منو لبست اسنانها الاماميه زيركون ...؟

[خاشووقه]

اتوقع ماراح تفرق لي النص ؟
لأنه اغلب العيادات اللي مريتها اسعارها حيل متقاربه
انتي قاطه فلوس قاطه
يبيلج شي زين

 

[rawan22]

لا بالنسبه لي فرق بالكويت 250 والسعوديه قالي 100 ريال يعني بحدود 80 دينار

شفتي الفرق ؟؟

بس عياده عاديه بس الدكتور شكله خبره مصري وتسع سنوات يشتغل بالعياده

 

[rawan22]

يعني ماادري اخاف اسوي واندم

وفوق هذا بعد مو رخيص بيكلف حدود 1300 دينار..مو شويه حتى لو ارخص من الكويت لان بالكويت بحدود 2400 دينار

 

[خاشووقه]

قصدج عن عيادات بره الكويت
اكيد في فرق بس لو تحسبينها
تذكره وسكن وعلاج
ولو رديتي الديره وحسيتي بالم ولا شي لا سمح الله صار
بتردين تسافرين
قلبيها براسج انا احسها صعبه

 

[rawan22]

خاشوقه انا لي اهل بالسعوديه وعادي الوضع

وارخص بكثير بس قلت لج اخاف اندم واخسر بنفس الوقت

حبيبتي ماقصرتي وياي

شكلي حبيتج :hjy5jewf:

 

[خاشووقه]

حبتج العافيه
عاد اتصدقين اختي معاي وتقولي يمكن اهلها بالسعوديه
يلا توكلي على الله وبشرينا عنج
لا تقاطعين وانا اقولج شصير مع أختج
مووفقه يا قلبي

 

[rawan22]

يسلمووو حبيبتي وان شاء الله اختج ماتندم وتطلع ضحكتها احلى

اتوقع لو يضبط راح نصير اخلاق عاليه انا واختج :eh_s(6):

بس خوفج مايضبط عاد انا نفسي خايسه خلقه واصير متنرفزه والله مشكله الله يعين اهلي حزتها

 

[خاشووقه]

اتصدقين نفس حالى أختي
مسكينه اذا انسدحت بالطبيب من الخووف ترجف
و تخيليني ادش معاها
وايد خايفه واهي مختاره عياده غاليه
تبي شي زين
بس هم النتيجه مجهوووله
وانتي ان شاء الله تطلع ضحكتج من حلاها تكسر العين
نفس الفنانات
وجيكي على اسنان اماني البلوشي ترى مسويتهم
والابتسامه مشرقه مع االاسنان

 

[rawan22]

على فكرة هي فوق وتحت ؟؟

 

[خاشووقه]

على فكرة هي فوق وتحت ؟؟

قصدج عن اسنان اماني ؟ اللي فوق تحت
سوت اسنانها
وسوت دعايه حق العياده بعد
وضحكتها حيل فرقت

 

[rawan22]

مافهمت ؟؟

اقصد اختج وبعد اماني كلهم العلويه والسفليه ؟؟

والا بس اللي فوق

معليش قبل شوي كان الموقع مشغول

المهم قولي حق اختج خليها تقول لها يصغر اسنانها لان المقاس بيكون من الاساس بالحك خل يحكهم حيل عشان يصغر المقاس

وشغله ثانيه اذا كل الفك العلوي هل بيكون كله صفه وحده والا مثلا السته الاولين بعدين الاخيرات منفصلات ؟؟ لان اذا منفصل راح يبان فيه فلجه فعد الناب ولاراح تكون اللثه نازله

ماادري اذا الزيركون يجي صف واحد متواصل والا مثل التلبيس العادي بس سته والاخيرات منفصله

 

[rawan22]

لانه اذا قص حيل راح يكون المقاس صغير والاسنان تكون صغيره بس اذا ماحكهم وصغرهم راح تكون كبيره وبرازه

اتمنى تكونين فهمتي

 

[كسرت غروري]

والله حلووووووووووو انا ابي اعمل بعد اسناني انا بالسعوديه وايش قلتي اسمه زراكون او شي انا سمعت عن الفينيرز وكم يقعد السن يعني طول العمر والا كم سنه حبيبتي ردي لي بسرعه استناك

 

[rawan22]

حبيبتي ترى تفقدين اسنانك الطبيعيه يحكووونها اللين تصير حييييل صغيره ويلبسون لك زيركون

الفينير يختلف هذا يسمونه العدسات الاصقه او قشر السيراميك لها كذا اسم بس تلبسينها على اسنانك عادي وماتفقدين الاسنان

اتمنى اكون افدتج

 

[كسرت غروري]

طيب الزيركون كم يقعد طول العمر والا شلون واي ازين دامك ساله حبيبتي لاني وربي كل شي احاتي هم سنوني
رديى علي حبوبه

 

[rawan22]

على حسب الحاله

يعني اذا اسنانج قويه ومرتبه حرام تفقدينها سوي الفينير تعرفين نيشان اللي بالعراب ؟؟ اسنانه فينير ..احلى شي فيها انها بس زياره وحده عند الدكتور بس تكون عياده معروفه ومتخصصه

والزيركون هو افضل انواع التلبيس للي يحتاج تلبيس وعندك احلام واصاله ونجوى كرم وانغام هذولا مسوين تلبيس زيركون

واي سؤال انا حاضره حبيبتي لايهمج اسئلي

 

[كسرت غروري]

يالبى قلبك بس الله يسعدك انا ابي اعرف تيب
الفينيرز كم يقعد سنه والزيركون مدري شسمه كم يقعد واي الافضل لانك اكيد سالتي اهل التخصص ودي اسناني تكون بيرفكت بصراحه
يعني الزيركون يقعد طول العمر ؟؟؟؟؟؟؟؟؟؟ الفينير بعد وبس حبيبي ادري طفشتك لبى قلبك

 

[rawan22]

اذا تبينها بس تجميل انصحج بالفينير لانه ماتفقدين اسنانج وتقدرين تشيلينه اي وقت

وبنفس الوقت ماياخذ معك وقت ولا مراجعات


بس الزيركون هذا تلبيس يعني يحكوون اسنانج حييييل اللين تصير صغيره حييل وبعدها يسون لك بمعمل على مقاسك يومين او ثلاثه تنتظرين اذا مو اكثر

وبعدين يلبسونها يلزقنها بطريقتهم وبعضهم تضبط وبعضهم لا

انا انصحج لا تسوين حك للاسنان لان الاسنان نعمه من الله

خليج على الفينير احسن واحلى وشكل طبيعي الفينير يسوي لك اسنانك على طبيعتهم بس بيييضه حيل واذا سن منعوج او لاف يعدله له

وهي مثل عدسه العين شفافه بس تعطي بياض تلبسينه فتره وتقدرين تغيرينه او تشيلينه


بس التلبيس لا تفقدين السن وتصير التلبيس اذا مضبوط حدود 15 سنه وتقدرين تغيرينه بس مايرجعون اسنان لانها تنبرد

اتمنى اكون افدتج بس نصيحه لاتبردين اسنانج

 

[كسرت غروري]

لبى قلبك مشكوووووووووووووووره عاد انا سالت دكتور عندنا بالسعوديه وطفشني انا نابي اليسار شوي بارز ماحبيته ابي اسناني كلهم صف وبطريقه حلو مابيهم كلهم حجم واحد لا ابيهم زي ابتسامة هوليود بشكل حلو وكنه طبيعي مو زي بعض اللممثلات الاسنان كلهم حجم واحد وععععععععععععععع مبين مصطنع
عاد انا قبل فتره شفت الدكتور وليد زراقط على شاشة الجرس مع ندى وخذيت رقمه وشكلي برسله صوره لاسناني بصوره له بكذا وضع واستشيره لانه مو شاطر الا عبقري وترا فنانات هوليود عنده اعلبهم له عيادتين ببيروت والثانيه بامريكا وانا محتاره ومدري شسوي الدكتور اللي عندنا عيا يسوي لي يقول انتي كتير مهضومه وضحكتك مهضومه حلو الشي الطبيعي حتى لو كان لاف ....اقول لك بط كبدي مدري شسوي لمين اروح والا ايش اعمل واحترت وعندي رقم الدكتور وتو ذكرتيني فيه شكلي بصور اسناني له وارسله له باي شكل ابي استشاره
ومشكوووووووووووووووووره حبيبي واذا تبين رقمه حاضره
ادري طفشتك الله يسعدك ويوفقك وينولك اللي ببالك يارب

 

[rawan22]

خلاص حبيبتي دام الدكتور قالج اسنانج حلوه نصيحه مني لاتحكينهم وتخسرينهم

خليج على العدسات الفينير لانه اذا ماعجبتج عادي ترجعين لوضع الاساسي عكس التلبيس والله ماانصح الا اللي محتاجه

والله يوفقج