الأخت مرمر .. السلام عليك

[ام عبدالملك]

الغالية مرمر السلام :ggdw:عليك ورحمة الله .. أنا أم عبدالملك طفلتي الحلوه ( حور ) عمرها الآن شهرين وبحمد الله من فئة متلازمة داون .. أرجو أن تزوديني بنصائحك الغالية حول آلية وكيفية التعامل معها من الناحية النفسية والعضوية .. دعواتي لك ولجميع الأمهات أن يجزيكم الله خيرا ..

 

[& الذاهبه &]

الله يخليهااا لج انشااء الله

 

[ام عبدالملك]

مشكورة ام خالد .. لا تحرموني من دعواتكم ونصايحكم

 

[مرمر]

الغالية مرمر السلام :ggdw:عليك ورحمة الله .. أنا أم عبدالملك طفلتي الحلوه ( حور ) عمرها الآن شهرين وبحمد الله من فئة متلازمة داون .. أرجو أن تزوديني بنصائحك الغالية حول آلية وكيفية التعامل معها من الناحية النفسية والعضوية .. دعواتي لك ولجميع الأمهات أن يجزيكم الله خيرا ..

حياج الله باالغالية
اسم الله عليها حور ويحفظها لج انشاءالله

شلون تغذيتها رضعتها زينه ولا ضعيفة
الرخاوة بالاطراف
التركيز
فيها الله يحفظها الغدة او القلب
ولا تحاتين ايدنا بايدج وكلنا خوات بهالمنتدي
خلينيا نساعدج ونساعدها بمعرفتنا بالاساسيات

 

[ام عبدالملك]

الغالية مرمر السلام عليكم بالنسبة لبنتي حور سوينا لها اختبار للغدة وننتظر النتيجة وزنها اقل من الطبيعي اعطيها اللحين زيت كبد الحوت واعرضها للشمس واسوي لها تدليك الحمدللة تتابع الاشياء الملونة بس احس ماتسمع فيها رخاوة واكثر شي في الرقبة لك مني صادق الدعوات

 

[مرمر]

عادي جدا الرخاوة خصوصا الرفبة سبحان الله

الوزن بسبب قلة الرضاعة لو تلاحظين تقعد حبيبتي ترضع وتوقف لين موعد الرضعة اللي وراها وهي ما خلصت رضعتها

استخدمي محلمات سنتر بوينت وايد زينين احسن من اللي بمذركير والصيدليات

اذا تتحمل النوم علي صدرها حطيها وهي بتعصب وتبجي وشوي شوي تحاول تشيل راسها وتحركة وهذا احسن شي للرقبة
اذا ما تتحمل حطيها علي صدرج بنفس الحركة وتلاحظين متي تتعب شيليها
سدحيها وحطي ايدج تحت ريلها خليها تدز عمرها تقوي عضلاتها
العجيب تراب البحر وقفيها ودفنيها راح تحاول تسحب ريولها حتي لو ما حسيتي بس تتقوي شوي شوي
حطي الوان بوجهج خليها تطالع مدي لسانج خل تطالع
كلميها وانتي ماسكة راسها باتجاه وجهج
دوري الالعاب باصوات والعاب سارات المطافي والسمكة المهم الضوء والعاب صوت وضوء حطي كل لعبة شوي شوفي شنو يشدها
وبدلي ولاحظي هل نفس الشي يشدها مرة ثانية

 

[ام عبدالملك]

مشكوره وما قصرت أختي ... الله يعطيك العافية ... ويجزاك الجنة

 

[HearT ChocolaTe]

ما شاء الله اللهم بارك الله يعطيج العافيه يا مرمر ..عسى الله يطمنج على الغاليه بنيتج
ويطلعها لج بالسلامه اللهم آمين ... الدعاء فديتج يا أم عبد الملك لمرمر بالشفاء العاجل
وعسى الله يشفيلج حور ان شاء الله

 

[الصابرة المحتسبة]

اذكروا الله على مرمر يعل ربي يحفظها وعيني باردة عليج يامرمر ولا إله إلا الله وماشاء الله تبارك الرحمن

 

[ام عبدالملك]

مشاء الله لاقوة الابالله اسال الله العظيم رب العرش العظيم ان يشفي مرمر وجميع مرضى المسلمين انه على كل شي قدير

 

[gakgak]

الله يجزاج عنه الف خير

 

[ام ناييف]

السلام عليكم مبروك العروسه
والله يواجرك ويواجرنا ان شاء الله
اهتمي بالرضاعه وضبطي الساعه لانها ممكن تنام 12 ساعه وما تقوم للرضاعه
بس لما تضبطين الساعه تبدا تقوم وقت الرضاعه
يمكن لاحظتي انها ما تبكي فانتبهي لها اكثر
والله يخليها لج ويخليج لها

 

[ام عبدالملك]

الله يعطيك العافية أختي أم ناييف ... مشكورن الله يخليكن ويجزاكن خير خواتي على نصايحكن

 

[مرمر]

ما شاء الله اللهم بارك الله يعطيج العافيه يا مرمر ..عسى الله يطمنج على الغاليه بنيتج
ويطلعها لج بالسلامه اللهم آمين ... الدعاء فديتج يا أم عبد الملك لمرمر بالشفاء العاجل
وعسى الله يشفيلج حور ان شاء الله

يا بعد عيني يا ام عزوز

ايييييييي الخاله تبين غلا الجنة

الله لا يخلينا

 

[مرمر]

اذكروا الله على مرمر يعل ربي يحفظها وعيني باردة عليج يامرمر ولا إله إلا الله وماشاء الله تبارك الرحمن

جزاج الله خير يالغالية ويخلي لج يسوفي ويبلغج فيه وباخوانه
عسي الدنيا ما تضدج يا حضرة الناظرة

عقب هالمديح رقيني مدرسة اولي:dddds:

 

[مرمر]

مشاء الله لاقوة الابالله اسال الله العظيم رب العرش العظيم ان يشفي مرمر وجميع مرضى المسلمين انه على كل شي قدير

جزاج الله خير ياام عبدالملك ويخلي لج ما عطاج

شلون بنتنا

 

[مرمر]

الله يجزاج عنه الف خير

شفايدة الخوات
اهني احنا خوات والله يعلم مع ان مانعرف بعض معرفة شخصية بس الله لا يبين غلا احد من عيالنا

ويعين الامهات اللي الوحدة تفتخر بمعرفتهم
كل ام موجودة ما تواجدت الا من اهتمام بولدها او بنتها تدور وتتعلم وتبحث

الله لا يخسر تعبكم انشاءالله

 

[مرمر]

السلام عليكم مبروك العروسه
والله يواجرك ويواجرنا ان شاء الله
اهتمي بالرضاعه وضبطي الساعه لانها ممكن تنام 12 ساعه وما تقوم للرضاعه
بس لما تضبطين الساعه تبدا تقوم وقت الرضاعه
يمكن لاحظتي انها ما تبكي فانتبهي لها اكثر
والله يخليها لج ويخليج لها

حياج الله يا ام نايف

 

[HearT ChocolaTe]

يا بعد عيني يا ام عزوز

ايييييييي الخاله تبين غلا الجنة

الله لا يخلينا

حبيبة قلبي يا مرمر .. عسى عينج سالمه

 

[ام عبدالملك]

حياك الله اختي مرمر حور انشالله بخير احاول ادربها وادلكها بس كثير نومها الله يعين بشري عن بنتك الله يحفظها على فكره اختكم من السعودية من القصيم الله يجمعنا واياكم في الجنة