الطبق اهداء لغاليتي lovely jojo
هالطبق عادة اسويه للعشاء
مقاديرها :
1 علبة كفته ماركة الكبير ( تقدرون تستخدمون اي منتج تحبونه مثل امريكا او المواشي )
فلفل اخضر رومي شرايح
1 م ص لومي ناعم
1 ملعقة كبيرة من كل من ( زنجبيل و ثوم معجون ) او تقدرين تفرمين بالبيت
1 علبة معجون طماط كي دي دي
ملح
فلفل اسود
شوية بهار لحم
نص حبة ماجي
نص قلاص ماي حار
بصل مفروم + بقدونس ناعم بالكمية اللي تبين ( انا عادة احط وايد )
1 طماطة مقصصة صغار
1 ملعقة ص كركم ناعم
الطريقة :
- اقلي الكفته بالزيت وشيليها على جنب ( اقطعي الكفته نصين واهي بالزيت حتى تستوي من داخل )
- حمسي البصل والبقدونس بالجدر بدون زيت ورشي شوية ماي عليه حتى ياخذ من لون قاع الجدر .
- ضعي القليل من الزيت على البصل ثم الماجي والكركم وبعدها الطماط المفروم لما يذبل شوي
- اضيفي الثوم والزنجبيل عليهم وكل البهارات المذكورة ثم الفلفل الرومي الشرايح وقلبيهم شوي
- ضعي معجون الطماط وحمسيهم عدل 3 دقايق على النار ثم تضاف الكفتة المقلية
- اضيفي الماي واتركيه على نار هادية يتسبك لما تثقل الخلطة .
- وقدميها فورا قبل لا تبرد مع خبز مسمسم أوحشيها بصمون
وعلينا وعليكم بالعافية :eh_s(7):
