السلام عليكم ورحمة الله وبركاته
يسعد مساكم / صباحكم بالخيرات
مجبوس لحم اتمنى يعجبكم تابعوا معاي خطواته بالتفصيل الممل ^^
المقادير
تقدروها حسب الاحتياج طبعا
رز
لحم
بطاطس مقطع مكعبات
جزر وبازلاء مثلجه
بصل مقطع حلقات
فلفل رومي
لحم
بطاطس مقطع مكعبات
جزر وبازلاء مثلجه
بصل مقطع حلقات
فلفل رومي
ملح + جميع انواع البهارات
الطريقة
1- نسلق الرز لكن مانخليه يستوي كامل فقط نص استواء ونخليه على جنب
2- نسلق اللحم مع الجزر والبازلاء وهنا شكله قريب بيستوي
الخضار مو من الاول حطيتها مع اللحم خليت اللحم ينسلق بروحه
وقبل 15 دقيقة من قفل النار عليه ضفت الخضار تشربت الماي وصارت لينه وبعدين لما نشف الماي كله قفلت النار ( حتى الصورة اللي حاطتها وضحت ان قريب بيستوي اللحم فيها )
وقبل 15 دقيقة من قفل النار عليه ضفت الخضار تشربت الماي وصارت لينه وبعدين لما نشف الماي كله قفلت النار ( حتى الصورة اللي حاطتها وضحت ان قريب بيستوي اللحم فيها )
3- بهالاثناء نجهز حلقات البصل والفلفل الرومي ونقطع البطاطس الى مكعبات صغيرة
4- نقلي البطاطس
5- ناخذ قدر ونحط فيه شوية زيت ونشوح البصل مع الفلفل الرومي لغاية مايتغير لون البصل
6- نضيف لهم اللحم ونقلبه شوي مع البصل والفلفل الرومي
7- نضيف لهم البطاطس المقلي وتكون اكتملت خلطتنا الحين نضيف الملح وكل البهارات اللي بالمطبخ 
8- الحين ناخذ قدر صغير ونحط فيه ربع او ثلث كوب ماء مع ملعقة كركم
9- نخلي الكركم يغلي مع الماء ونقفل عنه لما يصير بهالشكل
10- ناخذ قدر حجمه مناسب لكمية الرز اللي عندنا ونضيف طبقة رز بالاسفل
11- الطبقة الوسطى للحم مع الخلطة تبعه
12- الطبقة الاخيره باقي الرز الابيض ونصب فوقه شوي من ماء الكركم اللي غليناه بهالشكل
13- نغطي القدر بورقة المنيوم ونخليه على نار هادئة لمدة ربع ساعه او عشرين دقيقه لغاية مايطلع البخار نعرف انه استوى
14- الحين استوى وهذا شكله النهائي
15- وهالطبق لأول عضوهـ ترد ع الموضوع ^^
وبس بالعافية عليكم
ودي ~
