت للمستوصف بحي غرناطه حكومي عندي ثم حولني على مستشفى محمد بن عبدالعزيز بالرياض بعدها بعدة اشهر جاء موعدي في شهر 8 من عام 1437* في طب الاسرة ثم حولوني على جراحة الوجه والفكين ثم قابلت الدكتور زياد الراجحي وقلت له وشافني ثم اخذ أشعة وشافها ثم قال جيب طبعات ثم اعطاني موعد في بداية رمضان من نفس العام 1437 ثم رحت سويت طبعات عند عيادات اسنان ثم جبتها مع موعدي وقابلت الدكتور زياد وشافها وشاف الاشعه قال انت عندك تراجع بالفك السفلي كبدايه والعلوي مكانه تمام لاكن يبين بعد الانتهاء من التقويم الجراحي وش المشكله بالتحديد وانا مزعجه اقول له رجع لي الفك العلوي قال مشكلتك بالسفلي راح يقلعلك دكتور التقويم نابين تحت ثم يرجع لك الاسنان تعطي مساحه عشان نقدم لك الفك السفلي لانه راجع وتحس العلوي متقدم واذا قدمت السفلي يضبط شكلك وكنت اقول ابي ترجع العلوي قال تبيني ارجعه لاكن الشكل مايصلح* اول شي لازم تقويم بعدها اعطاني موعد وانا رايح اطبع ورقة الموعد رجعت له وقلت سو اللي تشوفه افضل انا يادكتور ممكن مخطي وقال لي ماراح اصلا اوافق عليك والتقويم ماراح يوافق لانه اجراء خطأ ترجيع فك علوي وهو مكانه صحيح طلعت مخطي (نصيحه اتركوا الدكتور يقرر) ولاتشيلون هم لان كل شي يتقرر بعد الانتهاء من التقويم الجراحي المهم بعد ماقلت سو اللي تبي اخذو قياسات ثم قال لي روح* لك طبيب تقويم ثم دورت وحصلت الدكتور عادل الهدلق واعطوني موعد بشهر 10 ثم قابلته وفهمته واخذ طبعات وقياسات ثم اعطاني موعد بعدها باسبوع* جيته* قال لي نفس كلام دكتور زياد مشكلتك تراجع فك سفلي لازم نخلع نابين تحت ثم نردها عشان تعطي مساحه لتقديم الفك السفلي والفك العلوي كبدايه تمام نفس كلام الدكتور زياد بعدها قلت توكلنا على الله ثم وقعت عقد ب 30000 على شهرين* دفعة على 2500و الشهر بعده نفسها والباقي 750 شهري ثم اعطاني ورقة بشهر 12* اعطيها الدكتور زياد الراجحي موافقه ان المشكله عندي تراجع فك سفلي مع خلع نابين تحت ثم رحت للدكتور زياد واعطيته الورقه عشان موافقه كتب عليها* اني انا موافق لان لازم يتفاهمون ثم شلت اضراس العقل ثم بديت بالتقويم 1438/01/20 ثم اعطاني المستشفى مواعيد بعد كل 6 شهور اراجعهم يشوفوني فقط واذا قال لي دكتور التقويم جاهز للعمليه اخبرهم ثم يركب لي السلك الجراحي بس قال تجهز بعد سنه وستة شهور تقريبا

المهم جهزت للعمليه في عام 1439 شهر سته وانا في شهر سته اعطاني الدكتور عادل الهدلق ورقة موافقه للدكتور زياد الان جاهز اذا وافق دكتور زياد اركب السلك الجراحي بعدها رحت للدكتور زياد واعطيه الورقه وشافني قال خلاص انت جاهز ثم رجعت للتقويم ركب لي السلك الجراحي واخذ طبعات للفم ثنتين اعطيها الدكتور زياد ثم رجعت للدكتور زياد واعطيته الطبعات* عشان يطبقونها صح ثم شافني وقال نتصل عليك* لتحديد العمليه ثم بعدها بأيام دقو علي قالوا انت جاهز وتاريخ عمليتك 2018/03/01 ثم اعطوني موعد مع دكتور زياد قبل العمليه بثلاث ايام تقريبا لان قال لي لازم اشوفك وانت مركب التقويم الجراحي واخبرك بتفاصيل العمليه واي شي تبيه اقولك عنه واذا عندك اي اسئله انا حاضر جيت موعدي معه وجلست معه وقال لي عمليتك إن شاء الله ناجحه ويوريني الطبعات مطبقها عنده قال إن شاء الله* راح تكون كذا ناجحه وبالطبعه عدلت الميلان وقدمت الفك السفلي وهذا بنطبقه بعمليتك* وعمليتي هي تعديل ميلان الفك السفلي وتقديم الذقن والفك العلوي مكانه ممتاز مايحتاج له تدخل جراحي والعصب قال لي إن شاء الله ماراح يتاثر بحاول بقدر المستطاع مايجيه شي والنتيجه حلوه بإذن الله واي سؤال انا حاضر ودكتور متفهم بكل شي ويخبرني عن خبرته له خبره طويله بالعمليات ما شاء الله عليه شبه يومي يسوي هالعمليات وقال لي تاريخ عمليتك في2018/03/01 يوم الخميس الصباح تجي الأربعاء بالليل ثم رحت ثم جيتهم يوم الأربعاء عشان اجي بسريري المحجوز لي طبعا نمت جاء الصباح الساعه 8 ونص جاني* ممرض العمليات رحت دخلت العمليات وجاني الدكتور زياد ويقول عمليتك إن شاء الله ناجحه دخلت غرفة العلميات الساعه 9 صباحا طلعت للافاقه 1 الظهر صحيت من البنج 2 ونص الظهر تقريبا وكان وجهي متورم حطوا ثلج ثم جاني الدكتوو يتطمن علي ويختبر اماكن الاحساس بالشفايف واحس به الحمدلله طبعا اول يوم ومقفلين فمي بمطاطات وقال لي الدكتور اهم شي النظافه للفم واعطاني براويز للسوائل وللتنظيف و من بكره زاد وجهي منتفخ والالم مافيه الحمدلله الا قليل وجاني يتطمن ويشوف العضه واحساس العصب والحمدلله العضه سليمه وتمام والاحساس احس فيه مافيه خدران واموري تمام الحمدلله* بالمستشفى واعطاني موعد يوم الاثنين ثم طلعت من بكره بالليل من المستشفى جيته يوم الاثنين ووجهي متورم ثم فك المطاطات من فمي وافتح فمي واقفله عادي وحط مططات بدون يقفل فمي تمرين للمفصل والعضه ما شاء الله مطابقه تمام ثم اعطاني موعد يوم الاربعاء ثم جيته ويتطمن ويحط المطاطات بدون تقفيل فم فقط تدريب للمفصل طبعا الاكل سوائل فقط بالبراويز التعب اول اسبوع فقط والاحساس الحمدلله احس بالشفايف ومنطقة الدقن ثم اعطاني موعد بعد اسبوع ثم جيته ويشوفني اموري تمام الحمدلله وخف التورم ثم اعطاني بعد اسبوع موعد ثم جيته* يتطمن الحمدلله خف اكثر ثم اعطاني بعد اسبوعين ثم جيته يتطمن* خف التورم ثم اعطاني بعدها بثلاث اسابيع موعد ثم جيته وشافني فيه تغير كبير ومازال فيه تورم بالخد ومنطقة الدقن تروح بعد ستة شهور على كلام الدكتور
الانتفاخات زادت بعد العملية بيوم الى ثلاث ايام ثم بدت تخف في اليوم الرابع طبعا تفخ تدريحي الى ستة شهور 90 بالميه تقريبا والى سنه تروح نهائيا النتيجه كبدايه ما شاء الله تمام طلع لي ذقن والفك السفلي قدمه وشكله حلو واقدر اقفل فمي زين والعضه تمام الحمدلله واحساس العصب ولله الحمد من طلعت من العمليات احس به لان دكتور زياد قال إن شاء الله تحس فيه وطلع كلامه سليم ولله الحمد والصور بنزل قبل وبعد العمليه بشهر ونص وبنزل إن شاء الله بعد العمليه بستة شهور والمقبل على العمليه يسويها التعب بداية الأسبوع الاكل فقط والدكتور له حساب بتويتر باسمه زياد الراجحي* @zeyad_alrajhi وحساب بالانستقرام zeyad_rajhi يعلم الله مانزلت التجربه الا لاني فرحان بنجاحها ولله الحمد مع دكتور زياد الراجحي ومرتاح معه دكتور متفهم ويهتم بالشكل الجمالي كثيير والعضه ايضا وانا من اربع سنوات ادور على دكتور ووفقني الله معه ودكتور التقويم يقول لي ما شاء الله النتيجه تمام الحمدلله وعمليه ناجحه والشكل حلو لانه كان يقول لي انا مااسوي تقويم جراحي الا مع جراح متعامل معه بدر الجندان وصالح البازعي لاكن تبي مع دكتور غيره مركز امج غير مسؤول عن اي عملية فاشله قلت موافق والحمدلله نجحت العمليه مع دكتور زياد الراجحي.

المقبل على العمليه يتوكل على الله ويستخير الله بركعتين
نصائح
اي استشاري معه متدربين وعلى مستوى المتدربين لااحد يخاف او يخوفه احد اللي عنده شي يكلم نفس الاستشاري

-اسمعوا كلام الدكتور وناقشوا عادي

-القرار النهائي لأي عملية مثل تقديم سلفي* او دقن او كلهن او فك علوي ترجيعه او تقديمه بعد الانتهاء من التقويم الجراحي يتم تحديد العمليه بالضبط.

النتيجه حلوه واي استفسار انا حاضر لاني كنت ادور دكتور يهتم بالشكل والعضه والحمدلله حصلت دكتور زياد ومتفهم ويسمع كلام المريض كثير ويرشده الى الشكل الجمالي الافضل.

ما أدري ليش المدح للدكتور عبدالله العتل، دكتور سيء جداً جداً
سويت عملية عنده قبل أربع سنين اتوقع، وجداً ندمت إني ما شفت دكتور غيره
رحت على أساس المدح اللي انكتب فيه هنا ،، نصيحة نصيحة أي وحدة نفكر تسوي العملية ضروري تمر على أكثر من دكتور وتعرض حالتها بعدين تحكم بنفسها على الكلام اللي تسمعه واهم شيء تسأله بالتفاصيل ايش رح يسوي
لأن اللي يصلح لغيرك ما يصلح لك وحالتك مو زي حالة غيرك
ودي أكتب تجربتي بالتفصيل لكن مابي أتذكر اللي صار حسبي الله بس
المهم لا تطيرون بالعجة وتقولين دكتور وفاهم وتسلمينه نفسك
لان اللي بيتعب أنتِ بس، ولو حصل وحبيتي تعدلي بتستثقلي جداً تعيدي التجربة مع الألم اللي شفتيه وبالمبالغ الخرافية لها. فمن أولها أحسني الاختيار وتمهلي في القرار