.... طحت لكم على شي عجيب!! ((الموسم الأخير: تسوقي للعام الدرسي الجديد 2011-2012))

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته



مرحبا بنات..


هذا هو الموسم الرابع والأخير من موضوع " التسوق للعام الدراسي الجديد " الموضوع فتحته
في شهر 7 وتم تجديده 3 مرات وهالمرة راح تكون الأخيرة إن شاء الله تعالى..


ومثل ماعودتكم أحطلكم كل شي يديد شريته بالأول

+

إضافات البنات وكل شي شروه، راح أجمعلكم كل شي كتبوه من معلومات عن محلات وسوقة
وقرطاسية، طوال المواسم الثلاث السابقة للموضوع.. علشان يكون مرتب ومنظم وتقدرون تلحقون خلال هالفترة بشراء بواقي الأغراض الي ما شريتوها





هذا الموضوع برعاية




:eh_s(9):


=====


[][ تقرير جديد بالصور من مكتبة العجيري: منال القلب - (الثلاثاء) 16/8/2011 ][]

+

مفاجأة CD عـــن.... تابعوا الصور وانتوا تعرفون




كور بيضا باحجام مختلفة نقدر نلونها او نلبسها ونستخدمها حق أعمال مدرسية متفرقة



حصالات نقود أشكال وألوان وأحجام بعد.. فيه حق اليهال وفيه حق الكبار .. قلت يمكن تحبون تاخذون لكم حصالة وتجمعون فيه مبالغ لوقت العازة




علب على مختلف الألوان والاحجام وحيل حيل ذربة بنات.. + العاب اطفال تنفع حق مشاهد تمثيلية أو دروس نموذجية..




وسائل تعليمية عن الحيوانات وعن اسامي الاشياء بالعربية والانجليزية حق ابلات العربي والانجليزي..




شكلهم مبهدل... بس حلوين وينفعون حق الاعياد الوطنية ( كبايس واعلام وملابس )



كور + ريبون للتغليف



شنط روعة تصميمها وايد عجبتني هالجنطة حق تحطين فيها الأغراض هههههه والأدهى انها موجودة بمكتبة مو بمجل جناط لول




عبارة عن 3 أدراج وحيل خفيف حمله.. تقدرين تحطين فيه دفاتر صف كامل داخل الدرج

خذيته من سنتر بوينت وسعره 5 دنانير أو 6 دنانير ماني ذاكرة وااايد عملي تحطينه يم

مكتبج بالقسم، وبدال لوية الدفاتر حطينهم داخل هالادراج وفكي نفسج.. الادراج من خام

وكرتون بس القاعدة الحديدية ثقيلة فحيييييل عملي وقوي




شنو هذا؟ ............... لحقوني تحت

.

.


.

.

.



بطاقات بيضا نفس ملوت الشركات .. انا فكرت اخذلي واحد وسعر العلبة 1 دينار

ينفع وايد مرات بنات يكونون عندي أو أبي اطلب منهم شي ويتأخرون عن الحصة ف أكتب

حق الأبلة بسماح دخول الطالبة للصف..




طحت لكم على شي عجيييييب.. شنو هذا الي سعره دينار وربع؟ لحقوني تحت

.


.



.


.



.



.




هذا عقب ما فرزته لكم هذا سيدي فيه 700 صورة لمختلف المواد الأدبية والعلمية + 5000 تحضير جاهز بالكمبيوتر لمختلف المواد.. الميزة انه التحاضير على برنامج word
والسيدي هذا انتاج " سعودي " فراح تلقون مع السيدي نوته صغيرة + مغناطيس صغيرة + ستكيرات على احصائيات حاطين منهم اثنين.. شغلت السيدي ولقيت فيه اشياء نفعتني وأشياء لأ.. وسعره حلو 1.250 بلاش وتلقونه صوب دفاتر التحضير بالعجيري..




لوحات مقسمة حق الوسائل التعليمية وجاهزة بس عليج حطي بطايقج داخلهم وابدي شرحي
واسعارهم على دينارين - 4 دنانير - وفيه 6 دنانير..


[ الرد الياي راح يكون تجميع حق كل المشتروات الي شريتها خلال المواسم الـ 3 للموضوع + الي شروها باجي العضوات ]


وتذكروا انه هذا آخر موسم للموضوع.. وكل عام وانتوا بخير بمناسبة قرب بداية العام الدراسي
الجديد 2011 - 2012

وسلامتكم..

[ طلعتي بالصورة إلى المحاميد بو 100 فلس // السبت 30-7-2011 ]

اليوم طلعت من أختي فطوم من صباح الله خير الساعة 8:30 ورحنا المحاميد وتجولنا فيه

وتدرون بعد المحاميد الرخض عندهم ودخلت محل بو 100 ولقيت وايد وايد شغلات. خذيتلي جم

شغلة عجبتني + صورتلكم علشان يكون عندكم فكرة عن الي خذيته. وعلى فكرة بنات

انا رحت محاميد مال ( شرق ) مجمع بهبهاني الي يم مطعم فلافل نوارة لوول..

من غير طول هذرة أحطلكم اللي صورته:

كل شي على 100 فلس بهالصورة.. ولاحظو بنات الريبون او ورق لف

الهدايا على 100 + الريبون الي بالازرق الجويتي مكتوب عليه

قرقيعان لول

جلاد ملون ينفع حق طاولة أو كتب او لوحة معينة بتسوين فيها فكرة..

ملف على 100 فلس وبألوان متعددة ( ملف طباقي = يعني الي فيه

طمغة ويتسكر ) + لزاقات ملونة..

شخصيات كرتونية من الفلين. الحبة 100 فلس وايد وايد ينفعون حق

الوسائل خذيتلي وايد

صدف وقواقع على 150 الحبة ... الصراحة مادري حق شنو بس

شكلهم حلو وعجبني خذيته قلت يمكن تخطر على بالي فكرة بعدين..

خاصة الصدف احس بحط داخلة اوراق واكتب اسم طالبة والزقها داخل

الصدفة واحطهم داخل سلة واخلي طالبة تسحب صدفة وتقلبها

وتقرا اسم الطالبة الي راح تشارك.. لول هذي أحد الأفكار

شبابيص + كلبسات شعر على 100 فلس الحبة

سلات منقشة على " ورد " روووعة شوي عليه يهبلون وااايد وراح

يكدون عندي حييييل... سعر السلة 500 فلس والصغيرة 250 فلس

( من تصوير أخوي ) ميداليات أشكال وألوان. الحبة على 100 فلس




أما هذا شي حلو ويديد.. صابون صايرة على اوراق صغيرة وايد عجبني

على 100 فلس وفيه نكهات وايد. خذيتلي على ليمون. وايد حلو

إذا بتشجعين على نظافة الأيدي

شنط سبونج بوب. الكبيرة على دينار والصغيرة على 500 فلس

روعة وااايد تنفع هدايا حق طالبات. انا خذيت وحدة حقي ههههه

سبورة صغيرة سعرها دينارين .. والي يمها مثل لوحة على سبورة

سعرها دينار..

جلاليد ملونة ... + مسدس رشاش هههههههههه حق إذا الناظرة

أو رئيسة القسم عرت عليكم طلعيه وهدديها ماتدري عبالها صج

وايد يحطونه بالدعايات " دهان موف " لآلام الرقبة والعضلات قلت

أجربه الكبيرة 850 فلس والصغير 450 فلس. ريحته مثل ريحة فكس

بطانيات ملونة ( اهداء حق درة ) حق لما تقعدين بالصالة أو شابكة

يدفي وفي ألوان واشكال. الكبير سعره دينار والصغير 750 فلس

بغمات على 500 فلس و 250 فلس على أحرف

كلبسات شعر وشبابيص + بغمات على 250 فلس + 500 فلس + 750 فلس


بعدها رجعنا بيتنا قطيت الأغراض ورحنا جمعية القرين رقم 3

فوق كان فيه محل حجابات جان أصورلكم.. ماخذيت كان رايحة حق

شي ثاني.

على دينارين ونص

رحت سنتر بوينت " شرق "

كان عندهم شغلات حلوة وعملية..

خذيتلي عباة قلت بجرب العباة هالسنة مع اني ماجربتها كلش

وخذيتلي جم ستيان، ستياناتهم حلوة

وخذيلتي أشياء باردة حق داخل البيت + اكسسوارات وجنطتين

اخليكم مع الصور...

عبيهم ترا وايد حلوة

========


الأخت q8buying جزاها الله خير حطت لنا موعد مهم حق ( معرض المدرسة )
في أرض المعارض بمشرف

معرض المدارس
1 إلى 10 سبتمبر2011

==========

الأخت بنات حواء2 جزاها الخير حطت بعض الأفكار الحلوة حق جم غرض

انا عن نفسي اهم شي عندي اسواق بو 100 و طيور الجنه وايد ارخص من المكتبات بذات الفلين وايد ارخص من المكتبات فانصحكم تاخذونه من طيور الجنه و الله ناسيه جم بس مره قارنت و كان في فرق بصراحه مثل هذوله وفي منهم الوان

و تلقين انواع ثانيه من الفلين
اهم شي عندي البتكس وخاصه هلماركه لانها ماتبقع بالورق
استخدمه بدال الصمق لانه يلزق الاوراق عدل احسن من الصمغ و مستحيل تطلع مجرد كميه بسيطه منه على اطراف الورقه

هذا مهم حق الوسايل انا عن نفسي ما استغنى عنه حق كل المناسبات مو بس التدريس

اهم شي هو المغناطيس بذات الي ينلزق ورا الاوراق بصراحه هذا انا اسميه المنقذ دايمن واحد بجنطتي الصغيرونه الي فيها الاقلام وموجود عند بو 100 فلس على شكل مربعات وفي منه رول مثل اللزاق بس هذا تحصلينه بمكتبات مو بو 100 عمومن الي عند بو 100 زين و مقصص و جاهز و باحجام متساويه طبعن القلم الاحمر حق التصليح هذي محتويات جنطتي الي دايمن وياي من صف لي صف حتى بلاحتياط لاني بعض المرات العبهم ماخليهم يسولفون و يعورون راسي
اما بنسبه لاغراض الوسايل فبصراحه انا افكر و اروح سوق بو 100 و اي شي اشوفه احطه في بالي و ابطل الكتاب و لمن اشوف الدرس محتاج وسيله اروح بو 100 و ادور الشي الي في بالي و يصلح لهدرس بصراحه انا ممكن اسوي من كل شي وسيله حتى القرقيعان و المجسمات مالوت القرقيعان اخشهم و هلحجي قايلته من قبل اني عندي كرتون اخش فيه اي شي مابيه بدال ماقطه احطه بهلكرتون حق الوسايل وبصراحه وايد استفيد منه اي وقت اتوهق و مالقى فكره ابطله و الافكار تييني وحده ورا الثانيه فنصيحه عندج العاب يهال اغراض ماتبينهم قبل لاتقطينهم فكري تسوين لهم اعادة تدوير يا جماعه القضيه مو بخل القضيه ان الشي لمن يصير يديدو انتي و لا عيالج و لا خواتج مو مستخدمينه الا مره و لا مرتين حرام ينقط ربج مايرضى قال الله عز وجل: { كُلُواْ وَاشْرَبُواْ وَلاَ تُسْرِفُواْ} [الأعراف:31]. فخشيهم بهلكرتون و صدقيني بتستفيدين منه و انا اغراض و سلال القرقيعان ماقطهم اخشهم و اسوي من خلالهم وسايل روعه بعض المرات سوق بو 100 يعجبني في كذا شغله اشتريها و اقطها بالكرتون و لمن تيي حزت الحزه استخدمه بس هذا كل الي كنت بقوله وسوري طولت عليكم لاكن حبيت اثري الموضوع .. وشاكره لكم

العضوة المبدعة: بنات حواء2 و إعادة التدوير
.

.


.

اي و الله انا انصح بشده سالفة اعادة التدوير اولن توفير ثانيا متعه ثالثا شي فريد لانج انتي صنعتيه بيدج
البعذ ممكن يسأل شنو تقصد ام زنوب
انا اقصد اي شي يمر في بالج
بما اني مدرسة اقتصاد منزلي ( علوم اسره و مستهلك )
فانا اتوقع اني اي شي ممكن احتاجه
انا عن نفسي الملابس ما اقطهم اخشهم
الخامات الي مابيهم احطهم بهلكرتون
شغلات القرقيعان العلب السلال هسوالف ماقطهم اخشهم بهلكرتون
طوس بلاستك او صحون من محلات الحلويات اخشهم
فلين من اجهزه كهربائيه اخشه
اي شي عند بو 100 يعجبني اخذه لاني لو ابي بروح ادور عليه و لا راح القاه اخذه و اخشه بهلكرتون
حتى طاولات مكسره اخشهم
البعض يقول شنو هذا فقر و لا بخل
لالا مو بخل بس انا عندي موهبه احب اسوي شي بيدي احس برضا عن نفسي و استانس فيه
مثل الكيكه الي انتي تسوينها بتستانسين فيها اكثر من الكيكه الجاهزه
و هذي انا انصح فيها الابلات كلهم خصوصا و ان المعاش اوردي طاير علاوراق و الوسايل فليش ازيد مصاريفي
ممكن بدال ما اقط شغلات وايد اوفر على نفسي
و انا تعودت اني اسوي وسايل من هسوالف و بصراحه تطلع وياي شغلات حلوه و غريبه
احنه في علوم الاسره عندنه فصل حق الازياء استخدم فيه الخامات و الملابس الي عندي و خاشتهم اخصصهم بس حق هلفصل و ارد اخشهم و بعض المرات اقصص الخامات بطريقه حلوه و احطهم على لوحه فلين مرتبه و اطبع تحت كل خام اسمه و مميزاته همن حلو و مرتب و يوفر علي وقت كبير
حتى ملابس الالعاب الي بنتي ماتبيهم ماقطهم اخذهم
في فصل الغذاء و التغذيه نفس الشي استخدم الصحون و الشغلات الي عندي و اسوي منهم وسايل واااااااو و الله شي حلو و غريب
حتى العاب بنتي الي ماتبيهم ماقطهم و بعض المرات اصبغ الفلين و الزق عليه شغلات يصير جنه كيكه صج \
كله من هلكرتون
و كل اسبوع امر عليه و اشوف شنو يناسبني فيه حق الدرس الياي
اصلن الشاطره الي تسوي جذي همن تبدع و بنفس الوقت توفر

انا حابه اضيف لموضوع اختي منال شغلات تتعلق بترتيب
و انتي عارفه لمن شغلج يصير مرتب في البيت و في مكتبج راح ترتاحين فانا حابه اقترح عليكم وشوفوا هشي و جربوه
انا عن نفسي عندي مكتب خاص فيني في بيتي
اخترت ان يكون لونه ابيض بحيث يكون شرح و مايقمت مع الشغل خذيته من ايكيا زاويه
مثل الي موجود بصوره بس اكبر و من غير مكينة الخياطه ولونه ابيض
هههههههههه

وهني صوره ثانيه لقيتها بنت للمكتب

طبعن مثل ماشفتوا مافيه جرارات
لاكن انا خذيت وياه من ايكيا ارفف ارضيه و حطيتهم يمه وايد مفيده تلملم ملفاتج و الاوراق المهمه
و خذيتله ادراج من بنتا ارتفاعه بسيط بحيث تكون طقم وي المكتب لو حطيتيها تحته
و خذيتلي طقم حق المكتب من المكتبه مثل الي عرضتهم الاخت منال القلب في مكتبة العجيري بصراحه يلمون قش مو طبيعي
و خذيتلي بوكسات كرتون ابيض بايكيا تحطينهم بلارفف نفسهم حق الشغلات الي موحلو شكلها علرف يعني اوراق وايد مو مرتبه حلو انج تحطينهم داخل
و اهم شي و انصحكم فيه ضروري و الله حق كل ابله و كل وحده عندها اوراق وايد تسوي هشي و تاخذه
ايكيا في نفس فولدرات كرتون يكون لونهم ابيض و مسفطين تاخذينهم تضبطين الكرتون يصير نفس هذا بالضبط

هذي الفولدرات شكثر شالت اغراض و همن شكلها حلو و ممكن تحطين عليها طابع ذرب من بره و تكتبين عليه المضمون الي فيه
و تخلينه على الارفف
انا عن نفسي ازينهم بشرايط و ورود تفتح النفس على لون ديكور مكتبي و طوابع ملزقه و اي شي ابيه اطلعه بسرعه انا مكتبي ابيض بسود في بنفسجي فمسويه كل اربعه لون ورده سلفر و ورده بنفسجيه و ورده اوفوايت و الطوابع على لون الورده و اطبعهم بالكمبيوتر ارتب و يفتح النفس
فولدر مخليته حق الاوراق الملونه
فولدر حق البطاقات
فولدر حق الصور المختلفه الي طابعتهم من قبل لانه حرام اقطهم انا احتفظ فيهم لابد و اني احتاجهم في كذا درس
فولدر حق اوراق مزخرفه
فولدر حق اوراق عمل
فولدر حق مجلات
فولدر شفيفات
فولدر خلفيات
فولدر حق اوراق مهمه تخصني مثل صورة بطاقه مدنيه صورة جنسيه ذوله انا دايمن اصورهم و اخشهم بحيث لو احتاجهم مصورين جاهزين و مخشوشين هني
و هكذا
بصراحه شكلهم وااااااااايد حلو خاصه لو اتبعتي الطريقه الي قلتها لج
و الكتب مالولتي اصفهم بعد برف

في علبه بايكيا مقسمه مثل هذي و في منها الوان

هذي مقسمه 4 اقسام
قسم احط فيه الدبابيس مالت الدباسه

قسم احط فيه المشابك

قسم المغناطيس انا اشتري من بو 100 و ابطله و احطه هني و كل ماخلص تليت الكارتون الابيض و طلعت الماجله منه هههههه
و قسم دبابيس الي مثل ذوله انا استخدمهم بالمكتب لانه عندي لوحه خشبيه اثبت عليها اوراق و ملاحظات

و طبعن هلبوكس جدامي على طول
اهم شي بالمكتب نقطة الكهربه تكون مثبته بطوفه بحيث ماتسببلج عفسه بالمكتبه و عرقله
و انا اهم شي عندي ان يكون كل شي موصل و ثابت غير قابل للتحريك
مااحب اشيل البرينت اوديها الصاله لالا حتى لو اشتغلت باللاب بصاله اخلص اروح المكتب اطبع مادري ليش احب جذي هذا طبعي
المهم انا عندي نقطتين بطوفه يم بعض موصله فيهم موزع شامل البرينت و اللابتوب و الاضائه و واير شحن التلفون على طول موجودين و بما ان المكتب زاويه فانا مخصصه الزاويه لصغيره حق البرينت و اللاب و الزاويه الثانيه حق الشغل
واهم شي بالمكتب شغلتين دايمن ننساهم
معطر الجو
و عزكم الله الزباله لانه مثل ما انتي عارفه شغلج هناك بكون وايد قص و ترتيب فخلي الزباله تكون باتجاه مناسب بحيث التنظيف يكون اول باول و اسرع و ارتب

اهم شي تخصصينه و تاخذينه من ايكيا هي هذي البوكسات وفي منها احجام انا عندي الحجم العود اكبر حجم ماخذه منه 3

هذوله صافتهم تحت مكتب ثاني مخليته يم مكتبي بتسألون ليش
لانه هلبوكسات هي فيها شغل اعادة التدوير
و المكتب الثاني هو الي يصير عليه الشغل كله من صمغ و تلزيق يعني العمليه مالت اعادت التدوير كلها عليه حفاظا على مكتبي الاول الابيض و بصراحه متحسفه عليها خذيته غالي و مابي اخربه لانه صج عاجبني و لانه ابيض فصلت عليها زجاج عشان لاينخدش او يتغير لونه فلذلك هذا المكتب خذيته رخيص و كويس و من ايكيا بعد يكون عريض و مرتفع عن الارض عشان يعطيج مجال تشتغلين عليه وانتي واقفه من غير ماتجندسين و ممكن تحطين يمه كرسي مرتفع مثل كرسي البار عشان تشتغلين عليه و انتي مرتاحه
عمومن ذوله تلقونهم بايكيا يم المكاتب دايمن و كراسي المكاتب يصيرون قبالهم
تحت هذا المكتب اصف البوكسات و ارفف مربعه من ايكيا تصفين فيهم بوكسات مثل ذوله

تقريبن مثل هصوره

طبعن هذي تكون يمج و حاطه فيها الاغراض المطلوبه مثل مسدس الشمع و الشمع و اوراق لف و ورود و الخرابيط المطلوبه
و بجذي صدقيني بيترتب شغلج و بتلقين نفسج جك بم خلصتي كلشي و بترتيب و نظافه من غير حوسه و لويت راس ووين حطيت ذاك و وين وديت ذاك
اتمنى اسلوبي في ترتيب لويت المدرسات عجبكم و جربوه وراح تدعولي و لاتنسون و انتو قاعدين بمكتبكم خلاص القهوه

========


العضوة العسل: نجمة العطا... تقول:

بنات أنا رحت اليوم الحمرا مول بالفروانية <<< شخباري من زمان عنه
المهم وشفت محل اسمه كيوت اول ما دخلون البوابة جهة المصافط ورأ يكون علي يساركم تقريبا
لقيت فيه شغلات حلوة وذربة وهم في الكششخه والحلو بالمحل انه نظام قطعة او قطعتين او ثلاث بس يعني ما راح تكون البدلة مكررة بس ترا اسعاره من ٢٢ وفوق << هذا للعلم
أخذت منه ثلاث روووعه
ومغاتير تحت السرداب في محل للعبي حلو بس غاااالي فصلت وحده ب٤٥ بس حلوة تستأهل

وسنتر بوينت الشويخ عندهم قمصان اقطان عمليين والجنوز اللي تكون خامتهم خفيفة أنا حصلتهم علي قطعتين قطعتين عاد ما ادري في بعد او لا وزحممممممممة عندهم

وكنت بروح ادور فلات في الافنيوز امدحوا لي محل هناك بس نسيت اسمه << أنا مع الانجلش كلش مو صحبه

وان شالله اذا شفت شي حلو بقولكم
بس بنات ترا شفت بالعربيد الخياطيين حريم يشتروون الدراريع بالهبل شكلهم اللي يعرضون بالمعارض والأسعار ناااار !!!! يعني اخرت هالحريم العربيد وروحوا البلوكات فوق الخياطين هم تلقون شغل الحريم هناك بس الصدمة بالسعر!!!
والأوقاف فوق كان في خياط اسمه زهرا او شي جذيه يصب الموديل صب كانه جاهز بس خبري فيه من قبل سنتين عاد للحينه موجود او لا اي نسيت اقول ان العربيد ماعجبني شي والغالب مكررر والخامات بصراحة مو شي
بس في محلين في السرداب عندهم ميني دراعه حليوين بس اسعارهم صراحه ضربة بسبب العيد
ورمضان عاد أنا قلت بعد العيد اروح افصل لي كذا وحدة للدوام تكون اسعارهم نزلت بس يشتري الخام بنفسي احسن من خاماتهم كلش ماعجبتني

==========

العضوة الحلوة: مشغولة ومحتاسة .. عطتنا معلومات هامة عن أحبار الطابعات:


بصراحه طبعت ليييين قلت بس و بعده ما خلص .. كفاني فصل كامل و للحين موجود

و طبعت منه شغل السنة اليايه و هم مااا خلص و حطيته لطابعة القسم بالمدرسة و

ابلاتي وايد ارتاحووو عليه و طبعو كلمات و صوووووور لين ملو و ما خلص


الشركة بجنوب خيطان و اسمها مؤسسة توتا

ورقمها


24767063


بس للامانه لازم اتديرووووون بالكم على الطابعه ... و اتديرون بالكم منها

لان اي ميلان راح يطلع الحبر .. لازم تكون على سطح مستوي سييده طول الوقت ..


انا طلبت من الفراشة تنزلها من السياره للمدرسة .. وما نبهتها على هالسالفة .. جان الله يهداها اتييبها لي ولا منكت الحبر و عافسه الدنيا ... تلفت هدومها و هدومي و مكتبي و ايديني صارت جني صباغ @@


دقيت على العامل و اخذها نظفها و سنعها وردها

التعبئة اول مره 20 + 5 للتوصيل .. يعني اللي اتدل خل توفر هالـ 5 و تروح بنفسها

ثاني مره التعبئه بـ 11

و عليكم بالعااافية

=============

مرة ثانية: نجمة العطا .... تقرير عن النقرة الشمالي + الجنوبي

==========

مرة ثانية: مشغولة ومحتاسة ..... جهاز التغليف

جهاز التغليف شريته من سنييين ب 30 تقريبا .. حجم A3


من مكتبة بالشويخ

عيبه انه مرات يطلع ريحة حراق البلاستيك ... بس سريع


بالمدرسة شرينا جهاز - ما اعرف اسمه - ب 25 تقريبا ... عيبه بطيء مقارنة باللي عندي بالبيت



بكل الاحوال .. نصيحتي اشتري جهاز يناسب لحجم الورق الكبير .. A3 و سعره لا يتعدى الـ 30 الى 35


اللي بالبيت اسمه طار للاسف من كثر الاستعمال لوول

بس اهو رمادي و معدني و ثقييل

يشبه هالصورة



============

الرائعة:أخت اخوانها .... وتقريرها عن سينيه:


مرحباااااااااااا ادري اشتقتووووووولي >> حلفي عاد

المهم ياااااااااااطويلات العمر اليوم كنت بسينيه حدددددددددددددددددددددددددددددددده رووووووووووووعة ونالزلة عندهم قطع راااااااااااااقية >> بالعادة ملابسهم بالمررررررة ماتعجبني جنه لبس وحدة من الجنسيات العربية >>>>>> يكون مو واضحه يعني
المهم اخذت نفنوف طويل وتنورتين وقميص طويل شوي وحصلت مو نفس التنورة اللي ابيها الا احلىىى منها ( الف الحمدلله) .. الحين حسيت اني شارية شئ لأني مييييته عليها ..

اخذت تنورة بيج وتنورة رمادية وبنطرون قصته روووووووووووووعه ونفنوف طويل كركمي ببني وقميص طويل ابيض بالضبط يوصل للركبة وفيه حزام ضعييييف جلد اسود برمادي بخليه مع البنطرون الرمادي وتحته قميص ابيض وتطلع البدلة سكبه

وحسابي صار 71د.ك

=============

كروت ملونة كبيرة ومربعة الشكل وفيه منها ألوان اصفر وابيض ووردي + دفترة تحضير بس مادري ماعجبني مادري ليش ماخذته لووول قلت اصورهم لكم..

============

fri2010

رحت سوق السالميه الحوش

وصايره الهبه جواتي النايلون وفي الفلات والكعب بــ 7 دنانير انا شريت من لندن بــ 3 ونص تقريبا نفس الصوره



ورحت فاشن مل اللي يم حوش السالميه لقيت سبوره بــ 4800 بس انا ادور على الاكبر من جذي



ايه ونسيت

لقيت نفس هذا بمجمع اوتاد تحت



بسبع دنانير وشي
=======


ذكريات عشاق


انا الحين قاعده اجهز ملابس ومكياج وهالسوالف اما القرطاسية فبخليه يانص شهر 8 او بعد العيد

واليوم رحت طلعت العبي وهم بسوييلي بعد لان انا للحين تعيين يديد فمادري شنو نظام الناظرة
خوفي اشتري بدلات واخر شي مايرضون فقلت اول اسبوعين اداوم بالعبي واشوف الوضع شلون صاير بالمدرسة وبعدها اشوف
مع انه الكل يقول عباية احسن واكثر عملية من البدلات
وشريت مكياج ...
وشريت هالبودرة من ماك ححيل حلوة وشفتها على اختي حيل حلوة وتصلح للدوام






والمسسكرة هذي روعه جربتها بالصدقه كنت بدبنهامز ووحده من اللي يشتغلون هناك امدحتلي ياها فقلت خلاجرب
وفعلا طلعت روعه وراح استمر عليها..وطبعا تكثف وتطول وتقعد عندج مدة

نجمة العطا

بنات أنا رحت الاسرة في الفحاحيل واخذت لي كذا شغله الدوام المشكلة أستخدم ايفون ما اقدر انزل لكم صور
لقيت عندهم ورد بلاستيك وصور ورد يلصق مثل الجلاد <<< ان شالله فهمتوا علي

واخذت ديكوريشن للمكتب لزوم الكشخه خخخخخخخخخخخ

وبطاقات والأغراض المكتبية المعروفه

وبعده بيوم مريت السنافر كلللش ما عجبني الا ان في لوحه حلوة للكتابة عليها مخططه تصلح لابلات العربي أنا أخذت وحده للحديث او الآية

وشريت العدة من زينه وصمغ والخ لتجهيز دفتر التحضير وبس بوقف بعد رمضان يكمل ان شالله

=============

يا مطولة صبري

وحدة من الناس*



=======

جنان

امس كنت في مجمع الكوت بفحيحيل منزلين جناط حلوة عند جاشنمال،،وهم زارا منزل جاكيتات شتويه حق الشتا وايد حلوين بس ما شريت بصراحه لاني كودت ملابس وايد وهم بعد وراي مصاريف ومشاوير ثانيه عقب العيد ،،وبخلي المبلغ اللي بقى حق اغراض المدرسه ،،و محل aldo مسوي تنزيلات خياليه يعني جواتي عزكم الله على 7 و10 وحلوين بعد ، قرقرت وايد لووول بس وايد حلو الموضوع يعطيج العافيه منول

أم عفاف الكويت

















==========

بطاطا

انا رحت الفروانية كل البنات يمدحون العبي هناك

صوب البنك التجاري في محلات عبي يمه

مكتوب بالفاتورة : الفروانية - مجمع عادل العربيد

الصراحة عجبوني واااااااااااااايد

و اهوا مثل مجمع داخله محلات عبي يعني مو مثل العربيد و محلات و من بينهم محلات عبي لا هذا بس للعبي يعني طبي و تخيري


==========

مدرسة المستقبل

الله يعافيكم بنات
وأب لعيونكم..