هذي مووو من شيمنا يا اهل الكويييييييت

[kanoosh]

السلام عليكم ورحمه الله وبركاته

حبايبي بنات الحلااال اشلونكم وشخبااركم؟؟

عندي لكم سالفه صااارت جداامي امس وبصراااحه مااااقدرت اناام من الغلقه اللي صكتني منها لانها بمعنى الكلمه بااااايخه

انا امس بمستشفى الفروانيه ولقيييت مرييضه قاعده مع ولدها وكانت مسويتله اشعه

الاختصاصي اللي سو لولدها الاشعه (وهو مصري الجنسيه)حرك الياهل عالطاوله وكان ياي بيروح والولد تحرك
(لاااااااااااا اراااديا) لمس <<جيكو لمس
عبات المره وقالها حاسبي يا اختي عالولد لا يووواع.....

قامت الجميييله تناااااافخ انت اشلوون وباي حق اجيسني وانت ما تستحي ؟
قالها اسمحيلي يا اختي وانا لمست العبايه بس والله ماكان قصدي اللي في باااالك

روحي عقب ما خلصت الاشعه وقعدي ونطري (سبع البرمبه) ياها ريال لابس لبس الشرطه اهو والنجمتين اللي المدندليين على جتفه

ويقوولها وييينه وتقووم تاشر عالريال ..........ما نشوف الا سبع البرمبه ياااااااااي وحاااك الرياال كف على وييهه وهذااك انصدم؟؟؟ قاله ليه يا باشا ؟؟
جان يرد ويقووله انت ليش اجييسها؟؟
قال والله انا ما لمست غير عبايتها

قومي ردي يالمره عليه وقوليييله لااااااااااا انتي لمستني اهني (تاشر جدام الناس على صدرها ) واهني (على بطنها)؟؟؟؟؟؟؟؟؟

وتقووول واهي طالعه اي ما وصيييك رووح اشتك علييينا انزيين مو انتي هذي سوالفكم؟؟؟؟؟


سؤااااالي المحيييير ؟؟؟؟؟؟

هل هذا التعامل اللي نعرفو اهل الكويت عنه؟؟؟؟

هل الاختصاصي هذا ياي متغرب عن اهله وربعه وديرته عشان يلقى هالتعامل الللي يفشل منا؟؟؟

هل انتي يالمره بجذي ارتحتي وخذيتي حقج وانتي ظالمه ريال؟؟؟

لييييييييييش يا جماعه هالتعامل وتلومون الاوادم اللي برا لا قالو ان تعاملنا مووو شي ؟؟؟؟

بصرااااااااااااااااحه هالشي لا ديينا ولاااا مبدانا ولاااا عاداتنا ولا تقاليييييدنا عودتنا على هالاشياااء

ليش صرنا نمشي على نهج اليهود اللي عبالهم انهم شعب الله المختار وان محد قدهم

الرسول صلى الله عليه وسلم قال (اقربكم منازل مني يوم القيامه احاسنكم اخلاقا)<<<بما معنى الحدييييث



ليييييييييييش نشووووه سمعت دييرتنا العزيييزه <<وانا متاكده ان هالاشكال هذي الحمدلله قلييله عندنا وان احنا اكبر من هالسوالف
بس مثل ماقال المثل الخير يخص والشر يعيييييييييم

هالشي بصراحه حزز بخاطري حييييييييييييييييل

وبالنسبه لاقواااال المره طلعت جذذذذذذب بجذذذذذذذب لان بالغزفه في كاميرا ومبيين ان بس لمس طرف العبايه

وماقوووول للمره هذي اذا قرت هالموضووع الا انها تتقي ربها وتستغفر ربها والله يكافيها حوووبه هالمسكيييين

وبالنهايه اقوووول:nocommint:​

 

[هنـــد]

حسبي الله ونعم الوكيل

 

[frfr197]

هذى مصاخت الديرة كلها فيها بدامج اتخافين تنجاسين من اى احد ليش ما يانج ريال ومسك الياهل عنج بدال ما تحتكين مع اى احد غريب؟؟؟؟؟؟؟؟؟؟؟؟؟؟؟؟؟؟؟؟

 

[فجر الغلا]

انا مره صارت جدامي نفس هالسالفه الله يهداها وحده إلي تبي اينزل سعر العبايه حق اختها اهوا عطاها سعر ما عجبج طلعي وكان المسكين واااايد محترم معاها بالاخير تنرفز قالها خلاص مابي اخيط لج وتهاوش وياه حتى اختها وامها زفوها واهيا صراخها واصل اخر الدنيا اشيسوا عليها صوتها علا واهيا الغلطانه واحرجت امها واختها وغلطت عالريال يعني ما خذت ولا شي بس مصخرت عمرها الله يهداهم هالناس لو يدرون شنو يعني حوبه المظلوم جان ماقربو ولا فكره بهالشي

 

[القطاة]

يا ربي والله العظيم ه

 

[غزيل الفله]

حبيبتى الشرهه موعلى الورة الشرهه على الثوور زوجها وهى شلون تفضح نفسها بالمستشفى صج ماتستحى وأى عااد الفروانيه كونا وكاله انباء مومستشفى شرشحت نفسها عدل وهالمصرى لوفيه خير يشتكى بس

 

[القطاة]

يا ربي والله العظيم هذي السوالف اللي ترفع الضغط ما أصدق ان مستوى أهل ديرتي الطيبيين وصل لي هالمستوى وين حريم أول ورجال أول
تصدقون هذي حادثة من حوااااااااااادث تصير وأبطالها أهل ديرتي
مري المصافط في أي مكان لازم تسمعين صوت كويتية يلعلع تتهاوش مع وحدة أو واحد على مصفط
مري مستشفى نفس الشي على الدور
مري محاسب كاشير نفس الشي
ما أقول الا الله يصلح حالنا
هذا ما يعني ان في ناس لا زالوا رمز يشرفنا بس والله هالحوادث تعطي لغير الكويتيين سمعة خايسة عنا
سبحان الله وبحمده سبحان الله العظيم أستغفرك ربي وأتوب اليك

 

[شوشه منكوشه]

والله ما اقول غير انها مريضه وقليله ادب
وعادي هالاشكال عندنا واجد لايغرك يمووووتوووون على الجذب والتبلي على الناس
وكلن يرى الناس بعين طبعه .....والله يعينها على نفسها ولا يبلانا بالعقول الناقصه >>>> ياكثر العقول الناقصه عندنا خخخخخخخخخخ

 

[توتاتوتا]

ذكرتوني بسالفه انا اخواني يدرسون ببريطانيا و عندهم بالجامعه دكتور نيبالي كان عندكم بالكويت سابقا اعتقد كان مع ابوه يوم انه صغير او انه كان يشتغل المهم و يكره الخليجين مره و معقد اخواني و باين عداءه للخليجين ... بعد فتره سئل اخواني شمعنى كلمة "" صديق"" قالو My friend قال تكذبون علي فشكله كان يعتقد اانها سبه من طريقة نطقهم لها

 

[kanoosh]

تسلمووون حبايبي عالردووود وصدقوني الل قلتو كنت بقلووله بس قلت تطلع من غيري احسن

يعني مادري شستفادت لمن فضحت روحها ؟؟

ومادري ليش مو من الاول مناديه ريلها قبل مادش؟؟


استغفر الله والله ياجماعه ان اهل الكويت طييبتهم توووسع الدنيا ومافيها ليش هالحركات هذي والترفع اللي ماله معنى

لي متى وبعضنا شااايف نفسه على غييييره يبا خافو الله لا يخسف فينا ونوصل لمواصييلهم

الله كريييم

 

[هنوده]

تصرفها تصرف وحده ماتستحي الرجال ماقصد كان خايف على الولد احس تصرفها تصرف هيلقيه

 

[نظـــرات حـــائرة]

حسبي الله ونعم الوكيل فيها جانها ظالمته

ياويلها من ربها ..الظلم ظلمات يوم القيامة

وعسى حوبة هالمسكين المغترب ما تعداها

والأخ صافقه طراق ..والمصري المسكين يقوله يا باشا !!!

حروا قلبي ياويلهم من الله... رضى بالذل والإهانة عشان لقمة العيش

لا حول ولا قوة الا بالله


الله ياخذ حقــه ..هو عند رب العالمين أحسن

 

[عنزية والهيبه وايليه]

حدها هيلقيه موقفها بايخ واهي ابيــخ صج ماتستحي

 

[كندية]

هذي شكلهاااا تبي تحر ريلهاا او شيء...مو مصدقه تبي احد يسوي شيء لهاا الحمدالله والشكر....لو طايح الولد والله جااان تعلق...

ومداااام جنقر مالهاا موجود ليش مااهز طووله وهو اخذ الولد حق الاشعه....

انزين اختي مداام انتي شفتي شنو صاار ليش مااتكلمتي ؟؟؟يعني بالله بيشتكي شدعووه بصدقووونه علييهاا....و مو كل مره في كامرااات ​

 

[Miss.6Mo7]

نآس مرضىآ .. !

 

[نيــلــوفــر]

حسبي الله ونعم الوكيل حراااااااااااااااااااام

 

[* الجليلة *]

لا حول ولاقوة الا بالله
حسبي الله عليها وعلى كل ظالم
وحتى لو قاصد ما تكلم بهالطريقة وتفضح عمرها جدام الناس لا وتأشر على جسمها
صج قيلة ادب

بس الحمدلله الديرة بخير وهالاشكال قليلة وموجودة بكل ديرة

 

[كوكيز]

يا ويلها من دعوة المظلوم
حرااام اللي قاعد يصير .. ما يخافون من غضب الله .. ان ربك لبالمرصاد ..
يارب ترزقنا حسن الخلق و العطف و الاحسان .

اللهم صلي على محمد و آل محمد

 

[المـــــها]

ما أقول إلا حسبي الله و نعم الوكيل
والله شي يحر القلب ،،،

 

[اروى77]

انا معاك ان الوحده لازام تخاف ربها ولا تتبلى على الناس وبعدين شكل المره جدا بشع وهي تصارخ وتلم الناس عليها ... بس انا ماعجبتني حركه الاختصاصي شكو يلمس عبايتها اساسا ماكان له داعي يمد ايده ..كافي انه يتكلم وتسمعه المره اما انه يتكلم بلسانه وبيده هذا اللي اشوفه مومقبول.. ورغم هذا هم ارجع واقول ان المره ماكان لازم تكبر الموضوع لهالدرجه كان تقدر تعطيه كلام تحسسه بغلطته وكان الله غفور رحيم