انا سويت سيرج
ولقيت اشياء يمكن تفيدنا من البنات الي اسبقونا بالميداني
المشاركة الأصلية كتبت بواسطة اخت اخوانها
السلام عليكم
شلوووووووووونكم بنات شخباركم
انا مخلصة ميداني متوسط.... ( أي ) شئ تبون تستفسرون عنه لايردكم الا الكيبورد.. طرشوا ع الخاص لأني مااجيك ع المواضيع
بس بقولكم جم شغلة:
1- احضروووووووووا اللقاء التنويري عشان راح يعطون وحدة منكم ظرف انتي يالطالبة او اللي حاطينها معاج بنفس المدرسة .. بعد اللقاء التنويري يقولون لكم كل وحدة تروح لموجهتهم وتعطيكم الظرف مثل ماقلت لكم واللي تستلمه توقع
2- لا تتأخرون بأول يوم دوام لأن مثل ماتعرفون هذا مجتمع جديد والتزامكم بأول يوم يسوي لكم سمعة زينة بالمدرسة
3- تروحون للوكيلة وتسلمون وقولوا لها احنا بنات الميداني لأن اكيييييييد عندها خبر
4- عاد حسب الوكيلة يمكن توديكم للناظرة تعرفكم عليها وتعرفها فيكم
5- تدق ع المدرسة الأولى وتسلم عليكم وتاخذكم للقسم وتعرف مدرسات القسم عليكم
6- تحضرون مشاهدات لمدة اسبوعين عند المدرسات عشان تستفيدون منهم ... لا تحاتون بعطيكم امثلة بعد مو مثال:
مثلا اقول والله من فلانة باخذ طريقة الشرح بالنحو او فلانة حلوة مناقشتها للتعبير او وحدة كانت عندها طالبة مشاغبة وسوت موقف بالصف شلون تصرفت معاها ،،،،، وجذي يعني
7- التحضير كلكم عارفينه بس اي شئ يصعب عليكم اسألوا المدرسة الأولى ترى تستانس اذا استفسرتي منها عن شغلة احسن ماتسوينها غلط
ويعدين ياخذون صف من وحدة من المدرسات ويعطونج..
8- خليج كشخة ومرتبببببببببة ومكياجج مناسب مومبالغ فيه..
9- خلي شخصيتج قوية لما يناقشج الموجه بعد الحصة مو كل كلمة والثانية اي صح استاذ انا كنت غلطانة لا خلج واااااااثقة من نفسج
( بس ) بيني له انك استاذ كبير وبستفيد منك بكل أدب واحتراااااااام
10- اهممممممممممممم شئ مالج دخل بخلافات القسم مثلا في مدرسات بينهم مشكلة ولا زعل لاتهتمين بهالشغلة واضحكي واستانسي بس بحدود مو اكثر من اللازم يعني مو ضحك 24 ساعة ويقولون الحمدلله والشكر شفيها مستخفة ( ترى والله شئ واااااااااااااااااقعي)
**بنات انتوا ملزومين كل يوم توقفون بالطابور
**و احتياط مرة باليوم
**و ماتمسكون اشراف و مناوبة.. ممنوع أصلا
**تصحيح الكتب مو مهمتكم.. يعني ما يأثر ع الدرجات بس ممكن يعتبرونه اهمال منج إذا شافوا حصصج مو مصلحة
فانتي صححي قد ما تقدرين و أهم شي حصصج طبعا
**الطلعه الساعه 12ونص
**الحضور لازم قبل التوقيع .. يعني 7 و نص و 5 انتي تأخير !!!
**أذكر قالتلي الوكيلة الكورس اللي فات ان كل تأخيرين بغياب
**اللي بتغيب عندها ظرف و لا بتتأخر لظرف معين ملزووووومه تبلغ رئيسة قسمها قبلها بيوم عشان تتصرف
**ما يصير توزعين أوراق عمل من غير ماتشوفها رئيسة قسمج و توقع عليها قبل بيوم ع الأقل
**إذا سويتي أي شي شغل أو وسيلة اكتبي اسمج عليه
و وريه رئيسة القسم لو ماحضرتلج بس وريها عشان تحط فبالها انج قاع تشتغلين و تبدعين و تبذليين مجهود
**لازم تشوفون أوراق تقييمكم من الحين عشان تعرفون على أي أساس قاع يقيمونكم
و إذا ماعجبتكم درجاتكم نااااقشوااااا لا تستحون ولا تخافون .. ترى بعضهم يظلمون
و سلامتكم
شوفي
توقعي غير المتوقع بما انج طالبة ميداني و محاسبة بالدرجات
و اكيد الكل يبي درجة كاملة عشان جذي ،، المفروض تكونين مستعدة لحصتج من جميـــــــــــــــع النواحي:
-تحضيرج 100% يعني اهدافج مكتوبة و العرض كامل و مضبطه دفترج لأن ممكن بأي لحظة رئيستج أوالموجه يدشون !!
-تكونين محضرة ذهنياً ، يعني قارية الدرس عدل و حالة الأسئلة اللي بالكتاب كلها عشان تعرفين شنو المعلومة اللي المفروض توصلينها ،، و يكون تحضيرج شامل لكل صغيرة و كبيرة بالدرس
-بطاقاتج\وسائلج\الأجهزة اللي تحتاجينها جاهزة و مناسبة للدرس و مكتوبة بالتحضير
-تكونين منظمة و تمشين لصفج قبل لا يطق الجرس ب 5 دقايق عشان تضبطين صفج و اذا محتاجه بروجكتر تجهزينه و تتأكدين ممكن يكون خربان!! تعدلين شغلج و أغراضج و سبورتج و اقلامج و تكونين مرتاحه نفسيا بصفج ،، وتاخذين الغياب فبداية الحصة
-اول ماتدشين تخلين البنات ينظفون الصف و يعدلون طاولاتهم اذا احتاج الأمر ،، و تخلينهم يطلعون كتبهم و تتأكدين من أدواتهم كاملة ولا لأ ،، لأن ممكن تتوهقين تبين منهم شغلة و يفشلونج ابلة ماعندي ابلة ابي و من هالسوالف ،، فلازم في عقاب و تبينين للموجه و رئيسة القسم انج مهتمة و تحاسبينهم
-الكتب تأكدي من تصحيح درسج و اذا كانت الأبلة ماتصحح و قاطه التصحيح عليج نبهيها ،، و اذا ماحلوا واجبج نبهيهم و عاقبيهم ،، لأن ممكن يسائلونج ليش مو حالين؟؟
-لما تعطينهم سؤال معين خصوصا ابلات الرياضيات لازم تكونين حالته و تعطين البنات اسئلة متنوعة و شاملة لمعلومات الدرس
الحين لو سويتي كل الكلام اللي كتبته فوق
المفروض تكونين واثقة من نفسج و ما بقا عليج الا الشرح و بس!!
و الحين لو فجأة دش عليج أحد سواء كنتي فبداية أو نهاية الحصة
تكملين ولا كأنه في أحد ،، مجرد تقولين حياكم الله و تحطين كراسي لهم و بس
و لما تكونين قاع تشرحين لا تطالعين الضيوف ،، لأ المفروض تشرحين عااااادي على طبيعتج صوتج و حركتج كأن بس انتي و الطلبة
و اذا قاطعوج اثناء الشرح ولا حصل اي خطأ منج عاااادي لا تتوترين انتي انسان مو ملاك المهم تصححين خطأج بكل ثقة و بدون ارتباك و تكونين كووووول ،، هالنقطة راح تتسجلج ما تتسجل ضدج
و صدقيني اللي شغلها كامل و محضرة تحضير ذهني ما راح تخاف و راح تشوفين بنفسج
الا الخجل عادي ممكن تتغلبين عليه بتجاهل الضيوف يعني لا تطالعينهم و بس
أهليييين ام حدوج ..تمام دامج بخير :eh_s(17):MEMO شلووووونج
خووش نصايح اللي فووق ^
الله يحيييج
الله يعطي "المها" ع قد نيتها ماقصرت نصايحها من ذهب ..
