هلا والله بلاك & وايت
مشكوره حبيبتي عالدعوه الحلوه وان شاء الله انتي اتسوين خشمج ويطلع اوكي :eh_s(6):
افااا عليج سألي اخذي راحتج <<< تذكر روحها لما كانت بتسوي ادوور احد تسأله
قطوتي وخيتي ماقصرت ردت على جم سؤال :68_asmilies-com:
شوفي ,مكان العياده في بنيد القار (هيلث كير كلنيك ) رقمهم 22511522
فتح الملف ومع اول زياره له طلع علي 25 دينار
ولما دخلت عالدكتور طلعت وانا متفائله حدي ومرتاحه نفسيا <<< اهم شي الراااحه النفسيه :ada:
لان حسيت انه شاطر وفاهم مثل مامدحوه لي ,واهوا شرح لي شنو الاشياء اللي تحتاج تغير بخشمي قبل لا انا اقوله ,وكلامه بالضبط نفس الاشياء اللي كنت ابيها
المهم وقالي ان اهوا عااااااادة الويه عنده بعد العمليه مايصير ازرق وفعلا كلامه عدل لان كان في بنت براا صاير لها اسبوع ويايه اتشيل الغرز ماشاااء الله ويها حيل طبيعي مافيه زراق وموذاك الانتفاخ وحتى البنت والله قالت لي انها ماتعبت وايد وان ايد الدكتور خفيـفه ماشاء الله
المهم وقالي ان التنفس بعد العمليه باسبوع لي اسبوعين تبدين اتحسين انج ترجعين تتنفسين
وان بعد العمليه ينزل دم خفيف من الخشم وهالشي طبيعي
والاهــــــم من هذا كله ان اهووا الوحيد اللي مايحــط فتايل بالخشم
والفتايل يقولون شيلتها بس عقب العمليه من الخشم تذبــــح :eh_s(1): على قولة اللي مسويييين
وطلب صور وسي دي من فوتو كينا طلع علي 18 دينار
وتحاليل دم , انا سويتهم في مختبر السالميه فوق مروش اطلعت علي تقريبا 30 دينار
وقالي ان اهوا شغل ايده 800 دينار ,ويسوي العمليه بمستشفيين الهادي 270 والسلااام 320
وانا اختار ايهو افضل
انا اخترت الهادي وقالي اتنامين ليله وتطلعين
وعقبلها قالي حددي مع السكرتيره اي يوم تبين واهيا تعرف اذا في مجال ولا لاء
انا طبعا من طلعت حددت اسبوع بعد هالزياره<<< مستعيله ومابأذنها ماي :ada:
ولااا تقولي مافي مجال عنده جم عمليه ,,تبين 5/7 ؟ ضاق خلقي
قلت لها سجلي اسمي احتياط و حاولي تاريخ 28/6 اذا في احد كنسل او مادفع الفلوس امبجر انا ابي
ولا تتصل علي وتقولي( يو آر لااااكي) لوووووول ورحت الاربعااا ودفعت فلوس الدكتور وعطيتهم الصور والتحاليل
ووقعتني على ورقه طبعاا لازم عشان عمليه وعطتني ورقه فيها تعليمات وعطاني الدكتور ورقه دخول مستشفى ولازم اروح صايمه قبل العمليه ب 6 ساعااااااات عالاقل
ورحت يوم الاحد كان عمليتي وسويت الدخول وخذوو مني بالهادي 270 وزياده 100 دينار تامين وبعدين رجعوها
وكانت الساعه 1,30 وعمليتي 6 لان في اربع حالات قبلي
طبعا نزلوني وانا قلبي يرررررررقع وخفت واقول امبيه لا امووت
ومابقى دعااااااااء ولا آآآآآيه ماقلتها ,,وبعدها شفت الدكتور منذر وسلم علي وقالي لاتحاتين ان شاء الله العمليه سهله وذكرني بالاشياء اللي ابيها تتغير بخشمي
وبعدها دكتور البنج عطاني كمااااام قال هذا اكسجين وانا ادري انه البنج <<<< سامعه من البنت اللي شفتها بالعياده
واشم واشم واقول بقلبي يلااا ابي ادوووووووووووخ
بعد دقايق ماحسييييييت بوعي
ولااا السستر تناديني وتقول خلاص عمليه وتنقط بحلجي مااااااي وانا اقول ابي مااي
عطتني شوي لان مايصير لازم بعد 4 ساعات من العمليه
وبعدها صعدوني الغرفه وعطوني ابره مسكن ونمت
كنت احس بالم وقت البلع لما ابلع ريجي بحنجرتي , قالو لي هذا من البنج ,,وظل هالعوار يومين قطيعه بايخ
اما عوار العلميه ماحسيت فيه والله ,لان كله مسكنااااات
ويابو لي برررد وجلي اكلت برد وبعدها الادويه
ثاني يوم الظهر طلعت والدكتور كاتب لي مضاد حيوي وغسول للخشم ومسكن اخذه كل 4 ساعات وكان صج مريحيني وبعدها خامس يوم قمت اخذه كل 6 ساعات لان خفييت وصرت احسن
ويهي انتفخ ثاني وثالث يوم<<<<< صرت جني طاااقه ابر تفخ لووووووووول
وصار تحت عيني شووووي ازرق
عاد انا قلت ليش الدكتور قال مايصير ودقيت سالته قاااال عاد غريبه قلله اللي يصير فيهم
بس ترااا عااااادي فيه ويه حساس مايتحمل ,وبعدها حطييت ثلج
وبعدين قالوا لي هذا ترا ولاااا شي مقارنه في بنات بالعايله سوو خشومهم بايران لاسبوعيييين الويه كله كدماااات وزراااااااق يخرعون )
خامس يوووووم راااح كله وفش الويه , عاد انا طحت له تصوير لووووووول قلت للذكرى
ورحت له امس صار لي سااابع يوم وشال الغرز وماشاء الله ايده خفيفه سهالات
وحط لي اللزقه الصغيره ولونها لحمي نفس لون الجلد وعطاني جل احطه يشيل اثر الغرز بسرعه
ولازم اروح له بعد اسبوع على اساس يشيلها ويعلمني المرحله اللي بعدها شلون عاد اهتم بخشمي :eh_s(6):
انا صراحه ماتحسفت ومستانسه اني سويت خشمي واهوا الحين مبدئيا مع انه متفوخ شوي
وشكله ماشاء الله حلووو وعلى كلام الدكتور بيصير بعد واااايد احلى :ada:
اهوا اللي يتعب ان ماتتنفسين اول جم يوم وان لازم لمده شهر بعد العمليه اتنامين على ظهرج , بس لازم تصبرين بعد ماكو شي من غييييير تعب ,والاكل طبعا ماتقدرين اول جم يوم الا تاكلين اشياء ناعمه وشوربه وعصاير
انا نزل وزني كيلويين لوووول احسن
توكلي على الله وسويها لاتخافين وتحاتيين
ترا سهالات واذا انتي محتااااااره سوي استخاره
وموفقه
