{ ...الدكتورة رشا الصفي تجيب على استفسارتكم ..} استضافة اسبوعية

[بنت العمدة]

يعطيك العافية دكتوره على سعة صدرك معانا

 

[اموووووووووووون]

جزاج الله كل خييييييييييير

 

[ام حسن!]

السلام عليكم ورحمة الله وبركاته

دكتورة رشا مشكورة وما قصرتي على المعلومات ، وعندي سؤال اتمنى انج تفيديني:
ولدي عمره سنة و8 شهور والبلغم مو مفارقنه وعلى طول مزكم صار له اكثر من شهر على هالحال وفك عنه 3 اسابيع وبعدها رد زكام وبلغم ذابحنه كل من يقعد جنبه يسمع صوته بصدره وديته الطبيب قالوا ما فيه حساسية وعطوه ادويه عادية مالت زكام وبلغم بس ما تغير شئ ، وانا قمت اعطيه فترة حليب مع عسل وبعد ما تغير شئ فياليت تفيديني بشئ طبيعي ما ابي ادوية اذا ممكن،، مع الشكر مقدما​

 

[um-sultan99]

مساااء الخير ... دكتورة الله يعافيك عندي سؤالين إذا ممكن

السؤال الأول ... ولدي عمره سنه وعشر شهور وهو أول ولد لي الله يحفظه ويحفظ عيالك
بديت اعلمة عالحمام بس مشكلته يخاف يتبرز ويسويها في اي مكان في البيت ولا يرضى يسويها في الحمام ولا يتعصر ولا حتى يكملها إذا شفته سوى شوي منها برا ...يخاااااف من الللي يطلع منه على اني وريته اياه في الحفاظه قبل ؟؟ هل هي ردة فعل طبيعيه والا ؟؟
ابيك تعطيني حل وش اسوي معه ...؟؟؟
وهل تتوقعين ابنجح معه في هالعمر انه يترك البامبرز لأن الكل يقولي الولد مايتعود الا ابو 3 سنين ؟؟ وتتوقعين كم بياخذ مني اسبوع عشان يتعلم ؟؟
وما ادري كيف طريقة الفطام هو يشرب 3 رضعات باليوم سميلاك ؟؟ وعندة الحليب اساسي عند النوم وش اسوي معه ؟
وش احسن حليب بعد مايكمل السنتين ؟؟


السؤال الثاني ... متى افضل عمر لتخريم الأذن للطفله عمر بنتي شهرين ولا خرمتها ؟؟؟
مشكوره على جهودك

 

[ام طلال]

حبيبتي شكرا جزيلا
الله يطمنج ان شاء الله

 

[أم نوني]

السلام عليكم و رحمة الله و بركاته

يعطيج العافية دكتورتنا العزيزة

دكتورة ابي رايج
بخاطري اسافر ..بس ____ خايفة من انفلونزا الخنازير
على عيالي خصوصا ان مناعتهم ضعيفة
و عيالي اعمارهم 3ونص و سنه و نص
و هل مازال هذا المرض خطيير ام هناك علاج له
و شكرا

 

[غزالة 83]

سلام شلونج دكتورتنا
انا عندي بنت عمرها 4 سنبن صار لها من شهر ونص تكرمون تبول بفراشها بلبل وبعدين امس العصر وهي قاعدة عندي ماسمعتها الا وهي تبكي وتقول والله ماعيدها قلت لها شفيج انا صراحة اخترعت قالت بلت على نفسي مادري شنو فيها صارت جذي وعلما ان عندي بيبي عمره ست شهور اخاف غييييرة بس قوليلي شنو الحل الله يرحم والديك

 

[mamanoonaa]

السلام عليكم شلونج دكتوره انا بنتي عمرها ثلاث سنين ونص بس اسنانها تتاكل مادري ليش يعني الاربعه الي جدام تاكلو خلاص مافي اسنان والحين الناب بادي يتلف هل ممكن ان الحليب كان السبب بس انا قاطعتها من سنه ونص واول ست شهور كنت ارضعها طبيعي ممكن يكون حليبي السبب

يعطيج العافيه

 

[شمس عمري]

السلام للجميع
انا عندي ولدي عمره سنه بس تعبت مادري وش اعطيه عشان يسمن شوي لانه مممممره نحيف
جربت كل شي حتى الطب الشعبي وحتى انه مايرغب الفواكه ابد
وش اسوي كانه ابو ست شهور

 

[نونو المزيونه]

السلام عليكم دكتوره يعطيج الف عافيه على طولة بالج معانه
بغيت اسالج انا ولدي بعد جم يوم اكمل شهرين و في عنده تطعيم واقولون انا هذا اتطعيم راح تصير فيه حراره اشرايج دكتوره شنو تنصحيني فيه شنو اسويله اول ما اطعمه ؟؟؟
مشكوره و ما قصرتي

 

[الولو]

السلام عليكم دكتوره مشكوره على تواجدج معانا

بالنسبه لولدي عمره ٤ اشهور و نص اسم الله عليه يرضع طبيعي بس بعرف
١. بهالعمر جم دقيقه ارضعه و جم بين كل رضعه و رضعه ؟

ولدي ما ينام بفراشه كل معاي بالفراش ؟؟؟ و انا اخاف عليه في طريقه انه ينام بفراشه؟

انا بديت اوكله على حسب نصايحج مع الشكر لمحهودج معانا

 

[سحااايب]

دكتورة بغيت استفسر منج عن دوا بيرميلان هل فيه كورتيزون وكثر استخدامه مو زين؟؟

ودكتورة ابي علاج للاحتقان بس بدون مضاد يعني علاج يبين مفعوله

ودكتورة ملاحظه لما يبدي معاهم الاحتقان واعطيهم بيرميلان تنزل حرارتهم بسرعه ماشاءالله شنو تاثيرة دكتورة اخاف يكون قوي وموزين لهم بعدين؟؟

واعيالي واحد عمرة سنتين و10شهور والثاني عمرة 11شهر

 

[سحااايب]

والفكس دكتورة مو زين للي باعمارهم؟؟



وال

 

[الباسمه]

مشكوره دكتوره
سالتج عن ولدي قبل والحمدلله الامساك خف حيل مع دوا الحديد
ومن زمان طلع فيه حبوب صغار بدايه رقبته ووديته المستوصف قالو فايرس وعطوني كريم واذا ما خف راح يحتاج كي بارد-بعد فتره انتفخت اكثر الحبوب وبطتهم حماتي وطلع منهم دم والحين يحكها بليل وشكلهم مجروح
اقدر استخدم كريم من الصيدليه؟؟
مع العلم ان عيال عمه منتشر فيهم هالقايرس كل شوي اشوف جم حبه فيهم وولدي انعدى منهم
اذا كويته ما راح ينعدي؟
لان حماتي تقول كل ما طلع بعيالي انظفها وما اوديهم وانا كلششش مو مرتاحه احس هذي الطريقه مو علاااج عبثثث وبس؟؟

 

[جوريةkk]

السلام عليكم ...
لوسمحتي دكتوره انا حامل بالاسبوع السادس و الثلاثين سويت سونار وقالت لي الدكتوره ان الولد فيه اتساع بالحالب 3 ملم وانا خايفه وايد وقاعد احاتي شنو سبب هذا الاتساع وهل هذا الاتساع يجر معاه تشوهات خلقيه ثانيهاوامراض ثانيه ...وشنو علاج هذا الاتساع ..ارجو الرد يادكتوره وشاكره لج تواصلج الطيب.

 

[د. رشــا الصفــي]

يا حياتي دكتوووووووووووووووووووووووورة

والله انج ما تقصريييييييييييييييييييييييييييييين

تسلمين يا قلبي

يعطيك العافية دكتوره على سعة صدرك معانا

الله يعافيج مشكورة

جزاج الله كل خييييييييييير

يجزانا وياج كل خير

حبيبتي شكرا جزيلا
الله يطمنج ان شاء الله

حيا الله مشرفتنا

انا بالخدمة

تآمرين يالغالية

 

[د. رشــا الصفــي]

السلام عليكم ورحمة الله وبركاته

دكتورة رشا مشكورة وما قصرتي على المعلومات ، وعندي سؤال اتمنى انج تفيديني:
ولدي عمره سنة و8 شهور والبلغم مو مفارقنه وعلى طول مزكم صار له اكثر من شهر على هالحال وفك عنه 3 اسابيع وبعدها رد زكام وبلغم ذابحنه كل من يقعد جنبه يسمع صوته بصدره وديته الطبيب قالوا ما فيه حساسية وعطوه ادويه عادية مالت زكام وبلغم بس ما تغير شئ ، وانا قمت اعطيه فترة حليب مع عسل وبعد ما تغير شئ فياليت تفيديني بشئ طبيعي ما ابي ادوية اذا ممكن،، مع الشكر مقدما​

والل بالنسبة للأشياء الطبيعية معلوماتي عنها مثلكم بالضبط

انا ما درستها و حالي حالكم اعتمد عاللي اقراه و اسمعه

يقولون الحلبة زينة للبلغم هالمعلومة قريتها في موقع اجنبي للطب البديل

و منقوع التين

و منقوع البمبر

هذوله تجارب امي العودة اللي يخليها

هذا اللي سمعته

 

[د. رشــا الصفــي]

مساااء الخير ... دكتورة الله يعافيك عندي سؤالين إذا ممكن

السؤال الأول ... ولدي عمره سنه وعشر شهور وهو أول ولد لي الله يحفظه ويحفظ عيالك
بديت اعلمة عالحمام بس مشكلته يخاف يتبرز ويسويها في اي مكان في البيت ولا يرضى يسويها في الحمام ولا يتعصر ولا حتى يكملها إذا شفته سوى شوي منها برا ...يخاااااف من الللي يطلع منه على اني وريته اياه في الحفاظه قبل ؟؟ هل هي ردة فعل طبيعيه والا ؟؟
ابيك تعطيني حل وش اسوي معه ...؟؟؟
وهل تتوقعين ابنجح معه في هالعمر انه يترك البامبرز لأن الكل يقولي الولد مايتعود الا ابو 3 سنين ؟؟ وتتوقعين كم بياخذ مني اسبوع عشان يتعلم ؟؟
وما ادري كيف طريقة الفطام هو يشرب 3 رضعات باليوم سميلاك ؟؟ وعندة الحليب اساسي عند النوم وش اسوي معه ؟
وش احسن حليب بعد مايكمل السنتين ؟؟


السؤال الثاني ... متى افضل عمر لتخريم الأذن للطفله عمر بنتي شهرين ولا خرمتها ؟؟؟
مشكوره على جهودك

بالنسبة لتعويد الطفل على الحمام يفضل بعد السنة الثانية

غالبا قبل جذي ما تقدرين تضبطين الموضوع

بس 3 سنين وايد

افضل عمر تبدين هو لما يكمل سنتين

خليه الحين عالبامبرز و لما يكمل سنتين ابدي علميه من الأول راح يكون نسى السالفة الأولى

بالنسبة للسؤال الثاني

ماله وقت معين تخريم الأذن عادي

انا شخصيا خرمت اذون بنتي قبل طلعة الأربعين و كان كل شي اوكي

 

[د. رشــا الصفــي]

السلام عليكم و رحمة الله و بركاته

يعطيج العافية دكتورتنا العزيزة

دكتورة ابي رايج
بخاطري اسافر ..بس ____ خايفة من انفلونزا الخنازير
على عيالي خصوصا ان مناعتهم ضعيفة
و عيالي اعمارهم 3ونص و سنه و نص
و هل مازال هذا المرض خطيير ام هناك علاج له
و شكرا

والله انا شخصيا ما انصح بالسفر السنة هذي الا للضرورة

المرض مصنف انه وباء و ينتشر بسهولة

و ممكن اي احد يلقطه خصوصا بالمطارات و داخل الطيارة علشان الزحمة و المكان مغلق

بالنسبة للعلاج موجود و اسمه تامي فلو

اذا مضطرة تسافرين لبسيهم كمامات بالمطار و الطيارة بس الأماكن المفتوحة ما منها خوف

و الله يحفظكم من كل شر

 

[د. رشــا الصفــي]

السلام عليكم دكتوره يعطيج الف عافيه على طولة بالج معانه
بغيت اسالج انا ولدي بعد جم يوم اكمل شهرين و في عنده تطعيم واقولون انا هذا اتطعيم راح تصير فيه حراره اشرايج دكتوره شنو تنصحيني فيه شنو اسويله اول ما اطعمه ؟؟؟
مشكوره و ما قصرتي

هلا و غلا الله يعافيج

اي حبيبتي هالتطعيم يسوي حرارة

اللي لازم تسوينه انه بعد اتطعيم تعطينه ادول كل 4 ساعات لمدة يوم كامل

و اول ما تردين البيت تحطين كمادات باردة اول شي على مكان الأبرة علشان نمنع انه يتكون اي تجمع دموي داخل العضلة و هذي الكرة اللي نحس فيها بعد التطعيم ... مو شي خطير بس يعور البيبي

و عقب التطعيم ب3 ساعات تقريبا نبدا بالكمادات الدافية علشان اذا كان متكون تجمع دموي مع الكمادات الدافية يبدا يخف و يروح

و سلامته ما يشوف شر