صور صور ... صلعتي ...حصري لكويتيات وبس..صور ..صلعتي..صور..صلعتي..صور..صلعتي..صور..

[nora ali]

بنات حطيت موضوع قبل هذا ومحد تفاعل وايد
قلت احط لكم صوره الصلعه يمكن تحنووووووون علي شوي
شعري يطيح من 3 سنوات
جربت كل شي
ابر
كريمات
مساج
انبولات
حنه
كثيره
سدر
دهن الدنيا كلهها
ميزو
ما خليت شي
تحاليلي اوكي
هرموناتي سليمه
3 سنوات شعري يطيح وانا غلطانه سكت عنه
لا صلعت
شويه من جدام
رحت الطبيب
عال قطينه
عنده للزراعه الشعر دكتور حيييييييييييييل شاطر يقولون
اسمه عمر الحشاش
طبعا قالي زراعه بالطريقه الحديثه
1000 شعره
1500 دينار
بنج موضعي
بدون الم ولا جراحه ولا شق ولا دم ولا شي واطلع واروح البيت
مده الزراعه 3 -5 ساعات
من ورا الى جدام
وبعدها اسوي الليزر الي عندهم والميزو والالحبوب ال يبيعطيني اياها
موعدي 4-7-2009
الي عندها تجربه مع دكتور عمر الحشاش مصري الجنسيه يشتغل بعياده عادل قطينه فرجينيا كلينك
تقولي
نداااااااااااء
الي مسويه او تعرف احد يمدحه تقولي
انا موعدي قريب
اخليكم مع الصور​

علا فكره
انا ابدا ما كنت جذي
انا كانو يوقفوني يسالوني عن شعري من كثر ماهو طويل وحلو ووايد
كانت ايدي تخدر لما امشطه
من كثره
بس صارله 3 سنوات يطيح بشكل يخرع
لما وصلت هالحاله​

 

[ريح الخزامى]

ياااا حيااااتي


ماادري ماعندي فكره بس ما حبيت اطلع بدون رد

انزين جربي ترقين نفسج بالقرآن الله العالم يمكن يفيدج؟

 

[Super_Star]

والله ما عندي فكرة و انشالله البنات يفيدنج

والله ما تدرين شكثر ضاق خلقي عليج لما شفت الصور

الله يشافيج يا قلبي و يطلع شعرج من قبل و احلى يـــــــــــــا رب

و على فكرة ساعات الشعر يطيح من الحالة النفسية مو شرط الهرمونات

 

[şώέέţү qţя]

والله مادري عنه لاني مو بالكويت

وماحبيت ادخل وما ارد عليج واقولج اللي عندي

جربتي خلطة الجرجير او الثوم ؟؟؟ اذا تبينها بقولج اياها او اي وحده تبيها انا حاضره لايردكم الا الخاص

ترى هالخلطتين معروفات ومنتشره بالنت وتطلع الشعر تخليه يفورر يطلع شعرج اللي طاح مع الاستمرار والملاحظه


اي استفسار اذا ماحصلتوها بالنت او شي عندكم الخاص انا حاظره واذا شفت عليها طلب بنزلها بالموقع حاظرين لطيبين

 

[nora ali]

والله مادري عنه لاني مو بالكويت

وماحبيت ادخل وما ارد عليج واقولج اللي عندي

جربتي خلطة الجرجير او الثوم ؟؟؟ اذا تبينها بقولج اياها او اي وحده تبيها انا حاضره لايردكم الا الخاص

ترى هالخلطتين معروفات ومنتشره بالنت وتطلع الشعر تخليه يفورر يطلع شعرج اللي طاح مع الاستمرار والملاحظه


اي استفسار اذا ماحصلتوها بالنت او شي عندكم الخاص انا حاظره واذا شفت عليها طلب بنزلها بالموقع حاظرين لطيبين

شنو هالخلطه بعد عفيه عطينا اياها
اذا فعلا اطلع الشعر من اماكن خاليه

 

[Gypsy Style]

حبيبتي حاولي تغسلين راسج بماي زمزم مقري عليه وادعي
ماتدرين بعد يمكن عين

 

[T.K.D]

الله يعيينج حبيبتي

مادري شقولج بس انشاااااالله ياارب شعرج يصيير كثيييف

 

[Bamya]

ان شاء الله الزراعه تريحج وترجع شعرج لأيامه حرام وايد طايح من جدام

 

[فـرفـر]

انتى حالتج ان شاء الله مو ميأووس منها في ناس كلش ماكو شعر الله يعينهم


انا خالتى كانت صلعتها بشكل ماتتخيلينه انتى شعرج كثيف عندها


المسكينه ماخلت شي ماسوته


اخر شي استمرت علي السدر سنتين وماشاء الله 60% من صلعتها صار فيها شعر





استخيري وتوكلي علي الله


وبشرينا علي النتايج

 

[>>روضـة الحسـن<<]

الله يشفيج



تكفين نوره ياليت تحطين الخلطه عشان الكل يستفيد

 

[Q8Lady]

صلعتج اهون من صلعاتي اللي بكل مكان وحدة يالله الحمدلله على كل حا والحمدلله على الصحة والعافية

 

[lalaaa]

وااله انا مثلج
يس استخدمت الحنا والسدر لمدة سنه ونص معدل مره بالاسبوع والله
تغير شعري وطلع الشعر
ماشاااااااااااااااااااااااااااااااااااااااااء الله

 

[um fawaz]

انا رفيجتي كانت نفسج قبل عرسها راحت عند صالون برونيل بو الخلطات .. اكيد تعرفينه اشتغلت عليها خلطات ثوم
والله انه طلعها هذا الشعر الصغير اللي يسمونه بيبي هير ..ليش ما جربين ؟!
حتى انا اشتهيت اسوي بس قالت لي ما يصير احطلج ثوم لان شعري فيه قشرة

 

[رشيديه كووول]

ولله كسرتي خاطري صج الله يعينج ويشافيج , بس احس ان زراعة الف شعرة حيل اشويا , يعني انتي يبيلج مو اقل من الفين شعرة عشان

يبين , بس انتي ليش مترددة من الزراعة ؟؟ اتوكلي علي لله وسويها دام ما استفدتي من الخلطات والحنة والميزو , ونصيحة اقري صورة

البقرة كاملة علي راسج لمدة 40 يوم يمكن تكون صايبتج عين قوية عشان جذي طاح شعرج وما استفدتي من العلاجات كلها .

 

[هيوونه@]

الله يعينج يا قلبي ويشافيج يارب

 

[(فطومه)]

الله يعينج والله عورتي قلبي ان شاء الله البنات يساعدونج

 

[كرستالهـ]

الله يشفيج ياااااااااااااااااااااااارب ياحي ياقيوم
انتي فيج عين احد حاسدج
روحي للحداد واتسبحي بماي زمزم مقري وسدر وملح واشربي ع طول ماي زمزم مقري >>اشهر او اسبوعين
واقري سوورة البقره 40 يوم كل يوم اقريها مره
والله راح تشوفين النتيجه وراح تطيبين باذن الله
واذا تعرفين او شاكه بناس حاسدينج اخذي اي شئ منهم حتى لو نعالهم اكرمكم الله ونقعيهم بماي وتسبحي بالماي
واذا تلبسين طاقيه اللي هي قبعه ترا اهي تحت الشعر
وتذكري قبل شلون كنتي تعتنين بشعرج وسوي نفس قبل
وانطرج ياقلبي تبشريني

 

[q8 nono]

شوفي حبيبتي اول شي ابتعدي عن الميزو و الابر لان اشياء حديثه ما تدرين عن مضارها

و نصيحتي لج خلج عالحنه و شوفي لج شامبو طبي ابتعدي عن الشامبوات ملوت الجمعيه و في تونك حق الشعر ياباني ماركة كامينوموتو تحطين على مقدمة الراس استمري عليه مو اقل من 3 اشهر و انشاءالله تلقين نتيجه طيبه و هالله هالله بالحاله النفسيه ترى تأثر عالشعر واااااااااااايد

هذي صورة التونك و انشاءالله اكون افدتج

 

[البارونه سارونه]

​

حبيبتي والله عن تجربه انا بعد الولاده تساقط شعري لدرجة اني وانا اتسبح شعري يسد فتحة البانيو من شدة تساقطه واخذت كمينوموتو تونيك من الصيدليه وصرت استخدمه والله اني رحت لبيت اهلي وكنت رافعه شعري كله مع غرتي يعني مافي شي على وجهي وقالتلي امي انتي قاصه غرتك قلت لا اثاريه بداية شعري صغير نابت والله اني الا الان استخدمه بس يبيله طولة بال يعني الي ثلاث سنين عليه كل بعد سته شهور استخدمه واسفه على الاطاله

 

[جلاديلياس]

يابعد قلبي انتي حالتج مافيها خوف وفي ناس العن منج يالغاليه النفسيه اهم شي لها دور كبييير وايد وجربني اتحطين كثيره من الحواج صدقيني وايد زينه او ثوم دقي وفركي فيه القمه بالأسبوع مرتين . وبالنسبه للزراعه انا ما أأيدج حماتي سوت والتهبت قمت راسها وصارت لها مضاعفات اكثر وهالدكاتره بس حق لفلوس جاهزين ولي صار شي يقولج جسمج ماتقبل والله يشافيج حبيبتي