غدانا اليوم من المطبخ الهندي ( كورما ) لذييذه

LadY BuG 80 · 24 يونيو 2011

هاااي يا حلوين ,,,

انا من محبين الأكل الهندي اليوم جبت لكم طريقه( الكورما ) لذيذه و سهله و خفيفه

عادتا تكون بدجاج بذات اصدور بس انا سويتها بسمك اسلامون الاحمر

بمساعدت بنتي عشان كذا في تخبيصات الحلوه تتعلم

بسم الله نبدأ

اولن تبلت اسمك

المعلقه المستخدمه وسط

ا م كمون
ام قرفه
نص م كركم
ربع م فلفل اسود
شويه لومي
2 م كبيره زبادي

بعد اتتبيل

الحين نجهز خلطت بهار الخاص بلكورما
2م فول سوداني لا تحمصونه يغلب طعمه محروق على كل اطبخه
حمصي 2 م سمسم محمص 3 م جوزهند محمص نص م كزبره ناشفه محمصه

نطحنهم كلهم ( ريحتهم مثل الفلافل بعد القلي )

قطعت 1 بصل 1و نص طماط 1 فلفل رومي 4 فص ثوم مبشور 1 م زنجبيل فرش مبشور

عندنا حمستين اسمك لحاله و حمسه الخضار لحاله

راح نبتدي بسمك ممكن استبداله بدجاج الذ

شويه زيت شوحت الثوم و الزنجبيل المحضر

ضفت اسمك مع اتتبيله

خليته على اصوب الاول لمن تحمر و قلبت اصوب الثاني و غطيت عليه 10 دقائق

تحمر بهاذا اشكل وخرته على جنب

حطيت ارز على انار مع ماء و ملح و فلفل اسود و شويه زيت عشان يتفلفل
خليته يطبخ و رحت اجهز حمست الخضار

يتبع

LadY BuG 80 · 24 يونيو 2011

شوحت البصل لين صار بني ضفت الفلفل

بعده الطماط

ثم البهار

1- كاري

2- تشكن مصالا

3- كركم

ممكن الاستغناء عن المصلا

معجون طماطم سويت 3 م كبار

ضفت خلطة الكورما المحمصه

2 م كبيره زبادي ( بنتي سوت 4 و طلع توو متش صار لونها مبيض المفروض تكون الكورما اورانج او ورديه )

و 2 كوب ماء ( على حسب ارغبه انا احب مرقتها شوي خفيفه حلاتها ما تكون ثخينه )

صارت بهاذا اشكل و حطيتها في الخلاط الكهربائي

( لا تخلطينها حيل بس افرميها شويه لا تصير ناعمه حيل )

بنتي تنحت و نست الخلاط و نعمتها تو متش

من الخلاط على اسمك خليتها تطبخ وياه عشان تداخل النكهات

في هاذه الاثناء استوا ارز شحلاته مفلفل

قبل اتقديم ضفت معلقه زبده على الكورما
و لازم ترشين عليها كزبره خضرا مفرومه بس انصدمت ما كان عندي ,, عاد حلات الاكل الهندي بلكزبره
تعطيه نكهه عجيبه

عند اتقديم

ترى طلعت ثخينه بعدين رجعت اخففها ,, مو حلوه ثخينه ابد

سوري بنات على الاخطاء بس انا احب اعلم بنتي حتى لو خربت بنتحمل و ناكل شنسوي كل طراق بتعلومه
بعدها صغيره 14 سنه يعني اسمها طباخه ماهره بنسبه لعمرها

و هاذا صحنها لاني مسويه دايت تعشيت 6 تمرات و قهوه

بكره بناتي اصغار ام 5 و 3 سنوات ودهم يسون لكم كب كيك

اتمنى تعجبكم

rymyy · 24 يونيو 2011

يم يمييييييي

تسلم الايااااااااادي الريحه واصله لي عندي

يلى منتظرين الكب كيك من الكتاكيت ياويييييلج ماتصورين
ولله يحفظ بناتج واولادج من كل شر

رحيل المرافيء · 24 يونيو 2011

بس السمج مايحطون له لبن
اللبن يحطونه عشان يطري اللحم ومايسود والسمج مو محتاج
مدري احس الطعم مايطلع اوكيه مع اللبن

خذني بقايا جرووح ‏ · 24 يونيو 2011

يعطيج العافيه....

أحلى غزالة · 24 يونيو 2011

تسلم ايدج
وايد بنتج
عليكم بالعاافيه
ومشكوووره،،،

عيون سارة · 24 يونيو 2011

اش هالزين
والريحه واصله لعندي عاشت كتونه

فواصل · 24 يونيو 2011

امممممممممممممممم

رهيبة

بجربها

تسلم يدج يالغلا

الأميرة جوري · 24 يونيو 2011

شكلها لذيذه تسلم ايدج وناطرين بناتج يسون الكب كيك..

أم عامر · 24 يونيو 2011

رحيل المرافيء قال:
بس السمج مايحطون له لبن
اللبن يحطونه عشان يطري اللحم ومايسود والسمج مو محتاج
مدري احس الطعم مايطلع اوكيه مع اللبن

معلومه : الاكل الهندي مثل البرياني والماسالا والكاري يوضع عليه الروب

ويعتبر من المكونات الاساسيه بالطبخ الهندي للصلصه

اما اضافه الروب للحم او الدجاج بالتتبيله ذلك للشوي علشان يطريه

كوتن تسلم الايادي حبيبتي

دايما زوجي يقول لي دخلي البنات المطبخ خل يتعلمون وهم ودهم يتعلمون ودايما يوقفون معاي المطبخ وانا اشتغل واطرد فيهم اقول توهم صغار 11 سنه و10 سنوات

ومره سوو حلو من اختراعهم كور تمر بالبسكوت والفول السوداني وابوهم استانس على الطعم وصار يطلبه منهم دايما ويسوونه :rerrerek:

متيمه بهواه · 24 يونيو 2011

يعطيج العافيه
ابداااااااااااااع

جاري التطبيق

BiiShOoO · 24 يونيو 2011

تسل ايدج يا رب و ايد بنتج

شوكولاته&فانيلا · 24 يونيو 2011

روعة ماشاء الله تسلم الايادي حبيبتي وبالعافية

om l3yal · 24 يونيو 2011

كتوووووووووووون يا مالج العافية ان شالله
شنو هذا حدة يشوق لدرجة اني فكرت اروح مطعم هندي بس تعوذت من الشيطان وانتي تعرفين الاسباب

LadY BuG 80 · 24 يونيو 2011

rymyy قال:
يم يمييييييي

تسلم الايااااااااادي الريحه واصله لي عندي

يلى منتظرين الكب كيك من الكتاكيت ياويييييلج ماتصورين
ولله يحفظ بناتج واولادج من كل شر

ريومه يسلموا حبيبتي اسعدني مرورك و جربي الكورما لذيذه :rerrerek:

رحيل المرافيء قال:
بس السمج مايحطون له لبن
اللبن يحطونه عشان يطري اللحم ومايسود والسمج مو محتاج
مدري احس الطعم مايطلع اوكيه مع اللبن

هلا حبي , الاكل الهندي يستعملون ازبادي عشان اصوص يعني يعطيها كثافيه و حمضه البن و نكهته ,, و احيانا يستعملون حليب جوز الهند هم لذيذ

نوع اسمك هاذا ثقيل و دهني و متماسك ,, انا قلت انها الذ بدجاج و اصلا اهي بدجاج لاكن الي صار كان عندي سمك و عيالي طلبوا عليه كورما

مو كل انواع اسمك ممكن نستبدل ادجاج فيه ,, الي متمكنه من اطبخ تعرف هلأشياء جربيها ترى حلوه

أحلى غزالة قال:
تسلم ايدج

وايد بنتج
عليكم بالعاافيه
ومشكوووره،،،

يسلموا حبيبتي :eh_s(7):

عيون سارة قال:
اش هالزين
والريحه واصله لعندي عاشت كتونه

تعيشين يالغاليه ,, لمن نخلص رجيم جربيها ههههههههههه

فواصل قال:
امممممممممممممممم

رهيبة

بجربها

تسلم يدج يالغلا

يسلموا فوفو مرورك ارهيب و تستاهل بوئك :eh_s(15):

الأميرة جوري قال:
شكلها لذيذه تسلم ايدج وناطرين بناتج يسون الكب كيك..

تسلمين حبيبتي ,, توني الحين نظفت وراهم و انتهت المعركه الحين بنزل اصور لووووول عاد هم مستانسين يبون يشوفون اكلهم على الشاشه يعني مشهورات هههههه

أم عامر قال:
معلومه : الاكل الهندي مثل البرياني والماسالا والكاري يوضع عليه الروب

ويعتبر من المكونات الاساسيه بالطبخ الهندي للصلصه

:eh_s(15): اجدع طباخه ام عمووور

اما اضافه الروب للحم او الدجاج بالتتبيله ذلك للشوي علشان يطريه

كوتن تسلم الايادي حبيبتي

دايما زوجي يقول لي دخلي البنات المطبخ خل يتعلمون وهم ودهم يتعلمون ودايما يوقفون معاي المطبخ وانا اشتغل واطرد فيهم اقول توهم صغار 11 سنه و10 سنوات

ومره سوو حلو من اختراعهم كور تمر بالبسكوت والفول السوداني وابوهم استانس على الطعم وصار يطلبه منهم دايما ويسوونه :rerrerek:

لووووووول ياحليلهم البنات يقلدون امهم بكل شي ,, امس الي خلطوا الكيك هم الثنتين ام 5 سنوات و ام 3 و نص و انا اساعد بس ,, تدرين يستمتعوووون بهشغلات ,, انا شفت هنا في كلاسات طبخ لصغار من 3 سنوات و فوق يسون كوكيز و كب كيك مني بيتزا

الاشيا الي فيها عجن و تشكيل طبعا انا مره وديتهم كلاس عشان اشوف الاعمار انصدمتتتت 3 سنوات ,, و تخليهم يلعبون و يسون و حاسوا ادنيا و هي تضحك و عادي . طبعا ادينهم نظيفه و بعد الخبز ياكلونه مع بعض لووووووول كيووووت

ولله قمت ابرد اعصابي و اخلي البنات يلعبون , اول كنت اخاف لايوصخون و احاتي الحين قلت ايش ماخذين من ادنيا خليستانسون بشي يفيدهم ,,,

انا امي تخاف على مواعينها و اغراضها و تسوي كل شي بيدها و انا من صغري احب اطبخ بس كله اتهاوش ,, 15 سنه كان حلمي ادخل المطبخ :eh_s(11): ما خلتني حتى يوم صرت 20 ماسكه كل شي و ما تنازلت الا الحين بس لحريم اخواني ههههههه ما ودي احرم بناتي عشان المواعين و لا يوصخون ولا يكسرون ,, ابيهم ستات بيوت فديتهم :eh_s(17):

حلو البنات قال:
يعطيج العافيه
ابداااااااااااااع

جاري التطبيق

الله يعافيكي و هنيا على قلبك مقدما :eh_s(7):

BiiShOoO قال:
تسل ايدج يا رب و ايد بنتج

تسلمين بشبش :eh_s(17):

شوكولاته&فانيلا قال:
روعة ماشاء الله تسلم الايادي حبيبتي وبالعافية

هلا شوشو انشا الله تجربينها في عش ازوجيه قريبا و ابدعي :eh_s(17):

LadY BuG 80 · 24 يونيو 2011

om l3yal قال:
كتوووووووووووون يا مالج العافية ان شالله
شنو هذا حدة يشوق لدرجة اني فكرت اروح مطعم هندي بس تعوذت من الشيطان وانتي تعرفين الاسباب

هههههههههه لا لاتروحين مطعم هندي دمااااااااااار ايش تاكلين و ايش تخلين

اسمبوسه ولا ارز ولا المصالا ولا الخبز ولا الحلو ولا ولا ولا
:eh_s(16):
اقول خلينا نرجع هناك احسن على بساطه البساطه يا عيني علبساطه

ALMZa^_^JeYa · 24 يونيو 2011

وااااااااااو

ماشاء الله جد جد شفته واشتهيت معاه برياني

ريلي يموووت عالاكل الهندي

لاااازم ما يطوف الاسبوع ومو ماكل اكل هندي

انا مره سويت شي قريب من الكورما بس مادري شنو اسمه نسيت

بس طبعا ما كان فيه خلطة الفول السوداني

كان لا باس فيه بس مره على مره اضبطه اكثر ان شاء الله

تسلم ايدج وايد بنوتج

Lady <3 A · 24 يونيو 2011

يم يم . . اموت بهالأكله . . ريحتها واصله لهون
تسلم الايادي كتون وعليكم بألف عافيه

زوجة عزيز · 25 يونيو 2011

تسلم يدج

ام مهرة 2009 · 25 يونيو 2011

اول خير البنوتات

والله يخليج لهم يارب تشوفينهم عروسات

غدانا اليوم من المطبخ الهندي ( كورما ) لذييذه

New member

New member

New member

New member

New member

New member

New member

New member

New member

New member

New member

New member

**مشرفة قسم السياحة والسفر**

New member

New member

New member

New member

Active member

New member

مشرفة قسم السياحة والسفر