تجمع المسافرات الى لندن شهر 7 وشهر 8 ؟

[al_3needa]

حبيبتي فديت روحي طمنينا عالوالده أشلونها ألحين؟ وأنتوا اشلونكم عسى محد فيكم تعادى بعد؟ أتوقع فلونزا عاديه لاتخافون هذا من البرد ديروا بالكم لاتتسبحون وتطلعون!!! بنات محد راح كوفينت غاردن ترى حلوه تونس حق التمشي وهي سوق ومحلات خل أقول لكم على محل فيها مثل لاسنزا يبيع بجامات وتيشيرتات مع شورتات شغلات حلوه حق البيت أسمه ديفيد أند غولياث وألحين عنده تنزيلات! خل أتأكد من السايت مالهم وأحطه لكم ألحين

هذي وين فيه؟؟؟

وكيف الوصول اليها؟؟؟

وعباره عن شنو هي؟؟؟

وسوقها يسوى فعلا؟؟؟


وشكرا لج اختي مروووو

 

[الدلال]

ماتشوفين شر فديت رووحي

وطمنينا على الوالده وعليكم

الا بسألج سلفرج مسوي خصومات على شنو بالضبط ومتى تنتهي؟

 

[MissChoco]

مشكووورين بنات

وانا ارقام الباصات حدهم انمسحو من مخي نسيتهم ههههههه


بس ماقلتولي اسعار الشقق على جم؟

 

[mr000]

جبيبتي اللي سألت عن كوفنت غاردن آنا رحت لها بالتاكسي مو بعيده 10 دقايق وهي سوق ومحلات وكافيهات ومطاعم حلوه تونس بالتمشي والتسوق! والأخت اللي قالت عن برمنجهام ومصنع الكادبوري آنا كنت بروح بس لما سألت الريسيبشن بالفندق هم اللي قالولي أنه بالقطار أكثر من ساعتين بحدود ال3 ساعات فهونت مارحت أن شاءالله المره اليايه أروح وعن سعر الكاكاو في وحده صديقتي رايحه وقالتلي أنهم شروا كرتون الفليك وايد أرخص! يعنس سوري موقصدي أعطيكم معلومات غلط بس هذا اللي قالولي! عموما منكم نستفيد حق السفرات الثانيه ان شاءالله مشكوره!

 

[mr000]

حبيبتي كويتيه العفو وان شاءالله تستانسون كلكم بسفرتكم!! آنا جربت لندن بالصيف كذا مره وهالسنه جربتها بالأيستر وودي سنه اليايه أروح لها بالكرسمس لأنه ولدي عنده عطله أقدر آخذه بس قايلين لي وايد وايد برد وثلج أخاف نمرض ومانستانس بس ودي أشوف تنزيلات الكريسمس!

 

[mr000]

حبيبتي فديت روحي آنا هالسنه كنت بروح الليقو لاند بس ولدي كبير بالمتوسطه قال مايبي يروح بس أخوي كان مودي بنته صغيره استانست أعتقد أنها تصلح حق اليهال قصدي مايسوى العنوه لها أذا مامعاكم يهال! بس تصدقين لندن زوو حديقة الحيوان اللي بريجينت بارك تونس حتى حق الكبار آنا بكل سفره أروح مع عيالي وبعدين هي قريبه من ريجينت ستريت يعني تكملين يومج بالتسوق هناك!!

 

[MissChoco]

بنات حجزو شقق من النت؟؟


وابي شقق باجورود موقع يطلعلي اياهم ؟؟



وفكتوريا اي صوب؟

 

[mr000]

صج بنات آنا ماأشوفكم تقولون رحتوا ريجينت ستريت؟ مارحتوا له بس حدكم أكسفورد؟ روحوا ريجينت ستريت ترى يسوى فيه محلات وايد واللي عنده يهال ترى فيه محل هامليز مال الألعاب حلو حق اليهال!

 

[q8tia27]

مروو حتى سلون ستريت واولد بوند ستريت روحو شوفو محل جينا جواتي وصنادل تكرمون حلوييين وكله شوارفسكي بس حيل غاليين وفي اشيا حق عروس اسمه gina اتوقع اتعرفونه
فديت روحيث مشكووره حبوبه انج سالتيلي انا صراحه شفتها بالسايت مالهم قوتشي لندن uk حيل عجبتي مربعه شوي بس يمكن نيو كولكشن على قولتج وبيوصلون بس هم مشالله الخيجيين مايخلون شي اذا وصلنا انشالله اروح الوتيك اشوفها
سلمي عالوالده وحمدالله على سلامتها

 

[فديت_روحي]

misschocco
احنا حجزنا فندق من الكويت ويوم واحد

واليوم الي بعده من الصبح رحنا مكاتب مكاتب اجانب حق تأجير الشقق واهما يودونا شقق ويورونا اياهم على الطبيعه ويخلونا نختار الي نبيها

اذا اعجبتنا نأجرها واذا ماعجبتنا ناخذ غيرها

نصيحه سوي مثلنا

لان شقق الاجوررود اغلبها وصخه وموزينه ,يعني يقولون بنات شايفينها بالصور حلوه ,بس بالصج فيها فيران ووصاخه

نصيحه سوي مثلنا,,

احنا شفنا الشقق بعيوننا وأجرنا وحده عجيييييبه تيين نظااافه ويديده
من وحده لبنانيه اسمها غاده وهذا رقمها 007775558886

قوليلها من طرف سعاد اذا دقيتي
واهي عندها شقق وايد بلندن وتأجر الي تبينه

والسعر على حسب حجم الشقه ,,احنا شقتنا كبيره 3 غرف و 3 حمامت وصاله ومطبخ كبير
وفيها كل شي شسوار وميكرويف وغساله ونشافه ومنشر وخلاطه ومكيف وستيريو وتلفزيون وستلايت وشراشف يدد حاطتلنا ووكللللللل ما يطري على بالج
حتى شطافات بالحمام فيه (لان معروفه حماماتهم بدون شطافات)
حتى الحمامات حلوه..

وكل شي نظيف ويديد,, الله يعطيها العافيه..

بس هذي الشقه بالاسبوع ب 1700 جنيه,,

سعرها معقول وكبيره لانها يعني لو تبون اصغر بيقل السعر اكيد
واحنا مكانها ورا الاجور رود,,
********************

مروه انا جني رحت ريجنت بس ما ادري اذا هذا ريجنت ولالا,انا مشيت شوارع وايد بس ما ثبت اساميهم ههههه بس اعتقد مريت عليه بس ما دشيت محلات,,

انشالله باجر اذا قمت الصبح بروح بريمارك وبروح هاوس اوف فريزر انشالله


الدلال,,
الشر ما اييج ياقلبي

مسوي على شغلات معينه

على الهدوم والاكسسوارات بعضهم مو كلهم

بس مو مسوي على االمكياج والعطور

وهذا الدور الارضي الي رحتله والادوار الباجي مامداني الصراحه اروح له اليوم,,

 

[فديت_روحي]

مروو حتى سلون ستريت واولد بوند ستريت روحو شوفو محل جينا جواتي وصنادل تكرمون حلوييين وكله شوارفسكي بس حيل غاليين وفي اشيا حق عروس اسمه gina اتوقع اتعرفونه
فديت روحيث مشكووره حبوبه انج سالتيلي انا صراحه شفتها بالسايت مالهم قوتشي لندن uk حيل عجبتي مربعه شوي بس يمكن نيو كولكشن على قولتج وبيوصلون بس هم مشالله الخيجيين مايخلون شي اذا وصلنا انشالله اروح الوتيك اشوفها
سلمي عالوالده وحمدالله على سلامتها

هلا كويتيه
الله يسلمج ياقلبي
اي فيه مربعه كبيره زرقه بس يقول سولد أوت

والباجي اليدد بيوصلون بعد اسبوع يقول

 

[MissChoco]

فديت عمري اي احنا كل مارحنا لندن نسكن بكمبرلاند ليلتين وبعدين اندور شقق وفي من اهلنا الحين بلندن وامي بتوصيهم يشوفولنا شقه نظيفه
بس انا شفت الي بالنت حلوين بس دام على قولتج بالنت نظيفه وبالصج مو حلوه, ابركلي ماحجز ولا اشوفهم :××





وصج بنات تعرفون شغلالالات حق عرااايس؟؟؟ يعني كريمات ولوشنات وانتو بكرامه جواتي نفس المحل الي قالت عنه كويتيه وعطور غير توم فورد لانه ماعجبني وترش لانه احسه صار هبه :×
وسوالف بودر لمعه حق الجسم وجذي ,, وبينيفت عندهم سوالف حلوه؟؟ مو موجوده بالكويت لانه هالماركه الكل يمدحها بس انا ماتعجبني :\\

 

[فديت_روحي]

هلا والله اي زين تسوون

احنا سكنا ب thisleبعماره نكست باكسفود ماربل ارتش

وبنفت حلو بس مو كل شي عنده زين انا جربت وااايد اشياء منه من الكويت شاريتهم مو كل شي عجبني

وهذي بودره الجسم الي حق العروس بس تقعد جم ساعه وتختفي من الجسم !جنه مالوت يهال اغراضه
بس اليوم من سيلفرجز كان منزل شي يديد بس شدوات وجذي خذيته اجربه حق السموكي آيز

والكريمات واللوشنات فيه بهارودز وفيه بالسلفرجز مكان المكياج والكريمات وايد ماركات ماعندنا اياها حلووووه حق الجسم فيه هيربز الي اهي اعشاب وفيه بعطور وفانيلا وجذي
حتى اليوم جربو علي كريمات حلوه على وامس على فانيلا ومادري شنو بهادرودز و وقالت ان هذول من البسيت سيلر ,ماركه امريكيه مادري شسمها ومنتشرره بامريكا ويقولون مافيه منها بالخليج الا بدبي بس ليلحين مافتحت بيخططون انهم يفتحون بدبي

وتقول من البيست سيلرز كريماتهم

اجيك لج على اسم الماركه واقولج,,انا مااهتميت حق سوالف كريمات الحين هههههه لان ابالي كان مكياج وبس

والجواتي والله مادري انا لحد الحين مادشيت الا باراتس مادري باروتس وسيلفرجز فيه داخله جواتي وايد وكل الماركات تينن

والعطورات انا اساسا مو عاجبني توم فورد عندي اياه بس ما استخدمه وعطيته وحده عاجبها ههههه
وترش اليوم شميته مو وايد حلوو :\ الي خابيننا عليه بس مو وايد عاجبني

وبالنسبه حق البودره ولمعه الجسم

شوفي انشالله يساعدونج البنات

واذا ماساعدوج تدرين شتسوين؟
روحي السلفرجز وافتري على محل محل اقصد ماركه ماركه ,داخل وكل واحد سأليه عن هالشي الي تبينه
واول يوم القي نظره عليهم وخل يجربون فيج
وبعدين فكري قرري شنو احسن شي حبيتيه وعقب اخذي

 

[معلمة روضه]

هذي وين فيه؟؟؟

وكيف الوصول اليها؟؟؟

وعباره عن شنو هي؟؟؟

وسوقها يسوى فعلا؟؟؟


وشكرا لج اختي مروووو

حبيبتي

هذا تروحين لها في باص رقم 23 يوديج لها واهيا عقب ساحة ترافلجار وقولي حق السايق لما توصل كوفنت جاردن علمني
إذا نزلتي قولي وين appel market

 

[جنون العشق]

اشرايكم بالكويتيه حق لندن


طيرانهم تمام ولا لوووعه ؟؟؟؟

 

[الدلال]

شوفي الكويتيه وبكل صراحه طيرانهم حق كل مكان صار لووعه للاسف انها تنحدر لي هالمستوى

وانا كنت حاجزه على القطريه بس علشان حنة اليهال وابي دايركت وعلشان سالفة الوزن كنسلت وحجزت على الكويتيه وبروح لندن اخر الشهر

ومن الحين احاتي اكييد التلفزيونات خرباانه وعيالي راح يتمللوون وضيييق وحر مادري ليش

 

[pink Flamingo]

ينات اشلونكم
حبيتاسال اشلون ادا بنروح مصنع الكادبوري وجم سعر التذكره

 

[Um Saud]

ينات اشلونكم
حبيتاسال اشلون ادا بنروح مصنع الكادبوري وجم سعر التذكره

هذي اسعار دخول عالم الكادبوري من السايت نفسه
Adult : £13.45
Child : £10.10 (Children aged 4-15 inclusive)

Under 4's : Free
Family (2 Adults + 2 Children) : £41.20
Family (2 Adults + 3 Children) : £48.90


الكبار 13.45 باوند
الصغار 10.10 باوند
اقل من 4 سنوات مجانا
العائلي (2كبار +2 صغار) 41.20 باوند
العائلي (2كبار +3 صغار)48.90 باوند

 

[mr000]

حبيبتي فديت روحي ريجينت ستريت موبعيد وايد يعني أذا مشيتي لي هاوس أوف فريزر وجون لويس راح تشوفين بالسايد اللي قبالج أكسفورد سيركس أذا عبرتي الشارع ورحتيله هناك يبتدي ريجينت ستريت تمشين الشارع كله محلات على السايدين لما توصلين لي البيكاديللي! حبيبتي أختي كويتيه روحي نيو بوند ستريت غير أولد بوند ستريت هذا بعد فيه محلات ماركات! بالنسبه حق ماركة بينيفت بالمكياج آنا شخصيا الشغلات اللي شريتها ماصلحت حق بشرتي يعني كريم الأساس البودره المضغوطه طلع موشي وألحين قاطته ماأستعمله آنا أشوف شغلات غيرلان وميك أب فور أيفير وايد أحسن! وبنتي وصتني يبتلها من سيلفريدج مكياج جورجيو أرماني تقول مافيه منه بالكويت أو يمكن كريم الأساس مافيه منه هني!! بسيلفريدج عند الملابس عندهم تريننجات جوسي كوتور أذا عليهم سيل زين لأنه سعرهم الأصلي غالي!

 

[كويتية أصيله]

بنات أبي أسألكم حلاو bluebird إللي علي نكهة العرقسوس وين ألقاه في لندن؟؟